IND vs NZ 1st Test : 45ఏళ్ల రికార్డు బద్దలు కొట్టిన రిషబ్ పంత్.. న్యూజిలాండ్ గడ్డపై చరిత్ర సృష్టించిన భారత వికెట్ కీపర్
IND vs NZ 1st Test : టీమిండియా వికెట్ కీపర్, బ్యాటర్ రిషబ్ పంత్ న్యూజిలాండ్తో జరుగుతున్న తొలి టెస్టులో అద్భుత సెంచరీతో చెలరేగి పలు అరుదైన రికార్డులను తన ఖాతాలో వేసుకున్నాడు.
IND vs NZ 1st Test Rishabh pant
Rishabh Pant Records : ఇండియా వర్సెస్ న్యూజిలాండ్ జట్ల మధ్య రెండు టెస్టు మ్యాచ్ల సిరీస్లో భాగంగా తొలి టెస్టు మ్యాచ్ వెల్లింగ్టన్ వేదికగా జరుగుతున్న విషయం తెలిసిందే. తొలి టెస్టులో భాగంగా మూడోరోజు ఆటలో అదరగొట్టిన బ్యాటర్లు.. నాల్గో రోజు (ఆదివారం) కూడా బ్యాటు ఝుళిపిస్తున్నారు. ఈ క్రమంలో టీమిండియా వికెట్ కీపర్, బ్యాటర్ రిషబ్ పంత్ న్యూజిలాండ్ గడ్డపై సెంచరీ పూర్తి చేసుకోవడం ద్వారా పలు రికార్డును నమోదు చేశాడు. అంతేకాక 45ఏళ్ల రికార్డును కూడా బద్దలు కొట్టాడు.
Also Read : IND vs NZ 1st Test : అయ్యో గిల్.. ఇలా చేశావేంటి? మూడోరోజు ముగిసిన ఆట.. పట్టు బిగిస్తున్న టీమిండియా..
టీమిండియా వికెట్ కీపర్, బ్యాటర్ రిషబ్ పంత్ న్యూజిలాండ్తో జరుగుతున్న తొలి టెస్టులో అద్భుత సెంచరీతో చెలరేగి పలు అరుదైన రికార్డులను తన ఖాతాలో వేసుకున్నాడు. ఓవర్నైట్ స్కోర్ 486/4తో టీమ్ఇండియా నాలుగో రోజు ఆటను ప్రారంభించింది. రిషభ్ పంత్ (128; 153 బంతుల్లో-10 ఫోర్లు-6 సిక్స్లు) దూకుడుగా ఆడుతూ శతకం నమోదు చేశాడు. ఈ క్రమంలో సౌతాఫ్రికా, ఇంగ్లండ్, న్యూజిలాండ్, ఆస్ట్రేలియా (SENA) దేశాల్లో టెస్టు సెంచరీలు సాధించిన తొలి భారత వికెట్ కీపర్ బ్యాటర్గా చరిత్ర సృష్టించాడు.
తొలి టెస్టులో భాగంగా నాలుగో రోజు ఆటలో రిషబ్ పంత్ అద్భుత ఇన్నింగ్స్ ఆడాడు. దూకుడుగా బ్యాటింగ్ చేస్తూ కేవలం 135 బంతుల్లోనే సెంచరీ మార్కును అందుకున్నాడు. గ్లెన్ ఫిలిప్స్ బౌలింగ్లో భారీ సిక్సర్ బాది తన తొమ్మిదో టెస్టు శతకాన్ని పూర్తి చేసుకున్నాడు. న్యూజిలాండ్ గడ్డపై పంత్కు ఇదే తొలి టెస్టు సెంచరీ కావడం విశేషం. ఈ సెంచరీతో దక్షిణాఫ్రికా, ఇంగ్లండ్, న్యూజిలాండ్, ఆస్ట్రేలియా దేశాల్లో టెస్టు సెంచరీలు సాధించిన తొలి భారత వికెట్ కీపర్గా ఘనత సాధించాడు. అంతేకాదు, ఈ నాలుగు దేశాల్లో శతకాలు సాధించిన తొమ్మిదో ఆసియా బ్యాటర్గా కూడా రికార్డు సృష్టించాడు. ఈ జాబితాలో సచిన్ టెండూల్కర్, రాహుల్ ద్రవిడ్, విరాట్ కోహ్లీ, కేఎల్ రాహుల్ వంటి దిగ్గజాలు ఉన్నారు.
వికెట్ కీపర్గా టెస్టుల్లో అత్యధిక సెంచరీలు సాధించిన ఆటగాళ్ల జాబితాలోనూ పంత్ మూడో స్థానానికి చేరుకున్నాడు. ఇప్పటివరకు తొమ్మిది సెంచరీలు సాధించాడు. ఆస్ట్రేలియా దిగ్గజం ఆడమ్ గిల్క్రిస్ట్ 17 శతకాలతో మొదటి స్థానంలో ఉండగా.. జింబాబ్వే ఆటగాడు ఆండీ ఫ్లవర్ 12 సెంచరీలతో రెండో స్థానంలో ఉన్నాడు.
అంతేకాక.. న్యూజిలాండ్ గడ్డపై టెస్టు సెంచరీ సాధించిన తొలి భారత వికెట్ కీపర్ బ్యాటర్గా రిషబ్ మరో ఘనత సాధించాడు. 1981లో న్యూజిలాండ్తో జరిగిన టెస్టులో సయ్యద్ కిర్మాణీ చేసిన 78 పరుగులే ఇప్పటివరకు భారత వికెట్ కీపర్ అత్యధిక స్కోరుగా ఉండేది. ఇప్పుడు పంత్ ఆ రికార్డును అధిగమించాడు.
మరో రికార్డును కూడా పంత్ తన ఖాతాలో వేసుకున్నాడు. టెస్టు క్రికెట్లో ఇప్పటివరకు 108 సిక్సర్లు బాదాడు. దీంతో న్యూజిలాండ్ మాజీ కెప్టెన్ బ్రెండన్ మెకల్లమ్ (107 సిక్సర్లు)ను అధిగమించి రెండో స్థానానికి చేరుకున్నాడు. ఈ జాబితాలో ఇంగ్లండ్ కెప్టెన్ బెన్ స్టోక్స్ 138 సిక్సర్లతో అగ్రస్థానంలో కొనసాగుతున్నాడు.
🚨 THE MOMENTS RISHABH PANT CREATED HISTORY 🙇
– Rishabh Pant becomes the First Asian WK to score Test Hundreds in all SENA countries in History.💯 https://t.co/oiLfPIpqgA
— Tanuj (@ImTanujSingh) November 22, 2026
