MS Dhoni IPL Retirement : ఎంఎస్ ధోనీ బిగ్ డెసీషన్.. ఐపీఎల్కు గుడ్బై.. ఇక నుంచి కొత్త బాధ్యతలు..
MS Dhoni IPL Retirement : ఐపీఎల్ ప్రారంభమైన 2008 నుంచి ధోనీ చెన్నై సూపర్ కింగ్స్తో కొనసాగుతున్నాడు. అతడి నాయకత్వంలో సీఎస్కే ఏకంగా ఐదుసార్లు ఐపీఎల్ టైటిల్ను సొంతం చేసుకుంది.
MS Dhoni IPL Retirement
MS Dhoni IPL Retirement : కోట్లాది మంది అభిమానులు ‘తల’ అని పిలుచుకునే మహేంద్ర సింగ్ ధోనీ ఇండియన్ ప్రీమియర్ లీగ్ (ఐపీఎల్) ఆటగాడిగా తన ప్రయాణానికి ముగింపు పలికాడు. కొన్నాళ్లుగా ఫిట్నెస్ సమస్యతో ఇబ్బంది పడుతున్న ధోని.. ఐపీఎల్ టోర్నీకి రిటైర్మెంట్ ప్రకటించారు. అయితే, అభిమానులకు ఊరటకలిగించే అంశం ఏమిటంటే.. ఇకపై మైదానంలో ఆటగాడిగా కనిపించకపోయినా.. చెన్నై సూపర్ కింగ్స్తో తన అనుబంధాన్ని కొనసాగించనున్నాడు. ఐపీఎల్ 2027 సీజన్ నుంచి సీఎస్కే జట్టు మెంటార్గా బాధ్యతలు చేపట్టనున్నాడు. ఈ విషయాన్ని చెన్నై సూపర్ కింగ్స్ ఫ్రాంచైజీ అధికారికంగా ప్రకటించింది.
ఐపీఎల్ ప్రారంభమైన 2008 నుంచి ధోనీ చెన్నై సూపర్ కింగ్స్తో కొనసాగుతున్నాడు. అతడి నాయకత్వంలో సీఎస్కే ఏకంగా ఐదుసార్లు ఐపీఎల్ టైటిల్ను సొంతం చేసుకుంది. 2010, 2011, 2018, 2021, 2023 సీజన్లలో ఛాంపియన్గా నిలిచింది. రెండు ఛాంపియన్స్ లీగ్ టీ20 టైటిళ్లను కూడా సాధించింది. ధోనీ నాయకత్వంలో చెన్నై జట్టు ఎన్నో విజయాలను అందుకుంది. ఒత్తిడిలోనూ ప్రశాంతంగా నిర్ణయాలు తీసుకోవడం, యువ ఆటగాళ్లను ప్రోత్సహించడం అతడి ప్రత్యేకతగా నిలిచాయి. మొత్తంగా, ధోనీ ఐపీఎల్లో 278 మ్యాచ్లు ఆడి 5,439 పరుగులు చేశాడు. వికెట్కీపర్గా 158 క్యాచ్లు అందుకుని, 47 స్టంపింగ్స్ చేశాడు.
endrum thala 💛
#ForOurThala https://t.co/VRmPKS2yEe
— Chennai Super Kings (@ChennaiIPL) November 17, 2026
2024 సీజన్కు ముందు ధోనీ కెప్టెన్సీ బాధ్యతల నుంచి తప్పుకొని రుతురాజ్ గైక్వాడ్కు నాయకత్వ బాధ్యతలు అప్పగించాడు. అయినప్పటికీ ఆటగాడిగా జట్టులో కొనసాగాడు. ఇప్పుడు ఐపీఎల్కు ఆటగాడిగా వీడ్కోలు పలికి మెంటార్గా కొత్త ప్రయాణాన్ని ప్రారంభించనున్నాడు. అతడి అపార అనుభవం, వ్యూహరచన, ఆటపై అవగాహన యువ ఆటగాళ్లకు ఎంతగానో ఉపయోగపడనున్నాయి.
చెన్నై సూపర్ కింగ్స్ జట్టు యజమాని ఎన్. శ్రీనివాసన్ ధోనీతో తమకున్న అనుబంధాన్ని గుర్తుచేసుకున్నారు. దాదాపు రెండు దశాబ్దాలుగా విజయాలు, అపజయాల్లో కలిసి ప్రయాణించామని తెలిపారు. ధోనీ సీఎస్కే గుర్తింపులో ఎప్పటికీ భాగంగానే ఉంటాడని పేర్కొన్నారు.
OFFICIAL ANNOUNCEMENT 🦁💛
A once-in-a-lifetime player.
A new role. A bond that lasts forever 💛
Mahendra Singh Dhoni takes charge as the Team Mentor of Chennai Super Kings!
Through countless victories, challenging times, and memories that will stay in our hearts forever, MS has been at the heart of our journey from the very beginning.
From leading us to glory to guiding the next generation of Super Kings, Thala will always be a part of our identity. And Chennai will always be his home.
Read more : https://t.co/YKsoHYE51A
#WhistlePodu
— Chennai Super Kings (@ChennaiIPL) November 17, 2026
