father rapes daughter in tandur

లాక్ డౌన్ లో ఇంటికి వచ్చిన కూతురిపై తండ్రి అత్యాచారం

Share on facebook
Share on twitter
Share on telegram
Share on whatsapp

ఆడపిల్లకు రక్షణ కరువైంది. ఇంటి బయటే కాదు ఇంట్లోనూ రక్షణ లేదు. బయటి వారి నుంచే కాదు రక్త సంబంధం

ఆడపిల్లకు రక్షణ కరువైంది. ఇంటి బయటే కాదు ఇంట్లోనూ రక్షణ లేదు. బయటి వారి నుంచే కాదు రక్త సంబంధం ఉన్న వారి నుంచి కూడా ముప్పు ఏర్పడింది. కంటికి రెప్పలా చూసుకోవాల్సిన కన్నతండ్రే కామంతో కన్నకూతురినే కాటేశాడు. కూతురిపై అత్యాచారం చేశాడు. ఈ దారుణం ఆలస్యంగా వెలుగులోకి వచ్చింది. వికారాబాద్ జిల్లా తాండూరు మండలంలోని ఓ గ్రామానికి చెందిన బాలిక (13) తల్లి పదేళ్ల క్రితమే మృతి చెందింది. అనంతరం తండ్రి (37) మరో యువతిని వివాహం చేసుకున్నాడు. ఈ క్రమంలో కూతురును దోమ మండలంలోని ఓ ప్రార్థనా పాఠశాలలో ఉంచి చదివిస్తున్నాడు. కాగా, మార్చిలో లాక్‌డౌన్‌ కారణంగా కూతురు ఇంటికి చేరుకుంది. కామాంధుడిగా మారిన తండ్రి కన్ను కూతురిపై పడింది. 

ఇంట్లో ఎవరూ లేని సమయంలో:
రంజాన్‌ రోజునే ఇంట్లో ఎవరూ లేని సమయంలో కూతురిపై అత్యాచారానికి పాల్పడ్డాడు తండ్రి. విషయాన్ని ఎవరితోనైనా చెబితే చంపేస్తానని బెదిరించాడు. దీంతో భయపడిన అమ్మాయి సవతి తల్లితోపాటు ఎవరితోనూ చెప్పులేదు. తనలో తానే కుమిలిపోయింది. రెండు రోజుల క్రితం కూతురిని హైదరాబాద్‌లోని పెద్దమ్మ ఇంటికి పంపించాడు తండ్రి. దీంతో తండ్రి చేసిన అఘాయిత్యాన్ని పెద్దమ్మకు వివరించింది. ఆమె వెంటనే గ్రామానికి చేరుకుని విషయాన్ని బాలిక నానమ్మకు వివరించింది. జరిగిన ఉదంతంపై తండ్రిని నిలదీశారు. ఆ తర్వాత పోలీస్ స్టేషన్ కు వెళ్లి ఫిర్యాదు చేశారు. కేసు నమోదు చేసిన పోలీసులు నిందితుడిని అదుపులోకి తీసుకున్నారు. బాలికను వైద్య పరీక్షల నిమిత్తం జిల్లా ఆస్పత్రికి తరలించారు. కంటికి రెప్పలా కాపాడాల్సిన కన్నతండ్రే ఇలాంటి నీచానికి ఒడిగట్టడంపై స్థానికులు మండిపడుతున్నారు. ఆ నీచుడిని కఠినంగా శిక్షించాలని డిమాండ్ చేశారు.

అర్థరాత్రి తర్వాత వచ్చి బాలికను ఎత్తుకెళ్లి:
హైదరాబాద్ లో మరో దారుణం జరిగింది. అర్థరాత్రి రాత్రి తర్వాత వచ్చి పదేళ్ల బాలికను ఎత్తుకెళ్లి ఓ నీచుడు అత్యాచారం చేశాడు. తల్లిదండ్రులు పనికి వెళ్లగా అమ్మమ్మ దగ్గర ఉన్న బాలిక (10)ను ఓ కామాంధుడు కాటేశాడు. శేరిలింగంపల్లి పాపిరెడ్డి కాలనీ వాంబే నివాస సముదాయాల్లో ఓ పేద కుటుంబం ఉంటోంది. ఆ దంపతులకు ఇద్దరు కూతుళ్లు. కరోనా కారణంగా పని లేకపోవడంతో భార్యాభర్తలు తమ పెద్ద కూతురిని తీసుకొని పటాన్‌చెరులోని ఓ పరిశ్రమలో పనిచేయడానికి వెళ్లారు. చిన్న కూతురు, ఆమె అమ్మమ్మను ఇంటి దగ్గర ఉంచారు. వేసవి కావడంతో ఉక్కపోస్తుందని గురువారం(మే 28,2020) రాత్రి చిన్నారి, వృద్ధురాలు బయట పడుకున్నారు. ఇదే ప్రాంతానికి చెందిన నిందితుడు (27) అర్ధరాత్రి తర్వాత వచ్చి ఆ చిన్నారి నోరు మూసేసి గదిలోకి తీసుకెళ్లి అత్యాచారం చేశాడు. అలికిడికి పక్కింటిలో ఉంటున్న బాలిక బంధువు బయటకి వచ్చి ఇక్కడేం చేస్తున్నావని ప్రశ్నించడంతో అక్కడ నుంచి పరారయ్యాడు. గదిలోకి వెళ్లి చూడగా అపస్మారక స్థితిలో బాలిక కనిపించింది. వెంటనే పాపను ఆసుపత్రికి తరలించారు. కేసు నమోదు చేసుకున్న పోలీసులు నిందితుడి కోసం గాలిస్తున్నారు.

Read: శ్రామిక్ ప్రత్యేక రైలు టాయిలెట్ లో మృతదేహం

Related Posts

Trending

Latest News