Family members make sensational comments on the murder of Khammam district assistant labor commissioner Anandreddy

అసిస్టెంట్ లేబర్ కమిషనర్ హత్యలో సీఐ ప్రశాంతరెడ్డి హస్తం!!

Share on facebook
Share on twitter
Share on telegram
Share on whatsapp

ఖమ్మం జిల్లా అసిస్టింట్ లేబర్ కమిషనర్  ఆనందరెడ్డి హత్య విషయంలో కుటుంబ సభ్యులు సంచలన వ్యాఖ్యలు చేశారు.ఆనంద్ రెడ్డిని పక్కా ప్లాన్ ప్రకారమే చంపేశారని 10టీవీతో మాట్లాడుతూ ఆరోపించారు. ఈ హత్యలో సీఐ ప్రశాంత్ రెడ్డి ప్రమేయం కూడా ఉందని..సీఐ సోదరుడు ప్రదీప్ రెడ్డి ఆనంద రెడ్డిని నమ్మించి హత్య చేశాడని ఈ హత్యకు సీఐ ప్రశాంత్ రెడ్డి ప్రమేయం కూడా ఉందని వారిని కఠినంగా శిక్షించాలని ఆనందరెడ్డి కుటుంబ సభ్యులు డిమాండ్ చేశారు. 

ఆనందరెడ్డికి..ప్రదీప్ రెడ్డికి మధ్య ఇసుక క్వారీల విషయంలో లావాదేవీలున్నాయనీ..ఈ విషయాలన్నీ పోలీసులకు తెలుసనీ..కానీ పక్షపాతం వదిలేసి ఆనందరెడ్డి హత్య విషయంలో పోలీసులు పారదర్శకంగా విచారణ జరిపించి మాకు న్యాయం చేయాలని నిందితులను కఠినంగా శిక్షించాలని డిమాండ్ చేశారు.   

వివరాల్లోకి వెళితే..ఖమ్మం జిల్లా అసిస్టింట్ లేబర్ కమిషనర్ ఆనంద రెడ్డి హత్యకు గురయ్యారు. అతని ప్రత్యర్ధులు భూపాలపల్లి జిల్లా రాంపూర్ అడువుల్లోకి తీసుకెళ్లి ఆనందరెడ్డిని హత్య చేసినట్లుగా తెలుస్తోంది.  ఆనందరెడ్డికి మద్యం తాగించి దారుణంగా చంపేసినట్లుగా తెలుస్తోంది. ఈ హత్య జరిగిన నాలుగు రోజుల తర్వాత వెలుగులోకి వచ్చిన విషయాలు స్థానికంగా కలకలం రేపాయి. భూపాలపల్లి అడవుల్లో పోలీసులు మృతదేహం గుర్తించారు. ఆర్థిక లావాదేవీలే హత్యకు కారణమని చెబుతున్నారు. జనగాం జిల్లా ఓటులకేశిపూర్ కు చెందిన మధుసూదన్ రెడ్డి, పద్మ దంపతులకు పెద్ద కుమారుడు ఆనంద్ రెడ్డి జనగామ, వరంగల్ లో అసిస్టెంట్ లేబర్ కమిషనర్‌గా పనిచేశారు.  ప్రస్తుతం ఖమ్మంలో ఇంచార్జ్ అసిస్టెంట్ లేబర్ కమిషనర్‌గా పని చేస్తున్నారు. తరచుగా హన్మకొండకు వెళ్లే ఆయన అక్కడే ఉంటున్నారు. (ఖమ్మం అసిస్టెంట్ లేబర్ కమిషనర్ దారుణ హత్య…అప్పు తిరిగి ఇవ్వమన్నందుకు స్నేహితుడే చంపేశాడు)

ఆనందర్ రెడ్డి.. వరంగల్ అర్బన్ జిల్లా కమలాపూర్ మండలం శనిగర గ్రామానికి చెందిన ప్రదీప్ రెడ్డి స్నేహితులు. వ్యాపారంలో ఇద్దరూ పార్టనర్స్. ఇద్దరూ ఇసుక వ్యాపారంలో 80 లక్షల నుంచి 90 లక్షల రూపాయల పెట్టుబడి పెట్టారు. ఈ డబ్బుల విషయంలో ఇద్దరి మధ్య వివాదం వచ్చింది. వ్యాపార లావాదేవీల్లో ఆనందరెడ్డి తన వాట కంటే అధికంగా.. ప్రదీప్ రెడ్డికి డబ్బులు ఇచ్చినట్లుగా తెలుస్తోంది. అదనపు డబ్బులు ఇస్తానంటూ ప్రదీప్ రెడ్డి పలుమార్లు వాయిదా వేస్తూ వస్తున్నాడు.

మార్చి 7న హన్మకొండలోని ఓ హోటల్ లో కొంతమంది సమక్షంలో డబ్బుల విషయంపై ఇద్దరూ మాట్లాడుకున్నారు. కొంత భూమి, మిగతా డబ్బులు భూపాలపల్లిలో ఇస్తానని ప్రదీప్ రెడ్డి నమ్మంచాడు. అదే రోజు ఉదయం 9 గంటలకు ప్రదీప్ రెడ్డి, ఆనంద్ రెడ్డి, మిగతా కొందరు కారులో భూపాలపల్లికి వెళ్లారు. అక్కడ పార్టీ చేసుకున్న తరువాత భూమి, డబ్బుల విషయం మాట్లాడుకుందామని ప్రదీప్ రెడ్డి..ఆనంద్ రెడ్డిని రాంపూర్ లోని అటవీ ప్రాంతానికి తీసుకెళ్లాడు. 

ఆ రోజు మధ్యాహ్నం నుంచి ఆనంద్ రెడ్డి సెల్ ఫోన్ స్విచ్చాఫ్ వస్తోంది. దీంతో మార్చి 8న ఆనందర్ రెడ్డి తమ్ముడు శివకుమార్ రెడ్డి హన్మకొండ పోలీస్ స్టేషన్ లో ఫిర్యాదు చేశారు. కేసు నమోదు చేసుకున్న పోలీసులు నాలుగు బృందాలుగా ఏర్పడి గాలింపు చర్యలు ముమ్మరం చేశారు. ఆనంద్ రెడ్డి సెల్ ఫోన్ సిగ్నల్ ఆధారాంగా మార్చి 9న అటవీప్రాంతంలో గాలించినా ఫలితం లేకుండా పోయింది. దీంతో అనుమానితులపై దృష్టి పెట్టి విచారణ చేపట్టి..అనుమానితులను అరెస్ట్ చేశారు. 

నిన్న రాత్రి 8 గంటల సమయంలో హన్మకొండ ఏసీపీ జితేందర్ రెడ్డి..ఇతర సిబ్బంది నిందితులను ఘటనాస్థలానికి తీసుకెళ్లారు. సుమారు గంటలపాటు వెతికారు. ఓ ప్రాంతంలో దుర్వాసన రావడంతో మృతదేహాన్ని గుర్తించారు. అయితే రాత్రి కావడంతో లేబర్ అధికారి ఆనంద్ రెడ్డి మృతదేహాన్ని తీసుకరాలేకపోయారు. ఉదయం మరోసారి నిందితులను ఘటనాస్థలానికి తీసుకెళ్లారు. ఆనంద్ రెడ్డిని హత్యచేసిన తరువాత సమీపంలోని పొదల్లో మారణాయుధాలు విసిరివేసినట్లు నిందితులు తెలపడంతో పోలీసులు వాటిని స్వాధీనం చేసుకునేందుకు ముమ్మరంగా గాలిస్తున్నారు. 

See Also | స్థానిక సంస్థల్లో క్లీన్ స్వీప్ చేయాల్సిందే.. తేడా వస్తే టికెట్ ఉండదు!