తెలంగాణలో నేడు వడగాల్పులు..కొన్ని చోట్ల వర్షాలు 

Submitted on 21 May 2019
Heatwave, Rains in Telangana Today

హైదరాబాద్ : రాష్ట్రంలో ఎండలు మండిపోతున్నాయి. పెరుగుతున్న ఉష్ణోగ్రతలతో ప్రజలు తీవ్ర ఇబ్బందులు ఎదుర్కొంటున్నారు. రాష్ట్ర వ్యాప్తంగా సోమవారం 21 ప్రాంతాల్లో 45 నుంచి 45.8 డిగ్రీల  మధ్య ఉష్ణోగ్రతలు నమోదైనట్లు తెలిసింది. నిజామాబాద్ జిల్లా మోర్తాడ్ లో 45.8, జగిత్యాల జిల్లా కోరుట్లలో 45.7,  రామగుండం, ఆదిలాబాద్ లలో 45 డిగ్రీల ఉష్ణోగ్రతలు నమోదయ్యాయి. పశ్చిమ బెంగాల్‌ నుంచి దక్షిణ అంతర కర్ణాటక వరకు దక్షిణ ఛత్తీస్‌గఢ్, తెలంగాణ మీదుగా 0.9 కిలోమీటర్‌ ఎత్తు వద్ద ఉపరితల ద్రోణి ఏర్పడిందని హైదరాబాద్‌ వాతావరణ కేంద్రం సీనియర్‌ అధికారి రాజారావు తెలిపారు. దక్షిణ అంతర కర్ణాటక, దాన్ని ఆనుకొని ఉన్న రాయలసీమలో 1.5 కిలోమీటర్ల ఎత్తు వరకు ఉపరితల ఆవర్తనం కొనసాగుతోంది. అలాగే ఉత్తర అంతర కర్ణాటక, దాని పరిసర ప్రాంతాల్లో 0.9 కిలోమీటర్‌ ఎత్తు వద్ద ఉపరితల ఆవర్తనం ఏర్పడింది.

వీటి ఫలితంగా తెలంగాణలో మంగళవారం అక్కడక్కడా తేలికపాటి నుంచి ఓ మోస్తరు వర్షాలు కురిసే అవకాశం ఉందని రాజారావు  చెప్పారు. అలాగే మరికొన్ని ప్రాంతాల్లో వడగాల్పులు వీచే అవకాశం ఉందని. ప్రజలు అప్రమత్తంగా ఉండాలని హెచ్చరించారు.  బుధవారం ఉరుములు, మెరుపులతో గంటకు 30–40 కి.మీ. వేగంతో ఈదురు గాలులు వీచి, అక్కడక్కడా తేలికపాటి నుంచి ఓ మోస్తరు వర్షాలు కురిసే అవకాశం ఉందని ఆయన తెలిపారు.

Summer
Weather
heat waves
Rains
Depression
Telangana
 

వాతావరణ వార్తలుమరిన్ని..