vishaka

07:43 - September 21, 2018

విశాఖ : పశ్చిమ మధ్య బంగాళాఖాతంలో తీవ్ర వాయుగుండం తుఫానుగా మారింది. తుఫానుకు దాయి అని పేరు పెట్టారు. తుఫాను ప్రభావంతో ఉత్తరాంధ్రలో పలు చోట్ల కురిసే అవకాశం ఉన్నట్లు వాతావరణ శాఖ హెచ్చరించింది.  కళింగపట్నం-గోపాలపూర్ మధ్య తుఫాను తీరం దాటే అవకాశం ఉందంటూ....ఉత్తర కోస్తా, దక్షిణ ఒడిశాలకు వాతావరణ శాఖ హెచ్చరికలు జారీ చేసింది. 

తీరం వెంబడి గంటకు 50 నుంచి 70 కిలోమీటర్ల వేగంతో బలమైన ఈదురుగాలులు వీస్తాయని...మత్స్యకారులు వేటకు వెళ్లవద్దని వాతావరణ శాఖ తెలిపింది. అన్ని ఓడరేవులకు ఒకటో నెంబర్ ప్రమాద హెచ్చరికను జారీ చేసింది. తుఫాను ప్రభావంతో విశాఖ జిల్లాలో రాత్రి నుంచి ఎడతెరపి లేకుండా వర్షాలు కురుస్తున్నాయి. అనకాపల్లిలో 13.2, కశింకోటలో 10.2 మిల్లీమీటర్ల వర్షపాతం నమోదైంది. పాడేరు, చోడవరం, ముంచంగిపుట్ట, చింతపల్లి, జి మాడుగుల, అనంతగిరి, అరకులోయ, డుంబ్రిగూడ ప్రాంతాల్లో మోస్తరు వర్షం కురిసింది.
 
అటు విజయనగరంలో భారీ వర్షం కురిసింది. ఎస్ కోట, పార్వతిపురం, సాలూరు, గజపతి నగరం, బొండపల్లి, చీపురుపల్లితో పాటు ఏజెన్సీ ప్రాంతాల్లో వర్షం కుమ్మేసింది. అటు శ్రీకాకుళం జిల్లాలోనూ ప్రాంతాల్లోనూ భారీ వర్షం కురిసింది.ఇచ్చాపురం, కొవ్వాడ, కవిటి, పలాస, మందస, ఉద్దానం, సోంపేట, సీతంపేట ప్రాంతాల్లో ఈదురుగాలులు బీభత్సం సృష్టించాయి.

19:34 - September 12, 2018

విశాఖ : రైల్వే డీఆర్ ఎం మీటింగ్ ను ఉత్తరాంధ్ర ఎంపీలు బాయ్ కాట్ చేశారు. విశాఖ రైల్వే జోన్ ఏర్పాటుపై కేంద్ర అనుసరిస్తున్నవైఖరికి నిరసనగా సమావేశాన్నిఉత్తరాంధ్ర ఎంపీలు బహిష్కరించారు. విశాఖ రైల్వే జోన్ ఏర్పాటు చేయాలని ఎంపీలు డిమాండ్ చేశారు. దీంతో చత్తీస్ గఢ్, ఒడిషా ఎంపీలతో డీఆర్ ఎం సమావేశం అయ్యారు. 

 

16:38 - July 13, 2018

విశాఖపట్టణం : ప్రత్యామ్నాయ రాజకీయాలకు కలిసొచ్చే అన్ని పార్టీలతో ఒక వేదిక ఏర్పాటు చేస్తామన్నారు ఏపీ సీపీఎం రాష్ట్ర కార్యదర్శి మధు, సీపీఐ రాష్ట్ర కార్యదర్శి రామకృష్ణ. విశాఖ ఆంధ్రా యూనివర్సిటీలో జరిగిన రాజకీయ ప్రత్యామ్నాయ కార్మిక గర్జనలో మధు, రామకృష్ణలు పాల్గొన్నారు. కేంద్ర, రాష్ట్ర ప్రభుత్వాలు కార్మికుల హక్కులను కాలరాస్తున్నాయని మధు విమర్శించారు. ప్రభుత్వం సెప్టెంబర్ 15లోగా కనీస వేతనాల బోర్డును ఏర్పాటు చేయాలని.. చేయకపోతే ఆందోళనకు దిగుతామని మధు హెచ్చరించారు. రేపు వామపక్షాలు ఆధ్వర్యంలో రాజమండ్రిలో దళిత సదస్సు.. 15న విజయవాడ సమస్యలపై సదస్సు ఉంటుందన్నారు సీపీఐ కార్యదర్శి రామకృష్ణ. ఎన్నికల్లో ఇచ్చిన హామీలను టీడీపీ, బీజేపీలు విస్మరించాయన్నారు. వామపక్షాలు మినహా ఇతర అన్ని పక్షాలు కార్పొరేట్ పక్షాలనే ఆయన ఆరోపించారు. 

18:41 - July 2, 2018
18:15 - June 17, 2018

విశాఖ : కొమ్మాదిలో అన్యాక్రాంతమైన కోట్ల విలువైన భూములను పరిరక్షించాలని... ఆక్రమణలపై సీబీఐతో విచారణ జరిపించాలని సీపీఐ జాతీయ కార్యదర్శి నారాయణ డిమాండ్‌ చేశారు. ప్రభుత్వ భూమిలో ఆక్రమణదారులు నిర్మించిన ప్రహారీ గోడను నారాయణ పగలగొట్టారు. గతంలో ఇదే భూమిలో ప్రహారీ నిర్మిస్తే.. కాలుతో గోడను తన్ని నారాయణ గాయాలపాలయ్యారు. ఆక్రమించిన శ్రీనివాసరెడ్డిపై ప్రభుత్వం ఎందుకు చర్యలు తీసుకోవడం లేదని ప్రశ్నించారు నారాయణ. 

15:53 - June 17, 2018

విశాఖపట్నం : నైతికతో కూడిన విద్యను అందించినప్పుడే నవ సమాజాం ఉద్భవిస్తుందన్నారు సీబీఐ మాజీ జేడీ లక్ష్మీనారాయణ. విశాఖలో ఓ ప్రైవేట్ పాఠశాలలో.. పూర్వ విద్యార్ధుల సహకారంతో నిర్మించిన బ్లాక్‌ను ప్రారంభించిన జేడీ.. విద్యా కుసుమాలన్నీ ఒకేతాటిపైకి వచ్చి ఇలాంటి కార్యక్రమాలు చేపట్టడం సంతోషంగా ఉందన్నారు. ఈ సందర్భంగా.. విశాఖ జిల్లా తుమ్మపాల షుగర్‌ ఫ్యాక్టరీ సమస్యలపై స్పందించిన జేడీ... ప్రభుత్వం 30 కోట్ల రూపాయలు కేటాయిస్తే రైతుల సమస్యలకు పరిష్కారం దొరుకుతుందన్నారు. 

15:52 - June 17, 2018

విశాఖపట్నం : జిల్లాలో మంత్రి గంటా శ్రీనివాసరావుకు అంగన్‌ వాడీ వర్కర్స్‌ యూనియన్‌ నేతలు వినతి పత్రం అందించారు. ఇటీవల రాష్ట్ర ప్రభుత్వం ప్రభుత్వ పాఠశాలలో మధ్యాహ్న భోజన పథకాన్ని ప్రారంభించడానికి రంగం సిద్ధం చేసింది. అయితే పథకాన్ని స్వచ్చంద సంస్థలకు అప్పగించడాన్ని వ్యతిరేకిస్తూ.. స్వచ్చంద సంస్థల ముసుగులో ఆర్‌ఎస్‌ఎస్‌ సంస్థలకు ఇచ్చే ప్రయత్నం చేయవద్దని వినతిపత్రం అందించారు. ఈ కార్యక్రమంలో సీఐటీయూ రాష్ట్ర అధ్యక్షుడు నర్సింగరావు పాల్గొన్నారు. మంత్రి స్వచ్చంద సంస్థలకు మధ్యాహ్న భోజన పథకాన్ని అప్పగించినా ఉపాధి హామీ పోదని హామీ ఇచ్చారు.

06:41 - June 16, 2018

విశాఖపట్టణం : సాధారణంగా జూన్‌ 14 వచ్చిందంటే మత్స్యకారులకు ఓ పెద్ద పండుగ వచ్చినట్టే. ఎందుకంటే ఏప్రిల్‌ 14 నుంచి జూన్‌ 15వ తేదీ వరకు 61 రోజులపాటు వేట నిషేధ కాలంగా ప్రభుత్వం ప్రకటిస్తుంది. వేట విరామం తర్వాత మత్స్యకారులు గంగమ్మ పండుగ చేసుకుని మళ్లీ మత్స్యవేటను ఘనంగా ప్రారంభించారు. కానీ ఈ ఏడాది కథ అడ్డం తిరిగింది. ఇప్పటి వరకు ప్రభుత్వం వేట విరామం ప్రకటిస్తే... ఇప్పుడు మత్స్యకారులే వేట నిలిపివేశారు. దీంతో మత్స్యకారుల వేట ఆగిపోయింది. తూర్పుతీరంలో అర్ధరాత్రి నుంచి చేపలు, రొయ్యలవేట ఆగిపోయింది. పెరుగుతోన్న ఇంధన ధరలతో వేట కష్టమని, ప్రభుత్వ పరంగా చేయూత అందితేకానీ సాగరంలోకి వెళ్లేదిలేదని బోటు ఆపరేటర్లు , మత్స్యకారులు భీష్మించుకు కూర్చున్నారు. ఇంధన రాయితీ పెంచాల్సిన అంశాన్ని ఇప్పటికే ప్రభుత్వం దృష్టికి తీసుకెళ్లిన బోటు ఆపరేటర్లు తదుపరి ఆందోళనలో భాగంగా అర్ధరాత్రి నుంచి మొదలు కావాల్సిన చేపలు, రొయ్యల వేటను తాత్కాలికంగా నిలిపివేశారు. సమస్యల పరిష్కారం కోసం విశాఖ చేపలరేవులో ఉన్న ఏపీ మరపడవల ఆపరేటర్ల సంఘం, విశాఖ కోస్టల్‌ మరపడవల ఆపరేటర్ల సంఘం, డాల్ఫిన్‌ బోటు ఆపరేటర్ల సంఘాలతోపాటు రాష్ట్ర వ్యాప్తంగా పది తీరాల్లో ఉన్న బోటు ఆపరేటర్ల సంఘాలన్నీ ఏకమయ్యాయి. ఇంధన రాయితీతోపాటు స్థానిక ఇబ్బందులను కూడా కొలిక్కి తెచ్చిన తర్వాతే తూర్పుతీరంలో చేపలవేటను ప్రారంభించాలని నిర్ణయించారు.

ఒక్కో మరపడవకు లీటరు డీజిల్‌కు 6 రూపాయల చొప్పున నెలకు 3వేల లీటర్ల మేర రాయితీ ఇస్తున్నారు. ఇలా నెలకు ఒక్కో బోటుకు 18వేల వరకు వెసులుబాటును ప్రభుత్వం ఇస్తోంది. చిన్న బోట్లకు నెలకు 300 లీటర్ల వరకు రాయితీ లభిస్తోంది. గతేడాది వరకు కొన్ని బోట్లకే ఇది వర్తించగా.. ఈ సీజన్‌ నుంచి అన్నింటికీ ఇస్తామంటూ ప్రభుత్వం ఉత్తర్వులు ఇచ్చింది. తాజా ఉత్తర్వుల ప్రకారం ఇంధన రాయితీకింద విశాఖ చేపలరేవులో ఉన్న బోట్లకు ఏడాదికి 17.50 కోట్ల వరకు ఖర్చవుతుందని అంచనావేసి ప్రభుత్వం బడ్జెట్‌లో కేటాయింపులు జరిపింది. అయితే కేంద్ర , రాష్ట్ర ప్రభుత్వాలు 2008 నుంచి డీజిల్‌పై లీటరుకు 9 రూపాయల చొప్పున రాయితీ ఇచ్చేవి. అయితే అయిదేళ్ల క్రితం నుంచి ఈ రాయితీ కూడా నిలిచిపోయింది. రాష్ట్ర ప్రభుత్వం లీటరుకు 6 రూపాయలు మాత్రమే రాయితీ ఇస్తూ వస్తోంది. విశాఖ హార్బర్‌లో 750 బోట్లు ఉంటే.. అందులో 320 బోట్లకు మాత్రమే ఈ రాయితీ వర్తిస్తుంది. అన్ని బోట్లకు, ఇంజన్‌తో నడిచే తెప్పలకు కూడా రాయితీ ఇవ్వాలని కొంతకాలంగా గంగపుత్రులు డిమాండ్‌ చేస్తూ వస్తున్నారు. దీనికి ప్రభుత్వం కూడా అంగీకరించి ఈ ఏడాది నుంచి వర్తింపచేస్తూ ఉత్తర్వులు జారీ చేసింది. ఈలోపు డీజిల్‌ ధర అమాంతం పెరిగింది. దీంతో కథ మళ్లీ మొదటికి వచ్చింది. ప్రభుత్వం ఇచ్చే రాయితీ ఏమూలకూ సరిపోవడం లేదు. డీజిల్‌ ధర లీటరుకు 76 రూపాయలకుపైబడి ఉంది. అంటే లీటర్‌కు 70 రూపాయలు చెల్లించాల్సి రావడంతో.. తమకు ఏమీ మిగలడంలేదని బోటు ఆపరేటర్లు గగ్గోలు పెడుతున్నారు. దీంతో డీజిల్‌ రాయితీ లీటరుకు 13 రూపాయలకు పెంచాలని బోటు ఆపరేటర్లు కోరుతున్నారు. దీనిపై రాష్ట్ర ప్రభుత్వం స్పష్టత ఇచ్చే వరకు వేటకు వెళ్లరాదని నిర్ణయించారు.

ప్రతీ ఏడాది జూన్‌ 14వ తేదీ అర్ధరాత్రి నుంచి కొత్త సీజన్‌ మొదలవుతుంది. దీనికి రెండు రోజులు ముందుగా గంగాదేవి పండగను చేపలరేవులో సంప్రదాయబద్ధంగా నిర్వహిస్తారు. అనంతరం వేటకు సమాయత్తమవుతారు. తాజా పరిణామాల నేపథ్యంలో ఈ నెల 14 న నిర్వహించాల్సిన గంగాదేవి ఉత్సవాన్ని సైతం మత్స్యకారులు మానేసారు. పెరుగుతున్న ఇంధనం రేట్లు, భరించలేకుండా ఉండడంతో ఈ నిర్ణయం తీసుకున్నట్టు చెప్తున్నారు.

చేపల వేటపై నిషేధం ఉండడంతో వేట సాగక.. ఇటు పూటగడవక కొన్ని మత్స్యకార కుటుంబాలు పస్తులుంటున్నాయి. ప్రభుత్వం వేసవిలో 61 రోజులపాటు వేట నిషేధించి... ఆ సమయంలో మత్స్యకార కుటుంబాలకు 4వేల చొప్పున అందిస్తుంది. ఇప్పటి వరకు ఆ భృతి కూడా అందలేదు. ఇప్పుడు వేట మొదలు కాలేదు. దీంతో తీర ప్రాంతంలోని మత్స్యకార కుటుంబాలు అప్పుచేసి జీవనం సాగిస్తున్నారు. ప్రభుత్వం త్వరగా తమ సమస్యను పరిష్కరించాలని కోరుతున్నారు.

06:34 - June 11, 2018

విశాఖపట్టణం : రాజ్యాధికారం కోసం బహుజనులంతా ఏకం కావాలని సీపీఎం తెలంగాణ రాష్ట్ర కార్యదర్శి, బీఎల్‌ఎఫ్‌ కన్వీనర్‌ తమ్మినేని వీరభద్రం పిలుపునిచ్చారు. ఐక్యతతోనే బహుజనులకు రాజ్యాధికారం దక్కుతుందన్న విషయాన్ని విస్తృతంగా ప్రజల్లోకి తీసుకెళ్లాలని కోరారు. రాజ్యాధికారం ఎప్పుడూ ఏదో ఒక అగ్రకులానికే పరిమితం కారాదని విశాఖలో జరిగిన దళిత, ఆదివాసీ సమతా జాతర జాతీయ సదస్సులో చెప్పారు. విశాఖలో రెండో రోజు దళిత, ఆదివాసీల సమతా జాతర జాతీయ సదస్సు ఘనంగా జరిగింది. సీపీఎం తెలంగాణ రాష్ట్ర కార్యదర్శి తమ్మినేని వీరభద్రంతోపాటు సామాజికవేత్త, రామన్‌ మెగసేసే అవార్డు గ్రహీత బెజవాడ విల్సన్‌, సామాజిక చిత్రాల దర్శకుడు, సినీనటుడు ఆర్‌.నారాయణమూర్తి, ప్రజాగాయకుడు వంగపండు ప్రసాదరావు తదితరులు హాజరయ్యారు.

దేశంలో దళితులు, ఆదివాసీలు ఎదుర్కొంటున్న సమస్యలపై ప్రధానంగా చర్చించారు. రాజ్యాధికారంతోనే దళితులు, ఆదివాసీలు, ఇతర బహుజనుల సమస్యలు పరిష్కారం అవుతాయని ఈ సందర్భంగా తమ్మినేని వీరభద్రం చెప్పారు. ఇందుకోసం దళిత-ఆదివాసీ వర్గాలు ఐక్యం కావాలని తమ్మినేని పిలుపునిచ్చారు. దేశవ్యాప్తంగా దళితులపై జరుగుతున్న దాడుల వెనుక పాలకులు, అధికార పార్టీ నేతల హస్తం ఉందని సామాజికవేత్త, రామన్‌ మెగసెసే అవార్డు గ్రహీత బెజవాడ విల్సన్‌ మండిపడ్డారు.

సరళీకృత ఆర్థిక విధానాల అమలు తర్వాత దేశంలో పేదల బతుకులు ఛిద్రమైపోతున్నాయని సామాజిక చిత్రాల దర్శకుడు, నటుడు ఆర్‌.నారాయణమూర్తి ఆందోళన వ్యక్తం చేశారు. భాష, సంస్కృతిపై పాశ్యాత్య దేశాల దాడి పెరిగిందని ఆవేదన వెలిబుచ్చారు. సదస్సుకు హాజరైన ప్రజాగాయకుడు వంగపండు ప్రసాదరావు సామాజిక సమస్యలపై పాడిన పాటలు అందర్నీ ఆకట్టుకొన్నాయి. సదస్సుకు భారీగా దళితులు, ఆదివాసీలు తరలివచ్చారు. ప్రజలను కులాలు, మతాలవారీగా విభజించి పాలిస్తున్న పాలకుల చర్యలను తిప్పికొట్టేందుకు బహుజనులంతా సమాయత్తం కావాలని సదస్సులో తీర్మానించారు. 

16:15 - June 10, 2018

విశాఖ : భాష మీద ప్రపంచీకరణ దాడి చేస్తోందని హీరో నారాయణ మూర్తి అన్నారు. ప్రపంచీకరణతో భారతదేశం చిన్నాభిన్నమైందన్నారు. విశాఖలో నిర్వహించిన దళిత ఆదివాసీ సమతా జాతరలో ఆయన పాల్గొని, మాట్లాడారు. 200సంవత్సరం ముందు నుంచే భాషపై దాడి జరుగుతుందన్నారు. దేశంలో 1100లకు పైగా భాషలున్నాయని..కానీ ఇప్పుడు 850 భాషలకు వచ్చిందన్నారు. మన కల్చర్ నిర్వీర్యం అవుతుందన్నారు. పాశ్చాత్య కల్చర్ మనదేశాన్ని చుట్టేసిందని తెలిపారు. అమ్మ, తల్లి అనడం పోయాయని... మధర్, మమ్మీ రాజ్యమేలుతున్నాయన్నారు. 'ప్రపంచ కార్మికులారా ఏకంకండి..పోరాడితే పోయేదేమీ లేదు..బానిస సంకెళ్లు తప్ప'...అని కారల్ మార్క్స్.. చెప్పినట్లు భారతదేశంలోని పీడిత, తాడితులు, దళితులు, కార్మికులు ఏకం కావాలని పిలుపునిచ్చారు.  

 

Pages

Don't Miss

Subscribe to RSS - vishaka