Uttar Pradesh

21:16 - September 15, 2018

లక్నో:  ఉత్తరప్రదేశ్‌లోని మావ్ జిల్లాలో ఓ కిడ్నాప్ ఘటన కలకలం రేపింది. చిరాయాకోట్ పట్టణంలో మూడేళ్ల బాబు గత మూడు రోజులుగా కన్పించడం లేదు. పోలీసులు రంగంలోకి దిగి ఎంక్వైరీ చేయగా, ఓ మహిళ తన బాబు హార్ట్ సర్జరీ కోసం ఈ కిడ్నాప్ చేసినట్లు తెలిసింది. సదరు మహిళ పిల్లవాడు దీర్ఘకాలంగా గుండెజబ్బుతో బాధపడుతుండగా..డాక్టర్లు సర్జరీ చేయాలని చెప్పారు. దీంతో తన కుమారుడి సర్జరీ ఖర్చు కోసం రెండున్నరేళ్ల పిల్లవాడిని కిడ్నాప్ చేసినట్లు తెలిపింది.

 

12:15 - September 6, 2018

ఉత్తరప్రదేశ్‌ : భారతదేశంలో వివాహ వ్యవస్థకు చాలా ప్రాముఖ్యత వుంది. కాగా ఇటీవలి కాలంలో వివాహ వ్యసవ్థకు తూట్లుపడే సంఘటనలు కోకొల్లలుగా బైటపడుతున్నాయి. కారణం ఏదైనా గానీ..వివాహేతర సంబంధాలతో పచ్చని కాపురాలు కూలిపోతున్నాయి. ఈ విషయంలో చాలా సందర్భాలలో అమాయకులైన పిల్లలు బలైపోతున్నారు. వారి భవిష్యత్తు అగమ్యగోచరంగా మారిపోతోంది. సమాజంలో వారి ఉనికి ప్రశ్నార్థకంగా మారిపోతున్న పరిస్థితులకు కూడా ఈ వివాహేతర సంబంధాలు కారణాలుగా మారుతున్నాయి. ఈ నేపథ్యంలో ఓ యువతి చనిపోయినట్లుగా నమ్మించి కట్టుకున్నవాడిని, కన్నవారిని కూడా మోసం చేయటమే కాకుండా పోలీసు వ్యవస్థను కూడా పక్కదారి పట్టించింది.

ఉత్తరప్రదేశ్‌లో చనిపోయినట్లు డ్రామా ఆడిన ఓ మహిళ తన మాజీ ప్రేమికుడితో కలిసి వెళ్లిపోయింది. రాహుల్ అనే యువకునికి రూబీ అనే యువతితో 2016లో వివాహం జరిగింది. కొంతకాలం సజావుగానే వున్న రూబీ ఒక్కసారిగా కనిపించకుండాపోయింది. దీంతో అల్లుడిని అనుమానించిన రూబీ తండ్రి తన కుమార్తె భర్త హింసించి చంపేశాడని..కనీసం శవం కూడా కనిపించకుండా మాయం చేశాడని పోలీసులకు ఫిర్యాదు చేశారు. రాహుల్‌తో పాటు అతని కుటుంబ సభ్యులపై రూబీ ఫిర్యాదు చేశాడు. దీనిపై కేసు నమోదు చేసుకున్న పోలీసులు దర్యాప్తులో విచిత్రమైన వాస్తవాలు బైటపడ్డాయి. ఈ వాస్తవాలతో పోలీసులు సైతం విస్తుపోయారు.

రూబీ మృతదేహాన్ని వెతకినా లభించకపోవటం..కానీ రూబీ ఫేస్‌బుక్ అకౌంట్ మాత్రం యాక్టివ్‌లో వుంది. దీంతో దిమ్మతిరిగిపోయిన పోలీసులు వారి స్టైల్ లో రూబీ ఫేస్‌బుక్‌ ఆధారంగా ఆమె మొబైల్ ఫోన్ నెంబర్‌ను తెలుసుకున్నారు. ఫోన్ నంబర్ సిగ్నల్స్ ఆధారంగా చేపట్టిన దర్యాప్తులో రూబీ మరణించలేదని..బ్రతికేవుందనీ తెలుసుకున్నారు. అంతేకాదు రూబీ వేరొక వ్యక్తితో సహజీవనం చేస్తున్నట్లు వెల్లడయ్యింది. ఫోన్ సిగ్నల్స్ ఆధారంగా రూబీ, ఆమె ప్రేమికుడు, ఆమె తండ్రిని పోలీసులు అరెస్ట్ చేశారు.దీంతో విస్తుపోవటం రూబీ తల్లిదండ్రుల వంతైంది. 

17:06 - September 3, 2018

ఉత్తరప్రదేశ్ : ఇస్లాం నియమాల ప్రకారం మహిళలపై జరిగే ఘోరాలు అన్నీ ఇన్నీ కావు. దారుణమైన హింసలకు ముస్లిం మహిళలు బలైపోతున్నారు. వారి ఆవేదన ఆరణ్య రోదనగా మిగిలిపోతోంది. అసలు ఈ 'నిఖా హలా' అంటే ఏమిటో ముందుగా తెలుసుకుందాం..ముస్లిం నియమాలు, ఆచార సంప్రదాయాల ప్రకారం..విడాకులు పొందిన స్త్రీ, తిరిగి తన మాజీ భర్తను మళ్లీ వివాహం చేసుకోవాలంటే ముందు ఆమె మరో వ్యక్తిని వివాహం చేసుకోవాలి. అనతరం ఆ భర్తకు విడాకులు ఇవ్వాలి లేదా లేదా అతను మరణించేంత వరకూ ఆమె ఎదురు చూస్తుండిపోవాలి. ఈ రెండింటిలో ఏదో ఒకటి జరిగితేనే ఆమె తిరిగి మొదటి భర్తను వివాహం చేసుకోవటానికైనా..కలిసుండటానికి ఇస్లాం మతం ఒప్పుకుంటుంది.

నిఖా హలాలా పేరుతో కట్టుకున్న భర్తలే తమ భార్యలపై దారుణమైన ఘోరాలకు పాల్పడుతున్నారు. యూపీలో ఓ భర్త తన భార్యపై తండ్రితో పాటు మరో ముగ్గురు వ్యక్తులతో అత్యాచారం చేయించాడు. ఫలితంగా ఆ మహిళ గర్భందాల్చింది. ఓ బిడ్డకు జన్మను కూడా ఇచ్చింది. ఇది చాలా ఆలస్యంగా వెలుగులోకి వచ్చింది.

మొరదాబాద్‌ జిల్లాకి చెందిన ఓ మహిళకి 2014లో వివాహమైంది. చాలామంది ఆడపిల్లల వలెనే ఆమెకు కూడా పెళ్లి అయిన కొద్ది రోజులకే అత్తమామల వేధింపులు మొదలయ్యాయి. దీంతో ఆమెను వదిలించుకునేందుకు ఏడాదికి ఆమెను ఇంటి నుంచి గెంటేశారు. దీంతో ఆమె పోలీసు కేసు పెట్టింది. పోలీసుల మధ్యవర్తిత్వంతోనో ఈ కేసు గ్రామ ముస్లిం పెద్దలు జోక్యం చేసుకుని వారి మధ్య సయోధ్య కుదిర్చారు. దీంతో తన కాపురం చక్కబడుతుందని ఆమె అనుకుంది. కానీ జరిగింది మరొకటి.

అమాయకురాలైన భార్యపై భర్త సరికొత్త నాటకాన్ని ప్రారంభించాడు. మనకు విడాకులయా కాబట్టి..ముస్లిం ఆచారం ప్రకారం మరో పెళ్లి చేసుకోవాలని మహిళతో చెప్పాడు. కాబట్టి తన తండ్రితో కాపురం చెయ్యాలని వేధించాడు. దానికి ఆమె ఒప్పుకోలేదు.

దీంతో ఆగ్రహించిన ఆ భర్త.. భార్యను గదిలో బంధించి.. నిఖా హలా పేరుతో భార్యపై తన తండ్రితో అత్యాచారం చేయించాడు. మరుసటి రోజు ఆమెకు మావయ్య విడాకులిచ్చాడు. అంతటిదో ఆ భర్త ఊరుకోలేదు. తన బంధువులైన మరో ముగ్గురుతో కూడా ఆమెపై అత్యాచారం చేయించాడు. దీనికి వారి బంధువులు సమ్మతించారు. దీంతో గర్భం దాల్చిన సదరు మహిళ 2017లో బాబుకు జన్మనిచ్చింది. నిఖా హలాల పేరుతో అత్యాచారం చేసిన అత్తింటి వారిపై మహిళ ఆమె మొరదాబాద్‌ పోలీస్టేషన్‌లో ఫిర్యాదు చేసింది. తనకు, తన కుటుంబ సభ్యులను చంపేస్తానని బెదిరిస్తున్నారని మహిళ వాపోయింది. సామూహిక అత్యాచారం కింద కేసు నమోదు చేసుకున్న పోలీసులు దర్యాప్తు చేపట్టారు.

 

19:09 - August 11, 2018

ఉత్తరప్రదేశ్‌ : నిర్మాణంలో ఉన్న ఓ ఫ్లై ఓవర్‌ కుప్పకూలిపోయింది. బస్తీ జిల్లాలో శనివారం తెల్లవారు జామున ఈ ఘటన చోటుచేసుకుంది. ఈ ప్రమాదంలో అక్కడే పని చేస్తున్న ఓ కార్మికుడు తీవ్రంగా గాయపడ్డాడు. క్షతగాత్రుడిని వెంటనే స్థానిక ఆస్పత్రికి తరలించారు. పై వంతెనకు ఆసరాగా ఉండే ఐరన్‌ బీమ్‌లు కుంగిపోవడం వల్లే ప్రమాదం జరిగినట్లు ప్రత్యక్ష సాక్షులు తెలిపారు. గత రెండు వారాల నుంచి ఎడతెరిపి లేకుండా కురుస్తున్న వర్షాల కారణంగానే ఈ ప్రమాదం చోటు చేసుకున్నట్లు అధికారులు పేర్కొన్నారు. ఈ వంతెన నిర్మాణం దాదాపు 60 శాతం పూర్తయ్యింది. 

17:50 - August 6, 2018
22:12 - July 29, 2018

లక్నో : ఉత్తర్‌ప్రదేశ్ రాష్ట్రాన్ని భారీ వర్షాలు అతలాకుతలం చేస్తున్నాయి. భారీ వర్షాల కారణంగా గత నాలుగు రోజులుగా కురుస్తున్న వర్షాలతో దాదాపు 70 మంది మృత్యువాతపడగా.. 77మంది గాయపడ్డారు. ఒక్క షహరాన్‌పూర్‌ జిల్లాలోనే 11 మంది చనిపోయినట్లు సమాచారం. రాష్ట్రంలో కురుస్తున్న భారీ వర్షాలతో... 488 ఇళ్లు దెబ్బతిన్నట్లు అధికారులు తెలిపారు. పరిస్థితి ఘోరంగా ఉండడంతో ప్రజలను అప్రమత్తం చేయాలని... సురక్షిత ప్రాంతాలకు తరలించాలని అధికారులను ముఖ్యమంత్రి యోగి ఆదిత్యనాథ్‌ ఆదేశాలు జారీ చేశారు. ఇబ్బందులున్న ప్రాంతాల్లో పర్యటించి... సహాయకచర్యలు ముమ్మరం చేయాలన్నారు. బాధితులకు అవసరమైన వైద్య సహాయం అందించాలన్నారు. మరోవైపు సోమవారం కూడా రాష్ట్రంలోని వివిధ ప్రాంతాల్లో భారీ వర్షాలు కురుస్తాయని వాతావరణ శాఖ అధికారులు తెలిపారు. 

 

08:39 - July 28, 2018

ఉత్తరప్రదేశ్‌ : కురుస్తున్న భారీ వర్షాలకు రాష్ట్రవ్యాప్తంగా 27 మంది మృతి చెందినట్లు ప్రభుత్వ అధికార ప్రతినిధి తెలిపారు. భారీ వర్షాలకు ఆగ్రాలో ఐదుగురు, మెయిన్‌పురిలో నలుగురు, ముజఫర్‌నగర్, కాస్‌గంజ్‌లో ముగ్గురు చొప్పున మృతి చెందారు. మీరట్‌, బరేలీలో ఇద్దరు చొప్పున...కాన్పూర్‌, మాథుర, ఘజియాబాద్, హాపుర్, రాయబరేలి, జలన్‌, జాన్‌పూర్‌లో ఒకరు చొప్పున మరణించినట్లు ఆ అధికారి వెల్లడించారు. మరో 12 మంది గాయపడ్డారు. గురువారం కురిసిన భారీ వర్షాలకు లోతట్టు ప్రాంతాలన్ని జలమయమయ్యాయి. రుతుపవనాలు చురుకుగా ఉండడంతో ఉత్తరప్రదేశ్‌లోని పలు ప్రాంతాల్లో మరో రెండు రోజుల పాటు భారీ వర్షాలు కురియనున్నాయని వాతావరణ శాఖ వెల్లడించింది. 

09:01 - June 25, 2018

ఉత్తర్ ప్రదేశ్ : రాష్ట్ర ప్రభుత్వంలో తానొక కేబినెట్ మంత్రి. తన నివాసంతో పాటు చుట్టుప‌క్కల‌ ఇళ్లకు వెళ్లేందుకు రోడ్డు మార్గం సరిగ్గా లేదని రోడ్డు వేయాలని ప్రభుత్వానికి పలుమార్లు విన్నవించుకున్నాడు. ఇక చేసేది లేక స్థానికులతో కలిసి ఆయనే రోడ్డు నిర్మాణంలో భాగమై రహదారిని నిర్మించారు. ఈ ఘటన ఉత్తరప్రదేశ్ రాష్ట్రంలో జరిగింది. సాక్షాత్తూ మంత్రి సమస్యకే పరిష్కరం లేకుండా పోయిందని, ఇక సామాన్యుల పరిస్థితి ఏంటని యోగి ఆదిత్యనాథ్ సర్కార్‌పై సోషల్‌మీడియాలో నెటిజన్లు మండిపడుతున్నారు. యూపీ ప్రభుత్వంలో మంత్రి అయిన ఓం ప్రకాశ్ రాజ్‌భర్ స్వగ్రామం వారణాసిలోని ఫ‌తేపూర్ జిల్లాలో ఉంది. జూన్ 21న అతని పెద్ద కుమారుడు అరవింద్ రాజ్‌భర్ వివాహం జరిగింది. తన సొంతూరులోనే గ్రాండ్‌గా రిసెప్షన్ ఏర్పాటు చేశారు. ఈ వేడుకకు బీజేపీ అధ్యక్షుడు అమిత్ షా, రాష్ట్ర సీఎం యోగి, వీఐపీలు, ప్రముఖులు, ప్రజాప్రతినిధులు భారీ సంఖ్యలో వచ్చే అవకాశం ఉంది. ఈ నేపథ్యంలో తన ఇద్దరు కుమారులు, స్థానికులతో కలిసి రహదారిని సిద్ధం చేశారు. మాకు ఇక వేరే అవకాశం లేకపోయింది. రిసెప్షన్‌కు తక్కువ సమయం ఉన్నందున తమ రోడ్డును తామే వేసుకున్నామని రాజ్‌భర్ తెలిపారు.

10:55 - June 13, 2018

యూపీ : యూపీలో ఘోర రోడ్డుప్రమాదం జరిగింది. విహారయాత్రకు వెళ్లివస్తుండగా విషాదం నెలకొంది. మెయిన్‌పురిలో డివైడర్‌ను ఢీకొట్టి బస్సు బోల్తాపడింది. ఈ ప్రమాదంలో 17 మంది మృతి చెందారు. టూర్స్ ఆండ్ ట్రావెల్స్ కు చెందిన ప్రైవేట్ బస్సులో 45 మందికిపైగా ప్రయాణికులు విహారయాత్రకు వెళ్లారు. రాజస్థాన్ లోని టూరిజం ప్రాంతాలకు వెళ్లివస్తున్నారు. జైపూర్ నుంచి ఫరక్కాబాద్ కు వెళ్తున్నారు. కిరాట్ పూర్ కు ఐదు కిలో మీటర్ల దూరంలో మెయిన్ పురిలో ఉదయం 5 గంటల సమయంలో డివైడర్ ను ఢీకొట్టి బస్సు బోల్తా పడింది. దీంతో బస్సులో ప్రయాణిస్తున్న 17 మంది అక్కడికక్కడే మృతి చెందారు. మరో 35 మందికి గాయాలయ్యాయి. వీరిలో 12 మంది పరిస్థితి విషమంగా ఉంది. క్షతగాత్రులు స్థానిక ఆస్పత్రిలో చికిత్స పొందుతున్నారు. డ్రైవర్ మితిమీరిన వేగంతో బస్సు అదుపు తప్పి డివైడర్ ను కొట్టి బోల్తా పడినట్లు తెలుస్తోంది. డ్రైవర్ కు తీవ్ర గాయాలు అయ్యాయి. ప్రమాద ఘటన పట్ల సీఎం యోగి ఆదిత్యనాథ్‌ తీవ్ర దిగ్భ్రాంతి వ్యక్తం చేశారు. మృతుల కుటుంబాలకు సీఎం సంతాపం ప్రకటించారు. క్షతగాత్రులకు మెరుగైన వైద్యం అందించాలని అధికారులను ఆదేశించారు. మెయిన్ పురి కలెక్టర్, పోలీసులు, అధికారులు ఘటనా స్థలికి చేరుకుని, పరిశీలిస్తున్నారు. ఘటన ఏవిధంగా జరిగిందో రికార్డు చేసుకునేందుకు యూపీ పోలీసులు ఆస్పత్రి వద్ద వెయిట్ చేస్తున్నారు. ఉత్తరప్రదేశ్, మధ్యప్రదేశ్ రాష్ట్రాలకు చెందిన ప్రయాణికులుగా గుర్తించారు. సమాచారాన్ని వారి కుటుంబసభ్యులకు తెలిపే పనిలో పోలీసులు ఉన్నారు. 

17:50 - May 31, 2018

కర్ణాటక : ఉప ఎన్నికల్లో విపక్షాల ఐక్యతతో కమలం విలవిలలాడింది. ఫలితాల్లో విపక్షాలు కళకళలాడాయి. బీజేపీకి ఉప ఎన్నికల ఫలితాలలో ఎదురుగాలి వీచింది. నాలుగు లోక్ సభ స్థానాలు, 11 అసెంబ్లీ స్థానాలకు ఎన్నికలు జరిగాయి. ఈ నేపథ్యంలో 11 స్థానాల్లో కేవలం ఒకే ఒక్క స్థానంలో బీజేపీ విజయానికి పరిమితమైపోయింది. ముఖ్యంగా జార్ఖండ్, యూపీ, మహారాష్ట్రలలో బీజేపీకి గట్టి ఎదురు దెబ్బ తగిలింది. నాలు చోట్ల కాంగ్రెస్, రెండు చోట్ల జెఎంఎం అభ్యర్ధులు విజయకేతనాలకు ఎగురువేశారు. ఒకే ఒక్క స్థానాలకు టీఎంసీ, ఎస్పీ,ఆర్జేడీ, బీజేపీలు పరిమితమయ్యాయి. కేరళ చెంగనూరులో సీపీఎం అభ్యర్థి సాజి చెరియన్ విజయం సాధించారు. మేఘాలయాలోని అంపతిలో కాంగ్రెస్ అభ్యర్థి మియాని డి శిరా గెలుపొందారు. మహారాష్ట్రలోని కాడేగావ్, పంజాబ్ లోని షాకోట్ లో కాంగ్రెస్ అభ్యర్థి గెలుపొందారు. బీహార్ లోని జోకీహాట్ లో ఆర్జేడీ అభ్యర్థి గెలుపొందారు. యూపీలోని కైరానా స్థానంలో ఆర్ఎల్డీ అభ్యర్థి తబస్సుమ్ హాసన్జయకేతనం ఎగురవేశారు. నాగాలాండ్ లో సోనె లోక్ సభ స్థానంలో ఎన్డీపీపీ ఆభ్యర్థి ముందంజలోవున్నారు. మహారాష్ట్రలోని పాల్గడ్ లోక్ సభ స్థానంలో శివసేన అభ్యర్థిని ఓడించి బీజేపీ అభ్యర్థి గెలుపొందారు. భండారా,గోండియా స్థానంలో ఎన్సీపీ, బీజేపీ మధ్య హోరా హోరీగా పోటీ కొనసాగుతోంది. కాగా నాలుగు లోక్ సభ స్థానాల్లోని మూడు సిట్టింగ్ స్థానాల్లో ఒకే ఒక్కచోట బీజేపీ గెలుపొందింది. ఉత్తరాఖండ్ లోని తరాలీలో బీజేపీ అభ్యర్థి గెలుపొందారు. జార్ఖండ్, యూపీ, మహారాష్ట్రలలో బీజేపీకి గట్టి ఎదురు దెబ్బ తగిలింది. బెంబగాల్ లోని మహేస్తలలో 62వేల ఓట్ల ఆధిక్యంలో తృణముల్ కాంగ్రెస్ అభ్యర్తి గెలుపు సాధించారు. కేరళలోని చెంగనూర్ లో సీపీఎం అభ్యర్థి సాజి చెరియన్ విజయకేతనం ఎగురవేశారు. యూపీలోని నూర్ పూర్ లో సమాజ్ వాదీ పార్టీ అభ్యర్థి నయీముల్ హాసన్,. జార్ఖండ్ లోని గోమియా, సిల్లీలలో జేఎంఎం అభ్యర్థులు విజయం సాధించారు.సిల్లీలో 13,500ఓట్ల మెజారిటీతో జేఎంఎం అభ్యర్థి సీమాగదేవి మహాతో గెలుపొందారు. గోమియాలో 1344 ఓట్ల తేడాతో జెంఎఎం అభ్యర్థి బబితాదేవి విజయం సాధించారు.  

Pages

Don't Miss

Subscribe to RSS - Uttar Pradesh