telangana congress

14:01 - November 19, 2018

హైదరాబాద్ : కాంగ్రెస్ పార్టీ అధికారంలోకి వస్తుంది..ఎన్నికల్లో పోటీ చేస్తా..అంటూ ఇటీవలే పార్టీలో పలు వ్యాఖ్యలు చేసిన బండ్ల గణేష్‌ పోటీపై సందిగ్ధత తొలగిపోయిందా ? ఇటీవలే ఏఐసీసీ అధ్యక్షడు రాహుల్ గాంధీ సమక్షంలో బండ్ల గణేష్ కాంగ్రెస్ కండువా కప్పుకున్న సంగతి తెలిసిందే. ఈయన జూబ్లిహిల్స్ స్థానం లేదా షాద్ నగర్ లేదా రాజేంద్రనగర్ నుండి పోటీ చేయాలని భావిస్తున్నారని ప్రచారం జరిగింది. కానీ ఆయ స్థానాలకు కాంగ్రెస్‌లో విపరీతమైన పోటీ నెలకొంది. షాద్ నగర్‌లో సి.ప్రతాపరెడ్డికి..జూబ్లిహిల్స్‌లో పి.విష్ణువర్ధన్ రెడ్డికి టికట్ కేటాయించిన సంగతి తెలిసిందే. దీనితో బండ్ల గణేష్ తీవ్ర అసంతృప్తితో ఉన్నట్లు తెలుస్తోంది. ఇది తెలుసుకున్న కాంగ్రెస్ అధిష్టానం ఆయన్ను ఊరడించే ప్రయత్నం చేసింది. అందులో భాగంగా బండ్ల గణేష్‌ను టీపీసీసీ అధికార ప్రతినిధిగా నియమించింది. నవంబర్ 19వ తేదీ సోమవారం ఈ మేరకు ఉత్తర్వులు జారీ చేసింది. 

13:15 - November 14, 2018

హైదరాబాద్ : తెలంగాణ కాంగ్రెస్ పై టీటీడీపీ గుర్రుగా ఉందా ? ఏకపక్షంగా జాబితాలను విడుదల చేస్తుందంటూ ఆ పార్టీ నేతలు అసంతృప్తులు వ్యక్తం చేస్తున్నారా ? అంటే అవుననే సమాధానం వస్తోంది. మొదటి జాబితా విడుదల చేసిన టి.కాంగ్రెస్ నవంబర్ 14వ తేదీ బుధవారం ఉదయం 10 మందితో కూడిన రెండో జాబితా విడుదల చేసింది. అందులో ఖైరతాబాద్, జూబ్లీహిల్స్ స్థానాలు కూడా ఉండడంతో టీటీడీపీ అవాక్కయ్యింది. ఈ రెండు స్థానాలు టీడీపీ కోరుతున్న సంగతి తెలిసిందే. ఖైరతాబాద్ నియజకవర్గంలో టీడీపీ నేత బీఎన్.రెడ్డి నామినేషన్ వేసేందుకు సిద్ధమవుతున్నారని సమాచారం. వెంటనే సీట్ల సర్దుబాటుపై టీటీడీపీ నేతలు అత్యవసరంగా భేటీ అయ్యారు. టీటీడీపీ అధ్యక్షుడు రమణ వ్యవహార శైలిని పలువురు నేతలు తప్పుబడుతున్నట్లు సమాచారం. రమణ కారణంగా ఖైరతాబాద్, జూబ్లిహిల్స్ స్థానాలు కోల్పోయామని పేర్కొంటున్నట్లు తెలుస్తోంది. మరోవైపు నవంబర్ 14వ తేదీ బుధవారం సాయంత్రం రెండో జాబితాను విడుదల చేసేందుకు టీటీడీపీ నేతలు రంగం సిద్ధం చేస్తున్నట్లు టాక్. 
కాంగ్రెస్ రెండో జాబితాలో 10మంది అభ్యర్థుల ప్రకటన
రెండో జాబితాలో పొన్నాలకు..ఇతరులకు దక్కని ఛాన్స్.
బీసీలకు అన్యాయం జరుగుతోందని కాంగ్రెస్ నేతల అసంతృప్తి.
ఖైరతాబాద్, జూబ్లిహిల్స్ స్థానాలకు అభ్యర్థుల ప్రకటనపై టీటీడీపీ గుస్సా

13:26 - November 12, 2018

హైదరాబాద్ : తెలంగాణ టీడీపీలో కూడా టికెట్ల లొల్లి నెలకొంది. ‘సేవ్ టీడీపీ’ అంటూ ప్లకార్డులు పట్టుకుని నేతలు ఆందోళనలకు దిగారు. మహాకూటమి పొత్తులో భాగంగా టీడీపీకి కొన్ని సీట్లను కాంగ్రెస్ కేటాయించింది. దీనిపై కొందరు టీడీపీ నేతలు తీవ్ర అసంతృప్తి వ్యక్తం చేస్తున్నారు. గెలిచే స్థానాలను కాంగ్రెస్‌కు కేటాయించవద్దని నేతలు డిమాండ్ చేస్తున్నారు. నేరుగా ఎన్టీఆర్ ట్రస్టు భవన్ వద్దకు చేరుకుని ఆందోళనలు చేపట్టారు. కంటోన్మెంట్, ఇబ్రహీంపట్నం స్థానాలు టీడీపీకి కేటాయించాలంటూ ప్లకార్డులు పట్టుకుని ధర్నా చేపట్టారు. విషయం తెలుసుకున్న ఆ పార్టీ అధ్యక్షుడు రమణ, ఇతర సీనియర్ నేతలు కార్యకర్తలను సముదాయించే ప్రయత్నం చేశారు. సీట్లు ఎవరికీ కేటాయించొద్దని, గెలిచే సీట్లు వదులుకోవద్దని నినాదాలు చేశారు. 14 చోట్ల పోటీ చేస్తున్న టీడీపీ.. ఇప్పటికి 10 సీట్లలో అభ్యర్థుల్ని ఖరారు చేసిన సంగతి తెలిసిందే. మరో 4 స్థానాల విషయంలో కాంగ్రెస్‌తో చర్చలు కొనసాగుతున్నాయి. 
మరోవైపు మహాకూటమి సీట్ల సర్దుబాటు కొలిక్కి వచ్చే అవకాశాలున్నాయి. కాంగ్రెస్, సీపీఐ నేతలు ఇప్పటికే హస్తినకు బయలుదేరారు. జాబితా ప్రకటించిన అనంతరం పెరిగే నిరసనలను టీటీడీపీ ఎలా ఎదుర్కొంటుందో చూడాలి. 

10:53 - November 12, 2018
హైదరాబాద్ : టీడీపీ నియోజకవర్గాలు ఫైనల్ అయ్యాయి. అధికారికంగా ప్రకటించకపోయినా.. అభ్యర్థులు ఆల్ రెడీ ప్రచారంలోకి దిగిపోయారు. నామినేషన్స్ టైం కూడా వచ్చేయటంతో బి.ఫారం కోసం వెయిట్ చేస్తున్నారు. కూటమిలో సర్దుబాట్లు కొలిక్కి రాకపోయినా.. టీడీపీ మాత్రం కాంగ్రెస్ ఇచ్చిన 14 సీట్లతోనే సరిపెట్టుకుని... నియోజకర్గాలను డిసైడ్ చేసుకుంది. నియోజకవర్గాల్లో ఒకటి, రెండు చివరి నిమిషంలో మారే అవకాశాలు ఉన్నాయనే ప్రచారం జరుగుతున్నా.. దేశం పార్ట ీమాత్రం తన పని తాను చేసుకుపోతుంది.
టీడీపీ నియోజకవర్గాలు ఇవే : 
వరంగల్ పశ్చిమ, సత్తుపల్లి, కూకట్‌పల్లి, శేరిలింగంపల్లి, రాజేంద్రనగర్, ఉప్పల్, మక్తల్, మహబూబ్ నగర్, అశ్వారావుపేట, ఖమ్మం. సనత్ నగర్, జూబ్లీ హిల్స్, ఎల్బీనగర్, నకిరేకల్ 

కాంగ్రెస్ లో టీడీపీ లిస్ట్ వివాదం :
టీడీపీ ప్రచారం చేస్తున్న 14 నియోజకవర్గాలపై కాంగ్రెస్ అసహనంగా ఉంది. సనత్ నగర్, జూబ్లీహిల్స్, ఎల్బీనగర్, నకిరేకల్ స్థానాలను వదిలేయాలని కోరుతోంది కాంగ్రెస్. ఆయా సీట్లలో కాంగ్రెస్ వీక్ గా ఉందని.. టీడీపీ బలంగా ఉందని స్పష్టం చేస్తూ.. ఆ 4 సీట్లపై పట్టుపట్టొద్దని.. మాకే వదిలేయాలని టీడీపీ కోరుతుంది. ఈ 4 స్థానాల విషయంలో టీడీపీ - కాంగ్రెస్ సీనియర్స్ మధ్య జరుగుతున్న చర్చలు కొలిక్కి రాలేదు. నామినేషన్ల టైం కూడా వచ్చేయటం.. బలమైన ముహూర్తాలు తక్కువగా ఉండటంతో.. 2 రోజుల్లో ఈ నియోజకవర్గాల విషయంలో రెండు పార్టీలు ఓ అండర్ స్టాండింగ్ కు వచ్చే అవకాశాలు ఉన్నాయి. ప్రస్తుతానికి టీడీపీ పార్టీ అయితే ఈ సీట్లు కూడా మావే అంటూ ప్రచారం చేసుకుంటున్నాయి.

17:44 - November 1, 2018

హైదరాబాద్  : లగడపాటి రాజగోపాల్ మాజీ ఎంపీ. ఈయన అవకాశం వస్తే తెలంగాణ ఎన్నికల్లో పోటీ చేస్తానంటూ సంచలన వ్యాఖ్యలు చేశారు. అంతేగాకుండా ఏపీ సీఎం, టీడీపీ జాతీయ అధ్యక్షుడు చంద్రబాబుతో భేటీ కావడంతో ప్రాధాన్యత సంతరించుకుంది. తెలంగాణలో మహాకూటమిగా ఏర్పడిన నేపథ్యంలో టీడీపీ తరపునుండి గానీ..కాంగ్రెస్ తరపు నుండి గానీ పోటీ చేస్తారా? అనే అనుమానాలు వ్యక్తం అవుతున్నాయి. ఈ నేపథ్యంలో ప్రేక్షకుల స్పందన తెలుసుకొనేందుకు టెన్ టివి ప్రయత్నించింది. అందులో భాగంగా యూ ట్యూబ్‌లో పోల్ నిర్వహించడం జరిగింది. ‘తెలంగాణాలో లగడపాటి పోటీ... ప్రజాదరణ ఉంటుందా’? అని ప్రశ్న అడగగా వేయి మంది స్పందించారు. ఉంటుందని 20 శాతం చెప్పగా చెప్పలేమని 10 శాతం...ఉండదని ఏకంగా 70 శాతం మంది అభిప్రాయాన్ని వెలిబుచ్చారు. 

తెలంగాణాలో లగడపాటి పోటీ... ప్రజాదరణ ఉంటుందా?
ఉంటుంది 20 శాతం
ఉండదు 70 శాతం
చెప్పలేం 10 శాతం

 

10:32 - October 23, 2018

హైదరాబాద్: అభ్యర్థుల ఎంపిక‌లో ఆచి తూచి వ్యవ‌హ‌రిస్తోంది కాంగ్రెస్‌ పార్టీ. మ‌హాకూట‌మిలో పొత్తుల‌పై చ‌ర్చలు కొన‌సాగిస్తూనే.. మ‌రోవైపు సొంత పార్టీలో సామాజిక స‌మ‌తుల్యత‌పై దృష్టి సారిస్తోంది. దీనిలో భాగంగా బీసీ, ఎస్సీ, ఎస్టీ వ‌ర్గాల అభ్యర్థుల తుది జాబితా కోసం  ఫైన‌ల్ క‌స‌ర‌త్తు చేస్తోంది హైక‌మాండ్‌.

తెలంగాణ‌ ముందస్తు ఎన్నికలకు కాంగ్రెస్ గ‌తంలో ఎప్పుడూ లేని విధంగా.. ప‌క్కా ప్రణాళిక‌ల‌తో సిద్ధమ‌వుతోంది. ఇప్పటికే మ‌హాకూట‌మికి తెర‌లేపిన కాంగ్రెస్‌ పార్టీ.. మిత్రప‌క్షాల‌తో చ‌ర్చల‌ను కొన‌సాగిస్తోంది. సీట్ల స‌ర్దుబాటు కోసం ఆ పార్టీల‌తో వ్యూహాత్మకంగా చ‌ర్చల‌ను జరుపుతోంది. సాధ్యమైనంత తొంద‌ర‌గా  సీట్ల స‌ర్దుబాటును పూర్తి చేసుకుంటామ‌ని ఆ పార్టీ నేతలు చెబుతున్నారు. 

ఇక సొంత పార్టీలో అభ్యర్థుల ఎంపిక‌లో పార్టీ గ‌తంలో ఎన్నడూ లేనంతగా క‌స‌ర‌త్తు చేస్తోంది. పోలింగ్‌ నాటికి ప్యారాచూట్‌ లీడ‌ర్‌లు దిగుతార‌న్న విమ‌ర్శల‌కు తావులేకుండా ఈ సారి జాగ్రత్తలు తీసుకుంటోంది పార్టీ హైక‌మాండ్‌. ఆశావహుల దరఖాస్తుల స్వీక‌ర‌ణ నాటి నుండి.. ఎంపిక వ‌ర‌కు భారీ క‌స‌ర‌త్తునే చేస్తోంది. ఇప్పటికే ఏఐసీసీ స్క్రీనింగ్‌ క‌మిటీ రాష్ట్రంలో ప‌ర్యటించి మొద‌ట ద‌ఫా క‌స‌ర‌త్తును కూడా పూర్తి చేసింది.

ఇప్పుడు తుది ద‌శ అభ్యర్థుల ఎంపిక‌లో ఉన్న కాంగ్రెస్ హైక‌మాండ్.. అభ్యర్థుల ఎంపిక‌లో సామాజిక స‌మ‌తుల్యత‌పై ప్రత్యేక దృష్టి పెట్టింది. రాష్ట్రంలోని బీసీ, ఎస్సీ, ఎస్టీ, మైనార్టీ వ‌ర్గాల‌కు చెందిన ముఖ్య నేత‌ల‌తో ఢిల్లీలోని వార్‌‌రూమ్‌లో వ‌ర‌స స‌మావేశాలు నిర్వహించారు ఢిల్లీ పెద్దలు. హైక‌మాండ్ పిలుపులో భాగంగా స్క్రీనింగ్ క‌మిటీతో .. ఉత్తమ్‌కుమార్‌రెడ్డి, భ‌ట్టి విక్రమార్క, దామోద‌ర రాజ‌నర్సింహ భేటీ అయి చ‌ర్చించ‌నున్నారు. బీసీల‌కు 34, ఎస్సీల్లో మాదిగ‌ల‌కు 12, మాల‌ల‌కు 7, ఎస్టీల్లో లంబాడిల‌కు, ఆదివాసుల‌కు చెరో 6 సీట్లు, ఇక ముస్లింల‌కు 5 సీట్లు ఇవ్వాల‌ని  రాహుల్ ఆదేశించిన‌ట్లు తెలుస్తుంది. ఈ సంఖ్యలో బీసీ, ఎస్సీ, ఎస్టీ, మైనార్టీల‌కు సీట్లు కేటాయించ‌టం వ‌ల‌న‌.. ఎన్నిక‌ల్లో ఆయా వ‌ర్గాలు కాంగ్రెస్‌కు మ‌రింత ద‌గ్గర‌వుతాయ‌ని అధిష్ఠానం భావిస్తున్నట్లు తెలుస్తోంది.

టీఆర్‌ఎస్‌ పాల‌న‌లో.. బ‌డుగు బ‌ల‌హీన వ‌ర్గాలు అణిచివేత‌కు గురవుతున్నారని ఆరోపిస్తున్న కాంగ్రెస్‌.. తమ పార్టీ అభ్యర్థుల ఎంపికలో సామాజిక సమతుల్యతలను పాటించి ఆయా వ‌ర్గాల‌ను త‌మవైపు తిప్పుకోవాలని చూస్తోంది. అయితే ఈ క‌స‌ర‌త్తు  ఫైనల్ లిస్ట్‌లో ప్రతిబింబిస్తుందా.. బీసీ, ఎస్సీ, ఎస్టీ, మైనార్టీల‌కు ఇప్పుడు చెబుతున్న విధంగా సీట్ల ద‌క్కుతాయా అన్నది చూడాల్సి ఉంది.

12:56 - October 7, 2018

హైద‌రాబాద్:తెలంగాణ అసెంబ్లీ ఎన్నిక‌ల న‌గారా మోగింది. డిసెంబ‌ర్ 7న తెలంగాణ‌లో 119 స్థానాల‌కు ఒకే ద‌శ‌లో పోలింగ్ నిర్వ‌హించున్నారు. ఈ మేర‌కు కేంద్ర ఎన్నిక‌ల సంఘం ఎన్నిక‌ల తేదీని అనౌన్స్ చేసింది. ఎన్నిక‌ల షెడ్యూల్ ప్రక‌ట‌న రావ‌డంతో తెలంగాణ కాంగ్రెస్ జోరు పెంచింది. ఎన్నిక‌ల ప్ర‌చారాన్ని ప‌రుగులు పెట్టించాల‌ని నిర్ణ‌యించింది. అంద‌రూ ఒకే చోట కాకుండా విడివిడిగా ప్ర‌చారం నిర్వ‌హించాల‌ని నిర్ణ‌యించారు. రోడ్డు షోలు, స‌భ‌లు, పాద‌యాత్ర‌లతో జ‌నంలోకి వెళుతున్నారు. 

ముషీరాబాద్ నియోజ‌క‌వ‌ర్గంలో తెలంగాణ కాంగ్రెస్ పార్టీ ఇంచార్జీ కుంతియా పాద‌యాత్ర చేస్తుండ‌గా, కోదాడ‌లో పీసీసీ చీఫ్ ఉత్త‌మ్ కుమార్ రెడ్డి రైతు గ‌ర్జ‌న స‌భ‌లో పాల్గొంటారు. ఇక కుత్బుల్లాపూర్ లో కాంగ్రెస్ వ‌ర్కింగ్ ప్రెసిడెంట్ రేవంత్ రెడ్డి, ష‌బ్బీర్ అలీ, పొన్నం ప్ర‌భాక‌ర్  రోడ్ షోల పాల్గొంటారు. అన‌త‌రం మైనార్టీ స‌భ‌ల్లో పాల్గొంటారు. మైనార్టీల‌కు కాంగ్రెస్ ఏం చేసింది అనేది వారు తెలియ‌జేస్తారు. అలాగే మైనార్టీల‌కు టీఆర్ఎస్ ప్ర‌భుత్వం ఎలా మోసం చేసిందో చెప్ప‌బోతున్నారు.

మొత్తంగా తెలంగాణ కాంగ్రెస్ ప్ర‌చార జోరును పెంచింది. వ్యూహాత్మంగా, ప్ర‌ణాళికాబ‌ద్దంగా ముందుకు వెళుతోంది. ఎవ‌రు ఎక్క‌డ ప్ర‌చారం చేయాల‌నే దానిపై ప్ర‌ణాళిక‌తో ముందుకు వెళుతున్నారు. పార్టీలోని ప్ర‌ముఖ నాయ‌కులు అన్ని నియోజ‌క‌వ‌ర్గాల‌ను చుట్టేయ‌బోతున్నారు. మ‌రోవైపు తెలంగాణ ప‌రిర‌క్ష‌ణ క‌మిటీలో పార్టీల మ‌ధ్య సీట్ల స‌ర్దుబాటుపైనా మ‌రోసారి చ‌ర్చ‌లు జ‌ర‌గ‌నున్నాయి.

17:41 - October 3, 2018

నిజామాబాద్ :  టీఆర్ఎస్ ప్రవేశపెట్టిన సంక్షేమ పథకాలపై కాంగ్రెస్ తట్టుకోలేని ప్రభుత్వంపై కేసులు పెడుతోందనీ..కాంగ్రెస్ పార్టీ అంటేనే కేసుల పార్టీ అని ఉ అంటే కేసు..ఆ అంటే కేసులు..కూర్చుంటే నిల్చుంటే..బాత్రూమ్ కెల్లినా కేసులు పెట్టేలా కాంగ్రెస్ తయారయ్యిందని కేసీఆర్ ఎద్దేవా చేశారు. ప్రతీ విషయానికి పొద్దున్న లేచినకాడ్నుండి కాంగ్రెస్ లొల్లి లొల్లి చేయటమే కాంగ్రెస్ పార్టీకే చెల్లుతుందన్నారు. రాష్ట్ర కాంగ్రెస్ నేతలపై విరుచుకుపడ్డారు. కాంగ్రెస్ పార్టీ నేతల బతుకే కేసులు.. ఊ అంటే కేసు.. ఉ.. పోస్తే కేసులు వేస్తారని ఎద్దెవా చేశారు కేసీఆర్. నిజామాబాద్ జిల్లాలో ఏర్పాటు చేసిన టీఆర్‌ఎస్ బహిరంగ సభలో సీఎం కేసీఆర్ మాట్లాడుతూ.. కాంగ్రెస్ నేతలపై విమర్శలు గుప్పించారు. రైతుబంధు పథకం కింద నవంబర్ నెలలో యాసంగి పంటకు ఎకరానికి రూ. 4 వేల చొప్పున ఇస్తామని చెప్పినం. దీనిపై కాంగ్రెస్ పార్టీ వాళ్లు కేసు వేశారు. వాళ్ల బతుకే కేసు. ఊ అంటే కేసు.. ఉ.. పోస్తే కేసు. సొల్లు పురాణం చేస్తారు కాంగ్రెసోళ్లు. సొల్లు పురాణం మాట్లాడితే నాకు తిక్కరెగి ప్రభుత్వాన్ని రద్దు చేసి ఎన్నికలకు పోదామని చెప్పిన. ప్రజల వద్దకు వెళ్దామని చెప్పిన వెంటనే ప్రభుత్వాన్ని రద్దు చేయంగానే గిలగిల కొట్టుకుంటున్నారు. సుప్రీంకోర్టు, ఎలక్షన్ కమిషన్ వద్దకు పోయి అడ్డుకుంటున్నారు. ఎన్నికలకు పోదామా? అని ప్రశ్నించిన వారే.. ఎన్నికలను అడ్డుకునేందుకు ప్రయత్నం చేస్తున్నారు. 
 

 

12:32 - September 27, 2018

తెలంగాణ కాంగ్రెస్ వర్కింగ్ ప్రెసిడెంట్, కొడంగల్ తాజా మాజీ ఎమ్మెల్యే రేవంత్ రెడ్డితో పాటు ఆయన బంధువుల ఇళ్లపై జరుగుతున్న ఐటీ దాడులు రాజకీయవర్గాల్లో చర్చనీయాంశంగా మారాయి. ఐటీ దాడులపై తెలంగాణ కాంగ్రెస్ నాయకులు తీవ్రంగా మండిపడుతున్నారు. టీపీసీసీ చీఫ్ ఉత్తఃమ్ కుమార్ రెడ్డి తీవ్రంగా స్పందించారు. రాజకీయ కక్షతోనే రేవంత్‌రెడ్డి ఇంటిపై ప్రభుత్వం.. ఐటీ దాడులు చేయిస్తోందని ఉత్తమ్‌ కుమార్‌ ఆరోపించారు. పాత కేసులను బయటకు తీసి కాంగ్రెస్‌ నాయకులను అణగదొక్కే కుట్ర చేస్తున్నారని ఆయన మండిపడ్డారు. మొన్న జగ్గారెడ్డిపై కేసు, నేడు రేవంత్‌ రెడ్డి ఇంటిపై ఐటీ దాడులు ఇవన్నీ టీఆర్‌ఎస్‌ చేతకాని తనానికి నిదర్శనమని ఉత్తమ్ విమర్శించారు. కేసీఆర్‌ను ఓటమి భయం వెంటాడుతోందని అందుకే ఇలాంటి పిచ్చి పనులు చేస్తున్నారని ధ్వజమెత్తారు.

హైదరాబాద్, కొడంగల్‌లోని రేవంత్ నివాసాల్లో ఐటీ అధికారులు తనిఖీలు నిర్వహించారు. ఏకకాలంలో మొత్తం 15 చోట్ల సోదాలు నిర్వహించారు. రేవంత్ బంధువుల ఇళ్లలోను ఆదాయపన్ను శాఖ అధికారులు సోదాలు నిర్వహించారు. మొత్తంగా తెలంగాణలో ముందస్తు ఎన్నికల ప్రచారం నేపథ్యంలో కాంగ్రెస్ కు ఊహించని పరిణామాలు ఎదురవుతున్నాయి. వరుసగా కాంగ్రెస్ నేతలకు షాకులు తగులుతున్నాయి.

తన కుటుంబ సభ్యులతో బుధవారం తిరుమల వెళ్లి శ్రీవారి దర్శించుకున్న రేవంత్ రెడ్డి గురువారం ఉదయం కొడంగల్‌కు వెళ్లి ఎన్నికల ప్రచారంలో పాల్గొంటున్నారు. ఇంతలో ఆయనకు ఊహించని షాక్ తగిలింది.

17:55 - September 26, 2018

ఎన్నికల వేళ తెలంగాణలో కాంగ్రెస్‌ పార్టీలోకి వలసలు కొనసాగుతున్నాయి. కాంగ్రెస్ పార్టీని వీడిన వాళ్లు మళ్లీ సొంత గూటికి చేరుకుంటున్నారు. టీఆర్ఎస్‌లో చేరి భంగపడ్డ వారు మళ్లీ కాంగ్రెస్‌లోకే వస్తున్నారు. ఇప్పటికే కొండా దంపతులు, రమేష్ రాథోడ్ దంపతులు కాంగ్రెస్‌లోకి చేరారు. తాజాగా మాజీ మంత్రి, టీఆర్ఎష్ ఎంపీ డి.శ్రీనివాస్ త్వరలోనే కాంగ్రెస్ పార్టీలో చేరనున్నారు. అక్టోబర్‌లో   ఆయన కాంగ్రెస్ పార్టీలో చేరనున్నారని ఏఐసీసీ వర్గాలు ధృవీకరించాయి.

పార్టీ వ్యతిరేక కార్యకలాపాలకు పాల్పడుతున్నాడనే నెపంతో తనపై నిజామాబాద్ జిల్లాకు చెందిన టీఆర్ఎస్ ప్రజాప్రతినిధులు సీఎం కేసీఆర్‌కు ఫిర్యాదు చేయడంపై డీఎస్ తీవ్ర అసంతృప్తిని కూడ వ్యక్తం చేశారు. ఈ ఫిర్యాదు మేరకు తనను పార్టీ నుండి సస్పెండ్  చేయాలని చూశారని టీఆర్ఎస్ అధిష్టానంపై ఆయన అసహనంగా ఉన్నారు. పైగా టీఆర్ఎస్‌‌లో తనకు సరైన గుర్తింపు లేదని ఆయన ఆవేదనగా ఉన్నారు. ఈ పరిణామాల నేపథత్యంలో తిరిగి కాంగ్రెస్ పార్టీలో చేరాలని డీఎస్ నిర్ణయం తీసుకున్నారని సమాచారం. దేవీనవరాత్రుల సందర్భంగా డి.శ్రీనివాస్ కాంగ్రెస్ పార్టీలో చేరనున్నారని,ఏఐసీసీ వర్గాలు సైతం ధృవీకరించాయి.

Pages

Don't Miss

Subscribe to RSS - telangana congress