samantha

11:36 - September 15, 2018

అక్కినేని వారి కొత్త కోడలు మరో సారి తన సత్తా చాటుకుంది. సస్పెన్స్ థ్రిల్లర్ మూవీతో అభిమానుల ముందుకు వచ్చిన స్టార్ హీరోయిన్.. మరోసారి ప్రేక్షకుల మనసు దోచుకుంది. రీసెంట్ గా రిలీజ్ అయిన సమంతా యూటర్న్ మూవీపై స్మాల్ రివ్యూ... 

వరుస విజయాలతో ఫుల్ స్వింగ్ లో ఉన్న అక్కినేని కోడలు సమంత..తాజాగా యూ టర్న్ అంటూ సస్పెన్స్ థ్రిల్లర్ మూవీ తో  టాలీవుడ్, కోలీవుడ్  ఆడియన్స్  ముందుకు వచ్చింది. కన్నడ లో సూపర్ హిట్ అయిన ఈ మూవీని  తెలుగు, తమిళ లాంగ్వేజ్ లో రీమేక్ చేశారు. పవన్ కుమార్ డైరక్షన్ లో వచ్చిన ఈ మూవీలో, సమంత జర్నలిస్ట్‌గా, ఆది పినిశెట్టి ఇన్వెస్టిగేషన్ అఫీసర్‌గా నటించారు. మెయిన్ రోల్స్ లో భూమిక, రాహుల్ రవీంద్రన్ నటించారు.

తెలుగు రాష్ట్రాల్లో విడుదలయిన  వెంటనే మంచి టాక్ వచ్చింది.. ఆడియన్స్.. ఫ్యాన్స్ సోషల్ మీడియాలో కూడా మంచి కామెంట్స్ పెడుతున్నారు. ఈ మూవీ మంచి టాక్ తో దూసుకుపోతుంది. సినిమా స్టార్ట్ అయినా దగ్గరి నుండి ఎండ్ అయ్యేంత వరకు కూడా ఉన్న  సస్పెన్సు ను పటా పంచలు చేస్తూ సమంత మరోసారి తన నటన తో ఆకట్టుకుంది. ఇక ఆది నటన గురించి స్పెషల్ గా చెప్పనవసరం లేదు. అన్ని ఎలిమెంట్స్ కరెక్ట్ గా ఉండటంతో యూటర్స్ పాజటీవ్ టాక్ తో దూసుకుపోతుందీ మూవీ.

12:35 - September 12, 2018

‘సమంత’...టాలీవుడ్..ఇతర వుడ్ సినిమాల్లో ఎన్నో హిట్ సినిమాల్లో నటించి కుర్రకారు గుండెలను కొల్లగొట్టింది. కెరియర్ తొలినాళ్లలో మోడలింగ్ చేసిన ఈ ముద్దుగుమ్మ అనితకాలంలో వెండితెరపై కనిపించింది. 2007లో మాస్కోవిన్ కావేరి సినిమాను ఒప్పుకుంది. ఏ మాయ చేశావే సినిమాతో తెలుగు సినిమా రంగంలో గ్రాండ్ ఎంట్రీ ఇచ్చింది. అనంతరం ఎన్నో సినిమాల్లో నటించి మెప్పించింది. బృందావనం, దూకుడు, ఈగ, ఎటో వెళ్ళిపోయింది మనసు, సీతమ్మ వాకిట్లో సిరిమల్లె చెట్టు, అత్తారింటికి దారేది చిత్రాలతో అతితక్కువ సమయంలోనే తెలుగునాట ప్రముఖ కథానాయికగా ఎదిగింది. ఇతర భాషా చిత్రాల్ల కూడా నటించి అక్కడ అభిమానులను సొంతం చేసుకుంది. 

అక్కినేని నాగార్జున తనయుడు అక్కినేని నాగ చైతన్య..సమంతలు ప్రేమించుకుని ఇటీవలే వివాహం చేసుకున్న సంగతి తెలిసిందే. అనంతరం కొద్ది రోజుల పాటు సినిమాలకు దూరంగా ఉన్న వీరు ప్రస్తుతం సినిమాలను అంగీకరిస్తూ బిజీ బిజీగా మారిపోయారు. వీరు నటించిన సినిమాలు త్వరలో విడుదల కానున్నాయి. కానీ సమంతకు సంబంధించిన ఓ వార్త చక్కర్లు కొడుతోంది. 

సమంత త్వరలోనే తల్లి కాబోతోందని టాక్. నాగార్జున త్వరలో తాతయ్య కూబోతున్నాడనే వార్త సోషల్ మాధ్యమాల్లో చక్కర్లు కొడుతోంది. చిన్న పిల్లలంటే తనకు ఎంతో ఇష్టమని ఓ ఇంటర్వూలో సమంత పేర్కొన్నట్లు కథనం. పిల్లల కోసం ప్లాన్ వేసుకుంటున్నట్లు వెల్లడించినట్లు టాక్. ప్రస్తుతం సమంత నటించిన యు టర్న్ సెప్టెంబర్ 13న విడుదల కానుంది. 

17:26 - September 3, 2018

ప్రముఖ నటుడు..జనసేన పార్టీ అధినేత పవన్ కళ్యాణ్ తో కలిసి అక్కినేనివారి కోడలు సమంతా చేసిన అత్తారింటికి దారేది సినిమా సూపర్ డూపర్ హిట్ అయిన సంగతి తెలిసిందే. పవన్ తో కలిసి నటించి నటీనటులంతా పవన్ గురించి గొప్పగా చెబుతుంటారు. ఎందుకంటే అంత దగ్గరగా అతనితో కలిసి పనిచేసే సమయంలో అతని నిరాడంబరత..మంచితనం వంటి పలు కోణాలను గమనించే అవకాశం వుంటుంది.ఈ క్రమలో పవర్ స్టార్ పవన్ కళ్యాణ్ పుట్టిన రోజు సందర్భంగా అక్కినేని ఇంటి కోడలు, హీరోయిన్ సమంత ఓ ట్వీట్ చేసింది. ఇపుడు సోషల్ మీడియాలో వైరల్ గా మారింది.

సెప్టెంబర్ 2న పవన్ కళ్యాణ్ పుట్టిన రోజు అనే విషయం తెలిసిందే. ఈ సందర్భంగా పవన్ కు సమంతా విషెష్ చెప్పేందుకు ఓ ట్వీట్ పెట్టింది.అది కేవలం విషెష్ మాత్రమే కాదు..పవన్ గురించిన ఓ విలువైన విషయాలను కూడా యాడ్ చేసింది. పవన్‌కు ట్విట్టర్‌లో విషెస్ చెప్పిన ఆమె... 'పవన్ కల్యాణ్ నిస్వార్ధపరుడనీ, ఈ తరానికి రోల్ మోడల్' అంటూ ట్వీటింది. ప్రియమైన పవర్‌స్టార్‌కు పుట్టిన రోజు శుభాకాంక్షలు. నిస్వార్ధంగా ఉండటంలో ఈ తరానికి పవన్ ఓ ఉదాహరణ అని మిమ్మల్ని చూసి మేం గర్విస్తున్నాం' అంటూ ఆ ట్వీట్‌లో పేర్కొంది. కాగా కేరళలో వరదలతో కేరళ ప్రజలు పలు కష్టాల్లో వున్నాననీ..అందుకే తన పుట్టిన రోజు జరుపుకోవటంలేదనీ..అభిమానులు కూడా తన పుట్టిన రోజు వేడుకలకు సంబంధించిన నగదును కేరళ బాధితులకు విరాళంగా ఇవ్వాలని కోరిన విషయం తెలిసిందే.

13:07 - August 3, 2018

సమంతా..తెలుగులో సూపర్, డూపర్ హిట్ హీరోయిన్..సాధారణంగా హీరోయిన్స్ అంటే ముఖ్యంగా తెలుగులో కేవలం గ్లామర్ కు మాత్రమే పరిమితంగా నిలిచిపోతుంటారు. కానీ సమంతా అలా కాదు..కేవలం గ్లామర్ చట్రంలోనే ఇరుక్కుపోలేదు. విభిన్నమైన కథలను .. పాత్రలను ఎంచుకుంటూ సమంత వరుస విజయాలతో తన మార్క్ ను నిలబెట్టుకుంటోంది. అంతేకాదు టాలీవుడ్ లో అగ్ర సంస్థ, అగ్రహీరోలు వున్న కుటుంబానికి ముద్దుల కోడలు కూడాను. అలాంటి సమంత మరో వైవిధ్యభరితమైన కథాంశానికి గ్రీన్ సిగ్నల్ ఇచ్చినట్లుగా ఫిల్మ్ నగర్లో టాక్ పక్కాగా వినిపిస్తోంది.

'మిస్ గ్రానీ'కి రీమేక్ లో సమంతా..
దర్శకురాలు నందినీ రెడ్డి .. సమంతకు మధ్య కొన్ని రోజులుగా కథా చర్చలు జరుగుతున్నాయట. 2014లో వచ్చిన కొరియన్ మూవీ 'మిస్ గ్రానీ'కి రీమేక్ అని అంటున్నారు. ఈ సినిమాలో ప్రధాన పాత్రధారి 70 ఏళ్ల వృద్ధురాలిగా కనిపిస్తూ ఉంటుంది. అతీత శక్తులను కలిగిన ఆమె అవసరమైనప్పుడు యవ్వనవతిగా మారిపోతూ ఉంటుందట. అటువంటి పాత్రలో సమంతను చూపించాలనే ఉద్దేశంతోనే నందినీ రెడ్డి ఉన్నారట. కొత్తదనంతో కూడిన పాత్రలనే ఎక్కువగా చేస్తానని ఇటీవలే చెప్పిన సమంత, ఈ సినిమా చేసే ఛాన్స్ ఉందనే అభిప్రాయాలు సినీ పరిశ్రమ వర్గాల భోగట్టా..

11:23 - June 8, 2018

సమంత సినిమాలో వుంది అంటే అది హిట్ అనే స్థాయికి చేరుకుంది ఈ అక్కినేనివారి కోడలు. అభినయానికే ఎక్కువ ప్రాధాన్యత వుండే పాత్రలు చేసే సమంత హిట్ హీరోయిన్ గా పేరుతెచ్చుకుంది. తన పాత్రల ఎంపికవిషయంలో కీలక నిర్ణయాలతో విజయాలను అందుకుంటున్న సమంతా వివాహానికి ముందుగా చేపట్టిన సినిమాలు వివాహం తరువాత రిలీజ్ అయి హిట్స్ సాధించింది. అంతేకాదు వివాహం తరువాత కూడా సమంతకు ఆఫర్లు తగ్గలేదు. ఈ క్రమంలోనే సమంతా ఇప్పుడు మూడు సినిమాలతో బిజీ బిజీగా గడుపుతోంది.

మూడు హిట్స్ అందుకుని జోరుమీదున్న సమంతా..
ఈ ఏడాది ఇప్పటికే 'రంగస్థలం', 'మహానటి', 'అభిమన్యుడు' రాజుగారి గది వంటి హిట్లతో మంచి ఊపు మీదున్న కథానాయిక సమంత, ప్రస్తుతం మరో మూడు సినిమాలతో బిజీగా వుంది. సీమరాజా, యూ టర్న్, సూపర్ డీలక్స్ చిత్రాలతో ఆమె బిజీగా వుంది. 'ఈ ఏడాది ఫస్టాఫ్ అద్భుతంగా గడచిపోయింది. సెకండాఫ్ కి రెడీ అవుతున్నాను' అంటూ సమంతా తాజాగా ట్వీట్ చేసింది. ప్రస్తుతం ఈ చిత్రాలకు డబ్బింగ్ మొదలెట్టింది.

వంశీ పైడిపల్లితో మహేశ్ బాబు..
ప్రస్తుతం వంశీ పైడిపల్లితో ఓ చిత్రాన్ని చేస్తున్న మహేశ్ బాబు, దీని తర్వాత సుకుమార్ దర్శకత్వంలో పనిచేయనున్నాడు. ఇందుకు సంబంధించిన స్క్రిప్టును సుకుమార్ సిద్ధం చేసి, మహేశ్ కి వినిపించాడని, మహేష్ సంతృప్తి వ్యక్తం చేశాడని తెలుస్తోంది.

12:03 - June 7, 2018

తెలుగు సినిమా చరిత్రలో ఎన్నో ప్రేమ కథా చిత్రాలువచ్చాయి. కానీ వాటిన్నింటికి భిన్నంగా..బంపర్ హిట్ సాధించి..నాగచైతన్యకు, సమంతకు ట్రెంట్ సెట్టర్ గా నిలిచిన సినిమా 'ఏమాయా చేశావే'. తెలుగు తెరను పలకరించిన అందమైన ప్రేమకథా చిత్రాల సరసన 'ఏ మాయ చేసావే' కూడా కనిపిస్తుంది. నాగచైతన్య .. సమంత కాంబినేషన్లో 2010లో వచ్చిన ఈ సినిమా ఒక ట్రెండ్ సెట్టర్ గా నిలిచింది. యువత హృదయాల్లో చిరస్థాయిగా ఈ సినమా నిలిచిపోయింది. అంతేకాదు భారీవసూళ్లను సాధిస్తూ ఘన విజయాన్ని సొంతం చేసుకుంది. ఇటు చైతూకు .. అటు సమంతకు కెరియర్లో చెప్పుకోదగిన సినిమాగా నిలిచిపోయింది. అంతేకాదు రీల్ లైఫ్ లోనే కాకుండా రియల్ లైఫ్ లో కూడా వారికి ఈ సినిమా ట్రెండ్ ను సెట్ చేసేసింది. అలాంటి ఈ సినిమాకి సీక్వెల్ చేయడానికి గౌతమ్ మీనన్ రెడీ అవుతున్నాడనేది తాజా సమాచారం. ఇదే సినిమాను ఆయన తమిళంలో శింబు .. త్రిష జంటగా చేశాడు. తమిళ సీక్వెల్ కి శింబు గ్రీన్ సిగ్నల్ ఇచ్చేశాడట. ఇక తెలుగు సీక్వెల్ కి చైతూ ఓకే చెప్పాల్సి ఉందని సమాచారం. ఇక కథానాయికల విషయంలోను స్పష్టత రావలసి వుంది. ఒకవేళ ఏదైనా కారణం చేత ఈ ప్రాజెక్టు ఆలస్యమైతే, 'ఎంతవాడు' సీక్వెల్ తో రంగంలోకి దిగాలనే ఆలోచనలోను గౌతమ్ మీనన్ ఉన్నాడనేది కోలీవుడ్ టాక్. 

13:47 - May 7, 2018

మ‌హాన‌టి సావిత్రి జీవిత క‌థ ఆధారంగా తెర‌కెక్కిన 'మ‌హాన‌టి' సినిమాపై భారీ అంచ‌నాలు నెల‌కొన్నాయి. ఎప్పుడెప్పుడు ఈ సినిమాను చూద్దామా అన్నంతగా సినిమాపై ఆసక్తి నెలకొంది. తెలుగువారికి ఆరాధ్య నటి సావిత్రి నిజ‌జీవిత క‌థ ఆధారంగా ఈ సినిమా తెర‌కెక్క‌డం..సినిమాలో వివిధ భాష‌ల‌కు చెందిన ప్ర‌ముఖ న‌టులు న‌టిస్తుండ‌డం 'మ‌హాన‌టి' జీవితకథను చూడాలనే ఆసక్తి మరోవైపు ఏ ప్రాతలో ఎవరు నటిస్తున్నారు అనే ఆసక్తి వెరసి ఈ సినిమాపై అంచనాలను భారీగా పెంచుతోంది. ప్రధాన పాత్రలో సావిత్రిగా కీర్తి సురేష్‌, స‌మంత‌, దుల్క‌ర్ స‌ల్మాన్‌, విజ‌య్ దేవ‌ర‌కొండ‌, మోహ‌న్‌బాబు, సింగీతం శ్రీనివాస‌రావు, డైరెక్ట‌ర్ క్రిష్‌, ప్ర‌కాష్‌రాజ్ వంటి ప్ర‌ముఖ న‌టులు న‌టిస్తున్న సంగ‌తి తెలిసిందే.

తాజాగా ఈ సినిమాలో మ‌రో టాప్ హీరోయిన్ కాజ‌ల్ అగ‌ర్వాల్ కూడా న‌టిస్తోందంటూ షాకింగ్ న్యూస్ బ‌య‌టికొచ్చింది. ఈ విష‌యాన్ని `మ‌హాన‌టి` చిత్ర నిర్మాణ సంస్థ వెల్ల‌డించింది. కాజ‌ల్ ఫోటోను కూడా త‌న సోష‌ల్ మీడియా ఖాతాలో పోస్ట్ చేసింది.'మ‌హాన‌టి`లో కాజ‌ల్ ఏమి చేస్తోందో తెలుసుకోవాల‌నుకుంటున్నారా? అయితే మే తొమ్మిదో తేదీ వ‌ర‌కు ఆగండి` అంటూ కామెంట్ కూడా పెట్టింది.

21:01 - April 1, 2018

రంగస్థలం మూవీ సెట్ అందరినీ ఆకట్టుకుంటుంది. తమ సెట్ తో రామకృష్ణ, మౌనిక80 ఏళ్ల నాటి ఫీల్ తీసుకొచ్చారు. రంగస్థలం మూవీ ఆర్ట్ డైరెక్టర్స్ రామకృష్ణ, మౌనికతో టెన్ టివి చిట్ చాట్ నిర్వహించింది. ఈ సందర్భంగా వారు తమ సినీ అనుభవాలను వివరించారు. 60 రోజుల్లో 35 ఎకరాల్లో సెట్ వేశామని తెలిపారు. సెట్ వేసినప్పడు తాను 9 నెలల గర్బవతినని మౌనిక చెప్పారు. రత్నవేలు లేనిది సినిమానే లేదన్నారు. చిరంజీవి సెట్ ను చూసి మెచ్చుకుని, ప్రసంశించారు. రంగస్థలం నిర్మాత రవిశంకర్, ఆర్టిస్ట్ నవీన్ ఫ్రాంక్ కాల్ చేశారు. మరిన్ని వివరాలను వీడియోలో చూద్దాం... 

 

13:12 - March 7, 2018

కథలని నమ్ముకుంటూ డైరెక్టర్స్ మీద నమ్మకంతో సినిమాలు చేస్తూ ఆడియన్స్ ని దగ్గరౌతున్నాడు ఈ యంగ్ హీరో. తన సినిమాల్లో కచ్చితంగా వైవిధ్యం ఉండేలా చూస్తూ కెరీర్ ని ప్లాన్ చేస్తున్న ఈ హీరో నెక్స్ట్ ప్రాజెక్ట్ అప్ డేట్స్..'ప్రేమమ్' సినిమాతో హిట్ ట్రాక్ ని నిలబెట్టుకున్నాడు 'నాగచైతన్య'. ఇదే ఫ్లోలో తన నటనతో ఆడియన్స్ ని ఆకట్టుకుంటూ దూసుకుపోతున్నాడు అక్కినేని వారసుడు నాగచైతన్య. ఆడియన్స్ కి నచ్చాలంటే కావాల్సింది బ్యాగ్రౌండ్ కాదు, నటన, ఎంచుకునే కధలు, పెర్ఫామెన్స్ ఇవన్నీ బాగుంటేనే ఆడియన్స్ చూస్తారు హీరోని చేస్తారు. మలయాళం సూపర్ హిట్ మూవీ 'ప్రేమమ్'ని అదే టైటిల్ తో తెలుగులో కూడా హిట్ ఫిక్స్ చేసాడు డైరెక్టర్ చందు.

'ప్రేమమ్' సినిమాతో 'నాగ చైతన్య'కి తిరుగులేని హిట్ ఇచ్చిన డైరెక్టర్ చందు మొండేటి. 'చందు మొండేటి' లవ్ స్టోరీ ని బాగా హ్యాండిల్ చేసాడు అనే టాక్ వచ్చింది. 'చైతు- చందూ' కాంబినేషన్ లో వచ్చిన 'ప్రేమమ్' మంచి సక్సెస్ సాధించింది. డైరెక్టర్ చందు మొండేటి , అక్కినేని హీరో నాగ చైతన్య కొత్త సినిమా 'సవ్యసాచి' హడావిడి లేకుండా షూటింగ్ పూర్తి చేసుకుంటోంది. చాలా విభిన్నమైన కాన్సెప్ట్ తో తెరకెక్కుతున్న ఈ మూవీపై అంచనాలు భారీగానే ఉన్నాయి. జూన్ 14న 'సవ్యసాచి'ని ప్రపంచవ్యాప్తంగా విడుదల చేసేలా నిర్మాతలు నిర్ణయం తీసుకుంటున్నట్టు తెలిసింది. ఈ సినిమా ఫస్ట్ లుక్ పోస్టర్ ఈ నెల 18 విడుదల చేయబోతున్నారు.

12:11 - December 15, 2017

విభిన్న కథా చిత్రాల్లో నటిస్తూ సమంత రాణిస్తోంది. ఇటీవల మహిళా ప్రాధాన్యత కలిగిన చిత్రాలు చేసేందుకు ఆమె ఆసక్తి చూపిస్తోన్న నేపథ్యంలో 'మహానటి' చిత్రంలో సావిత్రిగా నటించే అవకాశం మొదట సమంతనే వరించిందట. ఆ వివరాలను నిర్మాత స్వప్నా దత్‌ చెప్పారు. నాగ్‌ అశ్విన్‌ దర్శకత్వంలో అలనాటి మేటి నటి సావిత్రి జీవితం ఆధారంగా 'మహానటి' సినిమా తెరకెక్కుతోంది. ఇందులో కీర్తి సురేష్‌ సావిత్రి పాత్రను పోషిస్తుంది. సమంత మరో కీలక పాత్రధారి. ఈ చిత్రం గురించి స్వప్నా దత్‌ చెబుతూ... 'సావిత్రి పాత్రకు కీర్తి సురేష్‌ కంటే ముందు సమంతే సైన్‌ చేశారు. ఆ పాత్రలో కొత్త వారిని తీసుకుంటే బాగుంటుందని దర్శకుడు నాగ్‌ అశ్విన్‌ భావించారు. అందుకే కీర్తి సురేష్‌ని ఎంపిక చేసుకున్నాం' అని అన్నారు. 

 

Pages

Don't Miss

Subscribe to RSS - samantha