assam

10:36 - October 22, 2018

అస్సాం : క్రికెట్ ప్రపంచంలో సచిన్ టెండూల్కర్ ఓ సంచలనం. ఓ రికార్డుల పుస్తకం. సెంచరీల పుస్తకం. క్రికెటర్స్ అతనో ఇన్ఫిరేషన్. అతన్ని చూసే క్రికెట్ లోకి వచ్చినవారెందరో. సచిన్ అంటే పడి చచ్చిపోయే అభిమానులకు లెక్కలేదు. లిటిల్ మాస్టర్ సునీల్ గవాస్కర్ కు క్రికెట్ వారసుడిగా సచిన్ రికార్డులకు లెక్కలేదు. ఈ నేపథ్యంలో సచిన్ రికార్డులకు చెక్ పెట్టేశాడు మన రోహిత్ శర్మ.

టీమిండియా వైస్ కెప్టెన్ రోహిత్ శర్మ మరో అరుదైన రికార్డును తన ఖాతాలో వేసుకున్నాడు. గువాహటిలో విండీస్‌తో జరిగిన తొలి వన్డేలో ఆకాశమే హద్దుగా చెలరేగిపోయిన రోహిత్ 152 పరుగులు చేశాడు. 117 బంతులు ఎదుర్కొన్న రోహిత్ 15 ఫోర్లు 8 సిక్సర్లతో 150 పైచిలుకు పరుగులు సాధించాడు. తద్వారా వన్డేల్లో ఎక్కువసార్లు 150కిపైగా పరుగులు సాధించిన ఆటగాడిగా రికార్డులకెక్కాడు.

 టీమిండియా మాజీ క్రికెటర్ సచిన్ టెండూల్కర్ 5 సార్లు 150కిపైగా పరుగులు సాధించాడు. రోహిత్ ఆరుసార్లు ఆ ఘనత సాధించి సచిన్ రికార్డును బద్దలుగొట్టాడు. ఆస్ట్రేలియా ఆటగాడు డేవిడ్ వార్నర్ కూడా ఐదుసార్లు 150కిపైగా పరుగులు సాధించాడు. కాగా, వన్డేల్లో రోహిత్ అత్యధిక స్కోరు 264 పరుగులు కావడం విశేషం. మరి సచిన్ ఇటువంటివారికి స్ఫూర్తిగా నిలిచాడు అనటంలో ఎటువంటి అతిశయోక్తి లేదు.

09:02 - October 22, 2018

గౌహతి : టెస్ట్ సిరీస్‌లో కొనసాగించిన ఫాంనే...టీమిండియా కొనసాగించింది. వెస్టిండీస్‌తో జరిగిన తొలి వన్డేలో భారత్ ఘన విజయం సాధించింది. టాపార్డర్ బ్యాట్స్‌మెన్లు రోహిత్ శర్మ, కెప్టెన్ విరాట్ కోహ్లీలు...సెంచరీలతో చెలరేగడంతో 8వికెట్ల తేడాతో గెలుపొందింది. 323 పరుగుల లక్ష్యాన్ని టీమిండియా సునాయాసంగా చేదించింది. దీంతో సిరీస్‌లో భారత్ ఆధిక్యం నిలిచింది.

టీమిండియా బ్యాట్స్‌మెన్లు విజృంభించారు. ఆకాశమే హద్దుగా చెలరేగిపోయారు. నువ్వా నేనా అన్నట్లు పరుగులు రాబట్టడంతో....వెస్టిండీస్‌తో జరిగిన తొలి వన్డేలో భారత్ సునాయాసంగా విజయం సాధించింది. మొదట బ్యాటింగ్ చేసిన విండీస్ జట్టు నిర్ణీత 50 ఓవర్లలో 8 వికెట్ల నష్టానికి 322 పరుగుల భారీ లక్ష్యాన్ని భారత్ ముందు ఉంచింది. విండీస్ జట్టులో హెట్‌మెయర్ సెంచరీతో జట్టు భారీ స్కోరకు బాటలు వేస్తే... కీరన్ పోవెల్ 51, జాసన్ హోల్డర్ తమ వంతు పాత్ర పోషించారు. భారత బౌలర్లలో చాహల్ మూడు వికెట్లు తీసుకోగా, షమీ, జడేజా చెరో రెండు వికెట్లు తీసుకున్నారు. ఖలీల్ అహ్మద్‌కు ఓ వికెట్ దక్కింది.

323 పరుగుల భారీ లక్ష్యంతో బరిలోకి దిగిన భారత్‌కు...ఆదిలోనే ఎదురుదెబ్బ తగిలింది. ఓపెనర్ శిఖర్ ధావన్ 4 పరుగులకే ఔటయ్యాడు. వికెట్ తీసిన ఆనందం విండీస్ జట్టుకు ఎంతోసేపు నిలవలేదు. వన్ డౌన్ బ్యాట్స్‌మెన్‌గా క్రీజులోకి వచ్చిన కోహ్లీ...బౌలర్లకు చుక్కలు చూపించాడు. రోహిత్, విరాట్‌ కోహ్లీలు శివాలెత్తడంతో....విండీస్‌కు పట్టపగలే చుక్కలు కనిపించాయి. నువ్వా నేనా అన్నట్లు బౌండరీలు బాదుతూ...స్కోరు బోర్డు పరుగులు పెట్టించారు. ఈ క్రమంలోనే కెప్టెన్ కోహ్లీ 88 బంతుల్లో సెంచరీ చేస్తే....రోహిత్ శర్మ 84 బంతుల్లో 10 ఫోర్లు, 5 సిక్సర్లతో సాయంతో సెంచరీ చేశాడు. 

కోహ్లీ, శర్మ వీర విహారం ధాటికి కరీబియన్‌ బౌలర్లు తలవంచక తప్పలేదు. కొడితే బౌండరీ... లేదంటే సిక్సర్‌. మరో అవకాశమే లేదన్నట్టుగా ఇద్దరు విజృంభించారు. ఈ జోడీ ధాటికి విండీస్‌ ఆటగాళ్లు ప్రేక్షక పాత్ర పోషించాల్సి వచ్చింది. కెరీర్‌లో కెహ్లీ 36వ సెంచరీ కొడితే....రోహిత్ శర్మ 20వ సెంచరీ నమోదు చేశాడు. 140 పరుగుల వద్ద కోహ్లీ అవుటైన అనంతరం క్రీజులోకి వచ్చిన అంబటి రాయుడితో కలిసి రోహిత్ పని పూర్తి చేశాడు. మొత్తం 117 బంతులు ఎదుర్కొన్న రోహిత్ శర్మ 15 ఫోర్లు, 8 సిక్సర్లతో 152 పరుగులు చేశాడు. అంబటి రాయుడు 26బంతుల్లో ఒక ఫోర్, సిక్సర్ సాయంతో 22 పరుగులు చేసి నాటౌట్‌గా నిలిచాడు.విండీస్ నిర్దేశించిన 323 పరుగుల విజయ లక్ష్యాన్ని 42.1 ఓవర్లలోనే ఛేదించింది. తొలి వన్డేలో విజయంతో...సిరీస్‌లో భారత్ ఆధిక్యంలో నిలిచింది. 

12:34 - October 3, 2018

ఢిల్లీ  ...భారత అత్యున్నత న్యాయస్థానం  సుప్రీం కోర్టు ప్రధాన న్యాయమూర్తిగా జస్టిస్ రంజన్ గొగోయ్‌   బుధవారం  ప్రమాణ స్వీకారం  చేశారు.  రాష్ట్రపతి రామ్ నాధ్ కోవింద్ ఈ ఉదయం ఆయనతో  రాష్ట్రపతి  భవన్ లో  ప్రమాణ స్వీకారం చేయించారు. అసోం వాసి అయిన 63 సంవత్సరాల  గొగోయ్‌.. ఈశాన్య రాష్ట్రాల నుంచి   దేశ సర్వోన్నత  న్యాయస్థానం చీఫ్‌ జస్టిస్‌గా బాధ్యతలు చేపడుతున్న తొలివ్యక్తి.  ఆయన ఈ పదవిలో 2019 నవంబర్‌ వరకు  కొనసాగుతారు. రాష్ట్రపతి భవన్  దర్బార్ హాలులో  జరిగిన ఈ  కార్యక్రమానికి ప్రధానమంత్రి  నరేంద్ర మోదీ,   కేంద్ర  హోం మంత్రి రాజ్ నాధ్ సింగ్,  ఆర్ధిక మంత్రి అరుణ్  జైట్లీ , మాజీ  ప్రధానులు మన్మోహన్‌ సింగ్‌, దేవగౌడ, పలువురు కేంద్రమంత్రులు, సుప్రీం కోర్టు న్యాయమూర్తులు హాజరయ్యారు.ఈఏడాది జనవరిలో   చీఫ్ జస్టిస్ మిశ్రాని విమర్శించిన నలుగురు న్యాయమూర్తులలో రంజన్ గొగోయ్‌  ఒకరు. 

 

17:48 - September 26, 2018

అస్సాం : కాజీరంగా నేషనల్ పార్క్ అస్సాంకే గర్వకారణంగా ఉంటుంది. ఇది అంతరించిపోతున్న ఇండియన్ ఒక కొమ్ము గల ఖడ్గమృగాలకు నిలయంగా ఉంది. సుమారు 429,93 sq కిలో మీటర్ల విస్తీర్ణం కలిగిన ఈ పార్క్ లో ఖడ్గమృగాల జోలికెళ్లితే కాల్చిపడేస్తారు. మన దేశంలో మాత్రమే కనిపించే ఈ ఖడ్గమృగాలు అధిక సంఖ్యలో కంజిరంగా పార్క్ లోనే వుంటాయి. కాగా ఖడ్గమృగాల కొమ్ము చాలా విలువైనదిగా పేర్కొంటారు. ఆ కొమ్ములో క్యాన్సర్ తో పాటు అనేక రోగాలను కూడా నయం చేసే ఔషధ గుణాలు వుంటాయని నమ్ముతుంటారు. దీంతో ఖడ్గమృగాలు వేటగాళ్ల బారిన పడి వాటి సంఖ్య తగ్గిపోతున్న పరిస్థితి నెలకొంది. దీంతో అస్సాం ప్రభుత్వం ఖడ్గమృగాల పట్ల కఠిన చర్యల్ని తీసుకుంటోంది. ఈ ఖడ్గమృగాల కొమ్ము విదేశాల్లో లక్షల ధర పలుకుతోంది. దీంతో ఖడ్గమృగాల జోలికెళ్లినా..వాటి పరిసరాల్లో అనుమానాస్పదంగా సంచరించినా..ఏమాత్రం అనునించకుండా కాల్చిపడేయాలని  అటవీశాఖ అధికారులు కాల్చిపడేస్తారు. 2016లో ఖడ్గమృగాలను వేటాడే వేటగాళ్ల సంఖ్యకంటే అటవీశాఖ అధికారులు కాల్చిపడేసిన వేటగాళ్ల సంఖ్యే ఎక్కువంగా వుంది అంటే వారు ఎంతటి కఠిన చర్యల్ని అవలంభిస్తున్నారో ఊహించవచ్చు. ఒకప్పుడు వేళ్లమీద లెక్కించగలిగే ఖడ్గమృగాల సంఖ్యల 207కి కంజిరంగా పార్క్ లో 2400లకు పెరిగటం గమనించాల్సిన విషయం. 

 

11:13 - September 12, 2018

గౌహటి: అస్సాంలోని కొక్రాఝర్ ప్రాంతంలో ఈ ఉదయం భారీగా భూమి కంపించింది. దీని ప్రభావం రెక్టార్ స్కేల్ పై 5.5 గా నమోదయ్యింది. భూకంప ప్రభావం బెంగాల్, బీహార్ రాష్ట్రాల్లోను కనిపించింది. అయితే భూకంపం సృష్టించిన నష్టంపై ఇంకా స్పష్టత రాలేదని అధికారులు పేర్కొన్నారు.

16:42 - September 5, 2018

అసోం : రాష్ట్రంలో ఘోర పడవ ప్రమాదం చోటు చేసుకుంది. బుధవారం బ్రహ్మపుత్ర నదిలో పడవ మునిగిపోయింది. ఈ ఘటనలో ఇద్దరు చనిపోగా 26 మంది గల్లంతయ్యారు. గౌహతిలో చోటు చేసుకున్న ఈ ఘటన చోటు చేసుకుంది. ప్రమాద సమయంలో 40 మంది ప్రయాణిస్తున్నట్లు సమాచారం. పడవలో ఎక్కువగా విద్యార్థులున్నట్లు సమాచారం. నేషనల్ డిజాస్టర్ రెస్పాన్స్ ఫోర్స్ టీం వెంటనే స్పందించింది. ఘటనాస్థలికి చేరుకుని సహాయక చర్యలు చేపట్టాయి. గల్లంతైన వారిలో 16మందిని కాపాడినట్లు సమాచారం. నది మధ్యలో నిర్మాణంలో ఉన్న పిల్లర్‌ను ఢీకొనడం..వెంటనే పడవ రెండు ముక్కలైందని తెలుస్తోంది. ఇప్పటి వరకు రెండు మృతదేహాలు లభ్యమయ్యాయి. పూర్తి వివరాలు తెలియాల్సి ఉంది. 

16:18 - July 30, 2018

అసోం : అసోంలో భారత పౌరులకు సంబంధించిన లిస్టును నేషనల్‌ రిజిస్టర్‌ ఆఫ్‌ సిటిజెన్స్‌ విడుదల చేసింది. ఈ రిజిస్టర్‌ ముసాయిదాలో 40 లక్షల మందికి పౌరసత్వం లభించకుండా పోయింది. మొత్తం 3.29 కోట్ల మందికి గాను 2.89 కోట్ల మందిని ఈ ముసాయిదాలో చేర్చారు. ఇది కేవలం డ్రాఫ్ట్‌ మాత్రమేనని తుది జాబితా కాదని అధికారులు స్పష్టం చేశారు. ముసాయిదాలో లేనివారిని విదేశీయులుగా పరిగణించబోమని జాతీయ పౌర రిజిస్టర్ హామీ ఇచ్చింది. ముసాయిదాలో తమ పేర్లు ఎందుకు నమోదు కాలేదో తెలుసుకునేందుకు ఆగస్టు 7 నుంచి స్థానిక రిజిస్ట్రార్‌ వద్దకు వెళ్లి సంప్రదించాలని అధికారులు తెలిపారు. ఎన్‌ఆర్‌సి జాబితాలో 40 లక్షల మంది పౌరుల పేర్లు లేకపోవడంపై విమర్శలు వెల్లువెత్తుతున్నాయి.

06:31 - July 7, 2018

ఢిల్లీ : అస్సాంలో ఆర్మీ జవాన్లు స్థానిక ప్రజల మూకుమ్మడి దాడి నుంచి ముగ్గురు సాధువులను కాపాడారు. మాహుర్‌ పట్టణంలో పిల్లలను ఎత్తుకెళ్లడానికి సన్యాసుల వేషంలో వచ్చారని స్థానికులు వారిని చుట్టుముట్టారు. మాహూర్‌లోకి అడుగుపెట్టగానే గ్రామస్తులు వారి కారును ఆపి వాదానికి దిగారు. ఆర్మీ జవాన్లు నిముషాల్లో అక్కడికి చేరుకోవడంలో పెను ముప్పు తప్పింది. ముగ్గురు సన్యాసులను సురక్షితంగా ప్రజల చెర నుంచి తప్పించ గలిగారు. 26 నుంచి 31 ఏళ్ల లోపు ఉన్న ముగ్గురు సన్యాసులు ఉత్తరప్రదేశ్‌కు చెందినవారని పోలీసులు తెలిపారు. అస్సాం జరగనున్న ఓ మేళాలో పాల్గొనడానికి ఇక్కడికి వచ్చినట్లు పోలీసుల విచారణలో తేలింది. వాట్సప్‌లో పిల్లల్ని ఎత్తుకెళ్తున్నారన్న రూమర్లు షికార్లు చేయడంతో గ్రామస్థులు మూకుమ్మడి దాడులకు దిగుతున్నట్లు పోలీసులు తెలిపారు. గత నెల కర్బి ప్రాంతంలో చైల్డ్‌ లిఫ్టర్స్‌గా భావించి స్థానికులు ఇద్దర్ని కొట్టి చంపిన విషయం తెలిసిందే.

06:56 - January 2, 2018

ఢిల్లీ : దేశవ్యాప్తంగా ప్రజలు నూతన సంవత్సర వేడుకలు సంబరంగా జరుపుకుంటుంటే ఈశాన్య రాష్ట్రమైన అసోం ప్రజలు మాత్రం ఆందోళనతో గడిపారు. నేషనల్‌ రిజిస్టర్‌ సిటిజన్స్‌ ఆ రాష్ట్ర ప్రజలకు సంబంధించిన జాబితాను ఆదివారం అర్థరాత్రి విడుదల చేయడమే ఇందుకు కారణం. రాష్ట్రంలో 1.9 కోట్ల మందిని మాత్రమై చట్టబద్ధమైన పౌరులుగా గుర్తిస్తూ ఎన్‌ఆర్‌సి తొలి ముసాయిదాను ప్రచురించింది. మొత్తం 3 కోట్ల 29 లక్షలమంది దరఖాస్తు చేసుకోగా.. అందులో 1కోటి 39లక్షమంది పేర్లు లేకపోవడంతో వారు తీవ్ర ఆందోళనకు గురయ్యారు. సోషల్‌ మీడియాలో సైతం పుకార్లు షికార్లుగా చక్కర్లు కొట్టాయి. దీనిపై స్పందించిన అధికారులు మరో జాబితాను త్వరలోనే విడుదల చేస్తామని ప్రకటించారు. ఈ జాబితాలో పేరులేని 'నిజమైన పౌరులు' ఆందోళన చెందాల్సిన అవసరం లేదని, తుది జాబితాలో వారి పేర్లు తప్పకుండా ఉంటాయని అసోం సీఎం సోనోవాల్‌ అన్నారు. రాష్ట్రంలో ఎలాంటి హింసాత్మక ఘటనలు జరగకుండా ప్రభుత్వం 50 వేల మిలటరీ, పారా మిలటరీ దళాలతో భద్రతా చర్యలు చేపట్టింది.

08:41 - November 11, 2017

జిఎస్‌టి అమలుపై విమర్శలు వెల్లువెత్తడంతో కేంద్రం దిగివచ్చింది. జిఎస్‌టి 28 శాతం పరిధిలో ఉన్న 177 వస్తువులను శ్లాబ్‌ నుంచి తప్పిస్తూ జిఎస్‌టి కౌన్సిల్‌ కీలక నిర్ణయం తీసుకుంది. 28 శాతం శ్లాబు పరిధిలో కేవలం 50 వస్తువులకే పరిమితం చేశారు. దీంతో చాలా వస్తువుల ధరలు తగ్గనున్నాయి. ఈ అంశంపై టెన్ టివిలో జరిగిన చర్చా వేదికలో వినయ్ కుమార్ (విశ్లేషకులు), కాట్రగడ్డ ప్రసూన్న (బీజేపీ), కైలాష్ (టి.కాంగ్రెస్) పాల్గొని అభిప్రాయాలు వ్యక్తం చేశారు.

 

Pages

Don't Miss

Subscribe to RSS - assam