హైదరాబాద్

14:24 - November 16, 2018

ఢిల్లీతెలంగాణలో కాంగ్రెస్ అభ్యర్థుల ఎంపిక చివరి దశకు చేరుకుంది. రేపటి నుంచి కాంగ్రెస్ అభ్యర్థులకు బీఫాంలు అందజేయనున్నారు. ఈరోజు మూడో జాబితా వెలువడే అవకాశం ఉంది. ఇప్పటికే పలువురు అశావహులతో రాహుల్ గాంధీ చర్చించారు. నాలుగు నియోజవర్గాల ఆశావహులతో ఢిల్లీలో రాహుల్ భేటీ అయ్యారు. ఇల్లెందు, హుజురాబాద్, మిర్యాలగూడ, తుంగతుర్తి ఆశావహుల బలాబలాలను రాహుల్ నేరుగా తెలుసుకున్నారు. గెలిచే అభ్యర్థులకే టికెట్ ఇస్తామని రాహుల్ స్పష్టం చేశారు.

నల్లగొండ, ఖమ్మం, ఆదిలాబాద్ జిల్లాలకు సంబంధించిన నేతలు రాహుల్ గాంధీని కలిశారు. తుంగతుర్తిని ఆశిస్తున్న అద్దంకి దయాకర్, వడ్డేపల్లి రవిలతో రాహుల్ సమావేశం అయ్యారు. వీరితో వన్ టూ వన్ నిర్వహించారు. మిర్యాలగూడ సీటు ఆశిస్తున్న రఘువీర్‌తో, ఇల్లందు స్థానాన్ని కోరుతున్న హరిప్రియ, వెంకటేష్‌లతో, అదే విధంగా హుజూరాబాద్ టికెట్ కోరుతున్న కౌశికరెడ్డిలతో రాహల్ గాంధీ భేటీ అయ్యారు. ఆశావహుల గెలుపు సామర్థ్యాలను రాహుల్ అడిగి తెలుసుకున్నారు. ఇవాళా 19 మంది అభ్యర్థులతో జాబితా విడుదల చేయనున్నారు.
ఇప్పటికే రెండు జాబితాల ప్రకటన
ఇప్పటికే రెండు జాబితాలను కాంగ్రెస్ ప్రకటించింది. మొదటి జాబితాలో 65 మందిని, రెండో జాబితాలో 10 మంది అభ్యర్థులను ప్రకటించింది. మొత్తం 75 స్థానాలకు అభ్యర్థులను ప్రకటించింది. కాంగ్రెస్ 94 స్థానాల్లో పోటీ చేయాలని భావిస్తోంది. 

 

13:39 - November 16, 2018

ఢిల్లీ : మూడో జాబితాపై కాంగ్రెస్ కసరత్తు చేస్తోంది. మూడో జాబితాలో ప్రకటించాల్సిన అభ్యర్థులను ఖరారు చేసేందుకు ముమ్మర కసరత్తు చేస్తున్నారు. రేపు 19 మంది అభ్యర్థులతో మూడో జాబితా విడుదల చేయనుంది. 
రాహుల్ గాంధీని కలిసిన ఆశావహులు  
రాహుల్ గాంధీని నాలుగు నియోజకవర్గాల ఆశావహులు కలిశారు. ఒక్క స్థానానికి ఒకరి కంటే ఎక్కువ మంది పోటీ పడుతున్నారు. రాహుల్ వారిని బుజ్జగించే పనిలో పడ్డారు. ఆశావహుల గెలుపు సామర్థ్యాలను రాహుల్ అడిగి తెలుసుకున్నారు. ఆశావహులను తన నివాసానికి పిలుపించుకుని, వారితో మాట్లాడుతున్నారు.
ఆశావహుల గెలుపు సామర్థ్యాలను అడిగి తెలుసుకున్న రాహుల్   
నల్లగొండ, ఖమ్మం, ఆదిలాబాద్ జిల్లాలకు సంబంధించిన నేతలు రాహుల్ గాంధీని కలిశారు. తుంగతుర్తిని ఆశిస్తున్న అద్దంకి దయాకర్, వడ్డేపల్లి రవిలతో రాహుల్ సమావేశం అయ్యారు. వీరితో వన్ టూ వన్ నిర్వహించారు. మిర్యాలగూడ సీటు ఆశిస్తున్న రఘువీర్‌తో, ఇల్లందు స్థానాన్ని కోరుతున్న హరిప్రియ, వెంకటేష్‌లతో, అదే విధంగా హుజూరాబాద్ టికెట్ కోరుతున్న కౌశికరెడ్డిలతో రాహల్ గాంధీ భేటీ అయ్యారు. ఆశావహుల గెలుపు సామర్థ్యాలను రాహుల్ అడిగి తెలుసుకున్నారు. రేపు 19 మంది అభ్యర్థులతో జాబితా విడుదల చేయనున్నారు.
ఇప్పటికే రెండు జాబితాల ప్రకటన
ఇప్పటికే రెండు జాబితాలను కాంగ్రెస్ ప్రకటించింది. మొదటి జాబితాలో 65 మందిని, రెండో జాబితాలో 10 మంది అభ్యర్థులను ప్రకటించింది. మొత్తం 75 స్థానాలకు అభ్యర్థులను ప్రకటించింది. కాంగ్రెస్ 94 స్థానాల్లో పోటీ చేయాలని భావిస్తోంది. రేపు 19 మందితో మరో జాబితాను ప్రకటించనుంది. ఇదే తుది జాబితా అని పార్టీ తెలంగాణ రాష్ట్ర ఇంచార్జ్ కుంతియా తెలిపారు. ఎన్నికల ప్రచారం ముమ్మరం చేయనున్నారు. రాహుల్ గాంధీ మధ్యప్రదేశ్ ఎన్నికల ప్రచారంలో బిజీగా ఉన్నారు.

 

09:42 - November 16, 2018

హైదరాబాద్ : మహాకూటమిలో సీట్ల పంచాయతీ ఇంకా కొనసాగుతూనే ఉంది. టీజేఎస్ సీట్లపై ఇంకా సందిగ్ధత వీడడం లేదు. తమకు కేటాయించిన స్థానాల్లో కాంగ్రెస్ రెబల్స్ రంగంలోకి దిగకుండా చూడాలని టీజేఎస్ బెబుతతోంది. ఈమేరకు టీజేఎస్ అధినేత కోదండరాం ఢిల్లీకి చేరారు. ఇవాళ ఏఐసీసీ అధ్యక్షుడు రాహుల్ గాంధీతో కోదండరాం సమావేశం కానున్నారు. జనగామ స్థానంపై చర్చించనున్నారు. అలాగా తమకు కేటాయించిన స్థానాల్లోనే కాకుండా వేరే చోట పోటీ చేయాలా లేదా అనే అంశంపై చర్చించే అవకాశం ఉంది.

 

08:53 - November 16, 2018

హైదరాబాద్ : తెలంగాణలో బీజేపీ మూడో జాబితాను విడుదల చేసింది. పెండింగ్‌లో ఉన్న మరో 20 స్థానాలకు అభ్యర్థులను ప్రకటించింది. 20 మంది అభ్యర్థులతో కూడిన జాబితాను విడుదల చేశారు. ఇప్పటికే రెండు జాబితాలో బీజేపీ అభ్యర్థులను ప్రకటించింది. తొలి జాబితాలో 38 మంది, రెండో జాబితాలో 28 మంది అభ్యర్థులను ప్రకటించింది. దీంతో ఇప్పటి వరకు బీజేపీ 86 స్థానాలకు అభ్యర్థులను ఖరారు చేసింది. 
మూడో జాబితాలోని అభ్యర్థులు వీరే..
లక్ష్మారెడ్డి.. (ఎల్లారెడ్డి)
ప్రతాప రామకృష్ణ.. (వేములవాడ) 
పుప్పాల రఘు.. (హుజురాబాద్‌) 
చాడ శ్రీనివాస్‌రెడ్డి.. (హుస్నాబాద్‌) 
ఆకుల రాజయ్య.. (మెదక్‌) 
జి.రవికుమార్‌గౌడ్‌.. (నారాయణ్‌ఖేడ్‌), 
బి.రాజేశ్వర్‌రావు దేశ్‌పాండే.. (సంగారెడ్డి), 
పి.కరుణాకర్‌రెడ్డి.. (పటాన్‌చెరు) 
కొత్త అశోక్‌గౌడ్‌.. (ఇబ్రహీంపట్నం) 
కంజెర్ల ప్రకాశ్‌.. (చేవెళ్ల-ఎస్సీ) 
దేవర కరుణాకర్‌.. (నాంపల్లి) 
సతీశ్‌గౌడ్‌.. (సికింద్రాబాద్‌) 
నాగురావు నామోజీ.. (కొడంగల్‌) 
పద్మజారెడ్డి.. (మహబూబ్‌నగర్‌) 
రజనీ మాధవరెడ్డి.. (ఆలంపూర్‌-ఎస్సీ) 
శ్రీరామోజు షణ్ముఖ.. (నల్లగొండ) 
కాసర్ల లింగయ్య.. (నకిరేకల్‌-ఎస్సీ) 
హుస్సేన్‌నాయక్‌..(మహబూబాబాద్‌-ఎస్టీ) 
ఉప్పాల శారద.. (ఖమ్మం) 
శ్యామల్‌రావు.. (మధిర-ఎస్సీ)

08:14 - November 16, 2018

హైదరాబాద్ : ఒక్క ఆడియో టేప్ కాంగ్రెస్‌లో ఇప్పుడు ప్రకంపనలు పుట్టిస్తోంది. నిన్నటి దాకా అంతా బాగానే ఉన్నా.. అభ్యర్థుల ఎంపిక వ్యవహారంపై ఆడియో టేపు నిప్పులు పోసింది. టిక్కెట్ ఇవ్వాలంటే మూడు కోట్లు డిమాండ్ చేశారంటూ రంగారెడ్డి జిల్లా డీసీసీ అధ్యక్షుడు క్యామ మల్లేశ్ రోడ్డెక్కడంతో తెలంగాణ కాంగ్రెస్‌లో వణుకు మొదలైంది. 

కాంగ్రెస్‌లో టిక్కెట్ల వ్యవహారం చిచ్చురేపుతోంది. ఇప్పటికే పార్టీ ప్రకటించిన జాబితాలో తమ పేర్లు లేకపోవడంతో ఆశావహులు గాంధీభవన్‌లో, ఢిల్లీలోనూ ఆందోళన, నిరసనలు చేస్తున్నారు. కొందరు నేతలు ఏకంగా ఢిల్లీలోనే ఆమరణ నిరాహార దీక్షకు దిగారు. భక్త చరణ్ దాస్ నేతృత్వంలోని కాంగ్రెస్ స్క్రీనింగ్ కమిటీపై ఆరోపణలు తారా స్థాయికి చేరాయి. ఇబ్రహీంపట్నం టికెట్ ఆశించిన పార్టీ రంగారెడ్డి జిల్లా అధ్యక్షులు క్యామ మల్లేశ్ టికెట్లు అమ్ముకున్నారంటూ ఆరోపించారు. మూడు కోట్లు ఇస్తే తనకు ఇబ్రహీంపట్నం టికెట్ ఇస్తానన్న ఆడియో టేపును మీడియాకు విడుదల చేశారు. కాంగ్రెస్ పార్టీలో ముఖ్య నేతలు ముఖ్యమంత్రి కేసీఆర్‌తో కుమ్మక్కయ్యారంటూ మల్లేశ్ సంచలన ఆరోపణలు చేశారు. బీసీలకు టికెట్ ఇవ్వకుండా అమ్ముకున్నారని ఆరోపించారు. కాంగ్రెస్‌లో బీసీలకు న్యాయం జరగడం లేదని మండిపడ్డారు. యాదవ్‌ల, కరుముల ఓట్లు కావాలి కానీ, టికెట్లు మాత్ర ఇవ్వరా అంటూ శేరిలింగంపల్లి మాజీ ఎమ్మెల్యే భిక్షపతి యాదవ్ ప్రశ్నించారు. టికెట్ల కేటాయింపులో అవకతవకలు జరిగాయని అందుకే బీసీలను పక్కన పెట్టారంటూ ఆరోపించారు. 

మొదటి రెండు జాబితాలో టికెట్లు దక్కకపోవడంతో ఆశావాహులు చేస్తున్న ధర్నాలు, నిరసనలతో గాంధీభవన్ అట్టుడుకుతోంది. ఇంతలోనే క్యామ మల్లేశ్ ఆడియో రిలీజ్ చేయడంతో కాంగ్రెస్ పార్టీ ఉక్కిరిబిక్కిరవుతోంది. ఈ వ్యవహారం నుంచి కాంగ్రెస్ ఎలా బయపడుతుందో చూడాలి. 

 

07:21 - November 16, 2018

హైదరాబాద్ : పాతబస్తీలో రౌడీషీటర్‌‌, అతని అనుచరులు రెచ్చిపోయారు. దారుణానికి ఒడి గట్టారు. అభంశుభం తెలియని ఓ వ్యక్తిని అతి కిరాతకంగా హత్య చేశారు. పాతబస్తీ కాలాపత్తర్‌కు చెందిన రౌడీషీటర్ నూర్‌ఘజీ అతని అనుచరులు మైలార్‌దేవ్ పల్లిలోని శాస్త్రీపురానికి వెళ్లారు. రౌడీషీటర్ నూర్‌ఘజీ, అతని అనుచరులు గంజాయి సేవిస్తూ మామూళ్లు వసూలు చేయడాన్ని ఓ వ్యక్తి సెల్ ఫోన్‌లో వీడియో తీశాడు. దీన్ని గమనించిన రౌడీ షీటర్ వీడియో తీస్తున్న వ్యక్తిని వెంబడించాడు. అదే దారిలో వెళ్తున్న ముస్సాక్, అతని స్నేహితుడు రౌడీ షీటర్‌ను అడ్డుకునేందుకు యత్నించారు. అయితే అడ్డు వస్తావా..అంటూ రౌడీ షీటర్ నూర్‌గజీ కత్తితో ముస్సాక్ అనే వ్యక్తి గుండెల్లో పొడిచాడు. తర్వాత అతని స్నేహితుడిపైనా దాడి చేశాడు. తీవ్రంగా గాయపడ్డ ముస్సాక్ అక్కడికక్కడే మృతి చెందాడు. హత్య చేసిన రౌడీషీటర్ అక్కడి నుంచి పరారయ్యాడు. నూర్‌ గ్యాంగ్‌లోని ముగ్గురిని పోలీసులు అదుపులోకి తీసుకున్నారు. నూర్‌ఘజీ కోసం గాలింపు చేపట్టారు. 

 

17:10 - November 15, 2018

హైదరాబాద్ : నగరంలో మెట్రోరైల్ ను ప్రభుత్వం ప్రతిష్టాత్మకంగా భావించిన నేపథ్యంలో ప్రజల సౌకర్యార్థం, పబ్లిక్ ట్రాన్స్ పోర్ట్ ను మెరుపరించేందుకు మెట్రో ప్రజలకు అందుబాటులోకొచ్చింది. ఈ నేపథ్యంలో ప్రజలకు మరింత సౌకర్యవంతంగా చేసేందుకు మెట్రో రైల్ లిమిటెడ్ బుధవారం నాడు మొట్టమొదటిసారిగా స్కై వాక్ ను ప్రారంభించారు. ట్రాఫిక్ ఏరియా అయిన పంజాగుట్ట మెట్రో స్టేషన్ నుండి మెట్రో మాల్ వరకూ వున్న స్కై వాక్ ను అనుసంధానం చేయటంతో ట్రాఫిక్ కష్టాలు తగ్గించేందుకు ఈ స్కైవాక్ ను ప్రారంభించారు. ఈ సందర్భంగా హెచ్ ఎంఆర్ మేనేజింగ్ డైరెక్టర్ ఎన్వీఎస్ రెడ్డి మాట్లాడుతు..‘‘అన్ని మెట్రో స్టేషన్ల కు సమీపంలో ప్రజల సౌకర్యార్థం పాదచారులకు, మెట్రో ప్రయాణీకుల కోసం ఎంట్రీ మార్గాలను, ఎక్సిట్ మార్గాలను నిర్మిస్తామని తెలిపారు. 
దేశంలోనే మొట్టమొదటి హెచ్ఎంఆర్ఎల్ మెట్రో సర్వీస్..
భారతదేశంలోనే మొట్టమొదటి హెచ్ఎంఆర్ఎల్ మెట్రో సర్వీస్ గా పేరు తెచ్చుకుందని రెడ్డి తెలిపారు.పంజాగుట్టలో కొత్తగా ప్రారంభించిన ఈ స్కైవాక్ 26 మీటర్ల పొడవు, 3.11 మీటర్ల వెడల్పుతో నిర్మించామని తెలిపారు.ప్రతీ మెుట్రో స్టేషన్ కు రూ.2కోట్ల విలువైన సౌకర్యాలను కల్పించగా.. ఈ స్కై వాక్ ను నిర్మాణానికి కేవలం రూ.1 కోటి మాత్రమే ఖర్చు చేశామని ఎన్వీఎస్ రెడ్డి తెలిపారు. 
 

16:12 - November 15, 2018

హైదరాబాద్ : ఎన్నికలు సమయం సమీపించేకొద్ది తెలంగాణ రాజకీయాలు వేడెక్కుతున్నాయి. ఒకరిపై ఒకరు సవాళ్లు విసురుకుంటున్నారు. విమర్శలతో బాణాలు విసురుకుంటున్నారు. ఈ నేపథ్యంలో టీఆర్ఎస్ ఎంపీలు ఇద్దరు కాంగ్రెస్ పార్టీలో చేరబోతున్నారు కేసీఆర్..దమ్ముంటే ఆపుకో మంటు కాంగ్రెస్ ఫైర్ బ్రాండ్ రేవంత్ రెడ్డి సవాల్ విసిరారు. దీనిపై టీఆర్ఎస్ ఎంపీ సీతారాం నాయక్ స్పదిస్తు..ఇద్దరు టీఆర్‌ఎస్ ఎంపీలు పార్టీ మారుతున్నారని రేవంత్ చెప్పడం.. పేపర్లలో రావడం.. ఓ మైండ్‌గేమ్‌లా ఉందని ఎంపీ పేర్కొన్నారు. రేవంత్‌కు దమ్ము, ధైర్యం ఉంటే పార్టీ మారుతున్న ఆ ఇద్దరు ఎంపీలేవరో చెప్పాలని సీతారాం నాయక్ డిమాండ్ చేశారు. 

తాను పార్టీ మారుతున్నట్లు వచ్చిన వార్తలు అవాస్తవమని  సీతారాం నాయక్ స్పష్టం చేశారు. రేవంత్ రెడ్డి దుర్మార్గపు పనులు చేస్తున్నారని.. అవి ఆయన ఎదుగుదలకు మంచికాదని సూచించారు. సీఎం కేసీఆర్ ఆశీస్సులతోనే తాను మహబూబాబాద్ ఎంపీగా గెలిచానని సీతారాం నాయక్ స్పష్టం చేశారు. ఈ నాలుగున్నరేళ్లలో తన నియోజకవర్గాన్ని ఎంతో అభివృద్ధి చేశానని తెలిపారు.
 

14:40 - November 15, 2018

హైదరాబాద్ : ఆమ్లెట్ వేయలేదని భార్యతో గొడవ పడి ఓ వ్యక్తి ఆత్మహత్యకు పాల్పడ్డాడు. ఈ ఘటన కేపీహెచ్‌బీ కాలనీలో జరిగింది. నగరంలోని కేపీహెచ్‌బీ కాలనీ రోడ్ నెంబర్ 1లో ఎంఐజికి చెందిన రేవడ మహేష్ (24), వనజ దంపతులు. మహేష్ వాచ్ మెన్ గా పని చేస్తున్నాడు. ఈనేపథ్యంలో మహేష్ మంగళవారం రాత్రి మద్యం సేవించి, ఇంటికి వచ్చి భార్యను ఆమ్లెట్ వేయమన్నాడు. అందుకు ఆమె నిరాకరించింది. దీంతో ఇద్దరి మధ్య ఘర్షణ జరిగింది.  ఈ విషయాన్ని ఫ్లాట్ యజమానికి చెప్పిన వనజ.. యజమాని ఇంట్లోకి వెళ్లింది. వనజ కొద్ది సేపటికి తిరిగి వచ్చి తన ఇంటి తలుపు కొట్టగా మహేష్ తలుపు తీయకపోవడంతో ఆమె పోలీసులకు సమాచారం అందించింది. అక్కడి చేరుకున్న పోలీసులు రూమ్ తలుపు పగుల గొట్టి చూడగా మహేష్ సీలింగ్ ఫ్యాన్‌కు ఉరేసుకుని కనిపించాడు. అతడిని కిందకు దించి చూడగా అప్పటికే మృతి చెందాడు. పోలీసులు కేసు నమోదు చేసుకుని, దర్యాప్తు చేపట్టారు. 

 

12:25 - November 15, 2018

హైదరాబాద్ : తెలంగాణలో మావోయిస్టులు కలకలం రేపుతున్నారు. తెలంగాణలో ఎన్నికల వేళ మావోయిస్టు యాక్షన్ టీమ్స్ రంగంలోకి దిగాయి. మాజీ మంత్రి, మాజీ స్పీకర్‌లే టార్గెట్‌గా మావోయిస్టులు ప్లాన్ చేసినట్లు తెలంగాణ ఎస్ఐబి పసిగట్టింది. టీఆర్ఎస్ తాడ్వాయి మండల అధ్యక్షుడు శ్రీనివాస్‌రెడ్డిని హత్య చేసేందుకు మావోయిస్టులు రెక్కీ నిర్వహించినట్లు సమాచారం. కిడారి హత్య తరహా ఘటనను ఎస్ఐబి పసిగట్టింది. తాజా మాజీలకు ముప్పు తప్పింది. 30 మంది మావోయిస్టులకు పొలంలో షెల్టర్ ఇచ్చిన ఇద్దరు స్థానికులను పోలీసులు అరెస్టు చేశారు. 

 

Pages

Don't Miss

Subscribe to RSS - హైదరాబాద్