హెచ్ ఆర్ సీ

16:53 - September 12, 2018

హైదరాబాద్ : కొండగట్టు బస్సు ప్రమాదంపై మానవ హక్కుల కమిషన్(హెచ్ ఆర్ సీ)లో ఫిర్యాదు నమోదు అయింది. బస్సు ప్రమాదంపై హైకోర్టు న్యాయవాది అరుణ్ కుమార్ హెచ్ ఆర్ సీలో పిటిషన్ వేశారు. ప్రమాదంలో 57 మంది చనిపోవడానికి కారకులైన అధికారులపై చర్యలు తీసుకోవాలని డిమాండ్ చేశారు. జగిత్యాల బస్ డిపో మేనేజర్, సూపర్ వైజర్, ఆర్టీవోపై కేసులు నమోదు చేయాలని పేర్కొన్నారు. అధికారులపై చర్యలు తీసుకునేందుకు తెలంగాణ డీజీపికి ఆదేశాలు ఇవ్వాలని కోరారు. మృతుల కుటుంబాలకు ఒక్కొక్కరికి రూ.25 లక్షల నష్టపరిహారం ఇచ్చే విధంగా ఆదేశాలు జారీ చేయాలని మానవ హక్కుల కమిషన్ ను అరుణ్ కుమార్ కోరారు.

జగిత్యాల జిల్లాలో కొండగట్టు వద్ద ఘాట్‌రోడ్డులో బ్రేక్ లు ఫెయిల్ కావడంతో బస్సు అదుపుతప్పి లోయలో బోల్తా పడింది. ప్రమాదంలో 57 మంది మృతి చెందారు. పలువురికి గాయాలు అయ్యాయి. మృతుల్లో 25 మంది మహిళలు, ఏడుగురు చిన్నారులు ఉన్నారు. క్షతగాత్రులు ఆస్పత్రిలో చికిత్స పొందుతున్నారు. 

 

 

21:31 - April 4, 2016

హైదరాబాద్ : హెచ్‌సియులో విద్యార్థులపై జరిగిన దాడులపై సైబరాబాద్‌ పోలీస్‌ కమిషనర్‌ సివి ఆనంద్‌...హెచ్‌ఆర్‌సికి నివేదిక ఇచ్చారు. 150 ఫొటోలు, వీడియోలను హ్యూమన్‌ రైట్స్‌ కమిషన్‌కు అందజేశారు. విద్యార్థినుల పట్ల పోలీసులు అసభ్యకరంగా ప్రవర్తించలేదని వారిని మహిళా పోలీసులే అరెస్ట్‌ చేశారని నివేదించారు. వర్సిటీలో హక్కుల ఉల్లంఘన జరగలేదని పోలీసులు వెళ్లేసరికే పరిస్థితి ఉద్రిక్తంగా ఉందని.. సీవీ ఆనంద్ రిపోర్టులో పేర్కొన్నారు. 

18:26 - July 24, 2015

హైదరాబాద్: మున్సిపల్‌ జేఏసీ నాయకులు మానవ హక్కుల సంఘానికి జీహెచ్‌ఎంసీపై ఫిర్యాదు చేశారు. తొలగించిన మున్సిపల్‌ కార్మికులను వెంటనే విధుల్లోకి తీసుకోవాలని కోరారు. సమ్మెలో పాల్గొన్న కారణానికే వందల మంది కార్మికులను జీహెచ్‌ఎంసీ తొలగించిందని.. ఇది కేవలం కక్షసాధింపేనని వారు విమర్శించారు. దీనిపై పలుమార్లు ప్రభుత్వాన్ని సంప్రదించినప్పటికీ స్పందన లేకపోవడంతో హెచ్‌ఆర్‌సీని కలిసి ఫిర్యాదు చేశారు.

 

Don't Miss

Subscribe to RSS - హెచ్ ఆర్ సీ