వైసీపీ

09:27 - September 19, 2018

కృష్ణా : బెజవాడ వైసీపీలో అసంతృప్తి సెగలు రగులుతూనే ఉన్నాయి. విజయవాడ సెంట్రల్ సీటు వ్యవహారం...వైసీపీలో దుమారం రేపుతోంది. వంగవీటి రాధాను సెంట్రల్ నుంచి తూర్పు నియోజకవర్గానికి మార్చారు. దీంతో అగ్గిమీద గుగ్గిలమవుతున్న రాధా...అజ్ఞాతంలోకి వెళ్లిపోయారు. మరోవైపు రాధాకు ఎలాంటి అన్యాయం జరగలేదని...అధిష్టానం నిర్ణయానికి అందరూ కట్టుబడి ఉండాల్సిందేనని అంబటి రాంబాబు స్పష్టం చేశారు. కృష్టా జిల్లాలో తాజాగా జ‌రిగిన నాయ‌క‌త్వమార్పులు పార్టీ నేత‌ల‌ను గంద‌ర‌గోళానికి గురిచేస్తున్నాయి. 

బెజవాడ వైసీపీలో...సీట్ల కేటాయింపు లొల్లి మొదలైంది. వ‌చ్చే ఎన్నిక‌ల్లో ఎలాగైనా విజ‌యం సాధించాలని భావిస్తోన్న వైసీపి అధినేత జ‌గ‌న్... పార్టీలొ నూత‌న మార్పులు చేప‌డుతున్నారు. ఈ మార్పుల‌ను కృష్టా జిల్లా నుంచే ప్రారంభించారు. గ‌త ఎన్నిక‌ల్లో త‌క్కు సీట్లు రావ‌డంతో కృష్టా జిల్లాపై జగన్ ప్రత్యేక దృష్టి సారించారు. విజ‌య‌వాడ‌ సెంట్ర‌ల్ తో ప్రారంభ‌మైన నాయ‌క‌త్వ మార్పు.. ఈస్ట్, వెస్ల్ లను కూడా తాకింది. సెంట్రల్ నియోజ‌క‌ర్గ ఇంచార్జ్ బాధ్యతల నుంచి వంగ‌వీటి రాధాను త‌ప్పించిన అధిస్టానం... ఆ స్టానాన్ని మ‌ల్లాది విష్టుకు అప్పగించింది. విజయవాడ సెంట్రల్‌ సీటు గెలిపించుకుంటామని.. బ్రాహ్మణ సంఘాలు అడిగినందునే టికెట్ మల్లాది విష్ణుకు ఇచ్చామని అంబటి తెలిపారు. 

విజయవాడ సెంట్రల్ సీటు...మల్లాది విష్ణుకు కేటాయించడంతో వంగవీటి రాధా శిబిరంలో ఆగ్రహం కట్టలు తెంచుకుంటోంది. సెంట్రల్ సీటును రాధాకే కేటాయించాలంటూ....ఆయన అనుచరులు రెండు రోజుల నుంచి ఆందోళన చేస్తున్నారు. అయితే అధిష్టానం మాత్రం తూర్పు నియోజకవర్గానికి వెళ్లాల్సిందేనని స్పష్టం చేసింది. పార్టీ నిర్ణయంపై అసంతృప్తికి లోనైన వంగవీటి రాధా...అజ్ఞాతంలోకి వెళ్లిపోయారు. ప్రస్తుతం తూర్పు ఇంచార్జ్ గా మాజీ ఎమ్మెల్యే య‌ల‌మంచ‌లి ర‌వి ఉన్నారు. ఇటీవ‌లే యలమంచలి రవి వైసీపీలో చేరడంతో....సీటు విషయంలో రాధా, రవి ఇద్దరూ ఎటూ తేల్చుకోలేకపోతున్నారు. నియోజ‌క‌ర్గాల మార్పుల విష‌యంలో పార్టీ నిర్ణయంపై తీవ్ర అసంతృప్తిగా ఉన్నారు. ప‌శ్చిమ నియోజ‌క‌ర్గంలో కూడా నాయ‌కత్వ మార్పులు చేయాలని పార్టీ నిర్ణయించింది. వెల్లంప‌ల్లి శ్రీనివాస్ ను త‌ప్పించి...పోతిన ప్రసాద్ కు ఇవ్వాల‌ని పార్టీ నిర్ణయించింది. దీంతో వెల్లంపల్లి శ్రీనివాస్ తీవ్ర అసంతృప్తిలో ఉన్నారు.

విజ‌య‌వాడ ప‌రిస్తితి ఇలా ఉంటే.. జిల్లాలో మ‌రో రెండు నియోజ‌క‌ర్గాల్లోనూ ఇలాంటి మ‌ర్పులే చోటుచేసుకున్నాయి. పెడ‌న నియోజ‌క‌వ‌ర్గంలో ఇటీవ‌ల జ‌రిగిన మార్పులు నేత‌ల‌కు ఇబ్బందిగా మారింది. పెడ‌న‌లో ఉప్పాల రామ్ ప్ర‌సాద్ ఇంచార్జ్ గా ఉన్నారు. అయితే ఇటీవ‌ల జోగి ర‌మేష్ ను పెడ‌న ఇంచార్జ్ గా నియమించింది పార్టీ అధిష్టానం. దీంతో ఉప్పాల శిభిరంలో రగిలిపోతోంది. అటు అవనిగడ్డలో కూడా ఇలాంటి మార్పులు చోటు చేసుకున్నాయ్. ప్రస్తుతం అవనిగడ్డ ఇన్ చార్జ్ గా ఉన్న సింహాద్రి రమేశ్ ను తప్పించి....బందరు పార్లమెంట్ ఇన్ చార్జ్ గాఉన్న బాలశౌరికి బాధ్యతలు అప్పగించింది. దీంతో సింహాద్రి ర‌మేష్ లో అలకబూనారు. మెత్తానికి కృష్ణా జిల్లా వైసీపీలో అసంతృప్తి...సెగలు పుట్టిస్తోంది. పార్టీలో చోటుచేసుకున్న మార్పులల‌తో... నేత‌లు ఇబ్బందుల‌ పాలవుతున్నారు. మ‌రి జిల్లా పార్టీలో ముస‌లంపై పార్టీ ఎలాంటి స‌ర్దుబాటు చ‌ర్య‌లు తీసుకుంటారో చూడాలి...

07:38 - September 17, 2018

విజయవాడ : ప్రశాంత్ కిశోర్ ...ఎలక్షన్ గురుగా పేరు పొందారు. వివిధ రాజకీయ పార్టీలను అధికారంలోకి తీసుకొచ్చేందుకు వ్యూహాలు రచించడంలో ఆయన దిట్ట. వెనుకనుండి పార్టీలను నడిపించిన ఈ వ్యక్తి ప్రస్తుతం రాజకీయ నేతగా మారిపోయారు. జేడీయూ తీర్థం పుచ్చుకున్నారు. దీనికంటే ముందు వైసీపీకి వ్యూహకర్తగా ఉన్నారు. ఎన్నికలకు దగ్గర పడుతున్న సమయంలో ఆయన నిర్ణయం తీసుకోవడం చర్చనీయాంశంమైంది. కానీ  ఆయన జేడీయూలో చేరడంతో ివైసీపీకీ వ్యూహకర్తగా ఉంటారా ? లేదా ? అనే చర్చ జరుగుతోంది....

ఇక ప్రశాంత్ కిశోర్ వ్యక్తిగత జీవిత విషయానికి వస్తే...ప్రశాంత్ కిశోర్ స్వస్థలం బీహార్‌లోని సాసారం. గతంలో ఐక్యరాజ్యసమితిలో పబ్లిక్ హెల్త్ ఆఫీసర్‌గా ఈయన పని చేశారు. ఇండియన్ పొలిటికల్ యాక్షన్ కమిటీ (ఐపాక్) వ్యవస్థాపక సభ్యుల్లో కూడా పని చేశారు. అనంతరం రాజకీయ వ్యూహకర్తగా మారిపోయారు. 2015 బీహార్ ఎన్నికల్లో బీజేపీకి వ్యతిరేకంగా ఏర్పడిన మహాకూటమి తరపున పని చేసి విజయం సాధించారు. 2017 పంజాబ్ ఎన్నికల్లోనూ కెప్టెన్ అమరీందర్ సింగ్‌కు సలహాదారుగా ఉండి..కాంగ్రెస్ విజయానికి కారణమయ్యారు. కానీ ఉత్తరప్రదేశ్, ఉత్తరాఖండ్ ఎన్నికల్లో కాంగ్రెస్‌కు వ్యూహకర్తగా పని చేసి విఫలమయ్యారు. 

ఏపీ రాష్ట్రంలో వైసీపీ పార్టీకి ప్రతిష్ట పెంచేందుకు ఆయన వ్యూహాలు రచిస్తున్నారు. 2019 ఎన్నికల్లో పార్టీని అధికారంలోకి తీసుకొచ్చేది పీకేనంటూ ప్లీనరీ వేదికగా ప్రకటించారు. ఆ తర్వాత ఇండియన్ యాక్షన్ టీం పేరుతో పీకే టీం హల్ చల్ చేసింది. జగన్ నిర్వహిస్తున్న పాదయాత్ర ద్వారానే నవరత్నాలను ప్రచారం చేయడంలో పీకే టీం కీలక పాత్ర పోషిస్తోంది. కానీ అనూహ్యంగా ఆయన జేడీయూ తీర్థం పుచ్చుకోవడంతో వైసీపీకి వ్యూహాలు రచిస్తారా ? లేదా ? అనేది చర్చ జరుగుతోంది. 

2019 ఎన్నికల నేపథ్యంలో ఎన్నికల వ్యూహకర్తగా పని చేయాలని బీజేపీ, కాంగ్రెస్ పార్టీల నుండి ఆఫర్్స వచ్చినట్లు టాక్. కానీ ప్రాంతీయ పార్టీలో చేరితే రాజకీయంగా ఎదగవచ్చని ప్రశాంత్ యోచించినట్లు తెలుస్తోంది. 2019 ఎన్నికల నేపథ్యంలో మిత్రపక్షాలైన జేడీయూ, బీజేపీ మధ్య  ఎంపీ సీట్ల పంపకాపై చర్చలు జరుగుతున్నాయి. ఏ పార్టీకి ఎన్ని సీట్లు కేటాయించాలి ? తదితర కొన్నింటిపై ప్రతిష్టంభన నెలకొంది. ఈ నేపథ్యంలో ప్రశాంత్ కిశోర్ జేడీయూలో చేరడంతో సీట్ల పంపకం ఓ కొలిక్కి వచ్చే అవకాశాలున్నాయని తెలుస్తోంది. 

15:11 - September 16, 2018

విజయవాడ : మోసం, మాయ, దగ చంద్రబాబు ఇంటిపేర్లని విమర్శించారు వైసీపీ నేత బొత్స సత్యనారాయణ. వెన్నుపోటు చంద్రబాబుకు వెన్నతో పెట్టిన విద్య అని ఆరోపించారు. నాలుగేళ్లుగా విశ్రాంతి తీసుకోకుండా రాష్ట్రాన్ని దోచుకుంటున్నారని ఆగ్రహం వ్యక్తం చేశారు. 22 సార్లు కోర్టుకు వెళ్లకపోతే వారెంట్‌ జారీ చేయడంలో తప్పేముందని.. వారెంట్‌కి కూడా రాజకీయ రంగు పులిమి లబ్ది పొందాలని చూస్తున్నారన్నారు బొత్స సత్సనారాయణ.

11:35 - September 11, 2018

విజయవాడ : ఏపీలో కూడా రాజకీయాలు వేడెక్కుతున్నాయి. తెలంగాణ రాష్ట్రంలో ముందస్తు ఎన్నికలకు తెరలేపిన సంగతి తెలిసిందే. దీనిపై ఏపీ రాజకీయ పార్టీలు నిశితంగా పరిశీలిస్తున్నాయి. తాజాగా వైసీపీ సంచలన నిర్ణయం తీసుకోనున్నట్లు ప్రచారం జరుగుతోంది. మూకుమ్మడిగా ఎమ్మెల్యేలు రాజీనామాలు చేయనున్నట్లు తెలుస్తోంది. మంగళశారం విశాఖలో వైసీపీ అధినేత వైఎస్‌ జగన్‌ అధ్యక్షతన ఆ పార్టీ రాష్ట్రస్థాయి సమావేశం జరగనుంది. ఈ సమావేశానికి ఎంపీలు, ఎమ్మెల్యేలు, ఎమ్మెల్సీలు, మాజీ ఎంపీలు, నియోజకవర్గ కో-ఆర్డినేటర్లు, జిల్లాల అధ్యక్షులు హాజరుకానున్నారు.

ఏపీ రాష్ట్రంలో ప్రస్తుతం అసెంబ్లీ సమావేశాలు కొనసాగుతున్న సంగతి తెలిసిందే. కానీ ఈ సమావేశాలకు కూడా వైసీపీ గైర్హాజర్ అయ్యింది. దీనిపై టిడిపి తీవ్ర విమర్శలు గుప్పిస్తోంది. వేతనాలు తీసుకుంటూ అసెంబ్లీకి రాకుండా...ప్రజా సమస్యలపై చర్చించకుండా వైసీపీ నాటకాలు ఆడుతోందని ప్రభుత్వం విమర్శలు గుప్పించింది. దీనితో సంచలన నిర్ణయం తీసుకోవాలని ఆ పార్టీ అధినేత జగన్ భావిస్తున్నారు. మూకుమ్మడిగా ఎమ్మెల్యెలు రాజీనామాలు చేస్తే ఎలా ఉంటుందని సమావేశంలో చర్చించనున్నారు. కానీ దీనిపై కొంతమంది ఎమ్మెల్యేలు విబేధిస్తున్నట్లు సమాచారం. మరి వైసీపీ ఎలాంటి నిర్ణయం తీసుకుంటుందో వేచి చూడాలి. 

07:13 - September 11, 2018

విజయవాడ : వచ్చే ఎన్నికల్లో ప్రజల మనస్సులను ఎలా చూరగొనాలి ? ప్రజలను ఎలా ఆకర్షించాలి ? వైసీపీ పట్ల మొగ్గు చూపేందుకు ఎలాంటి వ్యూహాలు రచించాలి ? అనేది దానిపై వైసీపీ ప్రణాళికలు రచిస్తోంది. ప్రజల సమస్యలను తెలుసుకొనేందుకు పక్కా ప్రణాళికలు రచిస్తోంది. అందులో భాగంగా ‘ఇంటింటికి వైసిపి’ పేరిట ఓ కార్యక్రమం నిర్వహించాలని వైసీపీ యోచిస్తోంది. ఇందుకు సంబంధించిన అంశాలపై చర్చించేందుకు మంగళశారం విశాఖలో వైసీపీ అధినేత వైఎస్‌ జగన్‌ అధ్యక్షతన ఆ పార్టీ రాష్ట్రస్థాయి సమావేశం జరగనుంది. ఈ సమావేశానికి ఎంపీలు, ఎమ్మెల్యేలు, ఎమ్మెల్సీలు, మాజీ ఎంపీలు, నియోజకవర్గ కో-ఆర్డినేటర్లు, జిల్లాల అధ్యక్షులు హాజరుకానున్నారు. ఇందుకోసం నేతలు భారీ ఏర్పాట్లు చేశారు. ఎన్నికల ఏడాది నేపథ్యంలో డిసెంబర్‌లోగా 'ఇంటింటికి' పార్టీ నేతలను పంపి టీడీపీ హామీలను ఎండగడుతూ ఓటర్లను ఆకర్షించేందుకు ప్రణాళికలు సిద్దం చేసుకుంటోంది. ఈ సమావేశంలో ప్రధానంగా దీనిపై చర్చించి.. కార్యాచరణ రూపొందించనున్నారు. అలాగే నేతలంతా 175 నియోజకవర్గాల్లో పర్యటించి ప్రజాసమస్యలను తెలుసుకునే విధంగా ప్రణాళిక రూపొందించనున్నారు. ఇక సర్కార్‌ వైఫల్యాలను ప్రజల్లోకి ఏ విధంగా తీసుకెళ్లాలి.. ప్రజల వద్ద ఎలా ప్రస్తావించాలనే అంశాలపై నేతలకు జగన్‌ దిశా నిర్దేశం చేయనున్నారు. అలాగే వైసీపీ ఎజెండాలో ప్రధానమైన నవరత్నాలపై విస్తృతంగా ప్రచారం చేసేందుకు జగన్‌ ప్రణాళికలు రచిస్తున్నట్లు తెలుస్తోంది. 

09:18 - September 10, 2018

విజయవాడ : ఏపీ అసెంబ్లీ సమావేశాలు కొనసాగుతున్నాయి. మూడో రోజైన సోమవారం శాసనసభలో 344 నిబంధన కింద పట్టణ, గ్రామీణ గృహ నిర్మాణంపై చర్చ జరుగనుంది. విభజన హామీల అమలుపై స్వల్ప కాలిక చర్చ జరుగనుంది. శాసనమండలిలో అమరావతి నిర్మాణంపై చర్చ కొనసాగనుంది. ఈ సమావేశాలకు గైర్హాజర్ కావాలని వైసీపీ నిర్ణయం తీసుకున్న సంగతి తెలిసిందే. దీనిపై వైసీపీపై అధికార పక్షం తీవ్ర విమర్శలు గుప్పిస్తోంది. 

19:32 - September 7, 2018

విజయవాడ : తెలంగాణలో అసెంబ్లీని రద్దు చేసిన కేసీఆర్ సంచలనం సృష్టించారు. ఈ నేపథ్యంలో ఏపీలో వైసీపీ నేత జగన్ చంద్రబాబుకు సవాల్ విసిరారు. సీఎం చంద్రబాబుకు వైసీపీ నేత జగన్ బహిరంగ సవాల్ విసిరింది. చంద్రబాబూ? నీకు ‘దమ్ముందా..అసెంబ్లీ రద్దు చేస్తారా? మీరు గెలుస్తారని నమ్మితే.. తెలంగాణ రాష్ట్రంలో వలెనే ముందస్తుకు రండి అంటు సవాల్ విసిరారు. చంద్రబాబు ఒంటరిగా ఒక్క ఎన్నికనైనా చంద్రబాబు గెలిచారా? బీజేపీతో పొత్తు పెట్టుకుని 1999లో గెలిచారు. 2009లో మహాకూటమి అంటూ టీఆర్ఎస్ తోనే పొత్తు పెట్టుకున్నారని ఎద్దేవా చేశారు. న్నారు. 2014లో బీజేపీ, పవన్ కళ్యాణ్ తో పొత్తు పెట్టుకుని అధికారంలోకి వచ్చారని చంద్రబాబుపై విమర్శలు సంధించారు.

17:17 - September 5, 2018

ఏపీ అసెంబ్లీ సమావేశాలు ప్రారంభం కంటే హీట్ ను పెంచుతున్నాయి. ఈ సారి కూడా వైసీపీ సభకు హాజరవుతుందా ? లేదా ? అనే చర్చ జరుగుతోంది. సమావేశాలకు హాజరుపై వైసీపీ ఓ లేఖ రాసింది. స్పీకర్ కోడెల, సీఎం చంద్రబాబు నాయుడులకు వైసీపీ నాలుగు పేజీల లేఖ రాసింది. స్పీకర్ కోడెల విజ్ఞాపన మేరకు ఈ లేఖను రాస్తున్నామని, పార్టీ ఫిరాయించిన మంత్రులను, 22 మంది ఎమ్మెల్యేలను తక్షణం తొలగించాలని లేఖలో డిమాండ్ చేసింది. ప్రజాస్వామ్యయుతంగా వ్యవహరించాలని, ఈ విషయాన్ని 2017 అక్టోబరులో శాసనసభ సమావేశాల సందర్భంగా చెప్పామని గుర్తు చేశారు. వెంటనే వారిని తొలగిస్తే తాము సమావేశాలకు హాజరవుతామని కండీషన్ పెట్టింది. ఎన్నో రోజులుగా పెండింగ్ లో ఉన్న ఈ అంశాలను ప్రభుత్వం, స్పీకర్ పరిష్కరిస్తారా ? అనేది వేచి చూడాలి. 

11:44 - September 5, 2018

విజయవాడ : ఏపీ శాసనసభ సమావేశాలు గురువారం నుండి ప్రారంభం కానున్నాయి. మరి ఈ సమావేశాలకు వైసీపీ నేతలు వస్తారా ? రారా ? గతంలో లాగానే సమావేశాలను బహిష్కరిస్తామని చెబుతారా ?..వైసీపీ అసెంబ్లీకి డుమ్మా కొట్టబోతోందా ? జగన్ ఏం ఆలోచిస్తున్నారు. ? అసెంబ్లీకి డుమ్మా కొడితే వైసీపీ పట్ల నెగటివ్ వస్తుందా ? పార్టీ నేతలకు జగన్ ఎలాంటి సంకేతాలు పంపుతున్నారు ?

గురువారం నుండి ప్రారంభమయ్యే ఏపీ అసెంబ్లీ సమావేశాలు 10-15 రోజుల వరకు నిర్వహిస్తారని తెలుస్తోంది. కానీ ఈ సమావేశాలకు కూడా హాజరు కావద్దని వైసీపీ అధినేత జగన్ నిర్ణయం తీసుకున్నట్లు ప్రచారం జరుగుతోంది. ప్రజా సమస్యలపై చర్చించి..పరిష్కరిస్తారని ఎన్నుకుంటే అసెంబ్లీకి గైర్హాజర్ అవుతుండడంపై వైసీపీ తీవ్ర విమర్శలు పెల్లుబికుతున్నాయి.

ఫిరాయింపు ఎమ్మెల్యేలపై చర్య తీసుకోవాలని...మంత్రులుగా బాధ్యతలు తీసుకొన్న నలుగురిని భర్తరప్ చేయాలని....టిడిపిలో చేరిన 21 మంది వైసీపీ ఎమ్మెల్యేలు అనర్హత వేటు వేయాలని వైసీపీ డిమాండ్ చేస్తున్న సంగతి తెలిసిందే. కానీ దీనిపై టిడిపి ప్రభుత్వం ఎలాంటి నిర్ణయం తీసుకోలేదు. వైసీపీ అధినేత జగన్ ప్రస్తుతం పాదయాత్ర చేస్తున్న సంగతి తెలిసిందే. ప్రస్తుతం జరిగే సమావేశాలకు వైసీపీ ఎమ్మెల్యేలు హాజరు కావాలని సూచిస్తారా ? లేదా ? అనేది తెలియరావడం లేదు.

ఉమ్మడి ఏపీ రాష్ట్రంలో 1989 నుండి 1994 మధ్య కాలంలో జరిగిన అసెంబ్లీ సమావేశాలకు తాను హజరు కాబోనని అప్పటి విపక్ష నేత ఎన్టీఆర్ పేర్కొని సమావేశాలకు హజరు కాలేదు. ప్రస్తుతం వైసీపీ కూడా ఇలాంటి నిర్ణయం తీసుకుంది. కానీ ప్రజా సమస్యలను పరిష్కరించాలని...అత్యున్నతమైన సభకు ఎమ్మెల్యేలను పంపిస్తే వారు సమావేశాలకు హాజరు కాకపోవడంపై వైసీపీపై నెగటివ్ టాక్ వచ్చే అవకాశం ఉందని తెలుస్తోంది. అసెంబ్లీ బహిష్కరణనను జనసేన అధినేత పవన్ కూడా ప్రశ్నించిన సంగతి తెలిసిందే. సమస్యలపై చర్చించకుండా..వాటిని పరిష్కరించకుండా రాజకీయాలు చేయడం ఏంటీ ? అని చర్చ జరుగుతోంది.

ఇక టిడిపి విషయానికి వస్తే 10-15 రోజుల పాటు నిర్వహించే ఈ సభలో కీలక బిల్లులను ప్రవేశ పెట్టాలని ప్రభుత్వం యోచిస్తున్నట్లు తెలుస్తోంది. అలాగే కేంద్ర ప్రభుత్వ వైఖరిని ప్రశ్నిస్తున్న టిడిపి ఈ సమావేశాలను చక్కగా ఉపయోగించుకోవాలని భావిస్తోంది. అసెంబ్లీ...శాసన మండలి వేదికగా కేంద్రం..ప్రతిపక్షాలపై దాడికి సిద్ధమౌతోంది. ఏపీపై కేంద్రం చూపిస్తున్న వివక్ష...అభివృద్ధికి సహకరించకపోవడం తదితర అంశాలను అసెంబ్లీలో ప్రస్తావించనున్నట్లు టాక్. మరోవైపు బీజేపీ కూడా టీడీపీ ప్రభుత్వ వైఫల్యాలను ఎండగట్టాలని భావిస్తోంది. ప్రతిపక్ష వైసీపీ పార్టీ ఈసారి సమావేశాలకు హాజరవుతుందా ? లేదా ? అనేది వేచి చూడాలి. 

06:35 - August 30, 2018

హైదరాబాద్ : గుడివాడ ఎమ్మెల్యే కొడాలి నాని-నందమూరి కుటుంబానికి మధ్య ఎంతో సాన్నిహిత్యం ఉంది. నిన్న హరికృష్ణ మరణవార్త తెలుసుకుని వచ్చిన కొడాలి నాని.. ఇంకా అక్కడే ఉన్నారు. రాత్రంతా హరికృష్ణ పార్ధివదేహం వద్దే గడిపారు. చాలామంది వెళ్లిపోయినా కొడాలి నాని మాత్రం కుర్చీలోకూర్చుని అక్కడే ఉన్నారు. 

Pages

Don't Miss

Subscribe to RSS - వైసీపీ