భారతదేశం

11:14 - November 7, 2018

పాకిస్థాన్ : పాకిస్థాన్, భారతదేశాల మధ్య వుండే నిబంధలను ఉల్లంఘింటం పాకిస్థాన్ కు పరిపాటిగా మారిపోయింది. పలుమార్లు కాల్పుల ఒప్పందాలను ఉల్లంఘించిన పాకిస్థాన్ ఇప్పుడు మరో ఉల్లంగనకు పాల్పడింది. భారత్ అభ్యంతరాలను తోసిపుచ్చి పాక్ ఆక్రమిత కశ్మీర్ మీదుగా చైనా, పాకిస్థాన్ మధ్య సోమవారం రాత్రి బస్సు సర్వీసు ప్రారంభమైంది. పాకిస్థాన్‌లోని లాహోర్‌లో ఉన్న గుల్బర్గ్ ప్రాంతం నుంచి పీవోకే మీదుగా చైనా జిన్‌జియాంగ్ రాష్ట్రం కష్ఘర్ నగరానికి తొలి బస్సు సర్వీసు నడిచింది. చైనా- పాకిస్థాన్ ఎనకమిక్ కారిడార్ ప్రాజెక్టులో భాగంగా పాక్, చైనా ఈ బస్సు సర్వీసును నడుపుతున్నాయి. తొలుత నిర్ణయించిన షెడ్యూల్ ప్రకారం శనివారం నాడే బస్సు సర్వీసు ప్రారంభించాల్సి ఉంది. కానీ దైవదూషణకు పాల్పడినట్లు ఆరోపణలు ఉన్న మహిళ అసియా బీబీని పాక్ సుప్రీంకోర్టు నిర్దోషిగా ప్రకటించడంతో దేశమంతటా తీవ్ర నిరసనలు వెల్లువెత్తాయి. దీంతో సదరు బస్సు సర్వీసును సోమవారం రాత్రి ప్రారంభించారు. పాక్ ఎకనమిక్ ఫొరం చైర్మన్ ఇక్బాల్ షమీ ఈ సందర్భంగా మాట్లాడుతూ రెండు దేశాల సంబంధాల్లో ఇది చాలా మంచి రోజని పేర్కొన్నారు. పీవోకే మీదుగా పాక్- చైనా మధ్య బస్సు సర్వీసు నిర్వహించడంపై భారత్ తీవ్ర నిరసన తెలిపింది.
 

15:59 - October 16, 2018

ఢిల్లీ : స్మార్ట్ ఇప్పుడు అందరి చేతుల్లోను ఇదే. స్మార్ట్ ఫోన్స్ ఏ కంపెనీ విడుదల చేసినా..అది క్షణాల్లో స్మార్ట్ అభిమానుల చేతుల్లో హొయలు పోతుంది. ప్రపంచం అంతా స్మార్ట్ గా మారిపోతున్న క్రమంలో అన్ని మొబైల్ కంపెనీలు పోటీలు పడి మరీ స్మార్ట్ ఫోన్స్ ని మరింత స్మార్ట్ గా ఎలా తయారు చేయాలో అనే పనిలో స్మార్ట్ గా ఆలోచిస్తున్నారు. దీంతో ప్రపంచం మరింత స్మార్ట్ ను సంతరించుకుంటోంది. ఈ నేపథ్యంలో హువావే సబ్ బ్రాండ్ సంస్థ అయిన ఆనర్ నుండి నూతన స్మార్ట్ ఫోన్ కొద్దిసేపటి క్రితం భారత మార్కెట్లో విడుదల అయింది. ఆనర్ 8ఎక్స్‌ పేరిట విడుదలైన ఈ ఫోన్లో భారీ డిస్‌ప్లే, డ్యుయల్ కెమెరాలు లాంటి పలు ఆకట్టుకునే ఫీచర్లు ఉన్నాయి. ఈ నెల 24 నుండి అమెజాన్ సైట్‌ లో ప్రత్యేకంగా విక్రయించనున్న ఈ ఫోన్ 4 జీబీ / 6 జీబీ వేరియంట్ లలో లభించనుంది. 4 జీబీ ర్యామ్, 64 జీబీ ఇంటర్నల్ స్టోరేజ్ గల ఫోన్ ధర రూ.14,999 ఉండగా, 6 జీబీ ర్యామ్, 64 జీబీ ఇంటర్నల్ స్టోరేజ్ ఫోన్ ధర రూ.16,999గా ఉంది. అలాగే 6 జీబీ ర్యామ్, 128 జీబీ ఇంటర్నల్ స్టోరేజ్ ఫోన్ ధర రూ.18999గా ఉంది.
 

 

10:26 - October 9, 2018

ఢిల్లీ : భారత్, ఫ్రాన్స్ మధ్య కుదిరిన ‘రాఫెల్ యుద్ధ విమానాల’ ఒప్పందంలో అవకతవకలు జరిగాయనే ఆరోపణల నేపథ్యంలో సుప్రీంకోర్టులో దాఖలైన పిల్ పై అక్టోబర్ 10న విచారణ జరగనుంది. వినీత్ దండ అనే న్యాయవాది దాఖలు చేసిన పిల్ పై ప్రధాన న్యాయమూర్తి జస్టిస్ రంజన్ గొగోయ్, న్యాయమూర్తులు జస్టిస్ ఎస్ కే కౌల్, జస్టిస్ కే ఎం జోసెఫ్ మోండేల బెంచ్ వాదనలు విననుంది. రాఫెల్ ఒప్పందం వివరాలతో పాటుగా, యూపీఏ, ఎన్ డీఏ ప్రభుత్వాల హయాంలో ఈ ఒప్పందపు విలువలో వున్న వ్యత్యాసాన్ని సీల్డ్ కవర్లో సుప్రీంకోర్టుకు సమర్పించాల్సిందిగా కేంద్రాన్ని ఆదేశించాలని న్యాయవాది తన పిల్ లో కోరారు.
ఇదిలావుండగా భారత్, ఫ్రాన్స్ మధ్య జరిగిన ఒప్పందంపై స్టే విధించాలంటూ ఎం ఎల్ శర్మ అనే అడ్వకేట్ వేసిన పిటీషన్ కూడా ఈ నెల 10న విచారణకు రానుంది. 36 విమానాల కొనుగోలు ఒప్పందంలో అవినీతి జరిగిందని, ఇరు దేశ ప్రభుత్వాల మధ్య జరిగిన ఒప్పందానికి రాజ్యాంగంలోని ఆర్టికల్ 253 ప్రకారం పార్లమెంట్ ఆమోదం లేనందున, ఒప్పందాన్ని రద్దు చేయాలని న్యాయవాది శర్మ తన పిటీషన్ లో పేర్కొన్నారు.
ఇదేకోవలో రాఫెల్ యుద్ధ విమానాల ఒప్పందంలో అవినీతిపై స్వతంత్ర దర్యాప్తు సంస్థతో విచారణ జరిపించి వివరాలను పార్లమెంటుకు సమర్పించాలని కోరుతూ సుప్రీంలో మార్చి నెలలో మరో పిటీషన్ దాఖలైంది. నిబంధనల ప్రకారం డిఫెన్స్ ప్రొక్యూర్ మెంట్ ప్రొసీజర్ అనుమతి కోరలేదని, ఫ్రాన్స్ తో జరిగిన ఒప్పందానికి కేంద్ర కేబినెట్ ఆమోదం ఎందుకు తీసుకోలేదో కేంద్రం నుంచి తెలుసుకోవాలని కోరుతూ కాంగ్రెస్ నేత తెహ్ సీన్ ఎస్ పూనావల్లా కూడా ఓ పిటీషన్ ను సుప్రీం కోర్టులో దాఖలు చేశారు.
రాఫెల్ ఒప్పందం భారత్, ఫ్రాన్స్ మధ్య జరిగిన రక్షణ ఒప్పందం. భారత ఎయిర్ ఫోర్స్ ఆయుధాల ఆధునికీకరణ ప్రక్రియలో భాగంగా భారత్, ఫ్రాన్స్ మధ్య జరిగిన ఈ ఒప్పందంలో 36 రాఫెల్ యుద్ధ విమానాలు భారత్ కొనుగోలు చేయాలనేదే ఒప్పందం. రెండు ఇంజిన్ల మీడియం మల్టీ రోల్ కంబాట్ సామర్థ్యం కలిగిన రాఫెల్ విమానాలను ఫ్రెంచ్ ఏరోస్పెస్ కంపెనీ డసాల్డ్ ఏవియేషన్ తయారు చేసింది. 126 యుద్ధ విమానాల కొనుగోలుకు ఇండియన్ ఎయిర్ ఫోర్స్ 2007 ఆగస్టులో ప్రతిపాదనలు చేసింది.  
 

 

20:25 - October 5, 2018

ఢిల్లీ : సంగీతానికి రాళ్లు కూడా కరుగుతాయంటారు. సంగీతంతో పశువులుకూడా నాట్యం చేస్తాయంటారు. సంగీతానికి దేశం, ప్రాంతం, భాష, శతృవులు, మిత్రులు వంటి తారతమ్యాలు వుండవు. అదొక మహా సామ్రాజ్యం. ఆ సామ్రాజ్యంలో అందరు ఆనందంగా విహరించవచ్చు. భాషాభేధం లేని తన సంగీతంతో రాష్ట్రం, ప్రాంతం అంటూ సరిహద్దులు ఉండవని ఓ పాక్‌ గాయకుడు నిరూపించారు. మహాత్మాగాంధీజీ 150వ జయంతి ఉత్సవాల సందర్భంగా పాకిస్థాన్‌కు చెందిన గాయకుడు షఫ్‌ఖత్‌ అమనత్‌ అలీ ప్రముఖ భజన గీతం ‘వైష్ణవ్‌ జనతో’ను అద్భుతంగా పాడారు. గాంధీజీ జయంతి వేడుకల్లో భారత్‌తోపాటు వివిధ ప్రపంచ దేశాలు కూడా పాల్గొన్నాయి. ఈ నేపథ్యంలోనే దాదాపు 124 దేశాలకు చెందిన కళాకారులు బాపూజీకి ఎంతో ఇష్టమైన భజన గీతాన్ని ఆలపించారు. కానీ అలీ పాట ఎంతో మందికి బాగా నచ్చింది. ఎందరో హృదయాలను కదిలించింది. ఆయన అద్భుతంగా పాడారని భారత్‌, పాకిస్థాన్‌ రెండు దేశాల నుంచి ప్రశంసలు వెల్లువెత్తుతున్నాయి.
భారత విదేశాంగ శాఖ అభ్యర్థన మేరకు ప్రపంచ దేశాల్లోని కళాకారులు గాంధీజీకి ఇష్టమైన భజనను ఆలపించేందుకు ముందుకు వచ్చారు. అలీ అద్భుత ప్రదర్శన చేసిన వీడియోను ఇస్లామాబాద్‌లోని భారత హైకమిషన్‌‌ సోషల్‌ మీడియాలో పోస్ట్‌ చేసింది. ఈ వీడియోను ఇప్పటికే చాలా మంది వీక్షించారు. ఎంతో మంది షేర్‌ చేశారు. అలీ శ్రద్ధతో, భక్తితో చాలా బాగా పాడారని నెటిజన్లు కామెంట్లు చేస్తున్నారు.

14:41 - October 4, 2018

ఢిల్లీ :  ప్రపంచంలోనే భారతదేశం ప్రజాస్వామ్య దేశంగా పేరొందింది. కాలానుగుణంగా ప్రజాస్వామ్యం అనే పదానికి అర్థం లేకుండా పోతోంది. పాలకుల అవినీతి,అధికారుల దోపిడీ..చిన్నస్థాయి చిరుద్యోగి నుండి పైస్థాయి అధికారి వరకూ లంచం, లంచం, లంచం. లంచంలేదనిదే ఏపని జరగని పరిస్థితి. అక్కడక్కడా నిజాయితీపరులైన అధికారులున్నా వారిని సక్రమంగా వారి విధులను వారు చేసుకోనివ్వలేని పరిస్థితికి దిగజారిపోతున్న నేపథ్యంలో భారతదేశం అవినీతి దేశంగా మారిపోయింది. ప్రజాస్వామ్య దేశమంటే కేవలం ప్రజల ఓట్లదో ప్రజాప్రతినిధులను ఎన్నుకోవటమే కాదు..ప్రజలకు అన్ని వసతులు..నీతిగా..నిజాయితీగా..పారదర్శకంగా పాలన అందించాల్సిన పాలకులనుండి అంటెండర్ వరకూ అవినీతి కూపంలో భారత్ కూరుకుపోయింది. ఈ వాస్తవాలు ప్రముఖ  పత్రిక సర్వేలో ఫోర్బ్స్ వెల్లడించింది. కానీ మరోపక్క ప్రదాని మోదిపై ఈ పత్రిక సలు కురిపించింది. 
ఆసియా దేశాల్లో మ‌న భారతదేశం ఎక్కువ శాతం అవినీతి జరుగుతోందని ఫోర్బ్స్ పత్రిక వెల్లడించింది. ట్రాన్స్‌ప‌రెన్సీ ఇంట‌ర్నేష‌న‌ల్ త‌న స‌ర్వే నివేదిక‌లో ఈ అంశాన్ని వెల్ల‌డించింది. అవినీతిని రూపుమాపాల‌ని మోడీ ప్ర‌భుత్వం చేస్తున్న ల‌క్ష్యాల‌ను అందుకోవాలంటే ఇంకా ఆ దేశం చాలా ముందుకు వెళ్లాల్సి ఉంద‌ని ఆ నివేదిక పేర్కొన్న‌ది. ఆసియాలో ఉన్న ఫైవ్ మోస్ట్ క‌ర‌ప్ట్ కంట్రీస్ జాబితాను ఫోర్బ్స్ రిలీజ్ చేసింది. ఆసియా దేశాల్లో లంచాలు ఎక్కువ‌గా ఉన్న‌ట్లు ఆ నివేదికలో తెలిపింది. భార‌త్ త‌ర్వాత వియ‌త్నాం, థాయ్‌లాండ్, పాకిస్థాన్‌, మ‌య‌న్మార్ దేశాలు ఉన్నాయి. భార‌త్‌లో అవినీతి 69 శాతం ఉందని పేర్కొంది. ఆ త‌ర్వాత వియ‌త్నాంలో 65 శాతం లంచాలు ఇస్తేనే ప‌నులు జరుగుతాయని పేర్కొంది. థాయ్‌లాండ్‌లో41 శాతం, పాకిస్థాన్‌లో 40 శాతం, మయన్మార్‌లో 40 శాతం అవినీతి ఉందని పేర్కొంది. భార‌త్‌లో స్కూళ్లు, హాస్పిట‌ళ్లు, ఐడీ డాక్యుమెంట్లు, పోలీసులు, సేవ‌ల రంగాల్లో లంచం మ‌రీ ఎక్కువ‌గా ఉన్న‌ట్లు ఆ నివేదిక పేర్కొంది. 

18:14 - September 26, 2018

ఢిల్లీ : జపాన్ దేశస్థులకు పని పిశాలు అని పేరు. పనిచేయకుండా వుండటం అనేది వారి దేశ చరిత్రలోనే లేదని ఆర్థిక విశ్లేషకులు సైతం అంటుంటారు. అందుకే ప్రపంచ దేశాలన్నీ అభివృద్ధి..అభివృద్ధి అని పరుగులు పెట్టిన శతాబ్దకాలనికి అభివృద్ధివైపు పయనించిన జపాన్ ఇప్పుడు ప్రపంచ దేశాలలో ఆ దేశపు తయారీ వస్తువుంటే ఒక స్టేటస్ సింబల్ గా చెప్పుకునే స్థాయికి చేరుకుంది. ఎన్ని ప్రకృతి వైపరీత్యాలు వచ్చిన వెంటనే పడి లేచిన కెరటంలా అభివృద్ధి వైపు రాకెట్ లా దూసుకుపోతుంటుంది జపాన్. ఇక భారత్ మాటకొస్తే..వ్యవసాయ ఆధారిత దేశంగా పేరొందిన భారత్ జనాభాతో పోల్చుకుంటే భారత్ చాలా చాలా ఎక్కువ. ఈ నేపథ్యంలో జపాన్ తో భారత్ ఆర్థిక వ్యవస్థ మెరుగుపడటమే కాక జపాన్ ను అధిగమించబోతోందని ఓ సర్వేలో వెల్లడయ్యింది. మరి ఇది భారతీయులకు అతి పెద్ద శుభవార్తేనని ఖచ్చితంగా చెప్పి తీరవలసిందే.భారతదేశ ఆర్థిక వ్యవస్థ వేగంగా వృద్ధి చెందుతున్నట్లు హెచ్ఎస్‌బీసీ హోల్డింగ్స్, బ్లూమ్‌బెర్గ్ అధ్యయనంలో వెల్లడైంది. 2030 నాటికి భారతదేశ ఆర్థిక వ్యవస్థ ప్రపంచ ఆర్థిక వ్యవస్థల్లో మూడో స్థానంలో నిలిచే అవకాశాలు ఉన్నాయని ఈ నివేదిక పేర్కొంది. 2017లో ఆరో స్థానంలో ఉన్న భారతదేశ ఆర్థిక వ్యవస్థ 2030 నాటికి జపాన్‌ను అదిగమించబోతున్నట్లు ఈ అధ్యయనం అంచనా వేసింది.
 
అభివృద్ధి చెందిన దేశాల్లో వృద్ధుల సంఖ్య పెరుగుతుండగా, భారత దేశంలో పని చేయగలిగిన సామర్థ్యం ఉన్న జనాభా పెరుగుతోంది. మన దేశ ఆర్థిక వ్యవస్థ వృద్ధికి ఇదే ప్రధాన ప్రోత్సాహకారిగా ఉన్నట్లు ఈ అధ్యయనంలో వెల్లడైంది. 2030నాటికి చైనా ఆర్థిక వ్యవస్థ 26 ట్రిలియన్ డాలర్లతో ప్రథమ స్థానంలోనూ, అమెరికా ఆర్థిక వ్యవస్థ 25.2 ట్రిలియన్ డాలర్లతో రెండో స్థానంలోనూ, 5.9 ట్రిలియన్ డాలర్లతో భారతదేశ ఆర్థిక వ్యవస్థ మూడో స్థానంలోనూ నిలుస్తాయని ఈ అధ్యయనం అంచనా వేసింది.

 

15:31 - September 7, 2018

పాకిస్థాన్ : పాకిస్థాన్ సార్వత్రిక ఎన్నికల్లో విజయం సాధించి ప్రభుత్వాన్ని ఏర్పాటు చేసుకున్నారు ఇమ్రాన్ ఖాన్. పాకిస్తాన్ తెహ్రీక్-ఏ-ఇన్సాఫ్ పార్టీని స్థాపించి పాక్ లో అధికారంలోకి వచ్చారు. కాగా పాకిస్థాన్ లో అధ్యక్షుడు ఎవరైనా..ముఖ్యమంత్రి ఎవరైనా అధికారం మాత్రం సైన్యానిదే. సైన్యం కనుసన్నల్లోని అన్నీ జరుగుతుంటారు. ఈ నేపథ్యంలో ఇమ్రాన్ అధికారంలోకి వచ్చాక పాక్ విధి విధానాలు మారతాయనే అందరు ఊహించారు. కానీ సదా మామూలుగానే పాత పద్ధతిలోనే పాక్ కొనసాగుతోంది. ఈ నేపథ్యంలో దేశంలో కొత్త ప్రభుత్వం ఏర్పడినప్పటికీ ఆ దేశ సైన్యం తీరు మాత్రం మారలేదు. ఇండియాను రెచ్చగొట్టేలా పాక్ ఆర్మీ చీఫ్ జావెద్ బజ్వా వ్యాఖ్యలు చేశారు. సరిహద్దుల్లో తమ సైనికులను చంపితే... అంతకంత ప్రతీకారం తీర్చుకుంటామని వార్నింగ్ ఇచ్చారు. స్వాతంత్ర్యం కోసం పోరాడుతున్న కశ్మీర్ ప్రజలకు శాల్యూట్ చేస్తున్నానని చెప్పారు. పాకిస్థాన్ లో జరిగిన డిఫెన్స్ డే ఫంక్షన్ లో మాట్లాడుతూ, ఆయన ఈ వ్యాఖ్యలు చేశారు. కశ్మీర్ ప్రజలకు తాము మద్దతుగా ఉంటామని చెప్పారు. కశ్మీర్ సోదరులు, సోదరీమణులు చేస్తున్న త్యాగాలు చాలా గొప్పవని అన్నారు. 

21:27 - September 4, 2018

జమ్ము కశ్మీర్ : దేశ సరిహద్దుల్లో ప్రాణాలకు తెగించి పోరాడే జవానుల ధైర్యసాహసాలతో దేశ ప్రజలకు భరోసా నిచ్చే జవానుల త్యాగాల గురించి ఎంత చెప్పుకున్నా తక్కువే. ఆ జవాన్లకు దిశానిర్దేశం చేస్తు అనుక్షణం అప్రమత్తంగా వుండి..దేశ భద్రత బాధ్యతను కడు సమర్థవంతంగా నిర్వహించే ఆర్మీ అధికారుల సమయోచిత శక్తి యుక్తులతో భారత భద్రత ఆధారపడి వుంది. ఈ నేపథ్యంలో ఉన్నతస్థాయిలోవుండే ఆర్మీ అధికారులకు నైతికత కూడా అంతే ముఖ్యం. కానీ కొందరు అత్యంత ఉన్నత హోదాలో వున్నప్పటికీ..వారి సహజ నైజంతో తమ నైతికతను దిగజార్చుకుంటుంటారు. ఇది వారి అనైతకతకే కాదు దేశ భవిత్రకు, భద్రతకు కూడా ముప్పువాటిల్లే అవకాశం లేకపోలేదు. ఈ నేపథ్యంలో ఇటువంటి అధికారులకు సైనిక దళాధిపతి జనరల్ బిపిన్ రావత్ హెచ్చరికలు జారీ చేశారు.

సైన్యంలో అనైతిక కార్యకలాపాలకు పాల్పడేవారిపై కఠినచర్యలు తీసుకుంటామని ఆర్మీ చీఫ్ బిపిన్ రావత్ హెచ్చరించారు. మేజర్ లీటుల్ గొగోయ్ ఓ స్థానిక యువతిని శ్రీనగర్‌లోని ఓ హోటల్‌కు రప్పించుకున్న వ్యవహారంపై సైనిక న్యాయస్థానం లీటుల్ ను దోషిగా తేల్చింది. ఇది ప్రజల దృష్టిలో సైన్యం ప్రతిష్ఠను దిగజార్చే చర్యగా భావిస్తున్నారు.

నేరాన్ని బట్టి మేజర్ గొగోయ్‌పై చర్య తీసుకుంటామని జనరల్ రావత్ స్పష్టంచేశారు. అనైతిక చర్యలను, అవినీతిని ఏమాత్రం ఉపేక్షించబోమని స్పష్టం చేస్తున్నాను. సైనిక న్యాయస్థానం మేజర్ గొగోయ్‌ని దోషిగా తేల్చింది. ఆయనను కోర్ట్‌మార్షల్ చేయాలని సిఫారసు చేసింది. అమ్మాయిని హోటల్‌కు పిలిపించుకున్న సమయంలో మేజర్ గొగోయ్ తన డ్యూటీ ప్రదేశానికి దూరంగా ఉన్నారని కూడా సైనిక న్యాయస్థానం తేల్చింది. ఇది మరింత తీవ్రమైన క్రమశిక్షణ ఉల్లంఘన కిందకు వస్తుంది. కాగా గతంలో కూడా మేజర్ గొగోయ్ ఓ కశ్మీరీ యువకుని తన జీపు బానెట్‌కు కట్టేసి అల్లర్లు జరిగే ప్రాంతాల్లో తిరగడం తీవ్ర విమర్శలకు గురైన విషయం తెలిసిందే. రాళ్లురువ్వే వారిని అదుపు చేసేందుకు అలా తిప్పినట్టు ఆయన తర్వాత ప్రకటించినా ప్రజల్లో మాత్రం అది పలు విమర్శలకు దారి తీసింది. అప్పట్లో తీవ్రవాద వ్యతిరేక చర్యలు నిరంతరంగా చేపట్టినందుకు జనరల్ రావత్ ఆయనకు ఆర్మీచీఫ్ కమెండేషన్ కార్డు బహూకరించారు. ఏడాది తిరిగేలోపు మేజర్ గొగోయ్ అనైతిక ప్రవర్తన కారణంగా తలదించుకోవాల్సి వచ్చింది.

కాగా ఆర్మీలో ఎంతటి కఠినతరమైన నిబంధనలుంటాయో అంతటి బాధ్యత కూడా ఆయా అధికారులపై వుందనే విషయాన్ని వారు నిద్రలో కూడా మరిచిపోయే వీలులేదు. ఈ నిబంధనలు అతిక్రమించినా..నిర్లక్ష్యం వహించినా ఒక్కో సమయంలో, సందర్భంలో చాలా పెద్ద మూల్యం చెల్లించుకోవాల్సివస్తుంది. అసలే భారత్ పై పలు దేశాల కన్ను వున్న క్రమంలో దేశ భద్రతకు కడు ముప్పు ఏర్పడే అవకాశం లేకపోలేదు. ఆర్మీ పట్ల ప్రజల్లో నమ్మకాన్ని, గౌరవాన్ని అధికారులు గుర్తెరికి వ్యవహరించాల్సిన అవసరముంది. అలాగే భారత ఆర్మీ పట్ల ఇటువంటి సందర్భలతో మాయని మచ్చ పడే ప్రమాదముంది. ఏది ఏమైనా సహజసిద్ధంగా సాధారణ మనుషులకు వుండే బలహీనతలను అధిగమించి దేశం ఆర్మీపై పెట్టుకున్న నమ్మకాన్ని, ధైరాన్ని, గౌరవాన్ని కాపాడాల్సిన అధికారులు తమ బాధ్యత పట్ల నిత్యం అప్రమత్తంగా వుంటారని ఆశిద్దాం..

 

09:19 - August 17, 2018

ఢిల్లీ : వాజ్ పేయికి వాజ్ పేయి సాటి అని ఏపీ సీఎం చంద్రబాబు నాయుడు అభివర్ణించారు. శుక్రవారం ఆయన ఢిల్లీకి చేరుకుని వాజ్ పేయి పార్థివ దేహానికి ఆయన నివాళులర్పించారు. అనంతరం ఆయన మీడియాతో మాట్లాడారు. అన్ని రిఫామ్స్ కు ఆద్యుడని, టెలీకమ్యూనికేషన్, నేషనల్ హైవే, మైక్రో ఇరిగేషన్, ఇన్ ఫ్రా స్ట్రక్చర్ ఇతరత్రా వాటిని ముందుకు తీసుకొచ్చారన్నారు. ఆయన చనిపోవడం దేశానికి పెద్ద లోటు అని, ఆయన అందరికీ ఆదర్శమన్నారు. ఒక ప్రధానిగా, ఒక ప్రతిపక్ష నేతగా, ఒక పార్లమెంటేరీయన్ గా వ్యవహరించారని తెలిపారు. తాను చేపట్టిన హైటెక్ సిటీని వాజ్ పాయి ప్రారంభించారని గుర్తు చేసుకున్నారు. ఒక కలుపుగోలుతనం..దేశ భవిష్యత్ కోసం ఎన్నో నిర్ణయాలు తీసుకున్నారని తెలిపారు. నమ్ముకున్న సిద్ధాంతం ప్రకారం ఒక పద్ధతి ప్రకారం వెళ్లారన్నారు.

తాను ఢిల్లీకి వస్తుంటే నిధుల కోసమే వస్తున్నారని కొందరు అనుకొనే వారని పేర్కొన్నారు. మలేషియాలో కొన్ని రోడ్లు చూసి దేశంలో ఉన్న రోడ్ల విషయాన్ని వాజ్ పేయికి తెలియచేయడం జరిగిందని, చెన్నై - నెల్లూరు రోడ్ ను మలేషియా కంపెనీ వేసిందన్నారు. ఆయన ఉన్న సమయంలో గవర్నమెంట్ ని ఎలాంటి ఒడిదొడుకులు లేకుండా పాలన కొనసాగించారని తెలిపారు. 1998లో బలపరీక్ష సమయంలో ఒక్క ఓటుతో ప్రభుత్వం పడిపోయిందన్నారు. 

21:00 - July 24, 2018

సంఘర్షణాత్మక వైఖరితో పొరుగుదేశం అయిన పాకిస్థాన్. మంచో చెడో భారత్ తో బంధం పెనవేసుకున్న దాయాది దేశం. ఇరు దేశాల మధ్య మూడుసార్లు యుద్ధాలు చోటుచేసుకున్నా..దాడులు ముప్పిరిగొంటున్నా..కలిసి నడవక తప్పని నైబర్ దేశం పాకిస్థాన్. స్వాతంత్ర్యం వచ్చి ఏడు దశాబ్దాలు దాటినా..ప్రజాస్వామ్యం పరిమళించని బాధిత దేశం పాకిస్థాన్..అన్నింటా ఆధిపత్యం చెలాయించాలని చూస్తున్న ఆల్ పవర్ ఫుల్ ఆర్మీ ఒకపక్క... పట్టు నిరూపించుకోవాలని చూస్తున్న ప్రజాస్వామ్యం మరోపక్క. నేషనల్ అసెంబ్లీకి నేతలను ఎన్నుకునేందుకు సిద్ధపడుతోంది. ఉగ్రవాదం, మతోన్మాదం,తీవ్రవాదం ముట్టడించిన గడ్డపై మిణుకు మిణుకుమంటున్న సామాన్య ప్రజల ఆశలు చిగురిస్తాయా? పాక్ పార్లమెంటరీ ఎన్నికలపై ప్రపంచం యావత్తు దృష్టిపెట్టింది. సరిహద్దు దేశమైన భారత్ ఈ ఫలితం కీలకమే. పాక్ లో శాంతి, సౌభాతృత్వాలు వెల్లివిరియాలంటే ఇరుగు, పొరుగు మంచిగా వుండాలి. వ్యాపార వాణిజ్య, సాంసృతిక సంబంధాలు సజావుగా నెలకొన్నాలి. గతాన్ని మరిచి వర్తమానాన్ని అర్థం చేసుకుంటు భవితకు పునాదులు వేసుకోవాలి. జానదేశం జయగీతం పాడినప్పుడే అది సాధ్యం అవుతుంది. అందుకు అనువైన వాతావరణం కనిపిస్తుందా? పాక్ ఎన్నికల్లో ప్రజల తీర్పు భారత్ పై ఎటువంటి ప్రభావాన్ని చూపనుంది? అసలు పాక్ ఎన్నికలను జాతీయ, అంతర్జాతీయ కోణంలో ఎలా అర్థం చేసుకోవాలి? ప్రముఖ రాజకీయ విశ్లేషకులు, అంతర్జాతీయ అధ్యయశీలి కోటేశ్వరావు విశ్లేషణలో చూద్దాం..

Pages

Don't Miss

Subscribe to RSS - భారతదేశం