పోలవరం

16:16 - November 4, 2018

పోలవరం: కేంద్ర, రాష్ట్ర ప్రభుత్వాలు ప్రతిష్టాత్మకంగా చేపట్టిన పోలవరం ప్రాజెక్ట్‌(పశ్చిమ గోదావరి జిల్లా) దగ్గర అలజడి చెలరేగింది. ప్రాజెక్ట్‌ దగ్గర ఒక్కసారిగా భూమి చీలిపోయింది. దీంతో ప్రజలు భయాందోళనలతో పరుగులు తీశారు. పోలవరం ప్రాజెక్ట్ చెక్‌పోస్టు సమీపంలో భారీగా పగుళ్లు ఏర్పాడ్డాయి. రోడ్లు చీలిపోయాయి. హఠాత్తుగా జరిగిన ఈ పరిణామంతో వాహనాలు నడుపుతున్న డ్రైవర్లు తమ వాహనాలను అక్కడే వదిలేసి పరుగులు తీశారు. మరోవైపు విద్యుత్ స్తంభాలు కూడా కూలిపోయాయి. రోడ్లు చీలిపోవడంతో ఏజెన్సీ గ్రామాలకు వెళ్లే రాకపోకలు స్తంభించాయి.

పోలవరం ప్రాజెక్ట్‌కు వెళ్లే ప్రధాన రహదారిపై‌ శనివారం ఉదయం 8 గంటలకు ఒక్కసారిగా ఈ ప్రాంతంలో కలకలం మొదలైంది. మెటల్‌ రోడ్డు మెల్లమెల్లగా ఉబికి వచ్చింది. ఒకటీ రెండూ కాదు... అలా సుమారు ఆరు అడుగుల ఎత్తున రోడ్డు ఉబికి వచ్చింది. రోడ్డు మొత్తం కండకండాలుగా విడిపోయింది. 15 అడుగుల లోపలి వరకు నెర్రెలు పడ్డాయి. అతి భారీ భూకంపమేదో సంభవించినట్లుగా విధ్వంస దృశ్యం కనిపించింది. 3 కిలోమీటర్ల రోడ్డులో సుమారు కిలోమీటరు పొడవునా రోడ్డు ముక్కలుగా మారిపోయింది. 

Image may contain: mountain, outdoor and natureఅసలు మ్యాటర్‌లోకి వెళితే... పోలవరం మీదుగా పలు గ్రామాలకు వెళ్లే రహదారి చాలా ఏళ్లుగా ఉంది. చిన్నగా ఉన్న రోడ్డును ఆ తర్వాత ప్రాజెక్టు అవసరాల దృష్ట్యా వెడల్పు చేశారు. ప్రాజెక్టులో తీసిన మట్టిని డంపింగ్‌ యార్డుకు తరలించేందుకు ఈ రహదారిని ఆనుకునే, కొంచెం దిగువన ట్రాన్స్‌ట్రాయ్‌ సంస్థ మట్టితో మరో రహదారి నిర్మించింది. ఈ మట్టి రోడ్డుపై దాదాపు నిమిషానికొకటి వంద టన్నుల లోడ్‌తో ట్రక్కులు తిరుగుతున్నాయి. అతి భారీ యంత్రాలు తిరగడంతో మట్టి రోడ్డు ఒత్తిడికి గురై మెల్లమెల్లగా కుంగుతూ వచ్చింది. దీని ప్రభావం పక్కనే ఉన్న తారు రోడ్డుపై పడింది. లోలోపలే ఒత్తిడి పెరిగింది. అది తట్టుకోలేనంతగా పెరిగి శనివారం ఉదయం విస్పోటంలా మారింది. మెల్లమెల్లగా ఉబుకుతూ రోడ్డు ముక్కలు ముక్కలుగా మారింది. ఇదీ అక్కడ జరిగిన అసలు కథ. 

రోడ్డు మొత్తం ముక్కలు ముక్కలుగా విడిపోవడంతో ఇరువైపులా ఉన్న విద్యుత్‌ స్తంభాలు విరిగిపడ్డాయి. దీంతో ప్రాజెక్టు వద్దకు వెళ్లే 33 కేవీ లైన్‌, పోలవరం మండలం ఏజెన్సీ గ్రామాలకు వెళ్లే 11 కేవీ లైన్‌ దెబ్బతిని విద్యుత్‌ సరఫరా పూర్తిగా నిలిచిపోయింది. దీంతో పోలవరం స్పిల్‌ చానల్‌ పనులకు అంతరాయం ఏర్పడింది. స్పిల్‌ చానల్‌లో తీసిన మట్టిని డంపింగ్‌ యార్డుకు తీసుకెళ్లే దారిలేక... తవ్వకం పనులు నిలిపి వేశారు. రోడ్డు ధ్వంసం కావడంతో ఏజెన్సీలోని 16 గ్రామాలకు రాకపోకలు నిలిచిపోయాయి. కనీవినీ ఎరుగని పరిణామాలతో పోలవరం వాసులు తీవ్ర భయాందోళనలకు గురయ్యారు. ఉదయం 10 గంటల తర్వాత మళ్లీ ప్రాజెక్టు ప్రాంతం వద్ద అటువంటి ప్రకంపనలు ఏమీ కనిపించకపోవడంతో ఊపిరి పీల్చుకున్నారు.

Image result for polavaram project cracksపోలవరంలో వచ్చింది భూకంపం కాదని ప్రాజెక్ట్‌ సీఈ శ్రీధర్‌ తెలిపారు. భారీ యంత్రాలు తిరగడం వల్లనే అలా జరిగిందని స్పష్టం చేశారు. దీనికీ ప్రాజెక్టు నిర్మాణ పనులకు సంబంధం లేదన్నారు.  ప్రాజెక్టులో కాంక్రీటు పనులు యథావిధిగా కొనసాగుతున్నాయని... నవయుగ కంపెనీ పెద్ద ఎత్తున భారీ యంత్రాలతో మరో డైవర్షన్‌ రోడ్డు ఏర్పాటు చేస్తోందన్నారు. 24 గంటల్లోనే రాకపోకలను పునరుద్ధరిస్తామని స్పష్టం చేశారు.

12:25 - October 27, 2018

పశ్చిమగోదావరి : పోలవరం ప్రాజెక్ట్‌కు ప్రమాదం పొంచి ఉందా ? ప్రమాదంపై ప్రభుత్వాన్ని ఇంటెలిజెన్స్ అప్రమత్తం చేసిందా ? పోలీసులు నిరంతరం తనిఖీలు చేయడానికి కారణాలేంటీ ? మావోయిస్టుల ముప్పుతోనే అసాధారణ రీతిలో భద్రత పెంచారా ? ప్రాజెక్ట్ ప్రాంతంతో పాటు చుట్టుప్రక్కల 20 కిలోమీటర్ల పరిధిని కవర్ చేస్తూ CC కెమెరాలను ఏర్పాటు చేసి నిఘా పెంచడానికి కారణాలేంటీ ?
Image result for polavaram project policeఏపీ సర్కార్ ప్రతిష్టాత్మకంగా చేపట్టిన పోలవరం ప్రాజెక్ట్‌కు...ఊహించని విధంగా ఉన్నట్టుండి సెక్యూరిటీని పెంచేశారు. ప్రాజెక్ట్‌కు సంబంధించిన 59 శాతం పనులు పూర్తయినట్లు ప్రభుత్వం ప్రకటించింది. స్పిల్ వే, స్పిల్ చానల్, డయాఫ్రం వాల్ నిర్మాణం, గేట్లు, విద్యుత్ కేంద్రం ఇలా ప్రాజెక్టుకు సంబంధించిన పనులన్నీ వేగంగా జరుగుతున్నాయి. పోలవరం ప్రాజెక్ట్ నిర్మాణం ప్రారంభించినప్పటి నుంచి అరకొర భద్రత పెట్టిన సర్కార్... ఇప్పుడు ప్రాజెక్ట్ చుట్టూ భద్రతను కట్టుదిట్టం చేసింది. రెండేళ్ల క్రితం వరకు పోలవరం ప్రాజెక్టుకు కేవలం పోలవరం పోలీసులు మాత్రమే భద్రత కల్పిస్తూ వస్తున్నారు. ఏడాది నుంచి మూడు ప్లాటూన్స్ భద్రత నిర్వహిస్తున్నాయి. పోలవరం ప్రాజెక్ట్‌కు ప్రతి నెల ముఖ్యమంత్రి  రావడం...కేంద్ర మంత్రులు, ఇతర ప్రజా ప్రతినిధులు..రాష్ట్రం నలుమూలల నుంచి రైతులు వచ్చి వెళ్తున్నారు. ఒక డీఎస్పీ నేతృత్వంలో పోలవరం ప్రాజెక్ట్ భద్రతను పర్యవేక్షిస్తున్నారు. దీనికి తోడు ప్రాజెక్ట్ చుట్టుపక్కల 20కిలోమీటర్ల పరిధిని కవర్ చేసేలా సీసీ కెమెరాలను ఏర్పాటు చేశారు. 15కిలోమీటర్ల దూరంలో పోలీసులు చెక్‌పోస్ట్‌ను ఏర్పాటు చేసి తనిఖీలు నిర్వహిస్తున్నారు. 
Image result for polavaram project policeఇప్పటి వరకు స్థానిక పోలీసులతో పాటు 72 మంది ఏపీఎస్పీ పోలీసులు భద్రత నిర్వహించేవారు. మావోయిస్టుల ముప్పుందని ఐబీ హెచ్చరించడంతో 72మందితో అదనంగా యాంటీ నక్సల్స్ స్క్వాడ్ నియమించారు. ప్రాజెక్ట్ పరిసర ప్రాంతాలతో పాటు కొండల్లో కూంబింగ్ చేస్తూ....వచ్చి పోయే వాహనాలను క్షుణ్ణంగా తనిఖీలు చేస్తున్నారు. లివిటిపుట్టు ఘటన నేపథ్యంలో ప్రాజెక్టు ముంపు మండలాలు కుక్కునూరు, వేలేరుపాడుతో పాటు చత్తీస్‌గఢ్ సరిహద్దుల్లో కవాతులు చేస్తూ...రాత్రి, పగలు కూంబింగ్ చేస్తున్నారు. నిఘా వర్గాలు హెచ్చరికలతో పోలవరం ప్రాజెక్ట్‌కు భద్రత పెంచాలని ప్రభుత్వం నిర్ణయం తీసుకుంది. ప్రాజెక్ట్ నిర్మాణం జరుగుతున్న సమయంలో, పూర్తయిన తర్వాత కూడా భారీ భద్రత కావాల్సిన ఉండటంతో...వెయ్యి మంది APSP సాయుధ పోలీసులతో ఒక బెటాలియన్‌ను పోలవరం ప్రాజెక్ట్‌కు కేటాయించింది. ఈ బెటాలియన్ చేరికతో పోలవరం ప్రాజెక్ట్ నిర్మాణం పటిష్ట బందోబస్తు మధ్య జరగనుంది. భవిష్యత్‌లో పోలవరం ప్రాజెక్ట్‌కు ప్రజాప్రతినిధులతో పాటు పర్యాటకులు, రైతుల తాకిడి పెరగనుండటంతో...భద్రతను కట్టుదిట్టం చేసింది సర్కారు. 

 

17:23 - October 10, 2018

అనంతపురం: శ్రీకాకుళం నుంచి నెల్లూరు దాకా అయిదు నదులు అనుసంధానం చేసి మహాసంగమం  సృష్టిస్తానని ఏపీ ముఖ్యమంత్రి చంద్రబాబు నాయుడు చెప్పారు. అనంతపురం జిల్లా కళ్యాణదుర్గం మండలం భైరవానితిప్ప వద్ద కుందుర్పి ఎత్తిపోతల పధకానికి శంకుస్దాపన చేసిన అనంతరం జరిగిన బహిరంగ సభలో ఆయన మాట్లాడుతూ గంటడికోటకు నీళ్లిస్తే పార్టీ ఉనికికి ప్రమాదమని ప్రతిపక్ష నేత జగన్మోహన్ రెడ్డి తన మనుషులతో కోర్టులో కేసులు వేయిస్తున్నారని ఆరోపించారు. 
ఈ రోజు రాయలసీమలో  అన్ని జిల్లాలకు నీళ్లివ్వగలుగుతున్నానని, తాను చేసే అబివృధ్ది పనులకు అడ్డుపడితే బుల్లెట్లా దూసుకుపోతానని చంద్రబాబు అన్నారు. ప్రతి సోమవారం నీరు-ప్రగతి మీద టెలికాన్ఫరెన్స్ నిర్వహిస్తున్నానని, సోమవారాన్ని పోలవరంగా మార్చుకుని దాని మీద శ్రధ్దపెట్టానని ,ఇప్పటికి 60 శాతం పోలవరం పనులు పూర్తయ్యాయని 2019 కల్లా పోలవరాన్ని పూర్తిచేస్తానని ఆయన ధీమా వ్యక్తం చేశారు. 
రాష్ట్రంలో 57 ప్రాజెక్టులు నిర్మించాలనుకున్నానని వీటిలో 47 ప్రాజెక్టులు పూర్తి చేస్తానని,గోదావరి,కృష్ణా, నదులు అనుసంధానం చేసామని, గోదావరి,పెన్నా నదుల అనుసంధానానికి చెందిన పనులు త్వరలో ప్రారంభిస్తామని ముఖ్యమంత్రి చెప్పారు. భవిష్య్తతులో శ్రీకాకుళం నుంచి నెల్లూరు దాకా వంశధార,నాగావళి,గోదావరి,కృష్ణ,పెన్నా,నదులు అనుసంధానం చేసి మహా సంగమాన్నిసృష్టిస్తానని  చంద్రబాబు అన్నారు.

18:36 - October 3, 2018

నిజామాబాద్ : ప్రజాశీర్వాద సభలో కేసీఆర్ మాట్లాుడుతు..ఏసీ సీఎం చంద్రబాబు తెలంగాణ ఎన్నికల ప్రచారానికి కాంగ్రెస్ నేతల ప్రచారానికి చంద్రబాబు కోట్ల రూపాయలు ఇస్తాడట..ఏడు మండలాలు గుంజుకున్న దుర్మార్గుడు చంద్రబాబు. కరెంటు ఇవ్వకుండా రాక్షసానందం పొందిన రాక్షసుడు చంద్రబాబు. ప్రాజెక్టులకు అడ్డంపడ్డ దుర్మార్గుడు చంద్రబాబు.. ఓటుకు నోటు కేసులో అడ్డంగా దొరికిన దొంగ చంద్రబాబు. ఆయనతో పొత్తు కూడతారా? అమరావతి గులాంలు, ఢిల్లీ గులాంలు కావాలా? మన పాలన మనకే కావాలా?’ అని సభకు హాజరైన ప్రజలను ప్రశ్నించారు.

22:08 - September 27, 2018

హైదరాబాద్ : తెలంగాణ ముందస్తు ఎన్నికల నేపధ్యంలో పోలవరం ముంపు మండలాల వివాదం మరో మారు తెరపైకి వచ్చింది. ముంపు గ్రామాలను ఆంద్రప్రదేశ్ లో విలీనం చెయ్యడాన్ని సవాల్ చేస్తు హైకోర్టులో పిటీషన్ దాఖలైంది. విచారణ చేపట్టిన హైకోర్టు.. కేంద్ర ఎన్నికల కమిషన్‌ను వచ్చే నెల పదిలోపు అఫిడవిట్ ఫైల్ చెయ్యాలని ఆదేశించింది. ఈ నేపధ్యంలో కేసు విచారణపై సర్వత్రా ఆసక్తి నెలకొంది. 

తెలంగాణలోని పోలవరం ముంపు మండలాలను ఆంధ్రప్రదేశ్‌లో కలపడాన్ని సవాలు చేస్తూ కాంగ్రెస్ పార్టీ సీనియర్ నాయకులు మర్రి శశిధర్ రెడ్డి హైకోర్టులో పిటీషన్ దాఖలు చేశారు. 7 ముంపు మండలాలలో డీ లిమిటేషన్ చేయకుండా ఎన్నికలకు ఎలా వెళ్తారని పిటీషన్‌లో ప్రశ్నించారు. ఎన్నికల సమీపిస్తున్న సమయంలో 7 మండలాలలో ఉన్న ఓట్లు మొత్తం ఏపీలోకి ఎలా బదీలి చేస్తారని.. ఈ విషయంలో ఎన్నికల కమిషన్ రాజ్యాంగలోని ఆర్టికల్ 170కి విరుద్దంగా వ్యవహరిస్తోందని పిటిషనర్ తరుపు న్యాయవాది జంధ్యాల రవిశంకర్ అభ్యంతరం తెలిపారు. దీనివల్ల తెలంగాణలో ఉన్న భూ భాగంతో పాటు ఓటర్లు కూడా తీవ్రంగా నష్ట పోతారని కోర్టుకు విన్నవించారు. రాజ్యాంగ ప్రక్రియ జరగకుండా ఒక రాష్ట్ర భూభాగం పెంచడం, గ్రామాలను కలపడం కుదరదని చెప్పారు. అసెంబ్లీ సీట్ల పెంపకం విషయంలో తెలంగాణ, ఏపీ ప్రభుత్వాలు పెట్టుకున్న అప్లికేషన్‌కు రాజ్యాంగ సవరణ అవసరమని అటార్నీ జనరల్ గతంలో అభిప్రాయపడినట్టు గుర్తు చేశారు. పిటిషన్‌ను విచారణకు స్వీకరించిన హైకోర్టు దీనిపై అఫిడవిట్ దాఖలు చేయాలని ఎలక్షన్ కమిషన్ ఆఫ్ ఇండియాకు ఆదేశాలు జారీ చేస్తూ తదుపరి విచారణను వచ్చే నెల 10 కి వాయిదా వేసింది.

ఉమ్మడి ఆంధ్రప్రదేశ్‌లోని ఖమ్మం జిల్లాకు చెందిన 7 మండలాలను తెలంగాణ నుంచి విభజిత ఆంధ్రప్రదేశ్‌లో కలపడం జరిగింది. దీన్ని వ్యతిరేకిస్తూ భద్రాచలం వాసులు గతంలో ఆందోళనలు చేపట్టారు. పోలవరం ముంపు మండలాలపై మరో మారు హైకోర్టులో పిటీషన్ పడటంతో తెలంగాణ ముందస్తు ఎన్నికలపై ప్రభావం పడుతుందనే అనుమానాలు వ్యక్తమవుతున్నాయి.

07:05 - September 26, 2018

హైదరాబాద్ : పోలవరం ముంపు మండలాల ఓటర్ల అంశమూ ఇప్పుడు కోర్టు పరిధిలో ఉంది. దీనిపైనా బుధవారం విచారణ జరుగనుంది. పోలవరం ముంపు మండలాల ఓటర్లను ఏపీలో విలీనం చేయడాన్ని సవాల్‌ చేస్తూ కాంగ్రెస్‌ సీనియర్‌నేత మర్రి శశిధర్‌ రెడ్డి హైకోర్టును ఆశ్రయించారు. న్యాయస్థానంలో పిల్‌ను దాఖలు చేశారు. దీనిని హైకోర్టు విచారణకు స్వీకరించనుంది. కేంద్ర ఎన్నికల సంఘం తాజాగా ఏడు మండలాల ఓటర్లను ఏపీలో విలీనం చేస్తూ గెజిట్ విడుదల చేసిన సంగతి తెలిసిందే. ఇక ఓటర్ల జాబితాలో అక్రమాలు జరిగాయంటూ మర్రి శశిధర్‌రెడ్డి సుప్రీం కోర్టులో వేసిన పిటిషన్‌ను అత్యున్నత న్యాయస్థానం ఈనెల 27న విచారించనుంది.

10:50 - September 23, 2018

హైదరాబాద్ : తెలంగాణ రాష్ట్రంలో ముందస్తు ఎన్నికల నేపథ్యంలో ఈసీ పలు చర్యలు తీసుకొంటోంది. ఇప్పటికే ఉన్నతాధికారులు సమావేశాలు కొనసాగిస్తున్నారు. ఓటర్ల జాబితా..సవరణలు..ఇతరత్రా కార్యక్రమాలు చేపడుతున్నారు. కేంద్ర ఎన్నికల సంఘం కూడా రాష్ట్రంలో పర్యటించి ఎన్నికలపై ఆరా తీసింది. తాజాగా కీలక నిర్ణయం తీసుకుంది. పోలవరం ముంపు మండలాలపై శనివారం ప్రకటన చేసింది. పోలవరం ముంపు మండలాలను ఏపీలోని నియోజకవర్గాల్లో కలుపుతూ ఎలక్షన్ కమిషన్ ఉత్తర్వులు జారీ చేసింది. ఈ మండలాలను రంపచోడవరం, పోలవరం నియోజకవర్గాల్లో కలుపుతున్నట్టు కేంద్ర ఎన్నికల సంఘం గెజిట్ విడుదల చేసింది. 
కుక్కునూరు, వేలేరుపాడు మండలాల్లోని గ్రామాలను పశ్చిమ గోదావరి జిల్లాలోని పోలవరం నియోజకవర్గంలోకి...రంపచోడవరం నియోజకవర్గంలోకి కూనవరం, చింతూరు, వీఆర్ పురం, బూర్గంపాడుతో భద్రాచలం మండల పరిధిలో కలుపనున్నట్లు గెజిట్ లో పేర్కొంది. తెలంగాణ పరిధిలోనే భద్రచాలం రెవెన్యూ విలేజ్ ఉండనుంది. 

06:31 - September 13, 2018

విజయవాడ : ఏపీ సీఎం చంద్రబాబు నాయుడు తనయుడు నారా లోకేష్...కోడలు బ్రాహ్మాణి ల సెల్ఫీ సోషల్ మాధ్యమాల్లో వైరల్ అవుతోంది. పశ్చిమ గోదావరి జిల్లాలో ప్రభుత్వం ప్రతిష్టాత్మకంగా నిర్మిస్తున్న పోలవరంలో బుధవారం అపూర్వ ఘట్టం జరిగింది. పోలవరం గ్యాలరీ వాక్ ను సీఎం చంద్రబాబు నాయుడు ప్రారంభించారు. ఈ సందర్భంగా బాబు కుటుంబసమేతంగా ప్రాజెక్టులో నడిచారు. ఏపీ మంత్రుల కుటుంబాలు సైతం ఈ వాక్ లో పాల్గొన్నారు. ఈ వాక్ లో మంత్రి నారా లోకేశ్, సతీమణి బ్రాహ్మణితో కలిసి పట్టిసీమ ప్రాజెక్టును సందర్శించారు. ఈ సందర్భంగా లోకేశ్ తన మొబైల్ లో అందమైన దృశ్యాలను చిత్రీకరించారు. బ్రాహ్మణితో కలిసి లోకేశ్ ఓ సెల్ఫీ కూడా దిగారు. ఈ సెల్ఫీని లోకేశ్ తన ట్విట్టర్ ఖాతాలో పోస్ట్ చేశారు. ఇంత పెద్ద ప్రాజెక్టును నాలుగే నాలుగేళ్లలో పూర్తి చేస్తున్నామని, అధికారులు, కాంట్రాక్టర్లు.. అందరి సహకారం వల్ల ఈ ప్రాజెక్టు 58 శాతం పూర్తయిందన్నారు. ఇలాంటి అవకాశం రావడం అదృష్టంగా భావిస్తున్నామని మంత్రి నారా లోకేష్ పేర్కొన్నారు. 

08:31 - September 12, 2018

పశ్చిమ గోదావరి : ఏపీలో చారిత్రాత్మక ఘట్టం ఆవిష్కృతం కాబోతుంది. బహుళార్థ సాధక పోలవరం ప్రాజెక్టులో మంత్రులు, అధికారులు, వారి కుటుంబసభ్యులతో కలిసి సీఎం చంద్రబాబు బుధవారం నడవనున్నారు. నాగార్జునసాగర్ డ్యాం నిర్మించినప్పుడు... అప్పటి  దేశ ప్రధాని  జవహర్ లాల్ నెహ్రూ.. సాగర్ స్పిల్‌వే వాక్ నిర్వహించి చరిత్రలో నిలిచిపోయారు. ఇప్పుడలాగే.. భారీ స్థాయిలో చేపట్టిన పోలవరంలో నిర్వహించనున్న స్పిల్‌వే వాక్‌తో సీఎం చరిత్రను తిరగరాయనున్నారు. వచ్చే ఏడాది మే నాటికి ప్రాజెక్టును పూర్తి చేయాలన్న లక్ష్యంతో వేగంగా పనులు చేస్తున్నారు. కేంద్రం సహకరించకున్నా.. డయాఫ్రం వాల్‌, స్పిల్‌వే నిర్మాణం పూర్తి దశకు తెచ్చారు. వైద్యబృందంతో కలిసి నడవనున్న సీఎం.. 48వ బ్లాక్ వద్ద పైలాన్ ఆవిష్కరించనున్నారు. తర్వాత మంత్రులు, ఎమ్మెల్యేలు, ఎమ్మెల్సీలు నడవనున్నారు. అనంతరం బహిరంగ సభ నిర్వహించనున్నారు.. 

1148 మీటర్ల పొడవు, రెండున్నర మీటర్ల ఎత్తు, రెండు మీటర్ల వెడల్పుతో దీని నిర్మాణం చేపట్టారు. 52 బ్లాకులకు గాను 48 బ్లాకుల్లో గ్యాలరీ నిర్మాణం పూర్తయ్యింది. ప్రాజెక్టు మొత్తం పనుల్లో 58 శాతానికిపైగా పనులు పూర్తయ్యాయి. మట్టి తవ్వకం, కాంక్రీట్ పనులను మరింత వేగవంతం చేయాలని సీఎం ఆదేశించారు. అత్యంత అధునాతన జపాన్, జర్మన్ టెక్నాలజీతో నిర్మిస్తున్న పోలవరం ప్రాజెక్టులో పండుగ వాతావరణం సంతరించుకోనుంది. 

13:30 - August 18, 2018

పశ్చిమగోదావరి : పోలవరం పనులకు ఆంటకం ఎదురైంది. ఎగువున ప్రాంతంలో కురుస్తున్న వర్షాలకు వరదనీరు పోటెత్తింది. దీనితో గోదావరి నదికి ఉధృతంగా వరద ప్రవహిస్తోంది. దీని కారణంగా పోలవరం ప్రాజెక్టుల్లోకి గోదారి నీరు వచ్చి చేరింది. స్పిల్ వే, అప్రోచ్ ఛానెల్ లు నీట మునిగిపోయాయి. ఒకవైపు భారీ వర్షాలు..గోదావరి నది ఉధృతంగా ప్రవహిస్తుండడంతో పనులను ఆపివేశారు. 19 గ్రామాలకు రాకపోకలు నిలిచిపోయాయి. మరింత సమాచారం కోసం వీడియో క్లిక్ చేయండి. 

Pages

Don't Miss

Subscribe to RSS - పోలవరం