పెట్రోల్

14:21 - December 6, 2018

ఢిల్లీ : పెట్రోల్ ధరలకు, దేశంలో జరుగుతున్న ఎన్నికలకు సంబంధమేంటి? దేశంలోని ఏ రాష్ట్రంలోనైనా ఎన్నికలు జరగిన సమయంలో పెట్రోల్, డీజిల్ రేట్లు ఎందుకు తగ్గుతాయి? ఎన్నికలు ముగిసాక మళ్లీ ధరలు ఎందుకు పెరుగుతాయి? అసలు పోల్స్ కు పెట్రల్ ధరలకు సంబంధం ఏమిటి? అనే ప్రశ్న వస్తుంది కదూ?..మరి ఆ కారణాలేమిటో తెలుసుకుందాం..
తెలంగాణ సహా ఐదు రాష్ట్రాల ఎన్నికల ప్రకటనకు ముందు  పెట్రోల్ ధరలు ఆకాశాన్నంటాయి. దీంతో నిరసనలు వెల్లువెత్తాయి. ఎన్నికల కోడ్ అమలులోకి వచ్చినాటి నుండి పెట్రోల్, డీజిల్ ధరలు రోజుకో విధంగా తగ్గుముఖం పడతున్నాయి. గతంతో కర్ణాటక ఎన్నికల సందర్బంలో కూడా పెట్రోల్, డీజిల్ ధరలు తగ్గటం గమనార్హం. అసలు పోల్స్ కు పెట్రోల్ ధరలకు సంబంధం ఏమిటి? 
గత రెండు నెలలుగా అంటే అక్టోబర్, నవంబర్ నెలల నుండి పెట్రోల్, డీజిల్ ధరలు తగ్గుతు వచ్చాయి. అంతర్జాతీయంగా చమురు ధరలు తగ్గుముఖం పట్టాయి. దీంతో క్రూడ్ ఆయిల్ ధరలు 30 శాతం తగ్గాయి. దీంతో చమురు ఉత్పత్తిని తగ్గించే దిశగా ఒపెక్ దేశాలు యోచిస్తున్నాయి. ఇప్పటికే అమెరికా, రష్యా, సౌదీల చమురు ఉత్పత్తి ఆల్ టైం హైకి చేరింది. ఒకవేళ ఒపెక్ దేశాలు ఉత్పత్తిని తగ్గిస్తే దాని ప్రభావం ధరలపై పడనుంది. 
గత కొద్ది రోజులుగా తగ్గుతూ వస్తోన్న పెట్రోల్ ధరలు ఐదు రాష్ట్రాల ఎన్నికల అనంతరం మళ్లీ పెరగనున్నాయా? పెట్రో ఉత్పత్తుల ధరలకు, ఎన్నికలకు అవినాభావ సంబంధం ఉందని భావించొచ్చు. ఇటీవల జరిగిన పరిణామాలను పరిశీలిస్తే.. కర్ణాటక ఎన్నికల ముందు 20 రోజులపాటు పెట్రోల్ ధరలు పెరగలేదు. మే 12న ఎన్నికలు ముగిశాక 17 రోజుల తేడాలోనే పెట్రోల్ ధర సుమారు నాలుగు రూపాయల మేర పెరిగింది. గత ఏడాది జనవరి 16 నుంచి ఏప్రిల్ 1 మధ్య పెట్రోల్ ధరలు పెరగకపోయినా స్థిరంగా ఉన్నాయి. అప్పట్లో పంజాబ్, గోవా, ఉత్తరాఖండ్, యూపీ, మణిపూర్ రాష్ట్రాలకు ఎన్నికలు జరిగాయి. దీన్ని బట్టి ఎన్నికల ముందు పెట్రోల్ ధరలు తగ్గడం, తర్వాత పెరగడం అనేది ఓ ట్రెండ్‌గా మారిందని అర్థం అవుతోంది. 
ఇటీవల క్రూడ్ ఆయిల్ ధరలు 30 శాతం తగ్గాయి. దీంతో చమురు ఉత్పత్తిని తగ్గించే దిశగా ఒపెక్ దేశాలు యోచిస్తున్నాయి. ఇప్పటికే అమెరికా, రష్యా, సౌదీల చమురు ఉత్పత్తి ఆల్ టైం హైకి చేరింది. ఒకవేళ ఒపెక్ దేశాలు ఉత్పత్తిని తగ్గిస్తే దాని ప్రభావం ధరలపై పడనుంది. 
ఇటీవల ప్రభుత్వ ఆర్థిక పరిస్థితి ప్రోత్సాహకరంగా లేనందున నవంబర్‌లో జీఎస్టీ వసూళ్లు అనుకున్నంతగా వసూలు కాక రూ.50 వేల కోట్లు తగ్గుతాయని అంచనా. పెట్టుబడుల ఉపసంహరణ ద్వారా ఖజానాను నింపుకోవాలనుకున్న కేంద్ర సర్కారు..లక్ష్యాన్ని చేరుకోలేకపోయింది. దీంతో కేంద్రానికి పెట్రోల్ ఉత్పత్తులపై పన్నుల ద్వారా వచ్చే ఆదాయం కీలకం కానుంది.
 

12:34 - December 6, 2018

ఢిల్లీ : వాహన దారులకు స్టేట్ బ్యాంక్ ఆఫ్ఇండియా బంపరాఫర్ ఇచ్చింది. బీమ్ కార్డు ద్వారా బంకుల్లో మొదటిసారి రూ.100 విలువైన పెట్రోల్ కొట్టించుకుంటే.. 5 లీటర్ల పెట్రోల్ ఫ్రీగా ఇస్తామంటు SBI ప్రకటించింది.

అది ఎలాగంటే..
SBI కార్డు లేదా భీమ్‌ SBI పే ద్వారా ఇండియన్ ఆయిల్ ఔట్‌లెట్స్ (IOC) బంకుల్లో పెట్రోల్ కొట్టించుకోవాలి. ఆ తర్వాత 5 లీటర్ల పెట్రోల్ ఉచితంగా పొందవచ్చు. దీని కోసం ఇండియన్‌  ఆయిల్‌కు చెందిన ఏ పెట్రోల్‌ బంకులో అయినా కనీసం రూ.100 విలువైన పెట్రోలు కొనాలి. దీనికి కొన్ని నిబంధలు ఉంటాయి. అవి ఏమిటంటే..2018 ఏప్రిల్ ఒకటో తేదీ నాటికి 18 సంవత్సరాలు లేదా అంతకన్నా ఎక్కువ వయసున్న భారత పౌరులు మాత్రమే ఈ ఆఫర్ కు అర్హులు. 
ఆఫర్ ఎలా పొందాలంటే..

  1. ఇండియన్ ఆయిల్ ఔట్ లెట్ల నుంచి రూ.100 విలువైన పెట్రోల్ ను కొనుగోలు చేయాలి. అదీ భీమ్‌, SBI కార్డు  ద్వారా మాత్రమే చెల్లింపు మాత్రమే..
  2. 12 అంకెల యూపీఐ రిఫరెన్స్ నంబర్ లేదా 6 అంకెల అధికార కోడ్‌ను 9222222084కు పంపాలి. 
  3. భీమ్‌  ద్వారా చెల్లిస్తే 12 అంకెల రిఫరెన్స్ కోడ్‌, SBI కార్డు ద్వారా చెల్లింపుల విషయంలో ఆరు అంకెల కోడ్‌ను నిర్దేశిత నంబరుకు SMS చేయాలి.

 ఇలా కొనుగోలు చేసిన ఏడు రోజుల లోపు పంపించాల్సి ఉంటుంది.
స్పెషల్‌ క్యాష్‌బ్యాక్‌ ఆఫర్‌..
ఇలా పంపిన ఎస్‌ఎంఎస్‌లలో ఎంపిక చేసిన వాటికి  50, 100,150, 200 రూపాయలు స్పెషల్‌ క్యాష్‌బ్యాక్‌ ఆఫర్‌ కూడా ఉంది. ఒక మొబైల్ నంబర్ నుంచి రెండు సార్లు ఈ ఆఫర్‌ పొందే అవకాశం. ఆఫర్‌ ముగిసిన రెండు వారాల్లో విజేతలను ప్రకటిస్తామని SBI ప్రకటించింది.

12:17 - December 3, 2018

ఢిల్లీ : గత కొంతకాలంగా తగ్గుతున్న పెట్రోల్, డీజిల్ ధరలు వాహనదారులకు ఊరటినిస్తున్నాయి.  అంతర్జాతీయంగా ముడిచమురు ధరల ప్రభావంతో దేశీయంగా పెట్రోలు, డీజిల్ ధరలు డిసెంబరు 3న మరోసారి తగ్గాయి. దీంతో తెలుగు రాష్ట్రాలల్లో  కూడా ఈ ప్రభావం కనిపించింది. హైదరాబాద్ లో పెట్రల్ : 76.20లు వుండగా విజయవాడలో రూ.75.70లు గా వుంది. 

దేశ రాజధాని ఢిల్లీలో 30 పైసలు తగ్గిన లీటర్ పెట్రోలు ధరరూ.71.93 కి చేరింది. డీజిల్ ధర 36 పైసలు తగ్గి రూ.66.66 కి చేరింది. ఇక వాణిజ్య రాజధాని ముంబయిలో 30 పైసలు తగ్గిన పెట్రోలు ధర రూ.77.50 కి చేరగా.. డీజిల్ ధర 38 పైసలు తగ్గి రూ.69.77 కి చేరింది. అంతర్జాతీయ మార్కెట్‌లో బ్రెంట్ క్రూడ్ ఆయిల్ ధర బ్యారెల్‌‌ 62.45 డాలర్ల వద్ద ఉండగా.. డబ్ల్యూటీఐ క్రూడాయిల్ ధర 53.77 డాలర్ల వద్ద కొనసాగుతోంది.  ఇక తెలుగు రాష్ట్రాల విషయానికొస్తే.. హైద‌రాబాద్‌లో లీట‌ర్ పెట్రోల్ ధర 31 పైసలు తగ్గి రూ.76.26 ఉండగా.. డీజిల్ ధర 39 పైసలు తగ్గి రూ.72.42 గా ఉంది. విజయవాడలో పెట్రోల్‌ ధర 31 పైసలు తగ్గి రూ.75.70ఉండగా.. డీజిల్‌ ధర 38 పైసలు తగ్గి రూ.71.46 వద్ద కొనసాగుతోంది. 
 

14:51 - December 1, 2018

పెట్రో ధరలు వాహనదారుల వెన్నులో వణుకుపుట్టించిన సంగతి తెలిసిందే. రోజురోజుకి పెరుగుతూ పోయిన పెట్రోల్, డీజిల్ ధరలు.. ఒకానొక సమయంలో సెంచరీ కొడతాయా? అనే భయం కలిగించాయి. ఆ తర్వాత అనూహ్యంగా పెట్రో ధరలు తగ్గుముఖం పట్టాయి. గత ఆరు వారాలుగా ఇదే ట్రెండ్ నడుస్తోంది. దీంతో వాహనదారులు ఊపిరిపీల్చుకున్నారు. అంతర్జాతీయంగా ముడిచమురు ధరలు తగ్గడంతో.. దేశీయంగా కూడా పెట్రోలు, డీజిల్ ధరలు తగ్గాయి. కాగా ఐదు రాష్ట్రాల ఎన్నికల నేపథ్యంలో వ్యతిరేకత రాకూండా ఉండేందుకు ధరలు తగ్గించారనే వాదన కూడా వినిపిస్తోంది.
45 రోజుల్లో రూ.10 తగ్గింపు:
చెన్నై, కోల్‌కతా లాంటి మెట్రో నగరాల్లో 45 రోజుల్లో 10రూపాయల వరకు పెట్రో ధరలు తగ్గడం విశేషం. దేశ రాజధాని ఢిల్లీలో 33పైసలు తగ్గిన లీటర్ పెట్రోలు ధర రూ.72.53 కి చేరగా, వాణిజ్య రాజధాని ముంబైలో 34పైసలు తగ్గిన పెట్రోలు ధర రూ.78.05కి చేరింది. కోల్‌కతాలో లీటర్ పెట్రోల్ ధర రూ.72.55గా ఉంది. ఇదే కోల్‌కతాలో అక్టోబర్ 17న లీటర్ పెట్రోల్ ధర రూ.84.65గా నమోదైంది. చెన్నైలోనూ 45రోజుల వ్యవధిలో రూ.10.10పైసల వరకు పెట్రోల్ ధర తగ్గింది. ప్రస్తుతం రూ.75.26గా ఉంది. మొత్తంగా తగ్గుముఖం పెట్టిన చమురు ధరలతో వాహనదారులు రిలాక్స్ అయ్యారు.

నగరం గత 45 రోజుల్లో తగ్గిన ధర(లీటర్‌పై)
ఢిల్లీ రూ.10.30
కోల్‌కతా రూ.10.10
చెన్నై రూ.10.84
ముంబై రూ. 9.99
09:49 - November 24, 2018

ఢిల్లీ : మధ్యతరగతివారికి అందకుండా..చుక్కల్లో విహరించే పెట్రోల్, డీజిల్ ధరలు ప్రస్తుతం రోజు రోజుకు తగ్గుముఖం పడుతున్నాయి. దీంతో  కొనుగోలు వస్తువులపై కొంతవరకూ భారం తక్కువగానే వుంటుందని చెప్పవచ్చు. దీంతో సామాన్యమానవుడు కొంతవరకూ ఊపిరి పీల్చుకునే పరిస్థితులు వున్నాయి. దీనికి కారణం అంతర్జాతీయంగా ముడిచమురు ధరలు తగ్గడం వల్లనే. డాలర్ తో రూపాయి మారకం విలువ బలపడటంతో పెట్రోలు, డీజిల్‌ ధరలు క్రమంగా దిగొస్తున్నాయి. గత నెల వ్యవధిలో లీటరు పెట్రోలు ధర రూ.8 తగ్గగా, డీజిల్‌ ధర రూ.5 తగ్గింది. శుక్రవారం అంటే నవంబర్ 24న కూడా  లీటరు పెట్రోలు ధర 40 పైసలు తగ్గి, రూ.75.57కు చేరింది. లీటరు డీజిల్‌ ధర 41 పైసలు తగ్గి రూ.70.56కు చేరింది.
 

16:37 - November 23, 2018

విజయవాడ : మనిషి మనిషి చంపుకునే మృగ సంస్కృతికి నిదర్శనమైన ఘటన నగరం లో పట్టపగలే చోటు చేసుకుంది. ఓ మనిషిని నిలువునా కాల్చివేసే అనాగరిక సంఘటనతో నగరం ఒక్కసారిగా ఉలిక్కిపడింది. వ్యాపారంలో వున్న లావాదేవీలతో ఓ వ్యాపారిపై పట్టపగలే పెట్రోల్ పోసి నిప్పంటించేసిన ఘటన సభ్యసమాజాన్ని నివ్వెరపోయేలా చేసింది. 
గగారిన్ అనే ఫైనాన్స్ వ్యాపారి కార్యాలయానికి వచ్చిన కొందరు దుండగులు నిప్పటించారు. ఈ ఘటనలో తీవ్రంగా గాయపడ్డ ఆయనను చికిత్స నిమిత్తం ఆసుపత్రికి తరలించారు. 80 శాతం గాయాలపాలైన ఆయన పరిస్థితి అత్యంత విషమంగా ఉన్నట్లుగా వైద్యులు వెల్లడిస్తున్నారు. మాదాల సుధాకర్, మాదాల సురేష్ అనే వ్యక్తులు తనపై పెట్రోల్ పోసి నిప్పంటించి పరారయ్యారని పోలీసులకు గగారిన్ వాంగ్ములం ఇచ్చారు. ఈ ఘటనపై కేసు నమోదు చేసిన పోలీసులు నిందితుల కోసం గాలింపును చేపట్టారు. కాగా తోటి ఫైనాన్సర్లతో వివాదాలే ఈ ఘటనకు కారణమై ఉండవచ్చని పోలీసులు భావిస్తున్నారు.
 

 

12:44 - November 23, 2018
ఢిల్లీ : పెట్రోల్,డీజిల్ ధరలు రోజు రోజుకు తగ్గుతు సామాన్యుడికి ఊరట కలిగిస్తున్నాయి. దీంతో నిత్యావసర వస్తువులపై పడి అధిక ఆర్థిక భారం కూడా తగ్గే అవకాశం వుండటంతో కూరగాయల నుండి నిత్యావసర వస్తువుల ధరలపై కూడా కాస్తో కూస్తో తగ్గుదల వుంటుంది. అంతర్జాతీయంగా ముడిచమురు ధరలు మరింత తగ్గడంతో.. దేశీయంగా కూడా పెట్రోలు, డీజిల్ ధరలు శుక్రవారం అంటే నవంబరు 23న కూడా  మరోసారి తగ్గాయి. దీంతో దేశ రాజధాని ఢిల్లీలో 40 పైసలు తగ్గిన లీటర్ పెట్రోలు ధర రూ.75.95 కి చేరింది. డీజిల్ ధర 41 పైసలు తగ్గి రూ.70.56 కి చేరింది. ఇక వాణిజ్య రాజధాని ముంబయిలో 40 పైసలు తగ్గిన పెట్రోలు ధర రూ.81.10 కి చేరగా.. డీజిల్ ధర 43 పైసలు తగ్గి రూ. 73.91 కి చేరింది. అంతర్జాతీయ మార్కెట్‌లో బ్రెంట్ క్రూడ్ ఆయిల్ ధర మరింత దిగజారి బ్యారెల్‌‌ 61.64 డాలర్ల వద్ద ఉండగా.. డబ్ల్యూటీఐ క్రూడాయిల్ ధర 53.01 డాలర్ల వద్ద కొనసాగుతోంది. 
ఇక తెలుగు రాష్ట్రాల విషయానికొస్తే..
హైద‌రాబాద్‌లో లీట‌ర్ పెట్రోల్ ధర 43 పైసలు తగ్గి రూ.80.12 ఉండగా.. డీజిల్ ధర 45 పైసలు తగ్గి రూ.76.77 గా ఉంది. విజయవాడలో పెట్రోల్‌ ధర రూ.79.43 ఉండగా.. డీజిల్‌ ధర రూ.75.65 వద్ద కొనసాగుతోంది. 
 
నవంబరు 23న దేశవ్యాప్తంగా ప్రధాన నగరాల్లో పెట్రోలు, డీజిల్ ధరలు:
నగరం          పెట్రోలు ధర (లీటర్)         డీజిల్ ధర (లీటర్)
ఢిల్లీ              రూ. 75.57                 రూ.70.56
ముంబయి     రూ. 81.10                  రూ. 73.91
కోల్‌కతా        రూ. 77.53                 రూ 72.41
చెన్నై            రూ. 78.46                రూ. 74.55
బెంగళూరు    రూ. 76.17               రూ. 70.93
హైదరాబాద్    రూ. 80.12         రూ. 76.77
విజయవాడ   రూ. 79.43        రూ. 75.65
 
09:18 - November 21, 2018

ఢిల్లీ : ఏ వస్తువు కొనాలన్నా పెట్రోల్ ధరలపైనే ఆధారపడి వుంటుంది. పబ్లిక్ ట్రాన్స్ పోర్ట్, ట్రాన్స్ పోర్ట్ కు, కొనుగోలుదారుడికి మధ్య అవినావభావ సంబంధంలా ఈ పెట్రోల్, డీజిల్ ధరలు ఆధారపడి వుంటాయి. దీనిని బట్టే మనం కొనే వస్తువుల ధరలు ముడిపడి వుంటాయి. ఈ నేపథ్యంలో గత కొంతకాలంగా పెట్రోల్ ధరలు ఆకాశాన్నంటుతున్న నేపథ్యంలో గత నెల రోజుల నుండి ధరల తగ్గుదలకు సామాన్యుడు ఆనందపడుతున్నాడు. ఈ క్రమంలో అంతర్జాతీయంగా ముడిచమురు ధరల ప్రభావంతో.. దేశీయంగా పెట్రోలు, డీజిల్ ధరలు స్థిరంగా ఉన్నాయి. దీంతో మంగళవారం అంటే నవంబరు 20 నాటి ధరలే నవంబరు 21 కూడా కొనసాగుతున్నాయి. దేశ రాజధాని ఢిల్లీలో లీటర్ పెట్రోలు ధర రూ.76.38 వద్ద ఉండగా.. డీజిల్ ధర రూ.71.27 కి చేరింది. ఇక వాణిజ్య రాజధాని ముంబయిలో పెట్రోలు ధర రూ.81.90 కి చేరగా.. డీజిల్ ధర రూ. 74.66 గా ఉంది. అంతర్జాతీయ మార్కెట్‌లో బ్రెంట్ క్రూడ్ ఆయిల్ ధర బ్యారెల్‌‌ ధర 63.40 డాలర్ల వద్ద ఉండగా.. డబ్ల్యూటీఐ క్రూడాయిల్ ధర 54.18 డాలర్ల వద్ద కొనసాగుతోంది. 
తెలుగు రాష్ట్రాలలో ధరలు..
తెలుగు రాష్ట్రాల విషయానికొస్తే.. హైద‌రాబాద్‌లో లీట‌ర్ పెట్రోల్ ధర రూ.80.98 ఉండగా.. డీజిల్ ధర రూ.77.54 గా ఉంది. విజయవాడలో పెట్రోల్‌ ధర రూ.80.26 ఉండగా.. డీజిల్‌ ధర రూ.76.39 వద్ద కొనసాగుతోంది. 
 

10:35 - November 17, 2018
హైదరాబాద్ : గత కొద్ది రోజులుగా చమురు ధరలు తగ్గుతుండడంతో వాహనదారులు సంతోషం వ్యక్తం చేస్తున్నారు. అంతర్జాతీయంగా ముడి చమురు ధరలు తగ్గుతుండడమే ఇందుకు ప్రధాన కారణమని ఇండియన్ ఆయిల్ కంపెనీలు పేర్కొంటున్నారు. శనివారం కూడా మరోసారి చమురు ధరలు తగ్గుముఖం పట్టాయి. దేశ రాజధాని ఢిల్లీలో లీటర్ పెట్రోల్ రూ. 76.91 ఉండగా డీజిల్ ధర రూ.71.74 కి చేరింది. వాణిజ్య రాజధాని ముంబయిలో లీటర్ పెట్రోలు ధర రూ.82.43..డీజిల్ ధర రూ. 75.36 కి చేరింది
ఇక తెలుగు రాష్ట్రాల విషయానికొస్తే.. హైద‌రాబాద్‌లో లీట‌ర్ పెట్రోల్ ధర రూ.81.55 గా ఉండగా.. డీజిల్ ధర రూ.78.05 గా ఉంది. 
 
నగరం  పెట్రోల్ (లీటర్) ధర డీజిల్ (లీటర్) ధర
ఢిల్లీ   రూ. 76.91  రూ. 71.74
ముంబయి  రూ. 82.43 రూ. 75.16
కోల్‌కతా  రూ. 78.85 రూ. 73.60
చెన్నై రూ. 79.87 రూ. 75.82
బెంగళూరు రూ. 77.52 రూ. 72.12
పాట్నా రూ. 81.01  రూ. రూ. 74.82
హైదరాబాద్ రూ.81.55 రూ. 78.05
15:08 - November 12, 2018

హైదరాబాద్  : పెట్రోలు ధరలకు రెక్కలు రావటంతో బెంబేలెత్తిన సామాన్యుడు గత నెల రోజుల నుండి ఊరిపి తీసుకుంటున్నాడు. కారణం పెట్రోల్, డీజిల్ ధరలు తగ్గుముఖం పట్టటమే కారణం. పెట్రోలుపై పెంచిన సుంకాలను కేంద్ర ప్రభుత్వం తగ్గించాలని కొందరు, రాష్ట్ర ప్రభుత్వం పెట్రోలును జీఎస్టీ పరిధిలోకి తీసుకురావాలని కొందరు డిమాండ్‌ చేస్తున్నారు. కానీ కేంద్రం, అనేక రాష్ట్ర ప్రభుత్వాలు దీనికి సుముఖంగా లేవు. కానీ తెలంగాణ అసెంబ్లీ ఎన్నికల్లో ఓ  అభ్యర్థికి ఓటేస్తే పెట్రోలు లీటరు 30 రూపాయలకే దొరుకుతుంది! అంతేకాదు.. పుట్టిన ప్రతి బిడ్డకూ ఉచితంగా 50 గజాల స్థలం కూడా లభిస్తుంది. ఆ అభ్యర్థి ఏ పార్టీయో కనుక్కుని అర్జంటుగా ఓటేసేద్దాం అనుకుంటున్నారా? ఆయన ఏ పార్టీ అభ్యర్థీ కాదు... ఇండిపెండెంట్‌ అభ్యర్థి! పెట్రోలు ధరలు తగ్గించడం మహా మహా బీజేపీ, టీఆర్‌ఎస్‌ వంటి ప్రధాన పార్టీలకే కష్టంగా ఉంటే ఇక ఇండిపెండెంట్లు ఇంతలా ఎలా తగ్గించగలరని ఆశ్చర్యపోకండి. కొందరు అభ్యర్థులే స్వయంగా ఇలాంటి హామీలిస్తున్నారు మరి!
అంతగా గుర్తింపు లేని పార్టీల నుంచి కొందరు, స్వతంత్ర అభ్యర్థులుగా ఇంకొందరు పోటీ చేయడానికి ఆసక్తి చూపుతున్నారు. ఎన్నికల్లో జయాపజయాలపై వీరి ప్రభావం ఎంత ఉంటుందో తెలియదు కానీ, వీరు గుప్పిస్తున్న హామీలు మాత్రం స్థానికులను ఆశ్చర్యంలో ముంచెత్తుతున్నాయి. జాతీయ ప్రాంతీయ పార్టీలు కూడా ఇవ్వని హామీలను సైతం ఈ అభ్యర్ధులు ఇచ్చేస్తున్నారు. ఎల్‌బీనగర్‌ నియోజకవర్గం నుంచి స్వతంత్ర అభ్యర్థిగా పోటీ చేస్తానంటున్న ఒక అభ్యర్థి, తనను గెలిపిస్తే 2023 నాటికి లీటరు పెట్రోలు రూ.30లకే అందిస్తానంటూ హామీ ఇస్తున్నారు. అంతేకాదు... తెలంగాణలో పొలాలన్నింటినీ ఉచితంగా దున్నిస్తానని, చిల్లిగవ్వ చెల్లించకుండా లక్ష హెల్మెట్లు పంపిణీ చేస్తానని, రెండు వేల రూపాయలకే సైకిళ్లు అందజేస్తానని, పుట్టిన ప్రతీబిడ్డకు 50 గజాల స్థలం ఇస్తానంటూ సరికొత్త హామీలతో సంచలనం సృష్టిస్తున్నారు. అయితే ఇక్కడో ట్విస్ట్‌ ఉంది. ప్రతి హామీకీ ‘కండిషన్స్‌ అప్లయ్’ అంటూ ఆయనో ట్యాగ్‌లైన్‌ పెట్టారు.

Pages

Don't Miss

Subscribe to RSS - పెట్రోల్