పీఎస్

18:32 - August 2, 2018

నెల్లూరు : జిల్లా రాపూరు పోలీస్ స్టేషన్ పై దళితులు చేసిన దాడిని ఉన్నతాధికారులు సీరియస్‌గా తీసుకున్నారు. ఇప్పటికే దాడికి పాల్పడ్డ వారిలో పలువురిని అరెస్టు చేయగా.. మరికొందరి కోసం గాలింపు చేపట్టారు . దీంతో తమను కూడా అరెస్ట్‌ చేస్తారనే భయంతో హరిజనవాడలోని స్థానికులంతా ఇళ్లను వదిలి పారిపోయారు. దీంతో ఇళ్లన్నీ బోసిపోయాయి. దీనిపై మరింత సమాచారాన్ని వీడియోలో చూద్దాం.. 

21:32 - June 6, 2018

బాధిత మహిళలు పోలీసు స్టేషన్లు, కోర్టులకు ఎలా వెళ్లాలి ? ఎవరిని అప్రోచ్ అవ్వాలి..? బాధిత మహిళలు న్యాయం పొందడం ఎలా ? ఇదే అంశంపై మావని మైరైట్ నిర్వహించిన చర్చా కార్యక్రమంలో అడ్వకేట్ పార్వతి పాల్గొని, పాల్గొని, మాట్లాడారు. మరిన్ని వివరాలను వీడియోలో చూద్దాం... 

11:13 - May 22, 2018

విశాఖపట్నం : పోలీసులు కొత్త వ్యక్తుల పై దాడులు చేయవద్దని హెచ్చరిస్తున్నా దాడులు మాత్రం ఆగడం లేదు. తాజాగా నర్సీపట్నంలో పోలీస్ స్టేషన్‌ ఎదురుగా రాకేష్‌ పటేల్‌ అనే యువకుడిని స్థానికులు చితకబాధిన ఘటన కలకలం సృష్టించింది. దొంగల గ్యాంగ్‌లు సంచరిస్తున్నాయన్న వదంతుల నేపథ్యంలో ఈ దాడి జరిగింది. తెల్లవారు జామున వాకింగ్‌కు వెళ్లిన రాకేష్‌ పై దాడి చేసి తీవ్రంగా గాయపర్చారు. ప్రస్తుతం జిల్లాలో నెలకొన్న వదంతులకు అనుగుణంగా దాడులు జరగడంతో పోలీసులు చర్యలు తీవ్రతరం చేశారు. 

13:02 - April 4, 2018

మన దేశంలో, రాష్ట్రంలో సగం భాగం మహిళలు వున్నారు మీరు అంతా తలుచుకుంటే దేశ చరిత్ర,నిర్మాణం మారిపోతుంది తొలిఆధునిక సమాజం మొదలయిననాటికి స్వాతంత్ర్య పొందిన మొదటి దేశాలలో మహిళలకు సరైన గౌరవం దక్కలేదు, ప్రపంచం మొత్తంలో మన భారతదేశ స్త్రీలకు మాత్రమే రాజ్యాంగం రాసిన తొలినాటికే వారికీ సమానత్వం ఇవ్వబడింది. చరిత్రను ఒక్కసారి చుస్తే దాదాపు 215 సంవత్సరాల క్రితం అమెరికాలో రాజ్యాంగం వచ్చాక మహిళలకు ఓటు హక్కు పొందారు. బ్రిటన్ లో 500 సంవత్సరాల పోరాటంలో 1928 సంవత్సరంలో మహిళలకు ఓటు హక్కు సాధించుకున్నారు.ప్రెంచ్ లో 1790లో స్వాతంత్ర్య వచ్చాక ఎంతో కాలం పాటు మహిళల సమానత్వం,హక్కుల కోసం పోరాటం చేసి వారి హక్కులను సాధించుకొన్నారు. అటువంటిది మనదేశంలో రాజ్యాంగం వచ్చిన తోలి రోజునే,కులం,మతం,భాష,ప్రాంతం,లింగ వివక్ష ఇవ్వని విస్మరించి వయోజన ఓటు హక్కు ఇస్తూ, మహిళలకు ఓటు హక్కు ఇచ్చారు. ప్రపంచ రాజ్యంగాలలో మహిళలకు రాజ్యంగం వచ్చిన తొలిరోజునే ఓటు హక్కు ఇచ్చినటూవంటి తోలి రాజ్యాంగం భారత రాజ్యాంగం. అంత గొప్ప రాజ్యాంగం మహిళలకు ఇచ్చిన హక్కులను మాత్రం ఎప్పటికప్పుడు పోరాడి సాధించుకుంటున్నారు. ఈ నేపథ్యంలో ఒకేసారి ఎనిమిది పోలీస్ స్టేషన్లలో ప్రభుత్వం మహిళా అధికారులను నియమించింది.

ముంబై 8 పీఎస్ లలో మహిళా అధికారులు..
మహిళా సాధికారత విషయంలో ముంబయి ఎప్పటికప్పుడు ప్రయోగాలు చేస్తూనే ఉంది. ఈ సారి చేసిన ప్రయత్నం ఏంటో తెలుసా... అక్కడ ఓ ఎనిమిది పోలీస్టేషన్లలో మహిళా అధికారుల్ని ఇంఛార్జిలుగా నియమించింది. దేశంలోనే ఇది తొలిసారి. ముంబయి పోలీసు విభాగానికి సంబంధించిన అధికారిక ట్విట్టర్‌లో ఆ వివరాలూ, ఫొటో ప్రస్తుతం ప్రశంసలూ, అభినందనలు అందుకుంటోంది. నేరప్రవృత్తిని తగ్గించాలనీ, మహిళలకు అండగా ఉండాలనే ఉద్ధేశంతో ఈ నిర్ణయం తీసుకున్నట్లు ముంబయి పోలీసు అధికారులు చెబుతున్నారు.

మహిళలపై దాడులు..బాధితుల ధైర్యం కోసం మహిళా అధికారులు..
మహిళలపై దాడుల సంఖ్య పెరుగుతున్నా, బాధితులు ధైర్యంగా పోలీసుస్టేషన్లలో ఫిర్యాదు చేయడానికి ముందుకు రారు. అలాంటి వారికి అండగా ఉండటమే కాదు, ఆయా కేసులను త్వరగా పరిశోధించడానికి మహిళా పోలీసు అధికారులు అవసరం. ఇవన్నీ ఆలోచించే ఆ రాష్ట్ర పోలీసు విభాగం నగరంలోని ఎనిమిది ప్రధాన పోలీసు స్టేషన్లలో మహిళా ఆఫీసర్లను నియమించింది. ఇకపై మహిళలు ధైర్యంగా స్టేషన్లకు వచ్చి తమ సమస్యలు చెప్పుకోవచ్చనీ, అవసరం అయితే ఫిర్యాదు చేయొచ్చనీ... అక్కడి డిప్యూటీ కమిషనర్‌ దీపక్‌ దేవరాజ్‌ చెబుతున్నారు.

12:11 - March 10, 2018
10:30 - February 23, 2018

హైదరాబాద్ : సైఫాబాద్ పీఎస్ ముందు ఓ యువకుడు ఆత్మహత్యాయత్నం చేశాడు. ట్రాఫిక్ ఎస్ఐ అక్రమంగా చలానాలు రాస్తున్నారంటూ యువకుడు విషం తాగి ఆత్మహత్యకు యత్నించాడు. బాధితుడిని ట్రాఫిక్ పోలీసులు ఆసుపత్రికి తరలించారు. మరింత సమాచారం కోసం వీడియో క్లిక్ చేయండి.

13:43 - January 29, 2018

రంగారెడ్డి : జిల్లాలోని శంషాబాద్‌లోని ఆదర్శనగర్‌లో నివాసం ఉండే నాగరాజు, స్నేహ దంపతులు ఒకరిపై మరోకరు పరస్పరం ఫిర్యాదు చేసుకున్నారు. గతకొంత కాలంగా తన భార్య స్నేహ మొఘల్‌పూర పీఎస్‌లో పనిచేస్తున్న సందీప్‌ అనే కానిస్టేబుల్‌తో ఫేస్‌బుక్‌లో చాటింగ్‌ చేస్తు అతనితో ప్రేమయాణం నడుపుతుందంటూ ఫిర్యాదు చేశాడు. తీరు మార్చుకోవాలంటూ ఎన్నిసార్లు హెచ్చరించిన  తీరుమారకపోవడంతో గత నవంబర్‌లో పోలీసులకు భర్త నాగరాజు ఫిర్యాదు చేశారు. పోలీసులు పట్టించుకోకపోవడంతో మరోసారి జనవరి 21న పోలీసులకు భర్త నాగరాజు ఫిర్యాదు చేశాడు. దీంతో భార్య తన భర్త అదనపు కట్నం కోసం తనను వేధిస్తున్నాడంటూ ఫిర్యాదు చేసింది.

 

13:09 - January 18, 2018

నల్గొండ : మిర్యాలగూడలో కానిస్టేబుళ్లను సీబీసీఐడీ అధికారులు అదుపులోకి తీసుకోవడం కలకలం రేపుతోంది. 2009 పోలీస్ రిక్రూట్ మెంట్ పరీక్షల్లో భారీగా అవకతవకలు జరిగినట్లు...భారీగా పైలటింగ్ ఆరోపణలు వెల్లువెత్తాయి. పోలీసు రిక్రూట్ మెంట్ పరీక్షల్లో ఒకరికి బదులు మరొకరితో అభ్యర్థులు పరీక్షలు రాయించారు. దీనిపై అప్పటి రాష్ట్ర ప్రభుత్వం సీబీసీఐడీ విచారణకు ఆదేశించింది. 45 మంది అభ్యర్థులు ఎంపిక అయినట్లు సమాచారం. అప్పటి నుండి విచారణ చేస్తున్న సీబీసీఐడీ అధికారులకు పక్కా ఆధారాలు లభ్యమైనట్లు సమాచారం. బుధవారం రాత్రి మిర్యాలగూడ వన్ టౌన్ పీఎస్ వాడపల్లి పీఎస్ లో విధులు నిర్వర్తిస్తున్న ఇద్దరు కానిస్టేబుళ్లను సీబీసీఐడీ అధికారులు అరెస్టు చేశారు. ఈ జాబితాలో మరికొంతమంది కానిస్టేబుళ్లున్నట్లు ఆరోపణలు వినపిస్తున్నాయి. 

09:10 - January 5, 2018

గుంటూరు : రేపల్లె పీఎస్ లో యువకుడి ఆత్మహత్య కలకలం రేగింది. ఇటీవలే మైనర్ బాలికను శ్రీనివాసరావు అనే యువకుడు పెళ్లి చేసుకున్నాడు. బాలిక బంధువులు ఫిర్యాదు చేయడంతో డిసెంబర్ 31న పోలీసులు అతడిని అరెస్టు చేశారు. పీఎస్ లోని బాత్ రూంకు వెళ్లిన శ్రీనివాసరావు ఉరి వేసుకుని చనిపోయాడు. దీనితో ఒక్కసారిగా పీఎస్ లో కలకలం రేగింది. మనస్థాపంతోనే ఆత్మహత్య చేసుకున్నాడా ? ఇతరత్రా కారణాలున్నాయా ? అనేవి తెలియరాలేదు. 

12:40 - December 21, 2017

హైదరాబాద్‌ : రాచకొండ పోలీస్‌ కమిషనరేట్‌లో 2017 ఆన్వల్‌ ప్రెస్‌ మీట్‌ నిర్వహించారు. ఈ సంవత్సరం నమోదైన కేసుల వివరాలను పోలీసులు వెల్లడించారు. 3వేల రెండు ప్రాపర్టీ కేసులు నమోదవగా, దోపిడీ కేసులు 216 నమోదయ్యాయి. దృష్టి మరలించి చేసిన దోపిడీలు 63, అలాగే సాట్‌ కేసులు 835, గుట్కా, పీడీ యాక్టు కేసులు 33, డ్రగ్స్‌ కేసులు 18 నమోదయ్యాయి. ఫేక్‌ బాబాలు ఏడుగురు అరెస్ట్‌ అయ్యారు. 

Pages

Don't Miss

Subscribe to RSS - పీఎస్