పాకిస్థాన్

16:49 - November 14, 2018

పాకిస్థాన్ : భారత్, పాక్ ల మధ్య వివాదాస్పం కేంద్రంగా వున్న కశ్మీర్ పై పాకిస్థాన్ మాజీ క్రికెటర్ షాహిద్ అఫ్రిది సంచలన వ్యాఖ్యలు చేశారు. ఓ ఇంటర్నేషనల్ మీడియా సమావేశంలో మాట్లాడుతున్న సందర్భంగా షాహిద్ అఫ్రిద్ ఈ వ్యాఖ్యలు చేయటం సంచలనంగా మారింది. కశ్మీర్ పై పాకిస్థాన్ భారతదేశాలమధ్య వైరం రోజు రోజుకూ ముదురుతున్న నేపథ్యంలో అఫ్రిద్ వ్యాఖ్యలు సంచలనంగా మారాయి. పాకిస్థాన్ లో వున్న నాలుగు ప్రావిన్స్ లనే సరిగా చూసుకోలేకపోతున్నామని... ఇక మనకు కశ్మీర్ ఎందుకని ఘాటు వ్యాఖ్యలు చేశాడు. కశ్మీర్ గురించి పాకిస్థాన్ మరిచిపోవాలని... దేశంలో మంచి పాలన అందించాలని ప్రభుత్వాన్ని డిమాండ్ చేశాడు. 

Image result for kashmir pakistan and indian armyఉగ్రవాదుల నుంచి సొంత దేశాన్ని రక్షించడం కూడా తమ ప్రభుత్వాలకు చేత కాలేదని అఫ్రిది తీవ్ర వ్యాఖ్యలు చేశాడు. కశ్మీర్ లోయలో ప్రజలు చనిపోవడం తనను ఎంతో బాధిస్తోందని చెప్పాడు. కశ్మీర్ ను ఇండియాకు కూడా ఇవ్వొద్దని... అది ప్రత్యేక దేశం కావాలని అన్నాడు. కశ్మీర్ లో మానవత్వం పరిఢవిల్లాలని ఆకాంక్షించాడు. అఫ్రిది వ్యాఖ్యలు పాకిస్థాన్ లో వివాదాస్పదం అయ్యే అవకాశాలు కనిపిస్తున్నాయి. కాగా దేశ సరిహద్దుల్లో ఇండియా, పాకిస్థాన్ కశ్మీర్ విషయంలో విధించుకున్న నియమాలను పాక్ ఇప్పటికే వందల సార్లు బేఖాతరు చేసి కశ్మీర్ ను ఆక్రమించుకునేందుకు పలు యత్నాలు చేయటం వాటిని ఇండియా ఆర్మీ విజయవంతంగా తిప్పి కొట్టటం కొనసాగుతునే వుంది. ఈ నేపథ్యంలో భారత్ జవాన్లతో పాటు పలువురు కశ్మీర్ పౌరులు కూడా మృతి చెందిన విషయం తెలిసిందే. 
 

11:14 - November 7, 2018

పాకిస్థాన్ : పాకిస్థాన్, భారతదేశాల మధ్య వుండే నిబంధలను ఉల్లంఘింటం పాకిస్థాన్ కు పరిపాటిగా మారిపోయింది. పలుమార్లు కాల్పుల ఒప్పందాలను ఉల్లంఘించిన పాకిస్థాన్ ఇప్పుడు మరో ఉల్లంగనకు పాల్పడింది. భారత్ అభ్యంతరాలను తోసిపుచ్చి పాక్ ఆక్రమిత కశ్మీర్ మీదుగా చైనా, పాకిస్థాన్ మధ్య సోమవారం రాత్రి బస్సు సర్వీసు ప్రారంభమైంది. పాకిస్థాన్‌లోని లాహోర్‌లో ఉన్న గుల్బర్గ్ ప్రాంతం నుంచి పీవోకే మీదుగా చైనా జిన్‌జియాంగ్ రాష్ట్రం కష్ఘర్ నగరానికి తొలి బస్సు సర్వీసు నడిచింది. చైనా- పాకిస్థాన్ ఎనకమిక్ కారిడార్ ప్రాజెక్టులో భాగంగా పాక్, చైనా ఈ బస్సు సర్వీసును నడుపుతున్నాయి. తొలుత నిర్ణయించిన షెడ్యూల్ ప్రకారం శనివారం నాడే బస్సు సర్వీసు ప్రారంభించాల్సి ఉంది. కానీ దైవదూషణకు పాల్పడినట్లు ఆరోపణలు ఉన్న మహిళ అసియా బీబీని పాక్ సుప్రీంకోర్టు నిర్దోషిగా ప్రకటించడంతో దేశమంతటా తీవ్ర నిరసనలు వెల్లువెత్తాయి. దీంతో సదరు బస్సు సర్వీసును సోమవారం రాత్రి ప్రారంభించారు. పాక్ ఎకనమిక్ ఫొరం చైర్మన్ ఇక్బాల్ షమీ ఈ సందర్భంగా మాట్లాడుతూ రెండు దేశాల సంబంధాల్లో ఇది చాలా మంచి రోజని పేర్కొన్నారు. పీవోకే మీదుగా పాక్- చైనా మధ్య బస్సు సర్వీసు నిర్వహించడంపై భారత్ తీవ్ర నిరసన తెలిపింది.
 

14:02 - October 27, 2018

న్యూఢిల్లీ: పాకిస్థాన్ అసలు రూపం మరోసారి బయటపడింది. సిరియా కంటే పాకిస్థాన్ మూడు రెట్లు టెర్రర్ రిస్క్ కలిగిఉన్న దేశమని.. పాకిస్థాన్ టెర్రరిస్టులకు స్వర్గధామం అని ఆక్స్‌ఫోర్డ్ యూనివర్శిటీకి చెందిన  స్ట్రాటజిక్ ఫోర్‌సైట్ గ్రూప్ రూపొందించిన ‘‘హుమానిటీ ఎట్ రిస్క్ - గ్లోబల్ టెర్రర్ త్రెట్ ఇండికెంట్’’ అనే నివేదిక  తేల్చి చెప్పింది. 
1947లో భారత్‌కు స్వాతంత్రం వచ్చిన తర్వాత విడిపోయి ఏర్పడ్డ పాకిస్థాన్ టెర్రరిస్టులకు అడ్డాగా మారటంతోపాటు.. మానవజాతికే ప్రమాదకరంగా మారిన అండర్‌వరల్డ్ ఏజంట్లకు ఇది నిలయంగా మారింది.  
నివేదిక పేర్కొన్న అంశాలు ఇవే..

  • అఫ్గనిస్థాన్‌లో తాలిబన్లు, లష్కరే-ఈ- తాయిబా(ఎల్ఈటీ) సంస్థలు ప్రపంచ భధ్రతకు ముప్పుగా పరిణమిస్తే.. ఎక్కువ సంఖ్యలో ఉన్న ఉగ్రవాద మూలాలతో పాకిస్థాన్ వీటన్నిటి కంటే ఉగ్రవాద సురక్షిత ప్రాంతాలుగా ప్రధమ స్థానంలో నిలిచిన మాట వాస్తవం. Related image
  • ప్రపంచ వ్యాప్తంగా ఉన్న అత్యంత ప్రమాదకరమైన ఉగ్రవాద గ్రూపులను పరిశీలిస్తే.. పాకిస్థాన్ వాటిఅన్నిటికీ సహాయ సహకారాలు అందిస్తోంది. చాలా ఎక్కువ సంఖ్యలో ఆఫ్గనిస్థాన్‌లో ఉన్న ఉగ్రవాద గ్రూపులకు పాకిస్థాన్ ఆర్థిక సహకారం అందిస్తోందని నివేదిక వెల్లడించింది. 
  • ఏ రూపంలో పెరుగుతున్న ఉగ్రవాదమైనా.. సామూహిక మానవ వినాశనం కలిగించే ఆయుధాల దుర్వినియోగం, ఆర్ధిక అంతరాయాలు ఇప్పటినుంచి 2030 వరకు మానవజాతి అభివృద్ధికి, జాతి మనుగడకు ముప్పుకలింగించే ప్రమాదాలే. ఇవన్నీకూడా ఏదో రూపంలో ఉగ్రవాదానికి సంబంధించినవేనని నివేదిక హెచ్చరించింది.     
  • ప్రపంచంలో దాదాపు 200 గ్రూపులు మతం పేరుతో తమ తమ భావజాలాన్ని అమలు చేసేందుకు ఉగ్రవాదం అనే మార్గాన్ని ఎంచుకొని చెలరేగిపోతున్నాయని స్ట్రాటజిక్ ఫోర్‌సైట్ గ్రూపు తమ నివేదికలో పేర్కొంది. 
  • ఐస్ఐస్ లాంటి ఉగ్రవాద సంస్థలు మీడియా దృష్టిని ఆకర్షించి ఒక్కసారిగా పైకెదిగి కిందకు పడిపోయినా దీని ప్రభావం కొంతమేరకు ఉగ్రవాద నెట్‌వర్క్ మీద పడిందనీ.. అయతే ఆల్‌ఖైదా లాంటి సంస్థలు చాపకింద నీరులా పనిచేస్తున్నాయని నివేదిక తెలిపింది. 
  • ఒసామా బిన్ లాడెన్ మరణానంతరం.. ఆల్‌ఖైదా ప్రభావం కొద్దిగా  తగ్గినప్పటికీ.. అతని కొడుకు హమాజా బిన్ ఒసామా బిన్ లాడెన్ ఉగ్రవాద సంస్థ బాధ్యతలు చేపట్టారని. అతన్ని అందరూ ‘‘ఉగ్రవాదానికే యువరాజు’’ అంటూ కీర్తిస్తూ నెత్తినపెట్టుకుంటున్నారిని రిపోర్ట్ పేర్కొంది. 


 

 

13:46 - October 16, 2018

ఇస్లామాబాద్ పాకిస్థాన్‌లో వింత ఘటన చోటుచేసుకుంది. చనిపోయిన ఓ వ్యక్తి పేరు మీద 3 బ్యాంకు ఖాతాలు వెలిశాయి. ఆ ఖాతాల నుంచి రూ.460కోట్ల లావాదేవీలు జరిగాయి. పాకిస్థాన్‌లో ఫెడరల్‌ దర్యాప్తు సంస్థ(ఎఫ్‌ఐఏ) ఈ భారీ మోసాన్ని గుర్తించింది. 

కరాచీకి చెందిన ఇక్బాల్‌‌ అరయాన్‌ అనే వ్యక్తి మే 9, 2014లో మరణించారు. చనిపోయిన తర్వాత అతని పేరు మీద ఎవరో 3 బ్యాంకు ఖాతాలు తెరిచారు. ఆ బ్యాంకు ఖాతాల ద్వారా రూ.460 కోట్ల లావాదేవీలు జరిగినట్లు ఎఫ్‌ఐఏ విచారణలో బయటపడింది’ అని పాక్‌ జియో టీవీ వెల్లడించింది.

పలువురు బడా పారిశ్రామికవేత్తలు, రాజకీయ నాయకులు మనీలాండరింగ్‌కు పాల్పడుతున్నట్లు కేసులు రావడంతో సుప్రీంకోర్టు జాయింట్‌ ఇన్వెస్టిగేషన్‌ యూనిట్‌(జేఐటీ)ని నియమించింది. ఇందులో భాగంగానే ఎఫ్‌ఐఏ పలు బ్యాంకుల్లోని ఖాతాదారుల లావాదేవీలను పరిశీలిస్తుండగా విస్తుగొలిపే విషయాలు వెలుగులోకి వస్తున్నాయి. పేద ప్రజల పేరు మీద బ్యాంకు ఖాతాలు తెరిచి కొందరు బ్యాంకు అధికారులు భారీ మొత్తంలో లావాదేవీలు జరుపుతున్నట్లు ఎఫ్‌ఐఏ విచారణలో వెల్లడైంది. 

 

10:12 - October 16, 2018

పనాజీ: ప్రత్యర్థి దేశమైన పాకిస్థాన్ భారతదేశంలోని అన్ని రంగాల్లో దెబ్బతీసేందుకు కుట్రలు పన్నుతూనే ఉంది. ఇందులో భాగంగా దేశ సమాచారాన్ని దొంగిలించేందుకు వెబ్‌సైట్లను హ్యక్ చేయడం ప్రారంభించింది. దీనికి పరాకాష్టగా గోవా రాష్ట్ర భారతీయ జనతా పార్టీ వెబ్‌సైట్‌ను హ్యాక్ చేసింది. పాకిస్థాన్‌కు చెందిన గుర్తుతెలియని గ్రూపు బీజేపీ పోర్టల్‌ గోవాబీజేపీ డాట్ ఆర్జీను హ్యాక్ చేసింది. వెబ్‌సైట్ ఓపెన్ చేయగానే ఒక ఇమేజ్ దర్శనం ఇవ్వడంతో బీజేపీ శ్రేణులు ఆశ్చర్యానికి గురైయ్యారు. ఆ ఇమేజీ మీద ‘‘పాకిస్థాన్ జిందాబాద్’’ అనే అక్షరాలు కనిపించాయి. ఇది పాక్ దుండగుల పనిగా భావిస్తున్నారు.  హ్యక్ గురైన సైట్‌లో ‘‘జై హింద్ జై భారత్’’ స్లోగన్‌తో బీజేపీ నేతలు ఈ సైట్ ను పునరుద్ధరించే పనిలో నిమగ్నమయ్యారు.

 

 

 

17:17 - October 1, 2018

ఢిల్లీ : బీజేపీ సీనియర్ నేత సుబ్రహ్మణ్య స్వామి మరోసారి తన నోటికి పని పెట్టారు. ఎప్పుడు వివాదాస్ప వ్యాఖ్యలు చేస్తు వార్తల్లో నిలిచే సుబ్రహ్మణ్యస్వామి ఈసారి పాకిస్థాన్ ప్రధాని ఇమ్రాన్ ఖాన్ పై పడ్డారు. ఇమ్రాన్‌ఖాన్‌పై తనదైన శైలిలో వ్యంగ్యాస్త్రాలు విసిరారు. ‘‘ఇమ్రాన్ ఖాన్ ఓ ‘చప్రాసీ’ మాత్రమే. ఎందుకంటే ఇప్పుడు పాకిస్తాన్‌లో అక్కడి సైన్యం, ఐఎస్ఐ, తీవ్రవాదులే పరిపాలన సాగిస్తున్నారు. అక్కడి ప్రభుత్వంలో ఇమ్రాన్ ఖాన్ ఓ నౌకరు మాత్రమే. ఆయనను పేరుకు ప్రధాని అని పిలుస్తున్నారు.. వాస్తవానికి ఆయన ఓ ‘చప్రాసీ’...’’ అని సుబ్రమణ్యస్వామి వివాదాస్ప వ్యాఖ్యలు చేశారు. 

 

07:04 - October 1, 2018

ఢిల్లీ : భారతదేశ శాంతికి విఘాతం కలిగించేందుకు ఎవరైనా ప్రయత్నిస్తే... వారికి సైనికులు ధీటైన సమాధానం చెబుతారని ప్రధాని మోదీ స్పష్టం చేశారు. పాకిస్థాన్ పేరును నేరుగా ప్రస్తావించకుండా వార్నింగ్ ఇచ్చారు. శాంతిని బలంగా నమ్మే దేశం ఇండియా అన్న ఆయన దేశ సార్వభౌమాధికారం, ఆత్మగౌరవం విషయంలో రాజీ పడే ప్రసక్తి లేదని ప్రధాని స్పష్టం చేశారు. మన్ కీ బాత్  రేడియో షో 48వ ఎడిషన్‌లో దేశ ప్రజలను ఉద్దేశించి మోడీ మాట్లాడారు. శాంతికి మనం కట్టుబడి ఉన్నామని.... అదే విధానంతో ముందుకు వెళ్తామన్నారు. భారత ఆర్మీ ప్రత్యేక బలగాలు జరిపిన సర్జికల్ దాడులను ప్రధాని గుర్తుచేస్తూ, మన సైనికులు 2016లో ఉగ్రవాదానికి గట్టి గుణపాఠం చెప్పారన్నారు. 

15:32 - September 21, 2018

ఢిల్లీ : భారత క్రికెట్స్‌పై వివాదాస్ప వ్యాఖ్యలు చేయటం సర్వసాధారణంగా మారిపోయింది. టీమిండియా గెలుపులను చూసి ఓర్వలేని పాక్ క్రికెటర్స్ వారి ఆత్మస్థైర్యాన్ని దెబ్బతీసేందుకు పిచ్చి పిచ్చి వ్యాఖలు చేస్తుంటారు. ఈ క్రమంలో పాక్ క్రికెటర్ విరాట్ కోహ్లీపై వెటకారపు మాటలు మాట్లాడాడు. ఆసియా క‌ప్‌లో పాకిస్థాన్‌తో ఫైన‌ల్స్‌తో స‌హా భార‌త్ మూడు మ్యాచ్‌లు ఆడాల్సి ఉంటుంది. ఇది ముందే ఊహించి కోహ్లీ ఆసియా కప్ నుంచి ఎస్కేప్ అయ్యాడు. పాకిస్థాన్ జ‌ట్టుతో ఆడ‌డానికి కోహ్లీ భ‌య‌ప‌డి ఉంటాడు. ఇంగ్లండ్‌తో అన్ని మ్యాచ్‌లూ ఆడిన‌వాడు ఆసియా క‌ప్ నుంచి ఎందుకు నిష్క్ర‌మించాడని త‌న్వీర్ విమ‌ర్శించాడు. త‌న్వీర్ వ్యాఖ్య‌ల‌పై టీమిండియా క్రికెట‌ర్ గౌత‌మ్ గంభీర్ ఘాటుగా స్పందించాడు. విరాట్ కోహ్లీ ఇప్ప‌టికే 35-36 సెంచ‌రీలు చేశాడు. అలాంటి అట‌గాడికి మ‌రో సెంచ‌రీ చేయ‌డం పెద్ద క‌ష్ట‌మేమీ కాదు. కానీ, త‌న్వీర్ అనే ఆట‌గాడు క‌నీసం 36 అంతర్జాతీయ మ్యాచ్‌లు కూడా ఆడ‌లేక‌పోయాడు. అది గుర్తుపెట్టుకుంటే మంచిది` అని గంభీర్ రిప్లై ఇచ్చాడు.

18:08 - September 19, 2018

పాకిస్థాన్ : ఇమ్రాన్ ఖాన్ ప్రభుత్వం వస్తే దేశంలో భారీగా మార్పులు జరుగుతాయని నమ్మిన పాక్ ప్రజలకు ఇమ్రాన్ ఖాన్ ఝలక్ ఇచ్చాడు. దీంతో వంట గ్యాస్ సెగకు పాక్ ప్రజలు అంతకంటే ఎక్కువగా మండిపతున్నారు. పాక్ ప్రజలకు కొత్త పాకిస్థాన్ ను చూపిస్తానంటు భీరాలు పలికి ఇమ్రాన్ ఖాన్ పై ప్రజలు మండిపడుతున్నారు. ఇమ్రాన్‌ ఖాన్‌ ప్రభుత్వం చెబుతున్న ‘నయా పాకిస్థాన్‌’ను ఆ దేశ ప్రజలు  ప్రశ్నిస్తున్నారు. గ్యాస్‌ ధరలను ఏకంగా 143 శాతం మేర పెంచుతున్నట్లు పిడుగులాంటి నిర్ణయాన్ని సర్కారు ప్రకటించటంతో అగ్గిమీద గుగ్గిలం అవుతున్నారు. వినియోగదారుల నుంచి రూ.9400 కోట్లను వసూలు చేసే చర్యలో భాగంగా ఈ చర్యను చేపట్టింది. సబ్సిడీలకు మంగళం పలికే దిశగా అడుగులు మొదలుపెట్టింది. గృహ, వాణిజ్య వినియోగదారులందరిపైనా పెంపు భారాన్ని ప్రభుత్వం మోపింది. క్యాబినెట్‌ ఆర్థిక సమన్వయ కమిటీ సమావేశంలో ఈ నిర్ణయాన్ని తీసుకున్నట్లు పెట్రోలియం శాఖ మంత్రి గులాం సర్వార్‌ ఖాన్‌ తాజాగా పేర్కొన్నారు. గృహ వినియోగదారుల్లోని దిగువ శ్లాబ్‌లో 10 శాతం మేర, ఎగువ శ్లాబ్‌లో 143 శాతం మేర పెంచినట్లు  వివరించారు. అక్టోబర్‌ నెల గ్యాస్‌ బిల్లుల్లో ఈ పెంపు అమల్లోకి వస్తుందన్నారు. ఈ నిర్ణయం వల్ల 94 లక్షల మంది గృహ వినియోగదారులపై పెను భారం పడుతుంది. వీరిలో 36 లక్షల మంది దిగువ ఆదాయ శ్లాబ్‌లో ఉన్నారు. వాణిజ్య, పారిశ్రామిక వినియోగదారులపై 30 నుంచి 57 శాతం మేర వడ్డింపు జరిగింది. దీనివల్ల ఎరువులు, విద్యుదుత్పత్తి, సిమెంట్‌, సీఎన్‌జీ తదితరాల ధరలకు రెక్కలు రానున్నాయి. ప్రభుత్వ రంగ గ్యాస్‌ కంపెనీలు ఆదాయ లోటుతో నడుస్తున్నాయని మంత్రి గులాం సర్వార్‌ చెప్పారు. ప్రస్తుత ధరలను కొనసాగించడం సాధ్యం కాదన్నారు.

16:24 - September 19, 2018

ఇస్లామాబాద్ : పాక్ మాజీ ప్రధాని నవాజ్ షరీఫ్..అతని కూతురులను జైలు నుండి విడుదల చేయాలని పాక్ కోర్టు ఆదేశాలు జారీ చేసింది. అవినీతి కేసులో నవాజ్ షరీఫ్‌కు పదేళ్లు, కుమార్తె మరియమ్‌కు ఏడేళ్ల జైలు శిక్షను కోర్టు విధించిన విషయం విదితమే. లండన్ నుంచి అబుదాబీ ద్వారా లాహోర్‌కు విమానంలో చేరుకున్న నవాజ్, ఆయన కూతురు మరియమ్‌ను రావల్పిండి వద్ద ఆదియాల జైలుకు తరలించారు. పనామాపత్రాల కుంభకోణానికి సంబంధించి అవెన్‌ఫీల్డ్‌ హౌస్‌ అక్రమాస్తుల కేసులో జవాబుదారీ న్యాయస్థానం వారిని దోషులుగా ప్రకటించడంతో వారిని అరెస్టు చేశారు.
కానీ ఇటీవలే నవాజ్ షరీఫ్ సతీమణి కన్నుమూయడంతో అంత్యక్రియలకు హాజరయ్యేందుకు పెరోల్ మీద వారు విడుదలయ్యారు. దీనికి సంబంధించి పూర్తి వివరాలు తెలియాల్సి ఉంది. 

Pages

Don't Miss

Subscribe to RSS - పాకిస్థాన్