పర్యటన

10:56 - September 18, 2018

కర్నూలు : గ్రెస్‌ పార్టీ అధ్యక్షుడు రాహుల్‌గాంధీ ఇవాళ కర్నూలు జిల్లాలో పర్యటించనున్నారు. కర్నూలు నుంచి ఎన్నికల శంఖారావాన్ని పూరించనున్నారు. విద్యార్థులు, రైతులతో ఆయన ముఖాముఖి నిర్వహించనున్నారు.  కర్నూలులోని ఎస్టీ బీసీ కళాశాల గ్రౌండ్‌లో జరిగే బహిరంగ సభలో పాల్గొంటారు. రాహుల్‌ పర్యటనకు కాంగ్రెస్‌ నేతలు ఏర్పాట్లు పూర్తి చేశారు. రాహుల్‌ గాంధీ పెదపాడులోని మాజీ సీఎం దామోదరం సంజీవయ్య ఇంటిని కూడా సందర్శించనున్నారు. కాసేపట్లో హైరాబాద్‌కు రాహుల్‌ చేరుకోనున్నారు. ఉ. 11.15కు ప్రత్యేక హెలికాప్టర్‌లో కర్నూలుకు పయనం కానున్నారు. ధ్యాహ్నం 12.15కు కర్నూలు చేరుకోనున్నారు. పెద్దపాడులో రాహుల్‌ పర్యటించనున్నారు. హోదా సహా విభజన హామీలపై క్లారిటీ ఇవ్వనున్నారు.

 

22:40 - September 12, 2018

హైదరాబాద్ : తెలంగాణలో ఎన్నికల సన్నద్థతపై క్షేత్రస్థాయి పర్యటనకు వచ్చిన కేంద్ర ఎన్నికల బృందం పూర్తి సంతృప్తిని వ్యక్తం చేసింది. డిప్యూటీ చీఫ్‌ ఎలక్షన్ కమిషనర్‌ ఉమేష్ కుమార్  సిన్హా నేతృత్వంలో వచ్చిన కమిటీ.. ముందుగా గుర్తింపు పొందిన రాజకీయ పార్టీల ప్రతినిధుల అభిప్రాయాలను సేకరించింది. పార్టీల వారిగా అభ్యంతరాలను, ఫిర్యాదులు, సలహాలు సూచనలు ఈసీ బృందం తీసుకుంది. ఖమ్మం జిల్లాలోని ఏడు మండలాల పరిస్థితి, ఓట్ల గల్లంతు, వినాయక చవితి, మోహర్రం పండుగల సందర్భంగా ఓటరు నమోదు కార్యక్రమ వ్యవధిని పెంచాలని పార్టీలు సూచించాయి. దీనిపై కేంద్ర ఎన్నికల సంఘానికి నివేదిస్తామని ఉమేష్‌ కుమార్ సిన్హా అన్నారు. 

రాష్ట్రంలో రాజకీయ పరిస్థితులు, అధికారుల సన్నద్ధతపైనా 31 జిల్లాల కలెక్టర్లు, ఎస్పీలతో దాదాపు 6 గంటల పాటు ఈసీ బృందం సమావేశమయ్యింది. జిల్లాల వారిగా క్షేత్ర స్థాయి పరిస్థితులను వివరంగా అడిగి తెలుసుకున్నారు. ఓటర్ల జాబితా, సమస్యాత్మక ప్రాంతాలు, శాంతిభద్రతలపైనా చర్చించారు. ఈవీఎంలు, వీవీప్యాట్స్‌పై సిబ్బంది శిక్షణ ఇవ్వాలని ఆదేశించారు. ఈవీఎంల భద్రత, స్టోరేజీ, రవాణాకు అవసరమైన ఏర్పాట్లపైనా ఆదేశాలు జారీ చేశారు. ఓటర్లను ఎవరూ ప్రలోభపెట్టకుండా చర్యలు తీసుకోవాలని ఆదేశించారు.ఇక  ఓట‌ర్ల జాబితా స‌వ‌ర‌ణ కోసం  రూపొందించిన కొత్త ఈఆర్ఒ నెట్ పై జిల్లా కలెక్టర్లకు  అవ‌గాహ‌న  కల్పించారు.

అనంతరం ప్రభుత్వ ప్రధాన కార్యదర్శి, డిజిపి, హోం శాఖ ముఖ్య కార్యదర్శి తో పాటు ఇతర ముఖ్య కార్యదర్శులతో సచివాలయంలో 20 నిముషాల పాటు ఉమేశ్‌ బృందం సమావేశం అయ్యింది. రాష్ట్రంలోని శాంతి భద్రతలు, సమస్యత్మాక ప్రాంతాల గుర్తింపు, ఎన్నికల సిబ్బంది , ఎన్నికల నిర్వహణకు అవసరమయ్యే నిధుల కేటాయింపు, రవాణ తదిరత అంశాల పై చర్చించారు. భౌగోళికంగా తెలంగాణకు చూట్టు ఉన్న సరిహాద్దు రాష్ట్రాల ప్రభావం ఎలా ఉంటుందో కూడా అడిగితెలుసుకున్నారు.

08:38 - August 28, 2018

హైదరాబాద్ : తెలంగాణ రాష్ట్రంలో జాతీయ రహదారుల అభివృద్ధి, రీజనల్‌ రింగురోడ్డు, ప్రాజెక్టుల విషయాన్ని ముఖ్యమంత్రి కేసీఆర్‌ కేంద్ర ప్రభుత్వ దృష్టికి తెచ్చారు. ఢిల్లీ పర్యటనలో భాగంగా కేంద్ర మంత్రి నితిన్‌ గడ్కరీతో భేటీ అయిన సీఎం నేషనల్ హైవేలను ఎన్ హెచ్ ఏఐకి అప్పగించి... గ్రీన్ హైవేస్‌గా మార్చాలని కేంద్రాన్ని కోరారు. 
ప్రధాని మోదీతో సీఎం కేసీఆర్ భేటీ 
తెలంగాణ రాష్ట్ర ముఖ్యమంత్రి కేసీఆర్‌ మూడు రోజుల ఢిల్లీ పర్యటన ముగిసింది. మూడు రోజుల హస్తిన టూర్‌లో భాగంగా శనివారం మొదటి రోజున ప్రధాని నరేంద్రమోదీతో సీఎం భేటీ అయ్యారు. రాష్ట్రంలో ముందస్తు ఎన్నికలు, విభజన హామీలు, కొత్త జోనల్‌ వ్యవస్థకు ఆమోదం వంటి అంశాలపై ప్రధానితో చర్చించారు. ఆదివారం రెండో రోజు పర్యటనలో హోం మంత్రి రాజ్‌నాథ్‌సింగ్‌, ఆర్థిక మంత్రి ఆరుణ్‌జైట్లీతో సమావేశమయ్యారు. హైకోర్టు విభజన, ఎఫ్‌ఆర్‌బీఎం పరిమితి పెంపుపై చర్చించారు.  
జాతీయ రోడ్ల అభివృద్ధి, రీజనల్ రింగురోడ్డు ప్రాజెక్టులపై చర్చ
మూడవ రోజు హస్తిన పర్యటనలో సీఎం కేసీఆర్‌... కేంద్ర రవాణా, జలవనరుల శాఖ మంత్రి నితిన్‌ గడ్కరీని కలిశారు. రాష్ట్రంలో జాతీయ రహదారుల అభివృద్ధి, రీజనల్‌ రింగ్‌రోడ్డు, ప్రాజెక్టులపై చర్చించారు. 334 కిలోమీటర్ల నిడివిలో ఎక్స్‌ప్రెస్‌ హైవేను ఆరులేన్లుగా నిర్మించాలని విజ్ఞప్తి చేశారు. సంగారెడ్డి-తుఫ్రాన్‌-చౌటుప్పల్‌ వరకు 154 కి.మీ నిడివికి అనుమతి మంజూరు చేసే విషయమై సీఎం చర్చించారు. ఈ ప్రాజెక్టులకు వెంటనే అనుమతులు మంజూరు చేయాలని సీఎం కోరారు. అలాగే అనుమతులిచ్చిన రహదారులకు అలైన్మెంట్లు, నోటిఫికేషన్లు ఇవ్వాలని గడ్కరీని విజ్ఞప్తి చేశారు. జాతీయ రహదారుల బాధ్యతను ఎన్ హెచ్ ఏఐకి అప్పగించి...నేషనల్‌ హైవేలను గ్రీన్‌ హైవేలుగా మార్చాలని కోరారు. 
కృష్ణా జలాల కేటాయింపులో రాష్ట్రానికి అన్యాయం : సీఎం
కృష్ణా నదీ జలాల కేటాయింపులో తెలంగాణకు బచావత్‌ ట్రిబ్యూనల్‌లోనే అన్యాయం జరిగినందున... మొత్తం కృష్ణా జలాల విషయంలో మళ్లీ పంపకం జరపాలని సీఎం కేసీఆర్‌... కేంద్రమంత్రి గడ్కరీని కోరారు. మొత్తానికి మూడురోజుల ఢిల్లీ పర్యటనలో కేసీఆర్‌ రాష్ట్ర సమస్యలను కేంద్రం దృష్టికి తీసుకువచ్చారు. 

 

08:06 - August 27, 2018

ఢిల్లీ : తెలంగాణ ముఖ్యమంత్రి కేసీఆర్‌ ఢిల్లీ పర్యటనలో బిజీబిజీగా ఉన్నారు. మూడో రోజు పర్యటనలో భాగంగా... ఇవాళ  కేంద్ర మంత్రి  నితిన్‌గడ్కరీతో కేసీఆర్‌ భేటీ కానున్నారు. రాష్ట్రానికి రావాల్సిన నిధులు, జాతీయ రహదారులు, ప్రాజెక్టులపై సీఎం కేసీఆర్‌ కేంద్ర మంత్రులతో చర్చించనున్నారు. 

 

13:49 - August 26, 2018

ఢిల్లీ : రెండోరోజు ఢిల్లీలో కేసీఆర్‌ పర్యటన కొనసాగుతోంది. సాయంత్రం సీఎం కేసీఆర్‌ కేంద్రమంత్రులను కలవనున్నారు. మధ్యాహ్నం 3.30 గంటలకు రాజ్‌నాథ్‌సింగ్‌ను, 4.30 గంటలకు అరుణ్‌జైట్లీతో భేటీ కానున్నారు. రాష్ట్రానికి సంబంధించిన పెండింగ్‌ అంశాలు త్వరగా పూర్తి చేయాలని కేసీఆర్‌ కేంద్ర మంత్రులను కేసీఆర్‌ కోరనున్నారు. 

 

06:58 - August 26, 2018

హైదరాబాద్ : తెలంగాణ ముఖ్యమంత్రి మరో రెండు రోజులపాటు హస్తినలోనే ఉండనున్నారు. ఇవాళ ఆయన కేంద్ర ఆర్థికశాఖ మంత్రి అరుణ్‌జైట్లీతో భేటీ అవుతారు. విభజన చట్టంలోని హామీలను అమలు చేయాలని ఆయనను కోరనున్నారు. తెలంగాణకు కేంద్రం నుంచి అందాల్సిన నిధులపై ఆయనతో చర్చించనున్నారు. అరుణ్‌జైట్లీతోపాటు అపాయింట్‌మెంట్‌ దొరికితే మరికొంత మంది కేంద్రమంత్రులతో కేసీఆర్‌ భేటీ అవుతారు.

 

16:46 - August 25, 2018

ఢిల్లీ : తెలంగాణ ముఖ్యమంత్రి కేసీఆర్‌ ఢిల్లీ పర్యటనలో బిజీగా ఉన్నారు. మరో మూడు రోజుల పాటు సీఎం ఢిల్లీలోనే గడపనున్నారు. సాయంత్రం నాలుగు గంటల పది నిమిషాలకు ప్రధాని మోదీతో కేసీఆర్‌ భేటీ కానున్నారు. అలాగే కేంద్ర హోంమంత్రి, రక్షణశాఖ మంత్రిని కలవనున్నారు. కొత్త జోనల్‌ వ్యవస్థకు ఆమోదం, హైకోర్టు విభజన, రాష్ట్రానికి రావాల్సిన నిధులతోపాటు పలు పెండింగ్‌ అంశాలపై ప్రధాని, కేంద్రమంత్రులతో సీఎం కేసీఆర్‌ చర్చించనున్నారు. పెండింగ్‌ అంశాలను వెంటనే పూర్తి చేయాలని కేసీఆర్‌ కోరనున్నారు. మరిన్ని వివరాలను వీడియోలో చూద్దాం

 

16:17 - August 25, 2018

ఢిల్లీ : తెలంగాణ ముఖ్యమంత్రి కేసీఆర్‌ ఢిల్లీ పర్యటనలో బిజీగా ఉన్నారు. మరో మూడు రోజుల పాటు సీఎం ఢిల్లీలోనే గడపనున్నారు. సాయంత్రం నాలుగు గంటల పది నిమిషాలకు ప్రధాని మోదీతో కేసీఆర్‌ భేటీ కానున్నారు. అలాగే కేంద్ర హోంమంత్రి, రక్షణశాఖ మంత్రిని కలవనున్నారు. కొత్త జోనల్‌ వ్యవస్థకు ఆమోదం, హైకోర్టు విభజన, రాష్ట్రానికి రావాల్సిన నిధులతోపాటు పలు పెండింగ్‌ అంశాలపై ప్రధాని, కేంద్రమంత్రులతో సీఎం కేసీఆర్‌ చర్చించనున్నారు. పెండింగ్‌ అంశాలను వెంటనే పూర్తి చేయాలని కేసీఆర్‌ కోరనున్నారు. మరిన్ని వివరాలను వీడియోలో చూద్దాం....

11:13 - August 14, 2018

హైదరాబాద్ : తెలంగాణ రాష్ట్రంలో పార్టీ బలోపేతంపై దృష్టి పెట్టిన కాంగ్రెస్ జాతీయ అధ్యక్షుడు రాహుల్ గాంధీ రాష్ట్రంలో రెండు రోజుల పర్యటన నిమిత్తం రాష్ట్రంలో పర్యటిస్తున్నారు. ఈ నేపథ్యంలో 40 మంది పార్టీ సీనియర్ నేతలతో రాహుల్ సమావేశమయ్యారు. ఒక్కో నేతతో రాహుల్ గాంధీ విడి విడిగా మాట్లాడినట్లుగా తెలుస్తోంది. ఈ సమావేశంలో పార్టీ పెద్దలకు దిశానిర్ధేశం చేశారు. ఒకరిపై ఒకరు విభేదాలు వీడి రాష్ట్రంలో పార్టీ బలోపేతంపై ..పార్టీ గెలుపు కోసం పని చేయాలని సూచించారు. పార్టీ నేతలంతా ఐక్యంగా పనిచేసిన ఎన్నికలకు సిద్ధపడాలనీ..పార్టీ గెలుపుకోసం అందరు కలిసి కట్టుగా పనిచేయాలని సూచించారు. కాగా తెలంగాణ కాంగ్రెస్ నేతల్లో అంతర్గత పోరు సర్వసాధారణంగా మారిపోయిన నేపథ్యంలో రాహుల్ జాతీయ అధ్యక్షుడిగా ఎన్నికైన అనంతరం తొలిసారిగా తెలంగాణలో పార్టీని బలోపేతంపై దృష్టి పెట్టిన నేపథ్యంలో రాష్ట్రంలో పర్యటిస్తున్నారు. ఈ నేపథ్యంలో పలు కీలక సమావేశాలు..సభలు..సమావేశాలతో రాహుల్ బిజీ బిజీగా గడుతున్నారు. 

09:21 - August 14, 2018

హైదరాబాద్ : తెలంగాణలో పార్టీనీ బలోపేతం చేసేందుకు రాహుల్ గాంధీ నిశ్చయించుకున్నారు. ఈ నేపథ్యంలో తెలంగాణ రాష్ట్రంలో పర్యటించేదుకు వచ్చిన రాహుల్ గాంధీ రెండవరోజు పర్యటన కొనసాగనుంది. ఈ క్రమంలో కాసేపట్లో బూత్ కమిటీ అధ్యక్షులతో రాహుల్ టెలీకాన్ఫరెన్స్ నిర్వహించనున్నారు. 9.30గంటలకు పార్టీ సీనియర్ నేతలలతో రాహుల్ చర్చలు జరపనున్నారు. అనంతరం 10.30గంటలకు మీడియా ఎడిటర్లతో సమావేశం..మధ్యాహ్నాం 12 గంటలకు తాజ్ కృష్ణాలో పారిశ్రామితక వేత్తలతో భేటీ కానున్నారు. 3.45గంటకు గన్ పార్క్ వద్ద తెలంగాణ ఉద్యమ అమరవీరులకు రాహుల్ నివాళులర్పించనున్నారు. అనంతరం సాయంత్రం 5 గంటలకు సరూర్ నగర్ సభలో పాల్గొని రాత్రి 7.30గంటలకు రాహుల్ గాంధీ తిరిగి ఢిల్లీకి చేరుకుంటారు.  

Pages

Don't Miss

Subscribe to RSS - పర్యటన