ధరలు

14:43 - September 20, 2018

ఢిల్లీ : ప్రస్తుత రోజుల్లో అన్నింటి ధరలు సామాన్యుడి చుక్కలు చూపిస్తున్నాయి. అసలే పెట్రోలు ధరలు పెరిగి ప్రజలు నానా అవస్థలు పడుతున్న నేపథ్యంలో సామాన్యుడి ప్రయాణ సాధనాల్లో ఒకటి అయిన రైల్‌లో కనీసం ఒక్క టీగానీ, కాఫీగానీ తాగాలంటే కూడా అదనపు డబ్బులు చెల్లించుకుంటేనే గానీ గొంతులో టీ నీళ్లు పడే అవకాశం లేని పరిస్థితులు నెలకొన్నాయి. ఇండియాలోని రైళ్లలో టీ, కాఫీల ధరను పెంచుతున్నట్టు ఐఆర్సీటీసీ ఇండియన్ రైల్వే కేటరింగ్ అండ్ టూరిజం కార్పొరేషన్ ప్రకటించింది. ప్రస్తుతం రూ. 7గా ఉన్న ధరను రూ. 10కి పెంచుతున్నామని తెలిపింది. డిప్ టీ కాకుండా, మామూలు టీని రూ. 5కే అందిస్తామని రైల్వే బోర్టు పేర్కొంది. 

 

09:51 - September 17, 2018

పెట్రోల్, డీజిల్ ధరలు ఎప్పుడెప్పుడు ధరలు తగ్గుతాయని సామాన్య, మధ్య తరగతి ప్రజలు వేయి కళ్లతో ఎదురు చూస్తున్నారు. రోజుకో రేట్లు పెరుగుతూ రికార్డులను సృష్టిస్తున్నాయి. తాజాగా లీటర్ పెట్రోల్ పై 15 పైసలు, డీజిల్ పై 6 పైసలు ధరను పెంచుతున్నట్లు ప్రభుత్వం రంగ చమురు కంపెనీలు ప్రకటించాయి. మళ్లీ ధర పెరగడంతో పలువురు బెంబేలెత్తుతున్నారు. 

  • న్యూఢిల్లీలో పెట్రోలు ధర రూ. 82.06కు, డీజిల్ ధర రూ. 73.78. 
  • ముంబైలో లీటరు పెట్రోలు ధర రూ. 89.44 డీజిల్ ధర రూ. 78.33. 
  • కోల్ కతాలో లీటరు పెట్రోలు ధర రూ. 83.76 డీజిల్ ధర రూ. 75.57
  • చెన్నైలో లీటరు పెట్రోలు ధర రూ. 85.15 డీజిల్ ధర రూ. 77.94
  • హైదరాబాద్ లీటరు పెట్రోలు ధర రూ. 86.85 డీజిల్ ధర రూ. 80.19.

అంతర్జాతీయ స్థాయిలో చమురు ధరలు పెరుగుతుండడంతో ధరలను పెంచక తప్పడం లేదని చమురు కంపెనీలు పేర్కొంటున్నాయి. వెంటనే సుంకాలను తగ్గించి, ప్రజలకు మేలు చేయాలని విపక్షాలు డిమాండ్ చేస్తున్నాయి.

07:52 - September 17, 2018

ఢిల్లీ : యోగా గురు బాబా రాందేవ్ సంచలన వ్యాఖ్యలు చేశారు. డీజిల్, పెట్రోలును జీఎస్టీ పరిధిలోకి తీసుకురావాలన్న రావాలన్న బాబా రాందేవ్....పెట్రో ధరలు మోడీని ముంచుతాయన్నారు. కేంద్ర ప్రభుత్వం పన్నుల్లో వెసులుబాటు కల్పిస్తే లీటరు పెట్రోలు, డీజిల్‌ను కేవలం 35 రూపాయలకే విక్రయిస్తానన్నారు. పెట్రో ధరల పెరుగుదలతో జనాలకు మోడీ మరింత ప్రియమయ్యే అవకాశం ఉందన్నారు. పెట్రో ధరలపై నరేంద్ర మోడీ స్పందించి...ధరలు తగ్గించేందుకు చర్యలు తీసుకోవాలని సూచించారు.

16:12 - September 14, 2018

ఢిల్లీ : పెట్రోల్, డీజిల్ ధరలు మళ్లీ పెరిగాయి. పెట్రోల్, డీజిల్ ధరలు సామాన్య, మధ్య తరగతి ప్రజల నడ్డి విరుస్తున్నాయి. వారం రోజులుగా పెట్రోల్, డీజిల్ ధరలు పెరుగుతూనే ఉన్నాయి. నిన్న స్వల్పంగా పెరిగిన ధరలు ఇవాళ ఇంకాస్త పెరిగాయి. ఢిల్లీలో లీటర్ పెట్రోల్‌పై 28పైసలు, డీజిల్‌ పై 22పైసలు ధర పెరిగింది. దీంతో ఢిల్లీలో లీటర్ పెట్రోల్ ధర 81.28 రూపాయలు, లీటర్ డీజిల్ ధర 77.82 రూపాయలకు చేరింది. ముంబైలో లీటర్ పెట్రోల్ ధర 88.39 రూపాయలు కాగా, లీటర్ డీజిల్ 77.82 రూపాయలు పెరిగింది. చెన్నైలో లీటర్ పెట్రోల్ రూ. 84.49, డీజిల్ రూ.77.49 లకు పెరిగాయి. కోల్‌కత్తాలో పెట్రోల్ రూ. 83.14, డీజిల్ రూ. 75.15లకు పెరిగింది. పెట్రో ధరలపై వాహనదారులు  భగ్గుమంటున్నారు. 

15:58 - September 9, 2018

ముంబై : చమురు ధరల పెరుగుదలపై మహారాష్ట్ర రాష్ట్ర ముఖ్యమంత్రి దేవేంద్ర ఫడ్నవీస్ స్పందించారు. రాష్ట్ర ప్రజలపై భారం పడకుండా చూస్తామని సీఎం పేర్కొన్నారు. ఓ జాతీయ ఛానెల్ తో ఆయన మాట్లాడారు. జీఎస్టీ కిందకు పెట్రోల్, డీజిల్ తీసుకురావడం వల్ల ధరలు తగ్గే అవకాశం ఉందన్నారు. ధరల పెరుగుదలపై రాష్ట్ర ప్రభుత్వం సమీక్షిస్తోందని..ధరలు తగ్గే మార్గాలను చూస్తున్నట్లు వెల్లడించారు. జీఎస్టీలోకి తీసుకొస్తే మహారాష్ట్ర ప్రభుత్వం మద్దతిస్తుందని, ఎన్డీయే ప్రభుత్వ హాయాంలో 13 సార్లు ధరలు పెరిగాయన్నారు. అంతర్జాతీయ మార్కెట్ల ప్రభావం ధరల పెరుగుదల ఉంటుందన్నారు.

 

14:29 - September 7, 2018

ఢిల్లీ : పెట్రోల్, డీజిల్ ధరలతో ప్రజల నెత్తిన అదనపు భారాలు పడుతున్నాయి. పెట్రోల్, డీజిల్ ధరల పెంపుతో నిత్యావసరాల ధరలు పెరుగతు సామాన్యులు అష్టకష్టాలు పడుతున్నారు. దీనిపై కేంద్ర ప్రభుత్వం ఏమాత్రం స్పందించటంలేదు. ఈ నేపథ్యంలో పెట్రోల్, డీజిల్ ధరలు మరోసారి పెరిగి సామాన్యులకు సవాల్ విసురుతున్నాయి. దీంతో ఆకాశాన్నంటుతున్న పెట్రోల్, డీజిల్ ధరలతో సామాన్యులు బెంబేలెత్తిపోతున్నారు. రూపాయి విలువ పతనమవుతుండటం పెట్రో ధరలపై తీవ్ర ప్రభావం చూపుతోంది. దీనికి తోడు ఇరాన్ పై అమెరికా విధించిన ఆంక్షల నేపథ్యంలో అంతర్జాతీయ స్థాయిలో ముడి చమురు ధరలు పెరుగుతున్నాయి. ఈ రోజు కూడా పెట్రోలియం కంపెనీలు పెట్రోల్, డీజిల్ ధరలను పెంచాయి. ముంబైలో పెట్రోల్ ధర ఆల్ టైమ్ హైని తాకింది. ఈరోజు ఏకంగా లీటర్ కు 52 పైసలు పెరిగి రూ. 87.39కి చేరుకుంది. డీజిల్ ధర రూ. 79.99కి చేరింది. హైదరాబాదులో లీటర్ పెట్రోల్ ధర రూ. 84.91, డీజిల్ ధర రూ. 78.48కి పెరిగింది.   

18:27 - September 4, 2018

న్యూఢిల్లీ : పెట్రోల్, డీజిల్ ధరలు సామాన్యుడి నడ్డి విరిచేస్తున్నాయి. పెట్రోల్, డీజిల్ ధరలు మంగళవారం తారాస్థాయికి చేరుకున్నాయి. పెట్రోల్ పై 16 పైసలు, డీజిల్ పై 19 పైసలు పెరిగాయి. హైదరాబాద్ లో పెట్రోలు లీటరు ధర రూ.84.09 కు చేరుకుంది. రాష్ట్ర ప్రభుత్వాలు ఎక్సైజ్ డ్యూటీ తగ్గించుకోకపోతే లీటరు ధర వంద రూపాయలకు చేరుకొన్నా ఆశ్యర్యపోవాల్సిన పనిలేదు. ఇంధన ధరలు ఆకాశాన్ని అంటుతున్నా కేంద్ర ప్రభుత్వం ఎటవంటి ముందస్తు చర్యలు తీసుకుంటున్న దాఖలాలు లేవు. పైగా బీజేపీ నేతలు పెట్రో ధరల పెరుగుదలపై వ్యంగ వ్యాఖ్యలు చేయడం విమర్శలకు తావిస్తోంది.  
పెట్రోల్, డీజిల్ ధరలను జీఎస్టీ పరిధిలోకి తీసుకురావాలన్న ప్రతిపాదన ముందుకు కదలడం లేదు. పిల్లికి ముందుగా ఎవరు గంట కడతారు అన్న చందంగా కేంద్రం రాష్ట్రాల వైపు చూస్తోంది. ఈ ధరల భారాన్ని మోయలేక సామాన్యడు కుదేలవుతున్నాడు. 

13:20 - August 2, 2018

హైదరాబాద్ : నగరంలో పలు మల్టీప్లెక్స్ లు..సినిమా థియేటర్ లలో తినుబండారాలు, ఇతర ఆహార పదార్థాలు అధిక ధరలకు విక్రయించవద్దు...అని తెలంగాణ తూనికలు, కొలతల శాఖ కంట్రోలర్ అకున్ సబర్వాల్ ఆదేశాలు జారీ చేశారు. ఇటీవలే అశోక్‌నగర్‌లోని లీగల్ మెట్రాలజీ ప్రధాన కార్యాలయంలో ఆయన మీడియా సమావేశం ఏర్పాటు చేసి వివరాలు వెల్లడించిన సంగతి తెలిసిందే. కానీ తూనికలు..కొలతలు శాఖ హెచ్చరించినా యాజమాన్యాలు స్పందించలేదు. యదావిధిగా ఎమ్మార్పీ కంటే అధిక ధరలకు విక్రయిస్తున్నాయి. గురువారం శాఖాధికారులు జీవీకే 1లో దాడులు చేశారు. ఈ దాడుల్లో విస్తుపోయిన వాస్తవాలు వెలుగు చూశాయి. ఐదు తినుబండారాల పదార్థాలను అధికారులు సీజ్ చేశారు. 200 ఎంఎల్ సాప్ట్ డ్రింక్ బాటిల్ లో కేవలం 150 ఎంఎల్ మాత్రమే కూల్ డ్రింక్ ఉన్నట్లు గుర్తించారు. అంతేగాకుండా కూల్ డ్రింక్ ధర రూ. 20 ఉంటే ఇక్కడ మాత్రం రూ. 100 విక్రయిస్తున్నారని వెల్లడైంది. పూర్తి సమాచారం కోసం వీడియో క్లిక్ చేయండి. 

10:11 - July 31, 2018

అమరావతి : ఆంధ్రప్రదేశ్‌ రాజధానిలో భూముల ధరలకు రెక్కలు రానున్నాయి. గ్రామాలతోపాటు రహదారులు, జాతీయ రహదారుల వెంబడి ఉన్న భూముల ధరలు నింగిని తాకనున్నాయి. ఆగస్టు1 నుంచే కొత్తధరలు అమల్లోకి వచ్చే అవకాశం ఉంది.

29 గ్రామాల్లో శరవేగంగా రాజధాని నిర్మాణం
రాజధానిగా అమరావతిని ప్రకటించాక అక్కడి భూముల ధరలు చుక్కలంటుతున్నాయి. తాజాగా భూముల ధరలు పెంచేందుకు సర్కార్ మొగ్గు చూపుతోంది. తుళ్లూరు, మంగళగిరి, తాడేపల్లి మండలాల పరిధిలోని 29 గ్రామాల్లో రాజధాని నిర్మాణంలో వేగం పెంచిన ప్రభుత్వం.. రాజధానితో పాటు.. కొన్ని ప్రాజెక్టులకు కూడా భూములు అవసరమని నిర్ణయించింది. దీంతో రియల్ ఎస్టేట్ ధరలు అందనంత ఎత్తుకు చేరే అవకాశం కనిపిస్తోంది.

ఎకరా ధర రూ. 5.50లక్షల నుంచి రూ.5.77లక్షలు..
ఉండవల్లి, నవులూరు, కృష్ణాయపాలెం, కురగల్లు, నిడమర్రు, పెనుమాక, వెంకటాయపాలెం పరిధిలో ప్రాంతాన్ని బట్టి ధరలు పెరిగే అవకాశం ఉంది. ఎకరా ధర 5లక్షలా 50వేల నుంచి 5లక్షలా 77వేలకు, 6లక్షలా 60వేలనుంచి, 6 లక్షలా 93వేలకు, 9లక్షలా 90వేలనుంచి, 10 లక్షలా 39వేలకు , 11లక్షలనుంచి 11లక్షలా 55వేలకు, 19లక్షలా 80వేలనుంచి, 20 లక్షలా79వేలకు చేరనున్నాయి. చెన్నై-కోల్‌కతా హైవేను ఆనుకుని ఉన్న.. మంగళగిరి సబ్ రిజిస్ట్రార్ కార్యాలయం పరిధిలోని మంగళగిరి, తాడేపల్లి, ఆత్మకూరు, పెదవడ్లపూడి, చినవడ్లపూడి, కుంచనపల్లి, నూతక్కి, రామచంద్రాపురం, విప్పటం, కొలనుకొండ, గుండిమెడ, పెదరావూరు, చిర్రావూరు గ్రామాల్లోనూ ఒక్కోచోట ఒక్కో ధర ఉంది.

గుండిమెడలో రూ. 27. 50లక్షలు నుంచి రూ. 28.87లక్షలు..
గుండిమెడలో ప్రస్తుతం ఎకరా 27లక్షలా 50వేలు ఉండగా.. 28లక్షలా 87వేలకు చేరుకోనుంది. మంగళగిరిలో 33 లక్షలు ఉన్నభూమి 34లక్షలా 65వేలు కానుంది. కుంచనపల్లిలో ప్రస్తుతం 50 లక్షలు ఉండగా.. 52లక్షలా 56వేలకు వెళ్లనుంది. చిన్నవడ్లపూడి 46లక్షలా 20వేలు కాగా, 48 లక్షలా 51 వేలకు, నూతక్కిలో 19 లక్షలా 80వేలనుంచి 20 లక్షలా 79వేలకు పెరుగనున్నాయి. చిర్రావూరు 16 లక్షలా 50వేలు కాగా.., 17 లక్షలా 32వేలకు, కొలనుకొండ 40 లక్షలు కాగా 42 లక్షలకు చేరనుంది.

ఎకరా రూ.6.60లక్షలు నుంచి 6.93లక్షలు కానుంది..
మందడం సబ్ రిజిస్ట్రార్ కార్యాలయ పరిధిలో మందడం, తాళ్లాయపాలెం, ఉద్దండరాయునిపాలెం, లింగాయపాలెం, మోదుగుల లంకపాలెం, మల్కాపురం, వెలగపూడి, కొండమరాజుపాలెంలో.. ఎకరా 6లక్షలా 60వేలు ఉండగా.. 6 లక్షలా93వేలకు చేరుకోనుంది. తుళ్లూరు కార్యాలయం పరిధిలోని తుళ్లూరు, నేలపాడు, దొండపాడు, పిచ్చుకులపాలెం, బోరుపాలెం, అబ్బరాజుపాలెం, రాయపూడి గ్రామాల పరిధిలో ఏరియాను బట్టి ధర ఉంది. 3లక్షలా 30వేలనుంచి 3లక్షలా 46వేలు, 4లక్షలా 40వేల నుంచి 4లక్షలా 62వేలు, 6లక్షలా 60వేల నుంచి 6లక్షలా 93వేలు, 8లక్షలా 80వేల నుంచి 9లక్షల 24వేలు ధర పలుకుతోంది.అనంతవరం సబ్ రిజిస్ట్రార్ పరిధిలోని అనంతవరం, నెక్కల్లు, ఐనవోలు, శాఖమూరు గ్రామాల్లో 3లక్షలా 30వేలున్న ఎకరా భూమి.. 3లక్షలా 46 వేలకు చేరుకోనుంది. ఈ నిర్ణయం రాజధాని ముఖ్య ప్రాంతాలను దృష్టిలో పెట్టుకునే తీసుకున్నారు. 29 గ్రామాలతోపాటు రాజధాని సమీపంలోని ప్రముఖ ప్రాంతాల్లోని ధరల్లో హెచ్చుతగ్గులు ఉండే అవకాశం ఉంది. 

20:40 - July 22, 2018

Pages

Don't Miss

Subscribe to RSS - ధరలు