తెలంగాణ

17:51 - November 16, 2018

హైదరాబాద్ : జాతీయ కాంగ్రెస్ అధ్యక్షుడు రాహుల్ గాంధీ సైకిల్ ఎక్కనున్నారు. సైకిల్ అంటే టీడీపీ పార్టీ ఎన్నికల గుర్తు అనే విషయం తెలిసిందే. అంటే మహాకూటమితో ఒక్కటైన కాంగ్రెస్ - టీడీపీలు తెలంగాణ ఎన్నికలను ప్రతిష్టాత్మకంగా తీసుకుంటున్నాయి. ఎలాగైనా విజయం సాధించి.. రానున్న ఎన్నికల్లో కూటమి బలాన్ని చూపించాలని భావిస్తున్నాయి. ఈ నేపథ్యంలో టీడీపీ అధినేత చంద్రబాబు నాయుడు, ఏఐసీసీ అధ్యక్షుడు రాహుల్ గాంధీలు కలిసి తెలంగాణలో  ‘రోడ్ షో’లు చేయనున్నట్లుగా సమాచారం. అంతేకాదు తెలంగాణలో ఎన్నికల ప్రచారానికి సోనియా గాంధీ కూడా వస్తారనే వార్తలు వస్తున్నాయి. 

Image result for rahul gandhi and chandrababuతెలంగాణలోని 18 అసెంబ్లీ నియోజకవర్గాల్లో నవంబర్ నెలాఖరులో ఈ రోడ్ షోలు నిర్వహించాలనేది మహా కూటమి భావిస్తోంది.  2019లో జరిగే ఎన్నికల్లో బీజేపీయేతర పార్టీలన్నీ ‘మహాకూటమి’గా ఏర్పడేందుకు సిద్ధమవుతున్న నేపథ్యంలో తెలంగాణలో జరిగే ఈ ఎన్నికలను రాహుల్, బాబులు ఓ  ప్రయోగంగా భావిస్తున్నారు. కాగా ఈ ప్రచారానికి ముందుగానే చంద్రబాబు, రాహుల్ గాంధీలు ఈ నెల 22న ఢిల్లీలో జరిగే బీజేపీయేతర పార్టీల శిఖరాగ్ర సమావేశంలో పాల్గొని భవిష్యత్ కార్యక్రమాన్ని రూపొందించేందుకు ఈ వేదిక కీలకం కానుంది. 
ఇప్పటికే ఒక విడత రాహుల్ గాంధీ తెలంగాణలో ప్రచారాన్ని పూర్తి చేశారు. మరోపక్క తెలంగాణలో మహాకూటమి తరఫున ప్రచారం చేస్తానని చంద్రబాబు నాయుడు తెలిపారు. ఈ క్రమంలో 17వ తేదీ శనివారం నాడు కాంగ్రెస్ అభ్యర్థుల తుది జాబితాను కూడా ప్రకటించి వారికి  బీ-ఫారాలు అందించనున్నారు. నామినేషన్ల పర్వం ముగియగానే కాంగ్రెస్ అభ్యర్థుల ప్రచారం మొదలుకానుంది. 
 

16:58 - November 16, 2018

హైదరాబాద్ : బీజేపీ జాతీయ అధ్యక్షుడు అమిత్ షా తెలంగాణ పర్యటన ఖరారైంది. రాష్ట్రంలో ప్రచారం నిర్వహించేందుకు కాషాయ దళం సమాయత్తమైన సంగతి తెలిసిందే. ఏకంగా 119 నియోజకవర్గాల్లో పోటీ చేస్తామని ప్రకటించిన రాష్ట్ర బీజేపీ అందుకనుగుణంగా అభ్యర్థును కూడా ప్రకటించేసింది. 
అభ్యర్థులను గెలిపించుకొనేందుకు అధ్యక్షుడు అమిత్ షా రాష్ట్రంలో పర్యటించనున్నారు. షెడ్యూల్ విడుదల కాకముందే ఆయన మహబూబ్ నగర్, కరీంనగర్, హైదరాబాద్ సభలలో ప్రసంగించిన సంగతి తెలిసిందే. షెడ్యూల్ ప్రకటించిన అనంతరం షా తొలిసారిగా రాష్ట్రానికి వచ్చేస్తున్నారు.
నవంబర్ 25, 27, 28 తేదీల్లో రాష్ట్రంలో పర్యటించబోతున్నారు 
మూడు రోజుల్లో 12 సభలో పాల్గొంటారు.
ఉదయం నుంచి సాయంత్రం వరకు నిర్వహించే ర్యాలీలు..సభలు.
అదిలాబాద్, పెద్దపల్లి, పరకాల, మహేశ్వరం, కల్వకుర్తి, మహబూబ్ నగర్, కొత్తగూడెం, సూర్యాపేట, చౌటుప్పల్, నిజామాబాద్, కామారెడ్డి, దుబ్బాకల్లో బీజేపీ సభలు. 

16:32 - November 16, 2018

హైదరాబాద్ : తెలంగాణలో ఎన్నికలు రోజురోజుకు  రసవత్తరంగా మారుతున్నాయి. ఆయా పార్టీలు..నేతలు, సీట్లు, కేటాయింపులు, జంపింగ్ జిలానీలు వంటి పలు అంశాలపై వేడి వేడిగా కొనసాగుతు ఎన్నికల స్టంట్ కొనసాగుతోంది. ఈ నేపథ్యంలో ఇప్పుడు తాజాగా మరో అంశం హాట్ టాపింగ్ గా మారింది. రాజకీయ వ్యూహాలలో కేసీఆర్ దిట్ట. అతనికంటే  ఇంకో పైమెట్టుగానే వుండే ఏపీ సీఎం చంద్రబాబు చాణక్య వ్యూహాలకు కేరాఫ్ అడ్రస్ గా వుంటారు. ఈ నేపథ్యంలో తెలంగాణ ఎన్నికల్లో చంద్రబాబు రాత్రికి రాత్రే ఓ నిర్ణయం తీసుకుని రాజకీయాలలో మరింత వేడిని రాజేశారు. అదే! దివంగత నేత, చంద్రబాబు బావమరిది, టీడీపీ మాజీ ఎంపీ అయిన హరికృష్ణ కుమార్తెకు కుకట్ పల్లి సీటును కేటాయించటం. ఇదిప్పుడు హాట్ టాపిక్ గా మారిపోయింది. ఆ సీటును ఆశించిన టీడీపీ నేతలకు కూడా మారు మాట్లాడలేని పరిస్థితి. బాబు వ్యూహం అటు సెంటిమెంట్ ను ఇటు రాజకీయ లబ్ది రెండు నెరవేర్చేలా వుండటం గమనించాల్సిన విషయం. 
Image result for kcr and chandrababuఈ నేపథ్యంలో రాష్ట్ర ఎన్నికల్లో ఏర్పడిన మహాకూటమిలో భాగస్వామిగా వున్న టీడీపీపై టీఆర్ఎస్ పార్టీ ఏకధాటిగా విమర్శిస్తూ వస్తోంది.. చంద్రబాబు తెలంగాణను అస్థిర పరిచేందుకు కుట్రలు చేస్తున్నాడంటూ చెప్పుకొస్తోంది.. తెరాస  విమర్శలకు బలం చేకూరేలా కూటమిలో బాబు పావులు కదుపుతున్నాడేందుకు కూకట్ పల్లి సీటే నిదర్శనం.. అమరావతిలో కూర్చుని చర్చల మీద చర్చలు జరిపి.. నయానో - భయానో అందరినీ ఒప్పించి మరీ కూకట్ పల్లి టిక్కెట్ హరికృష్ణ కూతురు సుహాసినికి దక్కేట్టు చేసుకున్నాడు..కానీ అసలు కథ ఇక్కడే ఉంది..

Image result for harikrishna death kcr talasaniహరికృష్ణ దుర్మరణం పాలైనప్పుడు తెరాస  ప్రభుత్వం చేసిన హంగామా అంతా ఇంతా కాదు.. హరికృష్ణ మృతి నుండి అంత్యక్రియలవరకూ అంతా తానే అయి కార్యక్రమాలను దగ్గరుండి మరీ జరిపించింది టీఆర్ఎస్ ప్రభుత్వం. అంతేకాదు ఇప్పుడు అపద్ధర్మ ముఖ్యమంత్రిగా వున్న కేసీఆర్ అప్పుడు ముఖ్యమంత్రి హోదాలో హరికృష్ణ కోసం ప్రత్యేకంగా ప్రభుత్వ స్థలాన్ని కేటాయించారు. స్మారక స్థూపానికి కూడా ప్రామిస్ చేశారు..టీడీపీ అంటేనే గిట్టని టీఆర్ఎస్ ఇదంతా ఎందుకు చేసినట్లు? టీఆర్ఎస్ మంత్రులే కాదు సాక్షాత్తు సీఎం కేసీఆరే స్వయంగా వెళ్లి చంద్రబాబును, ఎన్టీఆర్, కళ్యాణ రామ్ లను పరామర్శించారు. అప్పట్లో చర్చనీయాంశం కూడా అయ్యింది. జనం మరిచిపోయింటారులే అని అంత తేలిగ్గా తీసేయటానికి కూడా లేదు. ఈ క్రమంలో తెలంగాణ ఎన్నికల్లో సరిగ్గా ఇప్పుడే చంద్రబాబు చాణక్య వ్యూహాన్ని అమలు చేశారు. అదే హరికృష్ణ కుమార్తె సుహాసినికి కుకట్ పల్లి సీటు ఖరారు చేయటం!!.ఈ అంశం టీఆర్ఎస్ ను కూడా ఇరుకున పెట్టేలా వుండటం మరో విశేషంగా చెప్పుకోకతప్పదు. అదెలాగో చూద్దాం...

హరికృష్ణకు అంత చేసిన టీఆర్ఎస్ పౌ టీడీపీ నేతలకు కాస్తో కూస్తో అభిమానం ఏర్పడకపోదు. ఒక వేళ అది కనుక జరిగి వుంటే టీడీపీ  ఓట్లు చేజారతాయనే నేపథ్యం..హరికృష్ణ గౌరవం ఇచ్చినట్లుగాను వుంటుంది..మరోపక్క అతనికి సరై గుర్తింపు ఇచ్చినట్లుగాను వుంటుంది. అలాగే వారి కుటుంబాల పరంగా చూస్తే అందరినీ ఒకతాటిపైకి తెచ్చినట్లుగా వుంటుంది. అంతేకాదు..హరికృష్ణ కుటుంబంలో పురుషులు వున్నాగానీ..అటు కుటుంబంలోను..ఇటు సమాజంలోను మహిళ సెంటిమెంట్ ను గౌరవించినట్లుగా..ఇలా చెప్పుకుంటు పోతే చంద్రబాబు ఒక దెబ్బకు అంటే ఒకే ఒక్క ఆలోచనకు...సముచిత నిర్ణయానికి ఒకే దెబ్బకు ఎన్ని ప్రయోజనాలో లెక్క వేసుకోవాలంటే ఎన్నైనా వుంటాయి..

Image result for chandrababi suhasiniహఠాత్తుగా వెలుగులోకొచ్చిన సుహాసిని..ఎమ్మెల్యే అభ్యర్థి..
నిన్నటి దాకా ఆమె ఎవరో కూడా ఎవరికీ తెలీదు.. ఇంకా చెప్పాలంటే హరికృష్ణకు కూతురున్న సంగతి కూడా చాలా మందికి తెలీదు.. ఇప్పుడామె ఎమ్మెల్యే అభ్యర్థి.. అదీ టీడీపి తరుపున.. గెలుపు కోసం ఆమె ఈ ఎన్నికల్లో ఏమని ప్రచారం చేస్తుంది.. అధికార పార్టీని విమర్శిస్తూ ప్రచారం చేయగలదా..? చేసి ఓట్లు రాబట్టగలదా? ఒక వేళ అదే చేస్తుందనుకుంటే.. మరి తెరాస  వాళ్ళ రియాక్షన్ ఎలా ఉంటుంది? హరికృష్ణ అవటానికి చంద్రబాబుకు బామ్మర్ది అయినా.. తమ సొంత బామ్మర్ది అయినంతగా స్పందించిన తెరాసను నందమూరి సుహాసిని ఘాటుగా విమర్శించగలదా? కోరి స్నేహ హస్తం చాచిన గులాబీతో తెగదెంపులకు సిద్ధ పడగలదా? ఇప్పుడు సిటీ జనాలందరినీ ఇదే ప్రశ్న తొలుస్తోంది.. నామినేషన్ ఇంకా వేయలేదు కానీ.. వేశాక ఏంటి పరిస్థితి? అనేదే హాట్ టాపిక్ గా మారింది. మొత్తానికి పెద్ద చిక్కొచ్చి పడిందే అని అటు టిడిపి క్యాడరు - ఇటు గులాబీ క్యాడరు పైకి చెప్పలేక..మనస్సులో దాచుకోలేని లోలోపలే ఆందోళన పడుతున్నట్లుగా తెలుస్తోంది.

-మైలవరపు నాగమణి

 
 
 
 
13:12 - November 16, 2018

హైదరాబాద్ : ఎన్నికలు రాగానే అన్ని పార్టీలకు అభ్యర్థులను ఖరారు చేయడం కత్తిమీద సామే. టికెట్ రాని వారిని బుజ్జగించాలి..మరోసారి ఛాన్స్ ఇస్తామని..రెబెల్స్ గా పోటీకి రాకుండా నచ్చచెప్పాలి...అన్ని సామాజికవర్గాలకు న్యాయం కల్పించే విధంగా చూడాలి...ఇలా అన్ని వర్గాలకు టికెట్ వచ్చే విధంగా ఆయా పార్టీలు చూడాల్సి ఉంటుంది. తెలంగాణ రాష్ట్రంలో త్వరలో జరుగబోయే ఎన్నికల్లో ‘కమ్మ’ సామాజిక వర్గాన్ని కాంగ్రెస్ విస్మరించందని ఆ సామాజిక వర్గానికి చెందిన నాయకులు అగ్గిలం మీద గుగ్గిలమవుతున్నారు. కాంగ్రెస్ విడుదల చేసిన రెండు జాబితాల్లో ఒక్క కమ్మ వర్గానికి సీటు కేటాయించలేదు. మూడో జాబితా (19 స్థానాలకు)లో కూడా సీటు వస్తుందనే నమ్మకం లేదని నేతలు అంచనా వేస్తున్నారు. అదే టీఆర్ఎస్ లో ఆరుగురు కమ్మ నేతలకు సీట్లు కేటాయించింది. 
>  75 మంది అభ్యర్థుల్లో 29 మంది రెడ్లకు చోటు. 
 15 మంది బీసీలకు సీట్లు దక్కాయి.
 ఎస్సీల్లో 15 మందికి..ఎస్టీల్లో 7 గురికి సీట్లు.
 మైనార్టీలకు 4 సీట్లు. 
 ముగ్గురు వెలమలకు..ఒక బ్రాహ్మణ నేతకు టికెట్.

కమ్మ నేతల్లో నెలకొన్న ఆగ్రహావేశాలను చల్లార్చేందుకు కాంగ్రెస్ కొత్త వ్యూహం అనుసరించింది. మూడో వర్కింగ్ ప్రెసిడెంట్ గా కమ్మ నేత జెట్టి కుసుమ కుమార్ ను హై కమాండ్ నియమించి కమ్మ వర్గాన్ని తమవైపుకు తిప్పుకొనేందుకు ప్రయత్నాలు చేస్తోంది. కాంగ్రెస్ కు ప్రస్తుతం పొన్నం, రేవంత్ రెడ్డిలు వర్కింగ్ ప్రెసిడెంట్ లుగా ఉన్న సంగతి తెలిసిందే. తెలంగాణలో కమ్మ వర్గానికి చెందిన ఓట్లు కీలకంగా మారనున్నాయి. సీటు ఇవ్వకపోయినా వర్కింగ్ ప్రెసిడెంట్ పదవి ఇచ్చిన కాంగ్రెస్ ను కమ్మ వర్గం ఆదుకుంటుందా ? లేదా ? అనేది చూడాలి. 

08:53 - November 16, 2018

హైదరాబాద్ : తెలంగాణలో బీజేపీ మూడో జాబితాను విడుదల చేసింది. పెండింగ్‌లో ఉన్న మరో 20 స్థానాలకు అభ్యర్థులను ప్రకటించింది. 20 మంది అభ్యర్థులతో కూడిన జాబితాను విడుదల చేశారు. ఇప్పటికే రెండు జాబితాలో బీజేపీ అభ్యర్థులను ప్రకటించింది. తొలి జాబితాలో 38 మంది, రెండో జాబితాలో 28 మంది అభ్యర్థులను ప్రకటించింది. దీంతో ఇప్పటి వరకు బీజేపీ 86 స్థానాలకు అభ్యర్థులను ఖరారు చేసింది. 
మూడో జాబితాలోని అభ్యర్థులు వీరే..
లక్ష్మారెడ్డి.. (ఎల్లారెడ్డి)
ప్రతాప రామకృష్ణ.. (వేములవాడ) 
పుప్పాల రఘు.. (హుజురాబాద్‌) 
చాడ శ్రీనివాస్‌రెడ్డి.. (హుస్నాబాద్‌) 
ఆకుల రాజయ్య.. (మెదక్‌) 
జి.రవికుమార్‌గౌడ్‌.. (నారాయణ్‌ఖేడ్‌), 
బి.రాజేశ్వర్‌రావు దేశ్‌పాండే.. (సంగారెడ్డి), 
పి.కరుణాకర్‌రెడ్డి.. (పటాన్‌చెరు) 
కొత్త అశోక్‌గౌడ్‌.. (ఇబ్రహీంపట్నం) 
కంజెర్ల ప్రకాశ్‌.. (చేవెళ్ల-ఎస్సీ) 
దేవర కరుణాకర్‌.. (నాంపల్లి) 
సతీశ్‌గౌడ్‌.. (సికింద్రాబాద్‌) 
నాగురావు నామోజీ.. (కొడంగల్‌) 
పద్మజారెడ్డి.. (మహబూబ్‌నగర్‌) 
రజనీ మాధవరెడ్డి.. (ఆలంపూర్‌-ఎస్సీ) 
శ్రీరామోజు షణ్ముఖ.. (నల్లగొండ) 
కాసర్ల లింగయ్య.. (నకిరేకల్‌-ఎస్సీ) 
హుస్సేన్‌నాయక్‌..(మహబూబాబాద్‌-ఎస్టీ) 
ఉప్పాల శారద.. (ఖమ్మం) 
శ్యామల్‌రావు.. (మధిర-ఎస్సీ)

17:23 - November 15, 2018

హైదరాబాద్ : తెలంగాణ రాష్ట్రంలో డిసెంబర్ నెలలో జరిగే ఎన్నికలకు పటిష్ట భధ్రత ఏర్పాటు చేయడం జరిగిందని ఈసీ రజత్ కుమార్ వెల్లడించారు. నవంబర్ 15వ తేదీ గురువారం ఆయన విలేకరుల సమావేశం నిర్వహించి నామినేషన్ దాఖలు..ఇతరత్రా వివరాలు వెల్లడించారు. ప్రతి జిల్లాలో మానిటరింగ్ కమిటీ ఏర్పాటు చేశామన్నారు. మావోయిస్టు కదలికలపై పోలీసులతో చర్చిస్తున్నట్లు, తెలంగాణ రాష్ట్రంలో మావోయిస్టుల ప్రభావం లేదని అభిప్రాయం వెలిబుచ్చారు. 17వ ీతేదీన తాను ఏజెన్సీ ప్రాంతాల్లో పర్యటించడం జరుగుతుందని తెలిపారు. 
అభ్యర్థులు ఎన్నికల నిబంధన పాటించాలి. 
> ఎన్నికల ఖర్చు రూ. 10వేలు దాటితే చెక్కుల ద్వారా చెల్లించాలి. 
19న సప్లమెంటరీ ఓటర్ జాబితా ప్రకటన. 
ఇప్పటి వరకు రూ. 69.89 కోట్లు సీజ్. 
రూ. 6.6 కోట్ల లిక్కర్ స్వాధీనం. 
వచ్చిన 2614 ఫిర్యాదులను ఆర్ఓలు పరిష్కరిస్తారు
సమాజ్ వాది పార్టీకి ఇండిపెండెంట్ గుర్తు. 

17:10 - November 15, 2018

హైదరాబాద్ : నగరంలో మెట్రోరైల్ ను ప్రభుత్వం ప్రతిష్టాత్మకంగా భావించిన నేపథ్యంలో ప్రజల సౌకర్యార్థం, పబ్లిక్ ట్రాన్స్ పోర్ట్ ను మెరుపరించేందుకు మెట్రో ప్రజలకు అందుబాటులోకొచ్చింది. ఈ నేపథ్యంలో ప్రజలకు మరింత సౌకర్యవంతంగా చేసేందుకు మెట్రో రైల్ లిమిటెడ్ బుధవారం నాడు మొట్టమొదటిసారిగా స్కై వాక్ ను ప్రారంభించారు. ట్రాఫిక్ ఏరియా అయిన పంజాగుట్ట మెట్రో స్టేషన్ నుండి మెట్రో మాల్ వరకూ వున్న స్కై వాక్ ను అనుసంధానం చేయటంతో ట్రాఫిక్ కష్టాలు తగ్గించేందుకు ఈ స్కైవాక్ ను ప్రారంభించారు. ఈ సందర్భంగా హెచ్ ఎంఆర్ మేనేజింగ్ డైరెక్టర్ ఎన్వీఎస్ రెడ్డి మాట్లాడుతు..‘‘అన్ని మెట్రో స్టేషన్ల కు సమీపంలో ప్రజల సౌకర్యార్థం పాదచారులకు, మెట్రో ప్రయాణీకుల కోసం ఎంట్రీ మార్గాలను, ఎక్సిట్ మార్గాలను నిర్మిస్తామని తెలిపారు. 
దేశంలోనే మొట్టమొదటి హెచ్ఎంఆర్ఎల్ మెట్రో సర్వీస్..
భారతదేశంలోనే మొట్టమొదటి హెచ్ఎంఆర్ఎల్ మెట్రో సర్వీస్ గా పేరు తెచ్చుకుందని రెడ్డి తెలిపారు.పంజాగుట్టలో కొత్తగా ప్రారంభించిన ఈ స్కైవాక్ 26 మీటర్ల పొడవు, 3.11 మీటర్ల వెడల్పుతో నిర్మించామని తెలిపారు.ప్రతీ మెుట్రో స్టేషన్ కు రూ.2కోట్ల విలువైన సౌకర్యాలను కల్పించగా.. ఈ స్కై వాక్ ను నిర్మాణానికి కేవలం రూ.1 కోటి మాత్రమే ఖర్చు చేశామని ఎన్వీఎస్ రెడ్డి తెలిపారు. 
 

16:12 - November 15, 2018

హైదరాబాద్ : ఎన్నికలు సమయం సమీపించేకొద్ది తెలంగాణ రాజకీయాలు వేడెక్కుతున్నాయి. ఒకరిపై ఒకరు సవాళ్లు విసురుకుంటున్నారు. విమర్శలతో బాణాలు విసురుకుంటున్నారు. ఈ నేపథ్యంలో టీఆర్ఎస్ ఎంపీలు ఇద్దరు కాంగ్రెస్ పార్టీలో చేరబోతున్నారు కేసీఆర్..దమ్ముంటే ఆపుకో మంటు కాంగ్రెస్ ఫైర్ బ్రాండ్ రేవంత్ రెడ్డి సవాల్ విసిరారు. దీనిపై టీఆర్ఎస్ ఎంపీ సీతారాం నాయక్ స్పదిస్తు..ఇద్దరు టీఆర్‌ఎస్ ఎంపీలు పార్టీ మారుతున్నారని రేవంత్ చెప్పడం.. పేపర్లలో రావడం.. ఓ మైండ్‌గేమ్‌లా ఉందని ఎంపీ పేర్కొన్నారు. రేవంత్‌కు దమ్ము, ధైర్యం ఉంటే పార్టీ మారుతున్న ఆ ఇద్దరు ఎంపీలేవరో చెప్పాలని సీతారాం నాయక్ డిమాండ్ చేశారు. 

తాను పార్టీ మారుతున్నట్లు వచ్చిన వార్తలు అవాస్తవమని  సీతారాం నాయక్ స్పష్టం చేశారు. రేవంత్ రెడ్డి దుర్మార్గపు పనులు చేస్తున్నారని.. అవి ఆయన ఎదుగుదలకు మంచికాదని సూచించారు. సీఎం కేసీఆర్ ఆశీస్సులతోనే తాను మహబూబాబాద్ ఎంపీగా గెలిచానని సీతారాం నాయక్ స్పష్టం చేశారు. ఈ నాలుగున్నరేళ్లలో తన నియోజకవర్గాన్ని ఎంతో అభివృద్ధి చేశానని తెలిపారు.
 

14:09 - November 15, 2018

హైదరాబాద్ : తాను మంత్రి పదవి అవుతానని అనుకోలేదని..రాష్ట్రం బాగుండాలంటే..ప్రజలు అభివృద్ధి వైపు పయనించాలంటే మరో 15 సంవత్సరాలు ముఖ్యమంత్రిగా కేసీఆర్ ఉండాలని కోరుకుంటున్నట్లు మంత్రి కేటీఆర్ తెలిపారు. నవంబర్ 15వ తేదీ గురువారం మీట్ ది ప్రెస్ లో ఆయన మాట్లాడారు. ఈ సందర్భంగా విలేకరులు అడిగిన పలు ప్రశ్నలకు సమాధానం ఇచ్చారు. 
ప్రశ్న : ప్రజలు టీఆర్ఎస్ ని కోరుకుంటే..మరలా అధికారంలోకి వస్తే ముఖ్యమంత్రి పీఠంపై కేటీఆర్ కూర్చొనే అవకాశం ఉందా ? సీఎం కావాలని కోరిక ఉందా ? 
జవాబు : ‘2006లో కేసీఆర్ కు ఒక సమస్య ఎదురైంది. ఆనాడు యూపీఏ కేబినెట్ నుండి బయటకు వచ్చి కేంద్ర మంత్రి పదవికి రాజీనామా చేశారు. ఓ కాంగ్రెస్ నేత సవాల్ చేస్తే పార్లమెంట్ సభ్యత్వానికి రాజీనామా చేశారు. చేసిన అనంతరం కరీంనగర్ లోక్ సభ ఎన్నిక..అనేది జీవన్మరణ సమస్యగా మారింది. 2004-2006 నుండి హైదరాబాద్ లో ఉద్యోగం చేస్తున్నా. నెలకు రూ. 4-5 లక్షల వేతనం వచ్చేది. చక్కగా తన పని తాను చేసుకుంటున్నా. టీఆర్ఎస్..తెలంగాణ ఉద్యమ ఉనికి సమస్య. ఈ క్రమంలో ఎన్నికల్లో కేసీఆర్ ఓడిపోతే తెలంగాణ ఉద్యమం లేదు అనే స్లొగన్ వచ్చే పరిస్థితి. మూడు నెలలు లీవ్ అడిగా. ఇవ్వమని చెప్పారు. కేసీఆర్ కు ఒక్కమాట చెప్పకుండా రాజీనామా చేశా. ఒక కార్యకర్తగా పనిచేశా. తెలంగాణ వస్తే చాలు అని అనుకున్నా. కాంగ్రెస్ లో విలీనం అవ్వడానికి కేసీఆర్ గతంలో సిద్ధపడ్డారు. 2014లో అధికారంలోకి వచ్చిన అనంతరం పొరపాటున మంత్రిగా అవుతానని అనుకోలేదు. పెద్ద పదవుల ఆశ లేదు. పొరపాటున అలాంటి అజెండా లేదు. రాష్ట్ర ప్రయోజనాల కోసం 15 సంవత్సరాల పాటు కేసీఆర్ రాష్ట్రాన్ని నడపాలని మాత్రం అనుకుంటున్నాని..రాష్ట్రం సవ్యంగా అడుగులు పడాలంటే కేసీఆర్ ముఖ్యమంత్రిగా ఉండాలని కోరుకుంటున్నా’. అని కేటీఆర్ మనసులోని మాట చెప్పారు. 

13:37 - November 15, 2018

హైదరాబాద్ : ‘ఏపీ సీఎం చంద్రబాబు నాయుడు ఎవరితోనైనా పొత్తు పెట్టుకుంటాడు..ఆయన పేరే అవకాశ వాదం’ అని మంత్రి కేటీఆర్ వ్యాఖ్యానించారు. నవంబర్ 15వ తేదీ గురువారం సోమాజీగూడ ప్రెస్ క్లబ్ లో ఆయన మాట్లాడారు. ఈ సందర్భంగా విలేకరులు అడిగిన ప్రశ్నలకు సమాధానం చెప్పారు. 
ప్రశ్న : ఏపీ సీఎం బాబు..ఏఐసీసీ అధ్యక్షుడు రాహుల్ తెలంగాణ రాష్ట్రంలో ప్రచారం చేయబోతున్నారు..105 సీట్లు ప్రకటించి కేసీఆర్ తప్పు చేశారని బాబు ప్రకటించారు. వీటిపై సమాధానం.
‘రాహుల్..బాబు ఒప్పందం చేసుకుని చారిత్రక తప్పు చేశారని అనవచ్చు. బాబు ఒక్కసారి కూడా ఒంటరిగా పోటీ చేయలేదు. గతంలో అన్ని పార్టీలతో పొత్తు పెట్టుకున్నారు. కాంగ్రెస్ తో తప్ప. ఇప్పుడు ఆ పార్టీతో కూడా పొత్తు పెట్టుకున్నారు. వైసీపీతో మాత్రం ఒక్కదానితో పొత్తు పెట్టుకోలేదు. బాబు వైసీపీతో పొత్తు పెట్టుకుంటారు. ఆయన పేరే అవకాశ వాదం..ఆయనతో చెప్పించుకునే ఖర్మ మాకు లేదు. బాబు ఇచ్చే సర్టిఫికేట్లు..రాహుల్ బుజకీర్తనలు అవసరం లేదు. చివరకు ప్రజల తీర్పు శిరోధార్యం’. అని కేటీఆర్ వెల్లడించారు. 

Pages

Don't Miss

Subscribe to RSS - తెలంగాణ