డాలర్

13:31 - September 12, 2018

ముంబై : రూపాయి మరింత క్షీణించింది. గత కొన్ని రోజులుగా రూపాయి కనిష్టస్థాయికి పడిపోతున్న సంగతి తెలిసిందే. అమెరికా డాలర్ తో పొలిస్తే రూపాయి విలువ 72.91గా నమోదైంది. బుధవారం మరో 22 పైసలు క్షీణించింది. అంతర్జాతీయ మార్కెట్లో నెలకొన్న ప్రతికూల పరిస్థితులు, అమెరికా డాలర్‌కు గిరాకీ పెరగడం వంటి కారణాలతో రూపాయి విలువ మరింత బక్కచిక్కిపోతోంది. డాలర్ కు డిమాండ్ పెరిగిపోతుండడంతో పాటు ముడి, చమురు ధరలు పెరగడం..కరెంటు ఖాతా లోటు ఎక్కువగా ఉండడం రూపాయి విలువపై తీవ్ర ప్రభావం చూపిస్తున్నాయని బిజినెస్ విశ్లేషకులు పేర్కొటున్నారు. 

 

16:10 - September 11, 2018

ముంబయి: రూపాయి మరింత క్షీణించి డాలరు విలువలో రూ 72.73 స్థాయికి పడిపోయింది. రూపాయి విలువ మంగళవారం నాడు 28 పైసలు మేరకు తగ్గింది, ప్రారంభంలో 15 పైసలు తగ్గినా.. సాయంత్రం ట్రేడింగ్ లో 28 పైసలు మేర పడిపోయింది. ఈ ఏడాది ఇంతవరకు డాలరు విలువలో 13 శాతం మేర తగ్గింది. ఆసియా కరెన్సీలలోనే రూపాయి అత్యంత బలహీనమైన పనితీరును కనబరిచింది. 

ఇదిలాఉండగా, కేంద్ర ప్రభుత్వం తక్షణం దిద్దుబాటు చర్యలు చేపట్టాల్సిందిగా రిజర్వు బ్యాంకు అధికారులను ఆదేశించింది.

15:57 - September 10, 2018

హైదరాబాద్ : డాలరు విలువతో పోల్చితే రూపాయి విలువ సోమవారం మరింత దిగజారింది. రూపాయి మరింత పతనమై డాలర్ రేటుతో 72.67 స్థాయికి పడిపోయింది. వాణిజ్య లోటుతోపాటు అమెరికా డాలర్ కు ఎగుమతి  దారుల వల్ల డిమాండ్ పెరగటంతో రూపాయి విలువ పడినట్టు ఆర్థికవేత్తలు అంచనా వేస్తున్నారు.

దేశీయ ద్రవ్య విలువ ఈరోజు డాలర్ రేట్ పై 71.73 దగ్గర మొదలై అత్యల్పంగా 72.15 వద్ద ముగిసింది. నిన్నటి 72.11 విలువను రికార్డు స్థాయిలో దాటి 72.67 గా నమోదయ్యింది.

20:43 - August 31, 2018

పెట్రోల్, డీజిల్ ధరలు మండిపోతుండటం పరిపాటిగా మారిపోయింది. ఈ విషయంలో సామాన్యుడు ఎంతగా మెత్తుకున్నా కేంద్రం ఏమాత్రం పట్టించుకోవటంలేదు. గత కొంతకాలం నుండి వరుసగా పెరుగతునే వున్నాయి. ముంబైలో రై.85.78 పైసలుగా వుంటే హైదరాబాద్ లో రూ.83.02 పైసలుగా వుంది. రికార్డులో స్థాయిలో పెరుగుతున్న పెట్రోల్ ధరలు సామాన్యుడి నడి విరుస్తున్నాయి. దీంతో నిత్యావసర వస్తువులు ధరలు కూడా పెరుగుతున్నాయి. ధరలు నియంత్రణలో ప్రభుత్వాలు ఎందుకు విఫలం అవుతున్నాయి? డాలర్ తో పోలిస్తే రూపాయి విలువ కూడా అంతకంతకు దిగజారుతోంది. దేశ ఆర్థిక వ్యవస్థపై ఎటువంటి ప్రభావం చూపుతోంది. ఈ అంశంపై ప్రముఖ ఆర్థిక నిపుణులు పాపారావు విశ్లేషణతో..

17:56 - August 31, 2018

ముంబై : అంతర్జాతీయ మార్కెట్ పరిస్థితులు, ముడిచమురు ధరల్లో పెరుగుదల వెరసి రూపాయి పతనం కొనసాగుతోంది. తాజాగా డాలరుకు రూపాయి మారకం విలువ రూ.71కి పడిపోయింది. అంతర్జాతీయ మార్కెట్ లో డాలర్ కు డిమాండ్ పెరగడంతో పాటు పశ్చిమాసియాలో నెలకొన్న పరిస్థితుల దృష్ట్యా ముడిచమురు ధరలు పెరిగాయి. ఈ నేపథ్యంలో ఫారెక్స్ మార్కెట్ లో రూపాయి విలువ 26 పైసలు పడిపోయింది. ట్రేడింగ్ సెషన్ లో రూ.70.74 వద్ద ముగిసిన రూపాయి విలువ తాజాగా మరో 26 పైసలు కోల్పోయి తొలిసారిగా రూ.71కు దిగజారి ఆల్ టైం గరిష్టానికి చేరుకుంది. చమురు సెగకు తోడు అమెరికా చైనా వాణిజ్య యుద్ధం భయం, దేశంలో ద్రవ్యోల్బణంపై ఆందోళనలు నెలకొన్న వేళ రూపాయి పతనం ఈ రోజు కూడా కొనసాగింది. కాగా ప్రస్తుతం రూపాయి విలువ అంతర్జాతీయ ఫారెక్స్ మార్కెట్ లో డాలర్ కు రూ.70.94 వద్ద ట్రేడ్ అవుతుంది. దీంతో భారత కరెన్సీ రూపాయి విలువ రికార్డ్‌ స్థాయిలో పతనమైంది. డాలర్‌తో పోలిస్తే 26 పైసలు పతనమై అత్యంత కనిష్ట స్థాయి 71 రూపాయలకి చేరింది. క్రూడాయిల్‌ ధరలు పెరుగుతుండడం, అమెరికా డాలర్‌కు విపరీతమైన గిరాకీ ఏర్పడడమే రూపాయి పతనానికి కారణమని ఆర్థిక నిపుణులు చెబుతున్నారు.

07:02 - November 25, 2016

అసలే నోట్ల రద్దు వ్యవహారంతో ఉక్కిరిబిక్కిరి అవుతున్న సమయంలో మరో షాకింగ్ న్యూస్ చెబుతున్నారు వంట నూనెల వ్యాపారులు. డాలర్ తో మారకంలో మన రూపాయి విలువ పడిపోతున్నందున వంట నూనెల ధరలు కూడా పెరిగే అవకాశం వుందంటున్నాయి ఇండస్ట్రీ వర్గాలు. వంటనూనెలను విదేశాల నుంచి భారీగా దిగుమతి చేసుకోవడమే ఇందుకు కారణం. మనం విదేశాల నుంచి వంట నూనెలను దిగుమతి చేసుకోవాల్సిన పరిస్థితి ఎందుకు ఏర్పడింది? నూనె గింజల ఉత్పత్తిలో మన దేశం పరిస్థితి ఏమిటి? నూనె గింజల సాగు విస్తీర్ణం పెరగాలంటే ప్రభుత్వం ఎలాంటి చర్యలు తీసుకోవాలి? రూపాయి విలువ పడిపోతున్నందున వంట నూనెల ధరలు పెరిగే అవకాశం వున్న నేపథ్యంలో వినియోగదారుల మీద ఆ భారం పడకుండా వుండాలంటే ప్రభుత్వం తక్షణం తీసుకోవాల్సిన చర్యలేమిటి? ఈ అంశంపై టెన్ టివి జనపథంలో వ్యవసాయ శాస్త్రవేత్త, రైతు సంఘం నేత అరిబండి ప్రసాదరావు విశ్లేషించారు. మరి ఆయన ఎలాంటి అంశాలు వెల్లడించారో తెలుసుకోవాలంటే వీడియో క్లిక్ చేయండి. 

14:44 - June 27, 2016

హైదరాబాద్ : బంగారం ధరలు మరింత ప్రియం కానున్నాయి...ఐరోపా కూటమి నుంచి వైదొలగాన్న బ్రిటన్ ప్రజల తీర్పుతో అంతర్జాతీయ మార్కెట్లో అనిశ్చితి పెరగడంతో బంగారం ధరలపై ప్రభావం పడింది. దీంతో పసిడి పరుగులు ఖాయమంటున్నారు విశ్లేషకులు. డిసెబంర్ నాటికి 10 గ్రాముల బంగారం 35 వేల 500 రూపాయలకు చేరుకోవచ్చని అంచనా వేస్తున్నారు. అంతర్జాతీయ మార్కెట్‌లో ఔన్స్ గోల్డ్ రేటు ఏడాది చివరికల్లా 1,475 డాలర్లకు చేరుకోవచ్చుని చెబుతున్నారు. ప్రతికూల పరిస్థితుల్లో అత్యంత భద్రమైన పెట్టుబడి సాధనంగా బంగారానికి పేరుంది. ఐరోపా కూటమి నుంచి వైదొలగాలన్న బ్రిటన్ ప్రజల తీర్పుతో అంతర్జాతీయ మార్కెట్లో అనిశ్చితి మరింత పెరిగింది. బ్రెగ్జిట్ తోఈక్విటీ మార్కెట్లు భారీగా పతనం కాగా.. గోల్డ్ రేటు కొండెక్కి కూర్చుకుంది. ఈ పరిణామంతో మదుపర్ల దృష్టి మళ్లీ బంగారంపైకి మళ్లిందని, మున్ముందు ధరలు మరింత పెరిగే అవకాశం ఉందని కమోడిటీ మార్కెట్ నిపుణులు అంటున్నారు.

గ్లోబల్ మార్కెట్లో అనిశ్చితి..
బ్రిటన్ ఎగ్జిట్‌తోపాటు అమెరికాలో జరుగనున్న అధ్యక్ష ఎన్నికలు, పలు దేశాల మధ్య నెలకొన్న ఉద్రిక్త వాతావరణం, కరెన్సీ మార్కెట్లలో ఒడిదుడుకులు వంటి అంశాలతో గ్లోబల్ మార్కెట్లో అనిశ్చితి మరింత పెరుగనుందని విశ్లేషకులు అభిప్రాయపడుతున్నారు. డిసెంబర్‌కల్లా 24 క్యారట్ల బంగారం 10 గ్రాముల రేటు 35 వేల 500 రూపాయల స్థాయికి చేరుకోవచ్చని అంచనా వేస్తున్నారు. దేశీయంగా బంగారం ధరలకు ప్రామాణికమైన అంతర్జాతీయ మార్కెట్‌లో ఔన్స్ గోల్డ్ రేటు ఏడాది చివరికల్లా 1,475 డాలర్లకు చేరుకోవచ్చని ఆయన పేర్కొన్నారు. లండన్ కమోడిటీ మార్కెట్లో పుత్తడి ధర ఏకంగా 8.2 శాతం ఎగబాకి 1,319 డాలర్లకు చేరుకుంది. దీంతో ఢిల్లీ బులియన్ మార్కెట్లోనూ ధర 30 వేల 875 రూపాయల స్థాయికి పెరిగింది. బ్రెగ్జిట్ నేపథ్యంలో యూరోపియన్ యూనియన్, యూకే సెంట్రల్ బ్యాంకులు తమ ఆర్థిక వ్యవస్థకు ఊతమిచ్చేందుకు ద్రవ్య నిబంధనలను సడలించడంతోపాటు పలు ఉద్దీపన ప్యాకేజీలు ప్రకటించే అవకాశం ఉందని నిపుణులు చెబుతున్నారు. ఒక వేళ అదే గనుక జరిగితే ఇంటర్నేషనల్ మార్కెట్లో గోల్డ్‌కు డిమాండ్ మరింత పెరిగే అవకాశం ఉందని అంచనా వేస్తున్నారు. బ్రెగ్జిట్ తీర్పు నేపథ్యంలో డాలర్ కొంత బలపడినప్పటికీ.. మున్ముందు మళ్లీ విలువ తగ్గవచ్చని, ఫలితంగా బంగారం డిమాండ్ పెరుగవచ్చని బులియన్ వర్గాలు అంచనా వేస్తున్నాయ్. సమీప భవిష్యత్‌లో బంగారం 31 వేల 500 నుంచి 32 వేల 500 రూపాయల స్థాయిల్లో కదలాడవచ్చని, అంతర్జాతీయ మార్కెట్లో 1400 డాలర్ల స్థాయికి చేరుకోవచ్చని నిపుణలు అంచనా వేస్తున్నారు.

10:47 - August 24, 2015

హైదరాబాద్ : ముంబై స్టాక్‌మార్కెట్‌ కుప్పకూలింది. దాదాపు 9 వందల పాయింట్లు దిగజారి ఇన్వెస్టర్లను దెబ్బ తీసింది. నిఫ్టీ సైతం 3 వందల పాయింట్లు పడిపోయింది. రూపాయి విలువ దారుణంగా పడిపోయి డాలర్‌ మారకం విలువ 66కు చేరింది. చైనా కరెన్సీ వాల్యూ తగ్గించడంతో ఆ ప్రభావం అంతర్జాతీయ మార్కెట్‌పై పడుతోంది. చైనా స్టాక్స్‌లో భారీ అమ్మకాలు జరగడంతో.. అది ఆసియా మార్కెట్‌పై ప్రభావం చూపడంతోనే.. ఈ పరిణామాలు జరిగాయని ప్రాథమికంగా నిపుణులు అంచనా వేస్తున్నారు.

16:22 - August 19, 2015

హైదరాబాద్ : చైనా కరెన్సీ దెబ్బకు రూపీ పతనం కొనసాగుతూనే ఉంది. ఫోరెక్స్ మార్కెట్లో డాలర్ తో పోల్చితే.. .దేశీయ కరెన్సీ 12 పైసలు క్షీణించి 65 రూపాయల 43 పైసలకు పడిపోయింది. దీంతో రూపీ విలువ రెండేళ్ల కనిష్ఠస్థాయికి చేరింది. ప్రస్తుతం అంతర్జాతీయంగా రూపాయి పరిస్థితి బలహీనంగా ఉంది. ఎగుమతులు తగ్గడం, చైనా కరెన్సీ విలువ తగ్గించుకోవడంతో.. ఇన్వెస్టర్లు డాలర్ల వైపు మొగ్గు చూపుతున్నారు. వచ్చే నెల 16న జరిగే అమెరికా ఫెడ్ రిజర్వ్ సమావేశం వరకు పరిస్థితి ఇలాగే ఉంటుందని ఫోరెక్స్ మార్కెట్ నిపుణులు విశ్లేషిస్తున్నారు. 

Don't Miss

Subscribe to RSS - డాలర్