టీడీపీ

20:05 - September 8, 2018

హైదరాబాద్ : టీడీపీ అధినేత..ఏపీ సీఎం చంద్రబాబు నాయుడు ఈరోజు హైదరాబాద్ కు విచ్చేసారు. ముందస్తు ఎన్నికల సందర్భంగా రాష్ట్రంలో పార్టీ వ్యూహాలు, పొత్తులు వంటి విషయాలపై నేతలతో చర్చించారు. ఈ సందర్భంగా ఆయన మాట్లాడుతు..ముప్పై ఆరేళ్లుగా పార్టీని కాపాడుతున్న టీడీపీ కార్యకర్తలకు పాదాభివందనం చేస్తున్నానని సీఎం చంద్రబాబునాయుడు అన్నారు. హైదరాబాద్ లోని ఎన్టీఆర్ ట్రస్ట్ భవన్ లో టీడీపీ విస్తృత స్థాయి సమావేశం నిర్వహించారు. ఈ సందర్భంగా ఆయన మాట్లాడుతూ, తన పిలుపుతో తరలివచ్చిన కార్యకర్తలకు అభినందనలు తెలియజేస్తున్నానన్నారు. 

ఈరోజున తెలంగాణ ధనిక రాష్ట్రంగా ఎదిగిందంటే దానికి కారణం నాడు టీడీపీ చేసిన కృషేనని, హైదరాబాద్ అభివృద్ధి కోసం నాడు ప్రపంచం మొత్తం తిరిగానని అన్నారు. హైదరాబాద్ లో చాలా ప్రాజెక్టులు నాడు తాను ప్రారంభించినవేనని, రాష్ట్ర విభజన తర్వాత తనపై గురుతర బాధ్యత పడిందని అన్నారు. తెలుగుజాతి మధ్య విభేదాలు ఉండకూడదని చెప్పానని, ఇద్దరికీ నష్టం కలగకుండా, ఒప్పించి మాత్రమే విభజన చేయాలని సూచించానని అన్నారు. హైదరాబాద్ ను అభివృద్ధి చేసిన తరహాలోనే అమరావతిని అభివృద్ధి చేస్తానని చెప్పుకొచ్చారు.

15:56 - September 8, 2018

హైదరాబాద్‌ : ఆంధ్రుల ఆత్మగౌరవ నినాదంతో స్థాపించిన తెలుగుదేశం పార్టీ రాష్ట్ర విభజన అనంతరం తెలంగాణలో పలు సమస్యలను ఫేస్ చేస్తోంది. విభజన అనంతరం అధికారంలోకి వచ్చిన టీఆర్ఎస్ ఎన్నికలలో గెలిచి ప్రభుత్వాన్ని ఏర్పాటు చేసిన తరువాత ఐదు సంవత్సరాలు నిండకుండానే ప్రభుత్వాన్ని రద్దు చేసి ముందస్తు ఎన్నికలకు శంఖారావం పూరించింది. దీంతో విపక్షాలు కూడా ఎన్నికలలో అవలంభించాల్సిన వ్యూహాలపై..పొత్తులపైనా కసరత్తులు చేస్తున్నాయి. ఈ నేపథ్యంలో టీ.టీడీపీపై యోచించేందుకు హైదరాబాద్ కు చేరుకున్న ఏపీ సీఎం చంద్రబాబు ప్రస్తుత రాజకీయ..పార్టీల విధి విధానాలపై నేతలతో ఆరా తీసారు. ఈ సందర్భంగా ఆయన మాట్లాడుతు..ఆటుపోట్లు తెలుగుదేశం పార్టీకి కొత్త కాదన్నారు. కమ్యూనిస్టు పార్టీలు, కో దండరాం పార్టీ వైఖరిపై నేతలను ఆరా తీశారు. తెలంగాణలో తెదేపా పట్ల ఆదరణ తగ్గలేదని ధీమా వ్యక్తంచేశారు. తెలంగాణలో 20 సీట్లలో 35 శాతం ఓటింగ్‌ పదిలంగా ఉందని.. తెదేపా బలం చెక్కు చెదరలేదని..ప్రజల్లో తెరాసపై తీవ్ర వ్యతిరేకత ఉందని చంద్రబాబు అభిప్రాయపడ్డారు.

36 ఏళ్ల తెలుగుదేశం పార్టీ చరిత్రలో ఎన్నో ఆటుపోట్లు చూశామని అన్నారు. తెలుగు ప్రజల ఆదరాభిమానాలతో తెదేపాకు వన్నె తగ్గలేదన్నారు. వారి అభిమానమే పార్టీకి తరగని ఆస్తి అనీ..కార్యకర్తలే తెదేపా సంపదని వివరించారు. దేశంలో తెలుగు రాష్ట్రాలు అగ్రస్థానంలో ఉండాలన్నదే తన ఎప్పటికీ తన ఆకాంక్ష అని సీఎం చంద్రబాబు తెలిపారు. 

08:20 - September 8, 2018

హైదరాబాద్ : అసెంబ్లీ రద్దుతో తెలంగాణలో రాజకీయ సమీకరణలు మారుతున్నాయి. ఒకరిపై మరొకరు ఆరోపణలు, విమర్శలు చేసుకున్న వైరీ పక్షాలు ఏకమవుతున్నాయి. రాజకీయాల్లో శాశ్వత మిత్రులు, శత్రువులు ఉండరన్న సామెత నిజం అనిపిస్తోంది. కాంగ్రెస్ పార్టీకి వ్యతిరేకంగా తెలుగు దేశం పార్టీని స్థాపించారు. ఉప్పు నిప్పులా ఉన్న తెలుగుదేశం, కాంగ్రెస్ పార్టీలు ఇప్పుడు ఒక్కటవుతున్నాయ్. అధికార పార్టీని దెబ్బకొట్టేందుకు ఏకమవుతున్నాయి. దాదాపు 35 ఏళ్ల పాటు కత్తులు నూరుకున్ను పార్టీలు... తొలిసారి కలిసి పోటీ చేయబోతున్నాయి. తెలంగాణ రాష్ట్రసమితిని ఓడించడమే లక్ష్యంగా ఏకమై ఎన్నికల బరిలోకి దిగబోతున్నాయి. కాంగ్రెస్ తో పొత్తుపై టీడీపీ అధినేత చంద్రబాబు ఇవాళ ఓ క్లారిటీ ఇచ్చే అవకాశం ఉంది.
కాంగ్రెస్ కు వ్యతిరేకంగా టీడీపీ స్థాపన 
తెలుగు ప్రజల ఆత్మ గౌరవం నినాదంతో...కాంగ్రెస్ పార్టీకి వ్యతిరేకంగా ఎన్టీఆర్ తెలుగుదేశం పార్టీని స్థాపించారు. 1983 నుంచి 2014 వరకు కాంగ్రెస్ తో తలపడింది తెలుగుదేశం పార్టీ. తెలంగాణ ఏర్పడ్డ తర్వాత....తెలుగుదేశం పార్టీ బలహీన పడింది. అటు కాంగ్రెస్‌ పార్టీ సైతం కేసీఆర్ ప్రభంజనం ముందు నిలవలేకపోయింది. దీంతో వచ్చే ఎన్నికల్లో కేసీఆర్ ను ఓడించడమే లక్ష్యంగా కాంగ్రెస్, తెలుగుదేశం పార్టీలు పొత్తులకు సిద్ధమవుతున్నాయ్. 
టీడీపీ, కాంగ్రెస్‌ల మధ్య పొత్తు 
టీడీపీ, కాంగ్రెస్‌ల మధ్య పొత్తు ఉంటుందంటూ చాలా కాలంగా జరుగుతున్న ప్రచారానికి ఎట్టకేలకు క్లారిటీ ఇచ్చారు టీపీసీసీ చీఫ్‌ ఉత్తమ్‌కుమార్‌ రెడ్డి.  వచ్చే ఎన్నికల్లో టీడీపీతో పొత్తు ఉంటుందని తెలిపారు. టీఆర్ఎస్ ను ఓడించేందుకు కాంగ్రెస్ పార్టీ నేతృత్వంలో టీడీపీతో పాటు అన్ని పార్టీలు ఏకం కావాలని పిలుపునిచ్చారు. కాంగ్రెస్‌తో పొత్తుపై అటు టీడీపీ కూడా సానుకూలంగానే ఉంది. దీనిపై ఇప్పటికే చంద్రబాబు నాయుడితో టీటీడీపీ నేతలు చర్చలు జరిపారు. భావస్వారూప్యం ఉన్న పార్టీలతో కలిసి బరిలోకి దిగుతామంటూ టీడీపీ నేత పెద్దిరెడ్డి ప్రకటించారు. తెలుగుదేశం పార్టీ జాతీయ అధ్యక్షుడు, ఏపీ సీఎం చంద్రబాబు నాయుడు... శనివారం టీటీడీపీ నేతలతో భేటీ కానున్నారు. ఇందులో కాంగ్రెస్‌తో పొత్తుపైనే ప్రధానంగా చర్చ జరిగే అవకాశం ఉంది. మరి టీడీపీ, కాంగ్రెస్‌ మైత్రీ సవ్యంగా కొనసాగుతుందో ? లేదో ? చూడాలి. 

 

 

09:16 - September 6, 2018

 హైదరాబాద్ : తెలంగాణలో రాజకీయాలు వేడెక్కాయి. ముందస్తు ఎన్నికలు, అసెంబ్లీ రద్దుపై ఊహాగానాల నేపథ్యంలో రాష్ట్ర రాజకీయాలు మరింత వేడిని పెంచాయి. ముందస్తు ఎన్నికలు, అసెంబ్లీ రద్దు అంశాలకు టీఆర్ ఎస్ తెరతీయగా ఒకవైపు ప్రతిపక్షాలు విమర్శిస్తూనే...మరోవైపు ముందస్తుకు సన్నదం అవుతున్నాయి. ఈ కార్యక్రమంలో రాజకీయ సమీకరణాలు మారుతున్నాయి. అధికార, ప్రతిపక్షాలు గెలుపే లక్ష్యంగా ముందుకెళ్తున్నాయి. అధికార పార్టీ టీఆర్ ఎస్ ను ఓడించేందుకు ప్రతిపక్షాలు ఏకమవుతున్నట్లు తెలుస్తోంది. అధికారపక్షాన్ని ఎదుర్కొనేందుకు శత్రువులు మిత్రులు అవుతున్నారు. ఈక్రమంలోనే టీడీపీ, కాంగ్రెస్ అగ్రనేతల మధ్య మంతనాలు జరుగుతున్నాయి. ఒకప్పుడు పరస్పర విమర్శలు, ఆరోపణలు, పత్యారోపణలు చేసుకున్న వైరి పక్షాలు ఇప్పుడు దగ్గరవుతున్నాయి. గోల్కొండ హోటల్ వేదికగా చర్చలు జరిపినట్లు తెలుస్తోంది. కాంగ్రెస్ తెలంగాణ రాష్ట్ర ఇంచార్జ్ కుంతియాతో టీటీడీపీ అధ్యక్షుడు ఎల్.రమణ భేటీ అయ్యారు. ఈనెల 8న ఏపీ సీఎం చంద్రబాబుతో టీటీడీపీ నేతలు భేటీ కానున్నారు. బాబుతో భేటీకి ముందు కుంతియాతో రమణ భేటికి ప్రాధాన్యత సంతరించుకుంది. ఇదిలావుంటే కుంతియాతో భేటీ యాదృచ్ఛికమేనని రమణ అంటున్నారు. హోటల్ లో అనుకోకుండా కుంతియాను కలిశానని తెలిపారు.

 

13:22 - August 28, 2018

గుంటూరు : 'నారా హమారా-టీడీపీ హమారా' పేరుతో గుంటూరులో భారీ ఎత్తున మైనారిటీ సభ నిర్వహించేందుకు టీడీపీ ఏర్పాట్లు చేస్తోంది. లక్షమంది తరలిరానున్న నేపథ్యంలో భారీ ఎత్తున ఏర్పాట్లు చేస్తున్నారు. నేతలు దగ్గరుండి ఏర్పాట్లను పర్యవేక్షిస్తున్నారు. మైనారిటీల కోసం టీడీపీ చేపట్టిన సంక్షేమ పథకాలతో పాటు.. చేపట్టనున్న మరిన్ని పథకాల వివరాలను సభావేదికగా వివరించనుంది. అలాగే కేబినెట్‌లో మైనారిటీలకు స్థానం కల్పించే అంశంపై చంద్రబాబు ప్రకటన చేసే అవకాశం ఉంది. నారా హమారా టీడీపీ హమారా కార్యక్రమానికి అన్ని ఏర్పాట్లు పూర్తయ్యాయి. కార్యక్రమానికి మైనారిటీలు పెద్ద ఎత్తున చేరుకుంటున్నారు. మైనారిటీలను చంద్రబాబు ప్రభుత్వం ఆదుకుందని వారు హర్షం వ్యక్తం చేస్తున్నారు. 
స్వాగత తోరణాలు
గుంటూరులో నిర్వహిస్తున్న నారా హమా టీడీపీ హమార సభకు టీడీపీ భారీ ఏర్పాట్లు చేసింది. టీడీపీ నేతలకు స్వాగతం పలికేందుకు స్వాగత తోరణాలు ఏర్పాటు చేశారు. ట్రాఫిక్‌ ఇబ్బందులు కలగకుండా పోలీసులు అన్ని చర్యలు తీసుకున్నారు. టీడీపీ సభా ఏర్పాట్లపై మరింత సమాచారాన్ని వీడియోలో చూద్దాం.. 

12:09 - August 28, 2018

గుంటూరు : 'నారా హమారా-టీడీపీ హమారా' పేరుతో గుంటూరులో భారీ ఎత్తున మైనారిటీ సభ నిర్వహించేందుకు టీడీపీ ఏర్పాట్లు చేస్తోంది. లక్షమంది తరలిరానున్న నేపథ్యంలో భారీ ఎత్తున ఏర్పాట్లు చేస్తున్నారు. నేతలు దగ్గరుండి ఏర్పాట్లను పర్యవేక్షిస్తున్నారు. మైనారిటీల కోసం టీడీపీ చేపట్టిన సంక్షేమ పథకాలతో పాటు.. చేపట్టనున్న మరిన్ని పథకాల వివరాలను సభావేదికగా వివరించనుంది. అలాగే కేబినెట్‌లో మైనారిటీలకు స్థానం కల్పించే అంశంపై చంద్రబాబు ప్రకటన చేసే అవకాశం ఉంది. మరో వైపు రాత్రి కురిసిన వర్షానికి స్టేడియం బురదమయంగా మారింది. పార్టీ నేతలు యుద్ధ ప్రాతిపదికన స్టేడియంను చదును చేయిస్తున్నారు.

 

09:38 - August 28, 2018

గుంటూరు : 'నారా హమారా-టీడీపీ హమారా' పేరుతో గుంటూరులో భారీ ఎత్తున మైనారిటీ సభ నిర్వహించేందుకు టీడీపీ  ఏర్పాట్లు చేసింది. నేతలు దగ్గరుండి ఏర్పాట్లను పర్యవేక్షించారు. మైనారిటీల కోసం టీడీపీ చేపట్టిన సంక్షేమ పథకాలతో పాటు.. చేపట్టనున్న మరిన్ని పథకాల వివరాలను సభావేదికగా వివరించనుంది. అలాగే కేబినెట్‌లో మైనారిటీలకు స్థానం కల్పించే అంశంపై చంద్రబాబు ప్రకటన చేసే అవకాశం ఉంది. 
గుంటూరులో పండుగ వాతావరణం 
తెలుగుదేశం పార్టీ ముస్లిం మైనారిటీల సభ నిర్వహించనున్న నేపథ్యంలో గుంటూరులో పండుగ వాతావరణం నెలకొంది. బ్రహ్మానందరెడ్డి స్టేడియంలో సభ ఏర్పాట్లు ముమ్మరంగా జరుగుతున్నాయి. పార్టీ నేతలంతా దగ్గరుండి ఏర్పాట్లను పర్యవేక్షిస్తున్నారు. 
ఇక సభావేదికపై 300మంది కూర్చునేలా ఏర్పాట్లు 
ఇక సభావేదికపై 300మంది కూర్చునేలా ఏర్పాట్లు చేస్తున్నారు. వేదికపై సీఎం చంద్రబాబుతోపాటు, మంత్రులు, ఎమ్మెల్యేలు, ఎమ్మెల్సీలు, మైనారిటీ కార్పొరేషన్‌ చైర్మన్లు, సీనియర్‌ నేతలు ఆశీనులు కానున్నారు. వేదిక ముందు భాగంలో మొత్తం 16 గ్యాలరీలను బారికేడ్లతో ఏర్పాటు చేస్తున్నారు. ఒక్కో గ్యాలరీలో 30 వేలమంది కూర్చునేలా కుర్చీలు ఏర్పాటు చేశారు. సుమారు 15 వేల మంది మైనారిటీ మహిళలు, 15 వేల మంది మైనారిటీ విద్యార్థులు పాల్గొంటారన్న అంచనాతో.. వారి కోసం ప్రత్యేక గ్యాలరీలు ఏర్పాటు చేస్తున్నారు. సాయంత్రం సభ నిర్వహిస్తున్న నేపథ్యంలో బయట ఉన్నవారు సభలోని ముఖ్యుల ప్రసంగాలు తిలకించేలా.. ఫ్లడ్‌లైటు మరియు ఎల్‌ఇడి తెరలను సిద్దం చేశారు. ఇక స్టేడియంలోకి ప్రజలు వచ్చేందుకు మూడు మార్గాలు, చంద్రబాబు వచ్చేందుకు వీలుగా ప్రత్యేక మార్గాన్ని సిద్దం చేశారు. 
వాహనాల పార్కింగ్‌ కోసం ఏర్పాట్లు 
ఇక రాష్ట్ర నలుమూలల నుంచి 600 ఆర్టీసీ బస్సుల, పెద్ద సంఖ్యలో ప్రైవేట్‌ వాహనాలు తరలిరానున్నాయి. వీటి వాటి పార్కింగ్‌ కోసం నందివెలుగు రోడ్డు, పొన్నూరు రోడ్లలో ఏర్పాట్లు చేశారు. సాయంత్రం 5 గంటలకు ముస్లిం సోదరులు నమాజ్‌ చేసుకునేందుకు వీలుగా ప్రత్యేక ఏర్పాట్లు చేశారు. ఒక్కో నియోజకవర్గం నుంచి ముస్లిం మతపెద్దలను గుర్తించి వారిని సభకు ఆహ్వానించారు. సభకు హాజరయ్యే వారి కోసం అల్పాహారం, భోజన సౌకర్యాలు కల్పించే బాధ్యతను ఆయా నియోజకవర్గాల ఇన్‌చార్జీలు, ఎమ్మెల్యేలకు అప్పగించారు. మధ్యాహ్నం 2 గంటల నుంచి ఉర్దూకవులు, రచయితలతో ప్రత్యేక కార్యక్రమాలతో సభ ప్రారంభం కానుంది. 4 గంటల నుండి ముఖ్య నేతల ప్రసంగాలు కొనసాగేలా షెడ్యూల్‌ ఖరారు చేశారు. 
సభ చరిత్రలో మిగిలిపోతుందన్న టీడీపీ నేతలు 
'నారా హమారా.. టీడీపీ హమారా' సభ చరిత్రలో మిగిలిపోతుందన్నారు టీడీపీ నేతలు. మైనారిటీల కోసం టీడీపీ ఏం చేసిందో చెప్పడంతో పాటు.. బీజేపీ దేశంలో అనుసరిస్తున్న లౌకిక వ్యతిరేక పాలనను ఎండగడతామన్నారు. మరోవైపు సభను విజయవంతం చేసేందుకు దేశవ్యాప్తంగా టీడీపీ నేతలు సన్నాహక ర్యాలీలు నిర్వహిస్తున్నారు. ఇక మైనారిటీలకు మరిన్ని సంక్షేమ పథకాలు చంద్రబాబు ప్రకటించే అవకాశం ఉంది. అలాగే కేబినెట్‌లో మైనారిటీకి స్థానం కల్పించే అంశంపై కూడా చంద్రబాబు నిర్ణయం ప్రకటించనున్నారు. 

 

21:22 - August 25, 2018

కర్నూలు : ఏపీకి ప్రత్యేక హోదా ఇవ్వకుండా, విభన హామీలు అమలు చేయకుండా మోసం చేసిన ప్రధాని మోదీకి వచ్చే ఎన్నికల్లో బుద్ధి చెప్పాలని టీడీపీ అధినేత, ముఖ్యమంత్రి చంద్రబాబు పిలుపు ఇచ్చారు. 2014 ఎన్నికల్లో దేశంలో కాంగ్రెస్‌కు ఏ గతి పట్టిందో 2019 లోక్‌సభ ఎన్నికల్లో బీజేపీకి కూడా అదే గతి పడుతుందని హెచ్చరించారు. అవినీతి పార్టీలకు కొమ్ముకాస్తూ, రాఫెల్‌ యుద్ధ విమానాల కొనుగోలు కుంభకోణం ఊబిలో కూరుకుపోయిన ప్రధాని మోదీకి గుణపాఠం తప్పదని కర్నూలు ధర్మపోరాట సభలో హెచ్చరించారు. 
టీడీపీ ఐదవ ధర్మపోరాట సభ
కర్నూలులో టీడీపీ ఐదవ ధర్మపోరాట సభ జరిగింది. కుట్రరాజకీయాలు - నమ్మకద్రోహంపై ధర్మపోరాటం పేరుతో నిర్వహించిన ఈ సభకు టీడీపీ అధినేత, ముఖ్యమంత్రి చంద్రబాబు సహా  రాష్ట్ర మంత్రులు, పార్టీ ఎంపీలు, ఎమ్మెల్యేలు, ఎమ్మెల్సీలు, పార్టీ శ్రేణులు, ప్రజలు భారీగా హాజరయ్యారు. 
రాష్ట్ర ప్రజలను మోదీ మోసం చేశారన్న చంద్రబాబు  
ఏపీకి ప్రత్యేక హోదా ఇవ్వకుండా, విభజన హామీలు అమలు చేయని ప్రధాని మోదీ నేతృత్వంలోని ఎన్డీయే ప్రభుత్వం, బీజేపీ నాయకత్వంపై చంద్రబాబు నిప్పులు చెరిగారు. ప్రధాని మోదీ రాష్ట్ర ప్రజలను మోసం చేశారని ఆగ్రహం వ్యక్తం చేశారు. నాలుగు బడ్జెట్ల తర్వాత కూడా రాష్ట్రానికి న్యాయం జరగకపోవడంతో ఎన్డీయే ప్రభుత్వం నుంచి కేంద్రంలోని టీడీపీ మంత్రులను ఉపసంహరించుకుని, బీజేపీతో తెగతెంపులు చేసుకున్న విషయాన్ని చంద్రబాబు ప్రస్తావించారు. ఈ విషయంలో తాను యూ టర్న్‌ తీసుకున్నాని ప్రధాని మోదీ లోక్‌సభలో చెప్పడాన్ని చంద్రబాబు తప్పుపట్టారు. వైసీపీ ఉచ్చులో పడ్డ ప్రధాని.. చివరికి ఫలితం అనుభవించకతప్పదని హెచ్చరించారు. 
మృతుల కుటుంబాలకు చంద్రబాబు సానుభూతి 
కర్నూలు ధర్మపోరాట సభకు వస్తూ గుండెపోటుతో మరణించిన మంత్రాలయం నియోజకవర్గానికి చెందిన టీడీపీ కార్యకర్త ఉప్పరి బజారి, రోడ్డు ప్రమాదంలో ప్రాణాలు కోల్పోయిన నందికొట్కూరుకు చెందిన చిన్నయ్యస్వామి కుటుంబాలకు ఐదు లక్షల రూపాయల వంతున ఆర్థిక సహాయం ప్రకటించారు చంద్రబాబు. బీమాకు ఇది అదనం. వీరి మృతికి సంతాప సూచికంగా రెండు నిమిషాలు మౌనం పాటించారు. మృతుల కుటుంబాలను సానుభూతి తెలిపారు. 

 

19:42 - August 23, 2018

2019 ఎన్నికల వేడి రాజుకుంది. రాష్ట్ర విభజన నేపథ్యంలో విభజన హామీల అమలు..రాష్ట్ర అభివృద్ధిని దృష్టిలో పెట్టుకున్న టీడీపీ పార్టీ బీజేపీతో పొత్తు పెట్టుకుంది. కానీ ఏపీ విషయంలో బీజేపీ అవలంభించిన తీరును సవాల్ చేస్తు ఎన్డీయే ప్రభుత్వం నుండి టీడీపీ విడిపోయింది. ఈ క్రమంలో కాంగ్రెస్ పార్టీయే రాష్ట్ర విభజనకు కారణం కాబట్టి ఏపీని అభివృద్ధి చేసేందుకు..విభజన హామీలు కాంగ్రెస్ తోనే సాధ్యం అని కాంగ్రెస్ మరోసారి అధికారంలోకి వచ్చేందుకు..రాష్ట్ర విభజన తరువాత ఏపీలోనే కాక దేశ వ్యాప్తంగా కాంగ్రెస్ ఘోర పరాజయం పాలయిన విషయం తెలిసిందే. ఈ నేపథ్యంలో ఏపీలో మళ్లీ తిరిగి పార్టీని నిలబెట్టేందుకు కాంగ్రెస్ అధికారంలోకి వస్తే ఏపీకి ప్రత్యేక హోదాతో పాటు విభజన హామీలన్నీ నెరవేరుస్తామని పదే పదే కాంగ్రెస్ చెబుతోంది. అలాగే ఎన్డీయే ప్రభుత్వంపై టీడీపీ ప్రవేశ పెట్టిన అవిశ్వాసానాకి కాంగ్రెస్ మద్ధతునిచ్చింది. ఈ నేపథ్యంలో టీడీపీ కాంగ్రెస్ తో 2019 ఎన్నికల్లో పొత్తు పెట్టుకుంటుందనే వార్తలు ఇటీవల హల్ చల్ చేస్తున్నాయి. కానీ ఆయా పార్టీల అధిష్టానం మాత్రం ఎటువంటి స్పష్టతా ఇవ్వలేదు. మరి ఈ నేపథ్యంలో 2019 ఎన్నికల్లో ఏ పార్టీ ఏ పార్టీతో పొత్తు పెట్టుకుంటుంది? ఎవరి దారెటు? అనే అంశంపై 10టీవీ చర్చా కార్యక్రమం. ఈ చర్చలో ప్రముఖ రాజకీయ విశ్లేషకులు తెలకపల్లి రవి, బీజేపీ ఏపీ ఉపాధ్యక్షులు రఘునాథ బాబు, టీడీపీ శాసన సభ్యులు రామకృష్ణ, జీవీ రెడ్డి పాల్గొన్నారు. 

20:32 - August 19, 2018

హైదరాబాద్ : మరోసారి ఆప‌రేష‌న్ ఆక‌ర్ష్‌కు తెలుగుదేశం పార్టీ తెర‌దీస్తోందా...? పార్టీ అవ‌స‌రాల మేర‌కు చేరిక‌ల‌కు అధినేత గ్రీన్ సిగ్న‌ల్ ఇచ్చారా...? టీడీపీ తీర్ధం పుచ్చుక‌నేందుకు ఆస‌క్తి చూపుతొన్న నేత‌లెవ‌రు...? ఎవ‌రి రాక‌కై తెగుగుదేశం ఎదురుచూస్తొంది..? మ‌రి ప్ర‌స్తుతం పార్టీలొఉన్ నేత‌ల ప‌రిస్తితేంటి..? ఎన్నిక‌లు ఎన్నిక‌లు స‌మీపిస్తున్న వేలా బాబు మార్కు ఆప‌రేష‌న్ ఆక‌ర్ష్ 2 మాస్ట‌ర్ ప్లాన్ పై స్పెషల్ ఫొక‌స్ ఇప్పుడు చూద్దాం....!!!
ఆపరేషన్‌ ఆకర్ష్‌ 2 జాబితాలో ప‌లువురు సీనియ‌ర్లు
సార్వత్రిక ఎన్నిక‌లు సమీపిస్తుండడంతో..  చేరికలతో తనదైన వ్యూహాలకు పదునుపెడుతున్నారు టీడీపీ అధినేత చంద్రబాబు. టీడీపీ చేపట్టనున్న ఆప‌రేష‌న్ ఆక‌ర్ష్-2 జాబితాలో ప‌లువురు సీనియ‌ర్లు ఉన్నట్లు స‌మాచారం. శ్రీకాకుళం జిల్లానుంచి కొండ్రుముర‌ళీని  చేర్చుకోవాలని భావిస్తుండగా.. విశాఖ‌ నుంచి స‌బ్బం హ‌రితోపాటు.. కొణ‌తాల రామకృష్ణ టార్గెట్‌గా ఉన్నట్లు సమాచారం. స‌బ్బం హ‌రికి విశాఖ నార్త్ ఎమ్మెల్యే సీటు, కొణ‌తాలకు అన‌కాప‌ల్లి పార్లమెంట్ సీటు ఇచ్చే అవ‌కాశం కనిపిస్తోంది. ఇక తూర్పు గోదావ‌రి జిల్లా నుంచి మాజీ ఎంపీ ఉండ‌వ‌ల్లి అరుణ్‌ కుమార్‌ను సైకిలెక్కించుకోవాలని చూస్తున్నట్లు సమాచారం. ఆయనకు రాజ‌మండ్రి ఎంపీ, లేదా  ఎమ్మెల్యే సీటు ఇవ్వనున్నట్లు తెలుస్తోంది. ఈమ‌ధ్య ఉండవల్లి అరుణ్‌కుమార్‌ చంద్రబాబుతో బేటీ కావ‌డం ఈ వాద‌న‌కు బ‌లాన్నిస్తోంది. 
క‌డ‌ప జిల్లాలో పాగా వేసేయోచనలో టీడీపీ
వైసీపీకి కంచుకోట వంటి క‌డ‌ప జిల్లాలో పాగా వేయాల‌నీ చూస్తోంది. ఇప్పటికే ఆదినారాయణ రెడ్డిని పార్టీలొ చేర్చుకొని మంత్రి పదవి కూడా బట్టబెట్టింది.  అలాగే ప్రజాద‌ర‌ణగల మాజీ మంత్రి డిఎల్ ర‌వీంద్రారెడ్డిని పార్టీలోకి ఆహ్వానించాల‌ని బావిస్తున్నట్లు తెలుస్తోంది. సుదీర్గ రాజ‌కీయ‌ అనుభ‌వంతోపాటు.. వైఎస్ వ్యతిరేఖిగా  గుర్తింపు ఉన్న  డీఎల్‌తో పార్టీకి కలిస కలిసొస్తుందని టీడీపీ భావిస్తోంది. సైకిలెక్కేందుకు డీఎల్‌ సైతం సిద్ధంగానే ఉన్నట్లు సమాచారం.   మైనారిటీ వ‌ర్గానికి చెందిన మాజీ మంత్రి అహ్మదుల్లా కూడా టీడీపీ వైపు చూస్తున్నట్లు తెలుస్తోంది.
కోట్ల సూర్యప్రకాశ్ రెడ్డికోసం టీడీపీ ఎదురుచూపులు
ఇక మాజీ సీఎం కోట్ల విజ‌య‌భాస్కర్‌ రెడ్డి కుమారుడు కోట్ల సూర్యప్రకాశ్ రెడ్డికోసం  టీడీపీ ఎప్పట్నుంచో ఎదురుచూస్తోంది. కాగా డిప్యూటీ సీఎం కేఈ వ్యతిరేకించడంతో వెన‌క్కి త‌గ్గిన‌ట్లు సమాచారం. అనంత జిల్లా నుంచి ఎమ్మెల్యేగా ఉన్న  యామిని బాల‌పై ప్రజల్లో వ్యతిరేకత దృష్ట్యా.. మాజీ మంత్రి శైలజా నాథ్‌ను  చేర్చుకోవాలని భావిస్తున్నట్లు సమాచారం. ఆయనకు సింగ‌న‌మ‌ల ఎమ్మెల్యే సీటు కేటాయించే అవ‌కాశం ఉన్నట్లు సమాచారం.  ప్రకాశం జిల్లా లో క‌నిగిరి ఎమ్మెల్యే క‌దిరి బాబూరావుప‌ట్ల ప్రజ‌ల్లో తీవ్ర అసంతృప్తి ఉన్న నేరథ్యంలో... ఉగ్రన‌ర‌సింహారెడ్డిని చేర్చుకునేందుకు సిద్దమౌవుతున్నట్లు తెలుస్తోంది. మరోవైపు పార్టీనుంచి వెళ్లిన దాడి వీర‌భ‌ద్రరావు లాంటి నేత‌ల‌ను కూడా తిరిగి చేర్చుకునేందుకు టీడీపీ సిద్దంగా ఉంది.  ఈ మేరకు దాడి వీరభద్రరావు టీడీపీలోని తన స‌న్నిహితుల‌తో సంప్రదింపులు జ‌రిపిన‌ట్లు తెలుస్తోంది. 
ఆప‌రేష‌న్ ఆక‌ర్ష్ 2 ఏ మేర‌కు స‌క్సెస్ అవుతుందో?  
పరిమితంగానే ఉండబోయే చేరికలతో.. సొంత‌పార్టీ నేత‌ల నుంచి ఎలాంటి ఇబ్బంది ఉండ‌ద‌ని టీడీపీ సీనియ‌ర్లు బావిస్తున్నారు. బలమైన నేతలను చేర్చుకుని.. ప్రతిపక్షాలకు చెక్‌ పెట్టాలని చూస్తున్నారు టీడీపీ అధినేత. చంద్రబాబు ఆప‌రేష‌న్ ఆక‌ర్ష్ 2 ఏమేర‌కు స‌క్సెస్ అవుతుందో తెలియాలంటే కొంతకాలం ఆగాల్సిందే. 

 

Pages

Don't Miss

Subscribe to RSS - టీడీపీ