టీఆర్ఎస్

20:30 - November 16, 2018

హైదరాబాద్ : రాజకీయాల్లో వినూత్న శైలిని అనుసరిస్తేనే టీఆర్ఎస్ ఓటమి సాధ్యమవుతుందని తెలంగాణ జన సమితి అధ్యక్షుడు కోదండరాం పేర్కొన్నారు.ఎన్నికల్లో ఓడితే రాజకీయ సన్యాసం చేస్తామని ప్రకటించిన నేతలు అందుకు సిద్ధంగా ఉండాలని టీఆర్ఎస్ నేతలకు కోదండరామ్ పిలుపునిచ్చారు. ఢిల్లీ పర్యటనలో ఉన్న కోదండరామ్ శుక్రవారం సాయంత్రం మీడియాతో మాట్లాడుతు ఈ వ్యాఖ్యలు చేశారు.  
మహాకూటమిలో జరుగుతున్న రాజకీయ పరిణామాలు తనకు నచ్చడం లేదన్నారు. సీట్ల సర్దుబాటులో కాంగ్రెస్ జాప్యంతో ఇప్పటికే టీజేఎస్‌కు చాలా నష్టం జరిగిందని పేర్కొన్నారు. సీట్ల సర్దుబాటులో 8 సీట్లలో 6 సీట్లపై స్పష్టత వచ్చిందన్నారు. ఈ క్రమంలో నవంబర్ 16న టీజేఎస్ ఆరుగురు అభ్యర్థుల జాబితాను విడుదల చేస్తామని వెల్లడించారు. మరో రెండు స్థానాల్లో టీజేఎస్ స్నేహపూర్వక పోటీ ఉంటుందన్నారు. కాగా పీసీసీ మాజీ అధ్యక్షుడు, మాజీ మంత్రి పొన్నాల లక్ష్మయ్యకు జనగామ స్థానం ఖరారు చేసినట్లు కాంగ్రెస్ తెలంగాణ వ్యవహారాల ఇన్‌ఛార్జ్ కుంతియా తెలిపారు. అయితే జనగామ స్థానం విషయంలో కోదండరాం ఇంతవరకూ అధికార ప్రకటన చేయలేదు. ఈ నేపథ్యంలో 6 సీట్లపై స్పష్టత వచ్చిందనీ..నవంబర్ 16న టీజేఎస్ ఆరుగురు అభ్యర్థుల జాబితాను విడుదల చేస్తామని వెల్లడించారు. మరో రెండు స్థానాల్లో టీజేఎస్ స్నేహపూర్వక పోటీ ఉంటుందని కోదంరాం తెలిపటం గమనార్హం.
 

 

19:53 - November 16, 2018

హైదరాబాద్ : కేసీఆర్ పై కాంగ్రెస్ నేత, ప్రముఖ నటి ఖుష్బూ ఫైర్ అయ్యారు. టీఆర్ఎస్ ప్రభుత్వంపై ఆమె విరుచుకుపడ్డారు. మహబూబ్‌నగర్ జిల్లా జడ్చర్లలో జరిగిన ఎన్నికల ప్రచారంలో ఆమె పాల్గొన్న సందర్భంగా మీడియాతో మాట్లాడుతు..తెలంగాణలో కేసీఆర్ కుటుంబానికి చెందిన ఆ నలుగురే నాలుగు కోట్ల మందిని పాలిస్తున్నారని..కేసీఆర్‌ కుటుంబానిది నియంతృత్వ పాలన అని,టీఆర్ఎస్ ప్రభుత్వంలో మహిళలకు ప్రాధాన్యమే లేదని విమర్శించారు. టీఆర్ఎస్ పాలనకు..వారి ఆగడాలకు అడ్డుకట్ట వేసేది  కాంగ్రెస్‌ పార్టీయేనని అన్నారు. కాంగ్రెస్‌‌ పార్టీ అధికారంలోకి వస్తే మహిళలకు మంత్రి పదవులు దక్కుతాయని.. టీఆర్ఎస్‌లా తమది మాటల పార్టీ కాదని, చేతల పార్టీ అని అన్నారు. మిగులు బడ్జెట్‌తో ఉన్న రాష్ట్రాన్ని రెండు లక్షల కోట్ల అప్పుల్లోకి నెట్టిన ఘనత టీఆర్ఎస్ ప్రభుత్వానిదేనని ఆరోపించారు. 
బతుకమ్మ చీరల పేరుతో రూ.225 కోట్లు పక్కదారి పట్టించారని, నాసిరకం చీరలు పంచి అక్రమాలకు పాల్పడటమే కాక తామేదో ఘనకార్యం చేసినట్లుగా ఫీలవుతున్నారనీ.. ఖుష్బూ ఎద్దేవా చేశారు. టీఆర్ఎస్, కేసీఆర్ చేసిన హామీల్లో ఒక్కటి కూడా అమలు కాలేదని విమర్శించారు. రెండున్నరేళ్లుగా సచివాలయానికే వెళ్లని ముఖ్యమంత్రి ప్రజలకు ఏం సేవ చేస్తారని ఎద్దేవా చేస్తు ప్రశ్నించారు.

 

16:32 - November 16, 2018

హైదరాబాద్ : తెలంగాణలో ఎన్నికలు రోజురోజుకు  రసవత్తరంగా మారుతున్నాయి. ఆయా పార్టీలు..నేతలు, సీట్లు, కేటాయింపులు, జంపింగ్ జిలానీలు వంటి పలు అంశాలపై వేడి వేడిగా కొనసాగుతు ఎన్నికల స్టంట్ కొనసాగుతోంది. ఈ నేపథ్యంలో ఇప్పుడు తాజాగా మరో అంశం హాట్ టాపింగ్ గా మారింది. రాజకీయ వ్యూహాలలో కేసీఆర్ దిట్ట. అతనికంటే  ఇంకో పైమెట్టుగానే వుండే ఏపీ సీఎం చంద్రబాబు చాణక్య వ్యూహాలకు కేరాఫ్ అడ్రస్ గా వుంటారు. ఈ నేపథ్యంలో తెలంగాణ ఎన్నికల్లో చంద్రబాబు రాత్రికి రాత్రే ఓ నిర్ణయం తీసుకుని రాజకీయాలలో మరింత వేడిని రాజేశారు. అదే! దివంగత నేత, చంద్రబాబు బావమరిది, టీడీపీ మాజీ ఎంపీ అయిన హరికృష్ణ కుమార్తెకు కుకట్ పల్లి సీటును కేటాయించటం. ఇదిప్పుడు హాట్ టాపిక్ గా మారిపోయింది. ఆ సీటును ఆశించిన టీడీపీ నేతలకు కూడా మారు మాట్లాడలేని పరిస్థితి. బాబు వ్యూహం అటు సెంటిమెంట్ ను ఇటు రాజకీయ లబ్ది రెండు నెరవేర్చేలా వుండటం గమనించాల్సిన విషయం. 
Image result for kcr and chandrababuఈ నేపథ్యంలో రాష్ట్ర ఎన్నికల్లో ఏర్పడిన మహాకూటమిలో భాగస్వామిగా వున్న టీడీపీపై టీఆర్ఎస్ పార్టీ ఏకధాటిగా విమర్శిస్తూ వస్తోంది.. చంద్రబాబు తెలంగాణను అస్థిర పరిచేందుకు కుట్రలు చేస్తున్నాడంటూ చెప్పుకొస్తోంది.. తెరాస  విమర్శలకు బలం చేకూరేలా కూటమిలో బాబు పావులు కదుపుతున్నాడేందుకు కూకట్ పల్లి సీటే నిదర్శనం.. అమరావతిలో కూర్చుని చర్చల మీద చర్చలు జరిపి.. నయానో - భయానో అందరినీ ఒప్పించి మరీ కూకట్ పల్లి టిక్కెట్ హరికృష్ణ కూతురు సుహాసినికి దక్కేట్టు చేసుకున్నాడు..కానీ అసలు కథ ఇక్కడే ఉంది..

Image result for harikrishna death kcr talasaniహరికృష్ణ దుర్మరణం పాలైనప్పుడు తెరాస  ప్రభుత్వం చేసిన హంగామా అంతా ఇంతా కాదు.. హరికృష్ణ మృతి నుండి అంత్యక్రియలవరకూ అంతా తానే అయి కార్యక్రమాలను దగ్గరుండి మరీ జరిపించింది టీఆర్ఎస్ ప్రభుత్వం. అంతేకాదు ఇప్పుడు అపద్ధర్మ ముఖ్యమంత్రిగా వున్న కేసీఆర్ అప్పుడు ముఖ్యమంత్రి హోదాలో హరికృష్ణ కోసం ప్రత్యేకంగా ప్రభుత్వ స్థలాన్ని కేటాయించారు. స్మారక స్థూపానికి కూడా ప్రామిస్ చేశారు..టీడీపీ అంటేనే గిట్టని టీఆర్ఎస్ ఇదంతా ఎందుకు చేసినట్లు? టీఆర్ఎస్ మంత్రులే కాదు సాక్షాత్తు సీఎం కేసీఆరే స్వయంగా వెళ్లి చంద్రబాబును, ఎన్టీఆర్, కళ్యాణ రామ్ లను పరామర్శించారు. అప్పట్లో చర్చనీయాంశం కూడా అయ్యింది. జనం మరిచిపోయింటారులే అని అంత తేలిగ్గా తీసేయటానికి కూడా లేదు. ఈ క్రమంలో తెలంగాణ ఎన్నికల్లో సరిగ్గా ఇప్పుడే చంద్రబాబు చాణక్య వ్యూహాన్ని అమలు చేశారు. అదే హరికృష్ణ కుమార్తె సుహాసినికి కుకట్ పల్లి సీటు ఖరారు చేయటం!!.ఈ అంశం టీఆర్ఎస్ ను కూడా ఇరుకున పెట్టేలా వుండటం మరో విశేషంగా చెప్పుకోకతప్పదు. అదెలాగో చూద్దాం...

హరికృష్ణకు అంత చేసిన టీఆర్ఎస్ పౌ టీడీపీ నేతలకు కాస్తో కూస్తో అభిమానం ఏర్పడకపోదు. ఒక వేళ అది కనుక జరిగి వుంటే టీడీపీ  ఓట్లు చేజారతాయనే నేపథ్యం..హరికృష్ణ గౌరవం ఇచ్చినట్లుగాను వుంటుంది..మరోపక్క అతనికి సరై గుర్తింపు ఇచ్చినట్లుగాను వుంటుంది. అలాగే వారి కుటుంబాల పరంగా చూస్తే అందరినీ ఒకతాటిపైకి తెచ్చినట్లుగా వుంటుంది. అంతేకాదు..హరికృష్ణ కుటుంబంలో పురుషులు వున్నాగానీ..అటు కుటుంబంలోను..ఇటు సమాజంలోను మహిళ సెంటిమెంట్ ను గౌరవించినట్లుగా..ఇలా చెప్పుకుంటు పోతే చంద్రబాబు ఒక దెబ్బకు అంటే ఒకే ఒక్క ఆలోచనకు...సముచిత నిర్ణయానికి ఒకే దెబ్బకు ఎన్ని ప్రయోజనాలో లెక్క వేసుకోవాలంటే ఎన్నైనా వుంటాయి..

Image result for chandrababi suhasiniహఠాత్తుగా వెలుగులోకొచ్చిన సుహాసిని..ఎమ్మెల్యే అభ్యర్థి..
నిన్నటి దాకా ఆమె ఎవరో కూడా ఎవరికీ తెలీదు.. ఇంకా చెప్పాలంటే హరికృష్ణకు కూతురున్న సంగతి కూడా చాలా మందికి తెలీదు.. ఇప్పుడామె ఎమ్మెల్యే అభ్యర్థి.. అదీ టీడీపి తరుపున.. గెలుపు కోసం ఆమె ఈ ఎన్నికల్లో ఏమని ప్రచారం చేస్తుంది.. అధికార పార్టీని విమర్శిస్తూ ప్రచారం చేయగలదా..? చేసి ఓట్లు రాబట్టగలదా? ఒక వేళ అదే చేస్తుందనుకుంటే.. మరి తెరాస  వాళ్ళ రియాక్షన్ ఎలా ఉంటుంది? హరికృష్ణ అవటానికి చంద్రబాబుకు బామ్మర్ది అయినా.. తమ సొంత బామ్మర్ది అయినంతగా స్పందించిన తెరాసను నందమూరి సుహాసిని ఘాటుగా విమర్శించగలదా? కోరి స్నేహ హస్తం చాచిన గులాబీతో తెగదెంపులకు సిద్ధ పడగలదా? ఇప్పుడు సిటీ జనాలందరినీ ఇదే ప్రశ్న తొలుస్తోంది.. నామినేషన్ ఇంకా వేయలేదు కానీ.. వేశాక ఏంటి పరిస్థితి? అనేదే హాట్ టాపిక్ గా మారింది. మొత్తానికి పెద్ద చిక్కొచ్చి పడిందే అని అటు టిడిపి క్యాడరు - ఇటు గులాబీ క్యాడరు పైకి చెప్పలేక..మనస్సులో దాచుకోలేని లోలోపలే ఆందోళన పడుతున్నట్లుగా తెలుస్తోంది.

-మైలవరపు నాగమణి

 
 
 
 
19:53 - November 15, 2018

హైదరాబాద్: తాను పార్టీ మారుతున్నట్లు వచ్చిన వార్తలపై టీఆర్‌ఎస్ ఎంపీ కొండా విశ్వేశ్వరరెడ్డి స్పందించారు. టీఆర్‌ఎస్‌ వీడుతున్నట్లు వస్తున్న వార్తల్ని ఆయన తీవ్రంగా ఖండించారు. తాను టీఆర్ఎస్‌కు రాజీనామా చేయలేదని, తనకు పార్టీ మారే ఆలోచనే లేదని ఆయన స్ఫష్టం చేశారు. గురువారం(15వ తేదీ) ప్రగతి భవన్‌లో కేటీఆర్‌ను కలిసి వచ్చినట్లు చెప్పారు. తెలంగాణ పీసీసీ వర్కింగ్ ప్రెసిడెంట్ రేవంత్‌రెడ్డి కావాలనే తనపై దుష్ప్రచారం చేస్తున్నారని కొండా విశ్వేశ్వరరెడ్డి ఆరోపించారు.
కాగా టీఆర్ఎస్ నుంచి ఇద్దరు ఎంపీలు కాంగ్రెస్ పార్టీలో చేరతారంటూ రేవంత్‌రెడ్డి చేసిన వ్యాఖ్యలు రాజకీయవర్గాల్లో కలకలం రేపాయి. దీనికి తోడు చేవెళ్ల ఎంపీ కొండా విశ్వేశ్వరరెడ్డి టీఆర్ఎస్‌కు రాజీనామా చేశారని, ఆ లేఖను కేసీఆర్‌కు పంపారని మీడియాలో వార్తలు హల్‌హల్ చేశాయి. దీంతో ఎంపీ కొండా విశ్వేశ్వరరెడ్డి క్లారిటీ ఇచ్చారు.
మరోవైపు మహబూబాబాద్ ఎంపీ సీతారాం నాయక్ కూడా టీఆర్ఎస్‌కు గుడ్‌బై చెబుతారని ఊహాగానాలు వచ్చాయి. అయితే ఎంపీ సీతారాం నాయక్ అనూహ్యంగా గురువారం(15వ తేదీ) మధ్యాహ్నం మీడియా ముందుకు వచ్చారు. తాను పార్టీ మారడం లేదని స్పష్టం చేశారు. ఇద్దరు టీఆర్‌ఎస్ ఎంపీలు పార్టీ మారుతున్నారని రేవంత్ చెప్పడం.. పేపర్లలో రావడం.. ఓ మైండ్‌గేమ్‌లా ఉందని సీతారాం నాయక్ పేర్కొన్నారు. రేవంత్‌కు దమ్ము, ధైర్యం ఉంటే పార్టీ మారుతున్న ఆ ఇద్దరు ఎంపీలు ఎవరో వెల్లడించాలని సీతారాం నాయక్ సవాల్ చేశారు.

17:34 - November 15, 2018

సిరిసిల్ల: టీఆర్ఎస్ అభ్యర్థులు ఎన్నికల ప్రచారంలో దూసుకుపోతున్నారు. అదే సమయంలో ప్రత్యర్థులపై విమర్శలతో విరుచుకుపడుతున్నారు. మహాకూటమి టార్గెట్‌గా నిప్పులు చెరుగుతున్నారు. కాంగ్రెస్‌కు ఓటు వేస్తే ఢిల్లీకి, టీడీపీకి ఓటు వేస్తే అమరావతికి, టీజేఎస్‌కు ఓటు వేస్తే ఎటూ కాకుండా పోతుందని టీఆర్ఎస్ నేత హరీష్‌రావు అన్నారు. అదే టీఆర్ఎస్‌కు ఓటు వేస్తే అభివృద్ధి కొనసాగుతుందన్నారు. చందుర్తి మండలం మల్యాలలో ప్రజా ఆశ్వీరాద సభలో హరీష్ పాల్గొన్నారు. సిరిసిల్ల రైతులు వానకోసం ఎదురు చూడాల్సిన అవసరం లేదని, ఇచ్చిన మాట ప్రకారం చెరువులను నింపామని హరీష్ చెప్పారు. చినుకు పడకపోయినా రుద్రాంగిలో పంటలు పండుతాయన్నారు. 10ఏళ్ల కాంగ్రెస్ పాలనలో రైతులు కష్టాలు పడ్డారని హరీష్‌రావు వాపోయారు. టీఆర్ఎస్ ప్రభుత్వం వచ్చాక రైతులకు మద్దతు ధర, పెట్టుబడి సాయం ఇచ్చామన్నారు. 60 ఏళ్లుగా టీడీపీ, కాంగ్రెస్‌కు ఓట్లు వేస్తే ఏమీ లాభం లేకపోయిందన్నారు. కాంగ్రెస్ పదేళ్ల పాలనలో 5లక్షల ఎకరాలకు సాగునీరు అందిస్తే టీఆర్ఎస్ హయాంలో నాలుగేళ్లలోనే 25లక్షల ఎకరాలకు నీరిచ్చామన్నారు. పేదలకు కేసీఆర్ ఎన్నో సంక్షేమ పథకాలు ప్రవేశపెట్టారని చెప్పారు. రాష్ట్రంలో  మళ్లీ టీఆర్ఎస్‌దే విజయం అని హరీష్‌రావు ధీమా వ్యక్తం చేశారు. టీఆర్ఎస్ ప్రభుత్వం వచ్చాక ప్రభుత్వ ఆస్పత్రులు అభివృద్ది చెందాయని, రైతు సమస్యలు తీరాయని హరీష్ చెప్పారు.

16:12 - November 15, 2018

హైదరాబాద్ : ఎన్నికలు సమయం సమీపించేకొద్ది తెలంగాణ రాజకీయాలు వేడెక్కుతున్నాయి. ఒకరిపై ఒకరు సవాళ్లు విసురుకుంటున్నారు. విమర్శలతో బాణాలు విసురుకుంటున్నారు. ఈ నేపథ్యంలో టీఆర్ఎస్ ఎంపీలు ఇద్దరు కాంగ్రెస్ పార్టీలో చేరబోతున్నారు కేసీఆర్..దమ్ముంటే ఆపుకో మంటు కాంగ్రెస్ ఫైర్ బ్రాండ్ రేవంత్ రెడ్డి సవాల్ విసిరారు. దీనిపై టీఆర్ఎస్ ఎంపీ సీతారాం నాయక్ స్పదిస్తు..ఇద్దరు టీఆర్‌ఎస్ ఎంపీలు పార్టీ మారుతున్నారని రేవంత్ చెప్పడం.. పేపర్లలో రావడం.. ఓ మైండ్‌గేమ్‌లా ఉందని ఎంపీ పేర్కొన్నారు. రేవంత్‌కు దమ్ము, ధైర్యం ఉంటే పార్టీ మారుతున్న ఆ ఇద్దరు ఎంపీలేవరో చెప్పాలని సీతారాం నాయక్ డిమాండ్ చేశారు. 

తాను పార్టీ మారుతున్నట్లు వచ్చిన వార్తలు అవాస్తవమని  సీతారాం నాయక్ స్పష్టం చేశారు. రేవంత్ రెడ్డి దుర్మార్గపు పనులు చేస్తున్నారని.. అవి ఆయన ఎదుగుదలకు మంచికాదని సూచించారు. సీఎం కేసీఆర్ ఆశీస్సులతోనే తాను మహబూబాబాద్ ఎంపీగా గెలిచానని సీతారాం నాయక్ స్పష్టం చేశారు. ఈ నాలుగున్నరేళ్లలో తన నియోజకవర్గాన్ని ఎంతో అభివృద్ధి చేశానని తెలిపారు.
 

15:47 - November 15, 2018

కరీంనగర్ : అందరూ ఊహించినట్టే జరిగింది. చొప్పదండి టికెట్ ఆశించిన బొడిగె శోభ గులాబీ కండువా వదిలి కాషాయ కండువా కప్పుకున్నారు. టికెట్ రాకపోవడంతో ఆమె తీవ్ర మనస్థాపానికి గురై బీజేపీ పార్టీలో చేరారు. బీజేపీ అధిష్టానం కూడా ఆమెకు చొప్పదండి టికెట్ కేటాయిస్తున్నట్లు తెలుస్తోంది. నవంబర్ 15వ తేదీన గురువారం ఉదయం బీజేపీ రాష్ట్ర అధ్యక్షులు లక్ష్మణ్, పార్టీ ఎమ్యెల్యే అభ్యర్థి కిషన్ రెడ్డి సమక్షంలో బొడిగె శోభ బీజేపీలో చేరారు. ఈ సందర్బంగా ఆమె మీడియాతో మాట్లాడుతూ...తెలంగాణ ఉద్యమ సమయంలో ఉద్యమకారిణిగా..దళిత బిడ్డనైనా తనకు అవమానం ఎదురైందని, కార్యకర్తల ఒత్తిడి మేరకు బీజేపీలో చేరాలని నిర్ణయం తీసుకున్నట్లు వెల్లడించారు. కేసీఆర్ సడ్డకులు రవీంద్ర రావు, ఎంపీగా కొనసాగుతున్న సంతోష్ వల్ల తాను అవమానానికి గురయ్యాయన్నారు. బీజేపీ నాయకత్వంలో అభివృద్ధి చేసుకోవాలని లక్ష్యంతో తాను చేరినట్లు చెప్పారు బొడిగె శోభ.. 
పార్టీ టికెట్ కోసం బొడిగె శోభ తీవ్రంగా ప్రయత్నించారు. అందులో భాగంగా ముఖ్యమంత్రి కేసీఆర్ ను కలువాలని ప్రయత్నించినా అది వీలు కాలేదు. ఇటీవలే కేటీఆర్ ను కలిసినా టికెట్ పై స్పష్టమైన హామీనివ్వలేదు. కాంగ్రెస్ పెద్దలు పార్టీలో చేరాలని ఆహ్వానించినట్లుగా ప్రచారం జరిగింది. చివరకు కార్యకర్తలతో సమావేశమైన బొడిగె బీజేపీలో చేరాలని నిర్ణయం తీసుకున్నారు. ప్రస్తుతం చొప్పదండి బరిలో ఎవరు గెలుస్తారు ? అనేది చూడాలి. 

22:11 - November 14, 2018

హైదరాబాద్: రాష్ట్రంలో నామినేషన్ల పర్వం జోరందుకుంది. నవంబర్ 14వ తేదీ బుధవారం మంచి రోజు కావడంతో నామినేషన్లు వెల్లువెత్తాయి. వేంకటేశ్వర స్వామి తిరునక్షత్రం కావడంతో అన్ని పార్టీల నుంచి అభ్యర్థులు సెంటిమెంట్‌గా భావించి పెద్ద సంఖ్యలో నామినేషన్లు దాఖలు చేశారు. దీంతో బుధవారం ఒక్కరోజే 326 నామినేషన్లు దాఖలు కావడం విశేషం. పలు పార్టీలకు చెందిన కీలక నాయకులు సైతం నామినేషన్లు దాఖలు చేశారు. కొందరు హంగు ఆర్భాటంతో వెళ్లగా..మరికొందరు నిరాడంబరంగా నామినేషన్ల పత్రాలను అధికారులకు సమర్పించారు. నామినేషన్లు దాఖలు చేసిన కొందరు ప్రముఖుల్లో సీఎం కేసీఆర్, హరీష్‌రావు ఉన్నారు.Image result for kcr nomination
కాగా ఇప్పటివరకు ఒక్క నామినేషన్ కూడా దాఖలు కాని నియోజకవర్గాలు ఆరున్నాయి. చార్మినార్, పాలకుర్తి, చాంద్రాయణగుట్ట, ఖమ్మం, బహుదూర్‌పురా, నిజామాబాద్ రూరల్ నియోజకవర్గాల్లో ఒక్క నామినేషన్ కూడా దాఖలు కాకపోవడం విశేషం. 
కేసీఆర్ మరోమారు సెంటిమెంట్ ఫాలో అయ్యారు. సిద్ధిపేట జిల్లా గజ్వేల్ నుండి టీఆర్ఎస్ అభ్యర్థిగా బరిలోకి దిగుతున్న కేసీఆర్ నవంబర్ 14వ తేదీ బుధవారం ఉదయం కోనాయిపల్లికి చేరుకుని వెంకటేశ్వర స్వామికి ప్రత్యేక పూజలు నిర్వహించారు. అనంతరం నిర్ణయించిన ముహూర్తం (2.34నిమిషాలకు) గజ్వేల్ ఆర్డీవో కార్యాలయంలో నామినేషన్ దాఖలు చేశారు. కేసీఆర్ అల్లుడు హరీష్‌రావు కూడా నవంబర్ 14వ తేదీ బుధవారం నామినేషన్ పత్రాలు సమర్పించారు.Image result for harish rao nominationకోనాయిపల్లిలో వెంకటేశ్వర స్వామి ఆలయంలో ప్రత్యేక పూజలు చేసిన హరీష్ ఈద్గా..చర్చిలో కూడా ప్రత్యేక ప్రార్థనలు చేశారు. అనంతరం సిద్ధిపేట ఆర్డీవో కార్యాలయంలో నామినేషన్ దాఖలు చేశారు. చెన్నూరులో బాల్క సుమన్, దేవరకద్రలో టీఆర్ఎస్ అభ్యర్థిగా ఆల వెంకటేశ్వర్ రెడ్డి, మహబూబ్ నగర్ జిల్లా టీఆర్ఎస్ అభ్యర్థి శ్రీనివాస్ గౌడ్, మక్తల్‌లో టీఆర్ఎస్ అభ్యర్థి చిట్టెం రామ్మోహన్ రెడ్డి, అచ్చంపేటలో టీఆర్ఎస్ అభ్యర్థి గువ్వల బాలరాజు, గద్వాలలో టీఆర్ఎస్ అభ్యర్థి బండ్ల కృష్ణమోహన్ రెడ్డిలు నామినేషన్ దాఖలు చేశారు. పరిగిలో టీఆర్ఎస్ అభ్యర్థి కొప్పుల మహేష్‌రెడ్డి, తాండూరులో టీఆర్ఎస్ అభ్యర్థి పట్నం మహేందర్‌రెడ్డి, జడ్చర్లలో టీఆర్ఎస్ అభ్యర్థి మంత్రి లక్ష్మారెడ్డిలు నామినేషన్లు దాఖలు చేశారు. భూపాలపల్లి నుండి బరిలో నిలిచిన టీఆర్ఎస్ అభ్యర్థి, మాజీ స్పీకర్ సిరికొండ మధుసూధనాచారి ఆర్డీవో కార్యాలయానికి వెళ్లి రెండు సెట్ల నామినేషన్ పత్రాలు దాఖలు చేశారు.

20:51 - November 14, 2018

హైదరాబాద్: తెలంగాణ రాష్ట్ర సమితికి రాష్ట్ర ఎన్నికల ప్రధానాధికారి రజత్‌‌కుమార్‌ నోటీసులు జారీ చేశారు. గతంలో నిజామాబాద్ సభలో సీఎం కేసీఆర్ చేసిన వ్యాఖ్యలపై టీడీపీ నేతలు ఈసీకి ఫిర్యాదు చేశారు. వ్యక్తిగత దూషణలు చేశారని అందిన ఫిర్యాదు మేరకు ఈసీ నోటీసులు జారీ చేసింది. టీఆర్ఎస్ సెక్రటరీ జనరల్‌ కేశవరావుకి ఈ నోటీసులు ఇచ్చారు. 24 గంటల్లో ముఖ్యమంత్రి చేసిన వ్యాఖ్యలపై వివరణ ఇవ్వాలని ఎన్నికల అధికారులు ఆదేశించారు. ఎన్నికల ప్రచారంలో భాగంగా అక్టోబర్ 3వ తేదీన నిజామాబాద్ సభలో పాల్గొన్న కేసీఆర్ విపక్ష పార్టీలకు సంబంధించిన నేతలను ఉద్దేశించి మాట్లాడుతూ ''మీ బతుకు చెడ'' అంటూ ఘాటైన పదజాలం వాడారు. అసభ్యపదజాలం వాడితే కఠిన చర్యలు తీసుకుంటామని ఈసీ చెప్పిన నిబంధనల మేరకు మహాకూటమిలో భాగస్వామ్యం అయిన టీడీపీ నాయకులు ఈసీని ఆశ్రయించారు. తమను దూషిస్తూ కేసీఆర్ చేసిన వ్యాఖ్యలపై ఈసీకి వారు ఫిర్యాదు చేశారు. అయితే పార్టీ అధినేతగా ఉన్న కేసీఆర్‌కి కాకుండా పార్టీ సెక్రటరీ జనరల్‌కు నోటీసులు ఇవ్వడంపై విపక్ష పార్టీలు అభ్యంతరం వ్యక్తం చేస్తున్నాయి.

20:51 - November 14, 2018

హైదరాబాద్ : ఫైర్ బ్రాండ్ రేవంత్ రెడ్డి దూకుడు ఏమాత్రం తగ్గలేదు. సరికదా ఇనుమడించిన ఉత్సాహంతో టీఆర్ఎస్ అధినేత కేసీఆర్‌కు టీపీసీసీ వర్కింగ్‌ ప్రెసిడెంట్‌ రేవంత్‌ రెడ్డి సవాళ్లు విసిరారు. టీఆర్ఎస్‌కు చెందిన ఇద్దరు ఎంపీలు కాంగ్రెస్ పార్టీ కండువా కప్పుకునేందుకు సిద్ధంగా ఉన్నారని, కేసీఆర్‌కు చేతనైతే అసెంబ్లీ ఎన్నికల లోపు ఆ ఇద్దరు ఎంపీలను ఆపుకోమని రేవంత్ రెడ్డి సవాల్ విసిరారు. ఆయనకు దమ్ముంటే కొడంగల్ నుంచి పోటీ చేయాలన్నారు. నామినేషన్ వేసేందుకు ఇంకా సమయం ఉంది కాబట్టి త్వరగా నిర్ణయం తీసుకోవాలని కేసీఆర్‌కు సూచించారు. ఏనాడూ తాను కొండగల్ ప్రజల ఆత్మగౌరవానికి భంగం కలిగించలేదని.. ప్రజలు తనను గుండెల్లో పెట్టుకుని చూసుకుంటున్నారని..తాను గెలవడం ఖాయమని రేవంత్ ధీమా వ్యక్తం చేశారు.
తెలంగాణ, ఎన్నికలు, కాంగ్రెస్, రేవంత్ రెడ్డి, కేసీఆర్, సవాల్, టీఆర్ఎస్, ఎంపీలు, 

Pages

Don't Miss

Subscribe to RSS - టీఆర్ఎస్