జనసేన పార్టీ

19:16 - November 3, 2018

కత్తిపూడి: రాష్ట్రంలో అవినీతి పెరిగిపోయిందని,టీడీపీ నాయకులకు డబ్బే ప్రధానం అయిందని, వాళ్లను నిలదీసే పరిస్ధితి రావాలని జనసేన పార్టీ అధినేత పవన్ కళ్యాణ్ అన్నారు. రాష్ట్రంలో రైతులకు రుణమాఫీ చేయటానికి డబ్బులు ఉండవు కానీ, వైసీపీ ఎమ్మెల్యేలను కొనటానికి డబ్బులుంటాయి అని ప్రభుత్వాన్ని నిలదీశారు. పంచాయతీ ఎన్నికల్లో పోటీ చేయని వ్యక్తి లోకేష్ అడ్డదారిలో పంచాయతీ రాజ్ శాఖమంత్రి అయ్యారని పవన్ కళ్యాణ్ ఎద్దేవా చేశారు. రాష్ట్రంలో గ్రామ,గ్రామాన అవినీతి పెరిగిపోయిందని జనసేన పార్టీ అవినీతిపై పోరాడుతుందని ఆయన హామీ ఇచ్చారు. రాష్ట్రంలో ప్రజలకు అవినీతి రహిత పాలన అందించటమే జనసేన లక్ష్యం అని పవన్ కళ్యాణ్ హామీ ఇచ్చారు. రాష్ట్రంలోని గ్రామాల్లో కనీస వసతులు కరువయ్యాయని, సాగునీరు లేదు, ప్రభుత్వాసుపత్రిలు మూసివేస్తున్నారు అని చెప్పారు. ప్రభుత్వ నిర్లక్ష్య ధోరణి వల్లే విశాఖ జిల్లాలో ఇద్దరు ఎమ్మెల్యేలు ప్రాణాలు కోల్పోయారని, ప్రభుత్వం వెంటనే  జాగ్రత్త పడి వుంటే ఇద్దరు ఎమ్మెల్యేలను కాపాడుకోగలిగేవారని...... మీ ఎమ్మెల్యేలను కాపాడలేకపోయిన మీరు ఒక ముఖ్యమంత్రా అని  సీఎం ను ఉద్దేశించి ప్రశ్నించారు. సభ ప్రారంభలో అభిమానులు పవర్ స్టార్ సీఎం ,పవర్ స్టార్ సీఎం, అంటూ నినాదాలు చేయగా... మీ ఆకాంక్ష భగవంతుడి ఆశీస్సులతో  త్వరలో నెరవేరుతుంది అని పవన్ కళ్యాణ్ అన్నారు.   

10:18 - October 13, 2018

విజయవాడ:ఆంధ్రప్రదేశ్ లో అధికార తెలుగుదేశం పార్టీ నాయకుల అవినీతిని ప్రశ్నిస్తూ, ప్రభుత్వంలోని అవకతవకలు ఎత్తి చూపుతూ నిత్యం జనంతో మమేకమై రోడ్ షోలు నిర్వహిస్తున్న జనసేన పార్టీ అధినేత పవర్ స్టార్ పవన్ కళ్యాణ్  విజయవాడ పార్టీ కార్యాలయాన్నిశనివారం ప్రారంభించారు. మాజీ స్పీకర్ నాదెండ్ల మనోహర్ తో  కలిసి  బెంజిసర్కిల్ లో  ఏర్పాటు  చేసిన కార్యాలయాన్నిఈఉదయం ఆయన ప్రారంభించారు. ఈకార్యక్రమంలో పార్టీకి చెందిన పలువురు నాయకులు,కార్యకర్తలు పాల్గొన్నారు. వచ్చే ఎన్నికల్లో అధికార టీడీపీ, ప్రతిపక్ష వైఎస్సార్ కాంగ్రెస్ పార్టీలకు గట్టి పోటీ ఇవ్వనున్న జనసేన పార్టీలోకి ఇప్పటికే  ఇతర పార్టీల నుంచి నాయకుల వలసలు మొదలయ్యాయి. ఎన్నికల షెడ్యూల్ ప్రకటించే సరికి ఇంకెంత మంది జనసేన పార్టీలో చేరతారో వేచి చూడాలి.  

19:50 - October 10, 2018

పట్టిసీమ : తూర్పుగోదావరి జిల్లాలోని సర్ ఆర్థర్ కాటన్ విగ్రహం వద్ద జనసేన పార్టీ అధినేత పవన్ కళ్యాణ్ ఈ నెల 15న ధవళేశ్వరం బ్యారేజీ వద్ద చేపట్టనున్న కవాతుకు భారీ ఏర్పాట్లు చేస్తున్నారు. అధిక సంఖ్యలో కార్యకర్తలు, అభిమానులతో ర్యాలీతోపాటు భారీ బహిరంగ సభను నిర్వహించనున్నారు. 
ఈ సందర్భంగా పట్టిసీమలోని గెస్ట్‌ఇన్ అతిధి గృహంలో కవాతుకు సంబంధించిన మ్యాపును జనసేనాని పరిశీలించి సంతృప్తి వ్యక్తం చేశారు. బహిరంగ సభకు ముందు విజ్జేశ్వరం నుంచి భారీ ర్యాలీని వందలాది కార్యకర్తలతో ప్రారంభించి ధవళేశ్వరం దగ్గర ఉన్న కాటన్ విగ్రహం వద్ద ప్రజలనుద్దేశించి పవన్ ప్రసంగించనున్నారు. 
ఈ బహిరంగ సభకు సంబంధించిన ఏర్పాట్లను సైతం పవన్ కళ్యాణ్ పరిశీలించారు.

10:43 - September 22, 2018

హైదరాబాద్ : జ‌న‌సేన అదినేత ప‌వ‌న్ క‌ల్యాణ్ ప్రజాపోరాట యాత్రను తిరిగి ప్రారంభించ‌నున్నారు. ఇప్పటికే రెండు బ్రేక్ లు ఇచ్చిన ప‌వ‌న్ మూడో విడ‌త‌ తిరిగి ప్రారంభించేందుకు సిద్దమ‌య్యారు. ఈ నెల 25 నుండి మొదలు పెట్టేందుకు ఏర్పాట్లు చేస్తున్నారు. ఆదివారం నెల్లూరు రోట్టెల పండ‌గ‌లో పాల్గోననున్న ప‌వ‌న్ అక్కడ్నుండి నేరుగా ప‌శ్చిమ‌ గోదావ‌రి జిల్లా చేరుకుని యాత్రను ప్రారంభించ‌నున్నారు. 

ప్రజా సమస్యలపై నిరంతరం పోరాటం చేస్తానన్న జనసేన అధినేత పవన్‌ కళ్యాణ్‌ గత మేలో ప్రజా పోరాట యాత్రను ప్రారంభించారు. శ్రీకాకుళం జిల్లా ఇచ్చాపురంలో మొదలు పెట్టిన యాత్రను ఉత్తరాంద్ర మూడు జిల్లాలు పూర్తి చేశారు. అనుకున్న‌ట్లుగానే పవన్ పోరాట యాత్రకు ఉత్తరాంధ్ర నుండి మంచి స్పందన వచ్చింది.

మూడు జిల్లాల్లో దాదాపు 40 రోజుల పాటు యాత్ర నిర్వహించిన పవన్.. అన్ని నియోజకవర్గాలను టచ్ చేశారు. రోజుకి రెండు మూడు రోడ్ షోలతో కార్యకర్తల్లో ఉత్సాహం నింపారు. దీనితో పాటు అధికార ప్రతిపక్షాలపైనా ఘాటైన విమర్శలు గుప్పించారు. ముఖ్యంగా అధికార పార్టీ, ప్రభుత్వం టార్గెట్‌గా అయన యాత్ర సాగింది. ప్రభుత్వంలో తీవ్ర స్థాయిలో అవినీతి జరుగుతోందని విరుచుకుపడ్డారు. ప్రజల తరపున పోరాడటంలో ప్రతిపక్ష పార్టీ విఫలమైందని వైసీపీ పైనా ఆరోపణలు చేశారు. పోరాట యాత్రలో భాగంగా అనేక మందిని పార్టీలోకి అహ్వానించారు. 

అయితే రంజాన్ కారణంగా తొలుత జూన్ 15 నుండి పోరాట యాత్రకు బ్రేక్‌ ఇచ్చిన పవన్ నెల రోజులకు పైగా యాత్రను తిరిగి ప్రారంభించలేదు. తర్వాత యాత్రను ప్రారంభించి పశ్చిమ గోదావరి జిల్లాలో ప్రవేశించారు. ఇక్కడ 10 రోజులు పర్యటించిన ఆయన.. కంటి ఆపరేషన్ కారణంగా యాత్రకు మరోసారి బ్రేక్ ఇచ్చారు. ఆ తర్వాత నెల రోజులు దాటినా తిరిగి ప్రారంభించలేదు. తాజాగా ఈనెల 25న త‌న యాత్ర‌ను తిరిగి ప్రారంభిస్తున్నట్లు ప‌వ‌న్ ప్ర‌క‌టించారు. 23న నెల్లూరులో జ‌రుగుతున్న రోట్టెల పండుగ‌లో పాల్గొని.. అక్క‌డి నుండే నేరుగా ప‌శ్చిమ‌గోదావ‌రి జిల్లాకు చేరుకుంటారు. జిల్లాలో మిగిలిన ఏడు నియోజ‌క‌ర్గాల‌లో పర్యటిస్తారు. యాత్ర‌లో భాగంగా అయ‌న పోల‌వ‌రం ప్రాజెక్టును సంద‌ర్శిస్తారు. ప‌నులు జ‌రుగుతున్న తీరుని పరిశీలిస్తారు. దీనితో పాటు ముంపు మండ‌లాల‌లోనూ ప‌వ‌న్ పర్య‌టిస్తారు. ఇప్ప‌టి వ‌ర‌కూ ప్ర‌భుత్వం నుండి అందిన ప‌రిహారం, వారి సమ‌స్య‌ల‌పై నిర్వాసితుల‌తో స‌మావేశ‌మ‌వుతారు.

22:57 - September 12, 2018

హైదరాబాద్ : ఉత్తరాంధ్రలో పర్యటనతో సెగ పుట్టించిన జనసేన పార్టీ అధ్యక్షుడు పవన్‌ కళ్యాణ్‌ .. చల్లబడ్డారు. పశ్చిమలో భారీ బహిరంగ సభ నిర్వహించి కాక రేపిన జనసేనాని.. మళ్లీ కనుమరుగైపోయారు. సీరియస్‌గా పాలిటిక్స్ మొదలుపెట్టారని అనుకున్నంతలోనే.. తన తీరు మారలేదని నిరూపించుకుంటున్నారు. ఓ వైపు తెలుగు రాష్ట్రాల్లో రాజకీయం వేడెక్కుతున్న సమయంలో పవన్‌ తెరమరుగు అవడం సంచలనం కలిగిస్తోంది. 

మే 20న ఇచ్ఛాపురం నుంచి పోరాట యాత్ర మొదలుపెట్టిన పవన్ కళ్యాణ్‌.. రెండు విడతల్లో దాదాపు 40 రోజుల పాటు జనం మధ్యే గడిపారు. మధ్యలో రంజాన్‌ పేరుతో కొన్ని రోజులు, కంటి సమస్య పేరుతో మరికొన్ని రోజులు విరామం తీసుకున్నారు. పశ్చిమ గోదావరి జిల్లాలోనూ పర్యటించిన పవన్.. ఆ తర్వాత మాత్రం అనూహ్యంగా మౌనం దాల్చారు. పవన్ కళ్యాణ్‌పై చాలా ఆశలు పెట్టుకున్న ఆయన అభిమానులు, జనసేన కార్యకర్తలు  తీవ్ర నిరాశకు గురవుతున్నారు. 

21:42 - August 14, 2018

సార్వత్రిక ఎన్నికలు సమీపిస్తున్న వేళ జనసేన అధినేత పవన్‌కల్యాణ్‌ దూకుడు పెంచారు. పార్టీ మేనిఫెస్టో విజన్‌ డాక్యుమెంట్‌ని విడుదల చేశారు. భీమవరంలో పార్టీ సిద్ధాంతాలు, హామీలను ప్రకటించారు. జనసేన అధికారంలోకి వస్తే ఇచ్చిన హామీలన్నీ అమలు చేస్తామని అన్నారు. సోమవారం పార్టీ గుర్తును ప్రకటించిన పవన్‌, ఇవాళ జనసేన విజన్‌ మేనిఫెస్టోని విడుదల చేశారు. ఇదే అంశంపై నిర్వహించిన చర్చా కార్యక్రమంలో విశ్లేషకులు తెలకపల్లి రవి, వైసీపీ ప్రధాన కార్యదర్శి లక్ష్మీపార్వతి, టీడీపీ నేత పట్టాభిరామ్, జనసేన అధికార ప్రతినిధి అద్దెపల్లి శ్రీధర్ పాల్గొని, మాట్లాడారు. మరిన్ని వివరాలను వీడియోలో చూద్దాం.. 

16:16 - August 14, 2018

పశ్చిమ గోదావరి : జిల్లాలో జనసేన అధినేత పవన్‌ కల్యాణ్‌ ప్రజా పోరాట యాత్ర కొనసాగుతోంది. ఇవాళ భీమవరంలోని శ్రీ మావుళ్లమ్మ ఆలయాన్ని పవన్ సందర్శించారు. పార్టీ విజన్‌ మేనిఫెస్టోని అమ్మవారి వద్ద ఉంచి పూజలు నిర్వహించారు. అనంతరం జనసేన పార్టీ విజన్‌ మేనిఫెస్టోను పవన్ విడుదల చేశారు. విజన్‌ డాక్యుమెంట్‌లో 12 అంశాలను పొందుపరిచారు. మహిళా ఖాతాల్లో నెలకు 2,500 నుంచి 3,500 వరకు జమ... చట్టసభల్లో మహిళలకు 33 శాతం రిజర్వేషన్లు, బీసీలకు రిజర్వేషన్లు మరో ఐదు శాతం పెంచే ఆలోచన, కాపులకు 9వ షెడ్యూల్‌ కింద రిజర్వేషన్లు, ప్రభుత్వ ఉద్యోగులకు సీపీఎస్‌ విధానం రద్దు చేయడం లాంటి అంశాలను చేర్చారు. మరిన్ని వివరాలను వీడియోలో చూద్దాం... 
పశ్చిమగోదావరి జిల్లాలో పవన్‌ ప్రజా పోరాటయాత్ర

 

18:50 - February 5, 2018

హైదరాబాద్ : మత్స్యకారులకు అండగా ఉంటానని జనసేన అధినేత పవన్ కళ్యాణ్ అన్నారు. పవన్ తో మత్స్యకార సంఘాలు భేటీ అయ్యారు. మత్స్యకారులు పవన్ కు తమ సమస్యలు చెప్పుకున్నారు. ఈ సందర్భంగా పవన్ కళ్యాణ్ మాట్లాడుతూ మత్స్యకారుల సమస్యలు తనకు తెలుసు అన్నారు. మత్స్యకారులు ఇబ్బందులు పడుతున్నారని చెప్పారు. మత్స్యకారులు ఎస్టీ జాబితాలో ఉండాల్సిన వారేనని అన్నారు. శాంతియుతంగా చేస్తున్న మత్స్యకారుల దీక్షలను అడ్డుకోవడం ప్రజాస్వామ్యంలో మంచిది కాదని హితవు పలికారు. ఈనెల 21న శ్రీకాకుళంలో పర్యటిస్తానని చెప్పారు. శ్రీకాకుళం చాలా చైతన్యం ఉన్న జిల్లా అన్నారు. మ్యానిఫెస్టోలో చెప్పినదానికి నేతలు కట్టుబడి ఉండాలన్నారు. మ్యానిఫెస్టో ఓటు బ్యాంకులా ఉండకూడదని తెలిపారు. 

 

10:39 - January 28, 2018

అనంతపురం : ప్రజాభీష్టం మేరకే ముందుకెళ్తామని జనసేన అధినేత పవన్ కళ్యాణ్ అన్నారు. ప్రజాభిప్రాయం మేరకు ఎవరికి మద్దతు ఇవ్వాలి.. ఎవరితో వెళ్లాలని నిర్ణయం తీసుకుంటామని తెలిపారు. జిల్లా పర్యటనలో భాగంగా మంత్రి పరిటాల సునీతతో పవన్ భేటీ అయ్యారు. అనంతరం ఆయన మీడియాతో మాట్లాడారు. అనంతపురంలోని సమస్యలను అర్థం చేసుకునేందుకే పరిటా సునీతను కలిశానని తెలిపారు. అందరూ కలిసి వస్తేనే జిల్లాలోని సమస్యలను ఎదుర్కోగలమని చెప్పారు. అందరు కలిసివస్తేనే అనంతపురం జిల్లాలోని కరువును నిర్మూలించవచ్చన్నారు. అనంతపురం జిల్లాపై ప్రత్యేక దృష్టి పెడతానని చెప్పారు. జిల్లాలో రెండు, మూడు పర్యటనలు చేస్తానని చెప్పారు. ఏపీలోని సమస్యలపై ప్రధానికి నివేదిక ఇస్తానని పేర్కొన్నారు. మేనిఫెస్టోలో పేర్కొన్న అంశాల అమలు సాధ్యం కానప్పుడు ప్రజలను మభ్యపెట్టకుండా నిజాయితీగా చెప్పాలన్నారు. పొత్తులపై ఎన్నికల సమయంలో మాట్లాడుతానని తెలిపారు. 

 

09:52 - January 28, 2018

అనంతపురం : జిల్లాలో నేడు జనసేన అధినేత పవన్ కళ్యాణ్ రెండోరోజు పర్యటిస్తున్నారు. ఈ సందర్భంగా జనసేన కార్యకర్తలు మాట్లాడుతూ తాము జనసేన పార్టీతో ఉంటామని చెప్పారు. యువతకు జనసేన మొదటి ప్రాధాన్యత ఇస్తుందన్నారు. పవన్ జిల్లా సమస్యలు పరిష్కరిస్తారని తెలిపారు. మరిన్ని వివరాలను వీడియోలో చూద్దాం.. 

Pages

Don't Miss

Subscribe to RSS - జనసేన పార్టీ