కేంద్రం

20:24 - November 14, 2018

ఢిల్లీ: కేంద్రంలో ఈసారి అధికారంలోకి ఎవరు వస్తారు? దేశ ప్రధాని ఎవరు అవుతారు? ఇలాంటి చర్చలు తీవ్రంగా జరుగుతున్న తరుణంలో ఇన్ఫోసిస్‌ సహ వ్యవస్థాపకులు నారాయణమూర్తి ఆసక్తికర వ్యాఖ్యలు చేశారు. ప్రధాని నరేంద్ర మోడీ రెండో సారి అధికారంలోకి రావడం దేశానికి మంచిదని నారాయణమూర్తి అభిప్రాయపడ్డారు. నిత్యం దేశాభివృద్ధి గురించి ఆలోచించే మోడీ వంటి జాతీయ నాయకుడు ఉండటం దేశానికే మంచిదన్నారు. ప్రధాని మోడీపై ప్రశంసల వర్షం కురిపించిన ఆయన కేంద్ర స్థాయిలో అవినీతిని నిర్మూలనకు ప్రధాని మోడీ మంత్రివర్గం విశేషమైన కృషి చేసిందని కితాబిచ్చారు. ఓ ఆంగ్ల పత్రికకు ఇచ్చిన ఇంటర్వ్యూలో ఆయనీ వ్యాఖ్యలు చేశారు. 
దేశ ఆర్థికాభివృద్ధి కోసం ప్రధాని మోడీ ప్రయత్నిస్తుంటారని, మోడీ వచ్చాక అవినీతికి సంబంధించిన ఫిర్యాదులు చాలా తక్కువగా వింటున్నానని నారాయణమూర్తి తెలిపారు. మోడీ ప్రభుత్వం తీసుకొచ్చిన వస్తు, సేవల పన్ను(జీఎస్టీ) వంటి సంస్కరణలు ఆర్థికాభివృద్ధిని బలోపేతం చేసేందుకేనని ఆయన అభిప్రాయం వ్యక్తం చేశారు. వాటి అమలు తీరు సక్రమంగా లేకపోతే అందుకు ప్రధాని ఎంతమాత్రం బాధ్యులు కారని, అధికారులకే ఆ బాధ్యత ఉంటుందని వివరించారు. మోడీ అధికారంలోకి వచ్చిన దగ్గర నుంచి క్రమశిక్షణ, పరిశుభ్రత, ఆర్థిక వృద్ధి మీద దృష్టి సారించారని ప్రశంసించారు. ఇటువంటి ప్రభుత్వం మరోసారి అధికారంలోకి రావడం మంచి విషయమన్నారు. సార్వత్రిక ఎన్నికలు సమీపిస్తున్న తరుణంలో మోడీని ప్రశంసిస్తూ నారాయణమూర్తి చేసిన వ్యాఖ్యలు రాజకీయవర్గాల్లో ఆసక్తికరంగా మారాయి.

15:51 - October 31, 2018

ఢిల్లీ : కేంద్రం..ఆర్బీఐ మధ్య పచ్చగడ్డి వేస్తే భగ్గుమంటున్నాయి. విబేధాలు పొడచూపడం దేశవ్యాప్తంగా చర్చనీయాంశమయ్యాయి. రిజర్వ్ బ్యాంక్ ఆఫ్ ఇండియా డిప్యూటీ గవర్నర్ విరాల్ ఆచార్య వ్యాఖ్యలు... వాటికి కేంద్ర ఆర్థిక మంత్రి అరుణ్ జైట్లీ కౌంటర్లతో ఆర్‌బీఐకి, కేంద్ర ప్రభుత్వానికి మధ్య విభేదాలు ముదిరాయి. తాజాగా రిజర్వ్ బ్యాంక్ ఆఫ్ ఇండియా గవర్నర్ ఉర్జిత్ పటేల్ తన పదవికి రాజీనామా చేయనున్నారా? పుకార్లు షికారు చేస్తున్నాయి. పటేల్ రాజీనామా చేసే అవకాశాలు ఉన్నాయని జాతీయ మీడియాలో ప్రచారం జరుగుతోంది. 
ప్రభుత్వరంగ బ్యాంకుల్లో మొండి బకాయిలున్న సంగతి తెలిసిందే. ఇలాంటి బ్యాంకులపై ఆర్‌బీఐ కఠిన ఆంక్షలు విధించింది. ఆ ఆంక్షల్ని సడలించాలంటూ కేంద్ర ప్రభుత్వం ఒత్తిడి తీసుకొస్తోందన్న ప్రచారం జరుగుతోంది. స్వయం ప్రతిపత్తిని కాపాడకపోతే ముప్పు తప్పదంటూ ఆర్‌బీఐ గవర్నర్ ఆచార్య ఇటీవలే కామెంట్ చేశారు.  దీనికి ప్రతిగా ఆర్థిక మంత్ర జైట్లీ కౌంటర్ ఇచ్చారు. 2008 నుంచి 2014 మధ్య అన్ని బ్యాంకులు విచ్చలవిడిగా లోన్లు ఇస్తుంటే ఆర్‌బీఐ కట్టడి చేయలేదంటూ జైట్లీ మండిపడ్డారు. 
ఆర్బీఐ చట్టంలోని సెక్షన్ 7 ప్రకారం ఉర్జిత్ పటేల్‌కు కేంద్రం లేఖలు పంపినట్లు సమాచారం. రిజర్వ్ బ్యాంకుతో సంప్రదింపులు జరుపుతూ ఆర్బీఐ గవర్నర్‌కు సూచనలు చేసే అధికారం కేంద్రానికి ఉందని సెక్షన్ 7 స్పష్టం చేస్తోందని లేఖలో పేర్కొనట్లు తెలుస్తోంది. కేంద్రం సెక్షన్ 7ను ఉపయోగించడంతో ఆర్బీఐ సతంత్ర ప్రతిపత్తిపై అనుమానాలు తలెత్తున్నాయి. గతంలో ఎన్నడూ లేనివిధంగా ఇలాంటి సెక్షన్ బయటకు తీయడంతో ఆర్బీఐ గవర్నర్ రాజీనామా చేస్తారనే సంకేతాలు వెలువడుతున్నాయి. కానీ మంగళవారం నిర్వహించిన ఓ సమావేశంలో పటేల్ కూడా పాల్గొన్నారని, పదవికి రాజీనామా చేసే సూచనలు కనిపించడం లేదని మరో వాదన వినిపిస్తోంది. 

22:04 - October 30, 2018

 కడప: ప్రొద్దుటూరులో ధర్మపోరాట సభలో కేంద్ర ప్రభుత్వంపై సీఎం చంద్రబాబు నాయుడు ఆగ్రహం వ్యక్తం చేశారు. కడపలో స్టీల్ ప్లాంట్ ఏర్పాటు చేసేందుకు మీరు ముందుకొస్తారా? లేదా? న్యాయానికి కట్టుబడి ఉన్నారా? లేదా? బాధ్యత తీసుకుంటారా? లేదా? అని కేంద్రాన్ని ప్రశ్నించారు. రాయలసీమలో కడప స్టీల్ ప్లాంట్‌ను ఏర్పాటు చేస్తామని, తొందరలోనే శంకుస్థాపన చేస్తామని చంద్రబాబు కీలక ప్రకటన చేశారు. కడపలో ఉక్కు పరిశ్రమ ఏర్పాటు చేస్తే రాష్ట్రం తరపున అన్ని రకాల రాయితీలు ఇస్తామని సీఎం అన్నారు. కేంద్రం ముందుకు రాకపోతే ఆ బాధ్యతను తమకు అప్పజెప్పాలని, త్వరలో కేబినెట్ సమావేశం జరగనుందని, రాయలసీమ ఉక్కు కర్మాగారం ఏర్పాటుకు క్లియరెన్స్ ఇస్తున్నానని మరొక్కసారి ప్రజలకు హామీ ఇస్తున్నానని చంద్రబాబు పేర్కొన్నారు.

కడపలో జిల్లాలో ఉక్కు ఫ్యాక్టరీ రావాలని, ఇది ప్రజల హక్కు అని చంద్రబాబు స్పష్టం చేశారు. కడప జిల్లాకు ఉక్కు ఫ్యాక్టరీ ఇవ్వకపోతే ఏ విధంగా తెప్పించుకోవాలో ఆ విధంగా తెప్పించుకుంటామన్నారు. తాము కూడా ఈ దేశంలో పౌరులమేనని, చిన్నచూపు చూడటం తగదని కేంద్రానికి హితవు పలికారాయన. ఇంకో నెలలోపులోనే ఉక్కు ఫ్యాక్టరీకి శంకుస్థాపన చేస్తామన్నారు.

13:29 - October 29, 2018

ఢిల్లీ : ఉమ్మడి హైకోర్టు విభజనపై సోమవారం సుప్రీంకోర్టులో విచారణ జరిగింది. జస్టిస్‌ ఏకే సిక్రీ, జస్టిస్‌ అశోక్‌ భూషణ్‌తో కూడిన ధర్మాసనం ఈ విచారణ చేపట్టింది. డిసెంబరు 15 కల్లా అమరావతిలో తాత్కాలిక హైకోర్టు భవన నిర్మాణం పూర్తవుతుందని ఏపీ ప్రభుత్వం గతవారం అఫిడవిట్‌ దాఖలు చేసిన సంగతి తెలిసిందే. ఆంధ్రప్రదేశ్‌ ప్రభుత్వం కారణంగానే విభజన ఆలస్యమవుతోందని కేంద్ర సర్కారు అత్యున్నత న్యాయస్థానానికి అంతకుముందు తెలియజేయడంతో.. రాష్ట్ర అధికారులు అన్ని వివరాలను సమగ్రంగా అఫిడవిట్‌లో ప్రస్తావించారు. 
డిసెంబర్‌లో నిర్మాణాలు పూర్తయ్యాక హైకోర్టు విభజనపై నోటిఫికేషన్ విడుదల చేయాలని కేంద్రానికి సుప్రీం ఆదేశించింది. భవనాల నిర్మణాలకు సంబంధించి ఫొటోలను అందించాలని కేంద్రం తరపు న్యాయవాది వేణుగోపాల్ తెలిపారు. న్యాయాధికారురల విభజనపై ఇప్పటికే నోటిఫికేషన్ విడుదలైందని ఏపీ తరపు న్యాయవాది నారీమన్ కోర్టుకు తెలిపారు. 

15:56 - October 14, 2018

హైదరాబాద్: ఏపీలో టీడీపీ నేతల ఇళ్లు, సంస్థలపై ఐటీ దాడులు జరగడం రాజకీయవర్గాల్లో సంచలనంగా మారింది. ఆ మధ్యన నెల్లూరులో టీడీపీకి చెందిన బీదా సోదరుల సంస్థలపై దాడులు చేసిన అధికారులు కొంత గ్యాప్ తీసుకుని మళ్లీ రంగంలోకి దిగారు. ఈసారి సీఎం చంద్రబాబు నాయుడికి సన్నిహితుడైన రాజ్యసభ సభ్యుడు సీఎం రమేష్ ఇళ్లు, సంస్థలపై ఐటీ అధికారులు దాడులు చేశారు. అటు కడప జిల్లాలోని సొంతూరుతో పాటు ఇటు హైదరాబాద్‌లోని సీఎం రమేష్‌కు చెందిన ఇళ్లు, సంస్థలలో అధికారులు సోదాలు నిర్వహించారు. సీఎం రమేష్‌కు చెందిన రిత్విక్ ప్రాజెక్ట్స్ సంస్థలో అధికారులు చాలాసేపు సోదాలు జరిపి పలు ఫైల్స్ స్వాధీనం చేసుకున్నారు.

ఈ ఐటీ దాడులపై సీఎం రమేష్ హైదరాబాద్‌లోని ఎన్టీఆర్ ట్రస్ట్ భవన్‌లో మీడియాతో మాట్లాడారు. కేంద్ర ప్రభుత్వంపై ఆయన విరుచుకుపడ్డారు. 'అధికార పార్టీతో పెట్టుకుంటే ఇలాంటి దాడులే జరుగుతాయని మీకు తెలియదా?' అని తనిఖీలకు వచ్చిన ఓ అధికారి తమ ఆఫీసు సిబ్బందిని హెచ్చరించినట్టు సీఎం రమేష్ మీడియాతో చెప్పారు. తన వద్ద, తన భార్య వద్ద మాట్లాడే ధైర్యం లేకనే ఆ అధికారి ఇలాంటి వ్యాఖ్యలు చేశారని మండిపడ్డారు. ఈ సమాచారం తెలుసుకున్న తాను ఉన్నతాధికారికి ఫోన్ చేసి సదరు అధికారి చేసిన వ్యాఖ్యల గురించి చెప్పానని అన్నారు. ఈ వ్యాఖ్యలు చేసిన అధికారి పేరు ‘మదన్’ అని తెలిపారు.

‘మీ బాస్‌లకు చెప్పండి.. అధికార పార్టీకి అనుకూలంగా వెళ్లమనండి. వ్యతిరేకంగా చేస్తే ఇలానే జరుగుతుంది. మీకు ఆ మాత్రం అర్థం కాదా? హైదరాబాద్‌లో ఎంతమంది ఎన్ని లక్షల కోట్ల పనులు చేస్తున్నారో మీకు తెలియదా? వాళ్లకు ఏమన్నా జరుగుతున్నాయా? మీకే ఎందుకు జరుగుతున్నాయి? ప్రభుత్వానికి వ్యతిరేకంగా ఉంటే ఇలాంటి దాడులు తప్పవు' అని అధికారి మదన్ తమ సిబ్బందికి వార్నింగ్ ఇచ్చారని సీఎం రమేష్ తెలిపారు.

కాగా, ఐటీ దాడులకు భయపడి కేంద్రాన్ని ప్రశ్నించకుండా ఉండే ప్రసక్తే లేదని సీఎం రమేష్ తేల్చి చెప్పారు. ఈ తాటాకు చప్పుళ్లకు తాను భయపడనని అన్నారు. పార్లమెంటులో ప్రశ్నించినందుకే తన నివాసాలపై ఐటీ దాడులు జరిగాయని, కేంద్రానికి వ్యతిరేకంగా మాట్లాడితే దాడులు చేస్తారా? అని ఆయన ప్రశ్నించారు.  అధికారం ఉందని చెప్పి ఒత్తిడి చేసి తమను లొంగదీసుకోవాలని చూస్తారా? అని కేంద్రంపై రమేష్ విరుచుకుపడ్డారు. ఎటువంటి పరిస్థితుల్లోనూ కేంద్రానికి లొంగే ప్రసక్తే లేదని స్పష్టం చేశారు. మళ్లీ ఢిల్లీ వెళ్లి ప్రతిపక్ష పార్టీలన్నింటిని కలుపుకుని ఈ ఐటీ దాడుల వ్యవహారంపై జాతీయస్థాయిలో పోరాటం చేస్తానని సీఎం రమేష్ వ్యాఖ్యానించారు.

12:59 - September 27, 2018

ఢిల్లీ : రానున్నది పండుగల కాలం...మంచి డిస్కౌంట్లు...వస్తాయి..ఫ్రిజ్..కండీషనర్లు..ఇతరత్రా కొనాలని అనుకుంటున్నారా ? కానీ కొన్ని వస్తువుల ధరలు పెరగనున్నాయి. అత్యావశ్యకం కాని దాదాపు 19 వస్తువులపై కేంద్రం Govt Raises న్ని పెంచింది. కరెంటు ఖాతా లోటును (సీఏడీ) కట్టడి చేసేందుకు గాను ఈ కీలక నిర్ణయం తీసుకుంది. పెంచిన సుంకాలు గురువారం నుంచి అమలులోకి వస్తాయని ప్రభుత్వం వెల్లడించింది. పండుగల సీజన్‌ నేపథ్యంలో సర్కారు నిర్ణయం సామాన్యుడిని కొంత కలవర పెట్టింది. 

దేశీయంగా దిగుమతులు పెరిగిపోతుండడం...ఎగుమతుల్లో తరుగుదలతో కరెంటు ఖాతా లోటు పెరుగుతోంది. అంతేగాకుండా రూపాయి మారకపు విలువ తగ్గుతుండటంతో ప్రభుత్వంపై తీవ్ర విమర్శలు పెల్లబికాయి. దిగుమతులను తగ్గించేందుకు గాను సర్కారు ఈ దిశగా నిర్ణయం తీసుకుంది. సుంకాలు పెరగడంతో ఎయిర్‌ కండీషనర్లు, రిఫ్రిజిరేటర్లు, పాదరక్షలతో పాటు పలు వస్తువులు 5-20 శాతం మేర ప్రియం కానున్నాయి.
స్పీకర్లు, పాదరక్షలు, రేడియల్‌ కార్‌ టైర్లు, ఎయిర్‌ కండీషనర్లు, వాషింగ్‌ మెషిన్లు (10 కిలోల లోపు), ఏసీ మరియు రిఫ్రిజిరేటర్ల కంప్రెసర్లు, జ్యువెల్లరీ తయారీకి ఉపయోగించే వాణిజ్య సంబంధిత ఇతర మెటల్స్‌, పారిశ్రామికేతర వజ్రాలు, స్నానపు గదుల్లో ఫిక్చ్సర్లు, షవర్లు, సింకులు, 

ముక్కలు చేసి సానపట్టిన రంగు రాళ్లు, అభరణాలు, కంసాలీలు ఉపయోగించే పరికరాలు, ఫర్నీచర్‌కు సంబంధించిన ఫిట్టింగ్‌లు, గాజులు, అలంకరణ షీట్లు, వాష్‌ బేసిన్‌లు, ప్లాస్టిక్‌తో తయారు చేసిన ఆర్టికల్స్‌, ప్యాకింగ్‌ బాక్స్‌లు, కేసులు, కంటైనర్లు, సీసాలు, ఇన్సూలేటెడ్‌ వేర్‌లు, టేబుల్‌ వేర్‌, వంటగదిలో వాడే ఉపకరణాలు, ఆఫిస్‌ స్టేషనరీ, పరుపులు, ట్రంకు పెట్టెలు, సూట్‌ కేసులు, ఎగ్జిక్యూటివ్‌ కేసులు, బ్రిఫ్‌ కేసులు, బ్యాగులు, ట్రావెల్‌ బ్యాగ్‌లు, విమాన ఇంధనాలపై కస్టమ్స్‌ సుంకం పెరగనుంది.

18:34 - September 19, 2018

ఢిల్లీ : ట్రిపుల్ తలాక్ పై మరోసారి చర్చలు వేడిని రాజేస్తున్నాయి. ట్రిపుల్ తలాక్ వల్ల ముస్లిం మహిళలకు తీవ్రంగా అన్యాయం జరుగుతోందంటు గత కొంతకాలంగా దేశవ్యాప్తంగా చర్చలు తీవ్రస్థాయిలో జరుగుతున్నాయి. దీనిపై కేంద్రం ప్రభుత్వానికి దేశ అత్యున్నత న్యాయస్థానం కూడా పదే పదే ప్రశ్నించింది. ఈ నేపథ్యంలో 'ట్రిపుల్ తలాక్' నేరంగా పరిగణిస్తూ కేంద్ర కేబినెట్ తీసుకొచ్చిన ఆర్డినెన్స్‌పై కాంగ్రెస్ విమర్శలు గుప్పించింది. ట్రిపుల్ తలాక్ అంశాన్ని బీజేపీ ఎప్పుడూ ఓ రాజకీయ క్రీడగానే చూస్తోందని, ఓట్ల కోసం, లేనిపోని క్రెడిట్ ఆపాదించుకునే ప్రయత్నమే ఇదని పేర్కొంది. కేంద్ర కేబినెట్ తీసుకున్న ఆర్డినెన్స్ ప్రకారం...తక్షణ ట్రిపుల్ తలాక్ చట్టవ్యతిరేకం అవుతుంది. భర్తకు మూడేళ్ల వరకూ జైలుశిక్ష పడుతుంది.
 కేంద్ర కేబినెట్ ఆర్డినెన్స్ నిర్ణయంపై కాంగ్రెస్ ప్రతినిధి రణ్‌దీప్ సింగ్ సుర్జేవాలా మాట్లాడుతు..ఓట్లకు గాలం వేసేందుకే కేంద్రం ట్రిపుల్ తలాక్ అంశాన్ని ఉపయోగించుకుంటోందని విమర్శించారు. 'పొలిటికల్ ఫుట్‌బాల్‌గా ట్రిపుల్ తలాక్ అంశాన్ని వాడుకోవడం ప్రధాని మోదీకి, బీజేపీకి ఒక అలవాటుగా మారిపోయిందన్నారు. ముస్లిం మహిళల సంక్షేమం కంటే ఓట్ల రాబట్టుకునే అంశంగానే ట్రిపుల్ తలాక్ ను చూస్తున్నారన్నారు. ప్రతిపాదిత ఆర్డినెన్స్‌ను రిలీజ్ చేయకుండా, పరిష్కారాలు చెప్పకుండా, ముస్లిం మహిళల లెవెనెత్తిన ఆందోళనకు సమాధానం ఇవ్వకుండా మోదీ ప్రభుత్వం, న్యాయమంత్రి 'బ్లేమ్ గేమ్' ఆడారని దెప్పిపొడిచారు. అబద్ధాలు, ఆరోపణలు చేయడం, తప్పుదారి పట్టించడం న్యాయశాఖ మంత్రి రవిశంకర్ ప్రసాద్‌కు అలవాటుగా మారినట్టుందన్నారు. ప్రతి అంశాన్ని కాంగ్రెస్‌తో ముడిపెట్టి సత్యదూరమైన ఆరోపణలకు దిగుతున్నారంటూ మండిపడ్డారు. మహిళా భద్రత అంశాన్ని పక్కనపెట్టి హడావిడిగా ట్రిపుల్ తలాక్ ఆర్డినెన్స్ తీసుకురావడం అసలు సమస్యను పక్కదారి పట్టించడమే అవుతుందని సూర్జేవాలా అన్నారు.

20:05 - September 5, 2018

అమరావతి : యువత ఆత్మహత్యలకు పాల్పడవద్దని, పోరాడి ప్రత్యేక హోదాను సాధించుకుందామని సీఎం చంద్రబాబు సూచించారు. తెలంగాణకు చెందిన బిల్లులను నాలుగు రోజుల్లో క్లియర్ చేసిన కేంద్ర ప్రభుత్వం, ఆంధ్రప్రదేశ్ విషయానికి వచ్చేసరికి కక్షకట్టినట్టు వ్యవహరిస్తోందని సీఎం చంద్రబాబు మండిపడ్డారు. ఈ నేపథ్యంలో అసెంబ్లీకి రాని వైసీపీ ఎమ్మెల్యేలపై ముఖ్యమంత్రి చంద్రబాబు మండిపడ్డారు. అసెంబ్లీ సమావేశాలకు రానప్పుడు జీతాలు ఎందుకు తీసుకుంటున్నారని ప్రశ్నించారు. అమరావతిలో ఈరోజు జరిగిన టీడీపీ విస్తృత స్థాయి సమావేశంలో ఆయన ఈ మేరకు వ్యాఖ్యానించారు. అమరావతి నిర్మాణానికి నిధులు ఇవ్వని బీజేపీకి అమరావతి బాండ్లపై మాట్లాడే అర్హత లేదని చెప్పారు. రాజధానికి ఓ రూపు వచ్చిందని తెలిపారు. 

07:32 - September 1, 2018

ఉమ్మడి హైకోర్టు విభజనపై ఏపీ ప్రభుత్వానికి, హైకోర్టుకు దేశ అత్యున్నత న్యాయస్థానం అయిన సుప్రీంకోర్టు నోటీసులు జారీ చేసింది. లిఖిత పూర్వకంగా సమాధానం ఇవ్వాలని ఆదేశాలు జారీ చేసింది. తెలుగు రాష్ట్రాలకు వేర్వేరుగా హైకోర్టుల ఏర్పాటుపై కేంద్రం దాఖలు చేసిన స్పెషల్‌ లీవ్‌ పిటిషన్‌పై సుప్రీంకోర్టు న్యాయమూర్తులు జస్టిస్‌ ఎకె సిక్రీ, జస్టిస్‌ అశోక్‌ భూషణ్‌లతో కూడిన ద్విసభ్య ధర్మాసనం విచారణ చేపట్టింది. ఇరురాష్ట్రాలకు ఉమ్మడి రాజధానిగా వున్న హైదరాబాద్‌లో వేరే భవనంలో వేర్వేరుగా హైకోర్టుల ఏర్పాటుపై కేంద్రం ఈ పిటిషన్‌ను దాఖలు చేసింది. రెండు రాష్ట్రాలకు వేర్వేరుగా ఎందుకు హైకోర్టులను ఏర్పాటు చేయకూడదని కేంద్రం ఈ పిటిషన్‌లో పేర్కొంది. హైకోర్టు విభజన ఎంతమాత్రం జాప్యం చేయటం వీలులేదని తెలంగాణ తరపున సీనియర్‌ న్యాయవాది ముకుల్‌ రోహత్గి, రెండు రాష్ట్రాలకు వేర్వేరు హైకోర్టులు ఏర్పాటు చేయాల్సిందేనని కేంద్ర న్యాయశాఖ తరపున అటార్నీ జనరల్‌ కేకే వేణుగోపాల్‌లు వాదించారు. కేంద్రం వాదనలతో తెలంగాణ ఏకీభవించింది. దీనిపై ఏపిలో హైకోర్టు భవన నిర్మాణాల పరిస్థితి ఏమిటని ప్రశ్నించగా..దీనికి సంబంధించిన నిర్మాణాలు పూర్తి కాలేదని కేంద్రం న్యాయస్థానానికి తెలిపింది. ఇదే సమయంలో తెలంగాణ ప్రభుత్వం సుప్రీంకోర్టు ముందు రెండు ప్రతిపాదనలు పెట్టింది. ప్రస్తుత హైకోర్టు భవనంలో ఖాళీగా ఉన్న 24 హాళ్లలో ఏపికి వేరుగా హైకోర్టు ఏర్పాటు చేయవచ్చునని, లేదంటే రెండో ప్రత్యామ్నాయంగా ప్రస్తుత హైకోర్టు భవనాన్ని తాము ఖాళీ చేసేందుకు కూడా సిద్ధంగా ఉన్నామని తెలంగాణ ప్రభుత్వం తెలిపింది. చట్టసభలు, అధికారుల విభజన జరిగిందని, కానీ న్యాయవ్యవస్థ విభజన జరగలేదని ముకుల్‌ రోహత్గి కోర్టుకు విన్నవించారు. హైకోర్టు విభజన ఆలస్యం కావడం వల్ల తెలంగాణకు అన్యాయం జరుగుతోందని, న్యాయమూర్తుల్లో 40 శాతం ఉండాల్సిన తెలంగాణ వాటా కూడా లేదని కోర్టుకు తెలిపింది. కేసు వాదనల సమయంలో ఏపి ప్రభుత్వం తరపు న్యాయవాది గైర్హాజయ్యారు. దీంతో ఏపి ప్రభుత్వానికి, హైకోర్టుకు నోటీసులు జారీ చేసి తదుపరి విచారణను సుప్రీం కోర్టు ధర్మాసనం రెండు వారాలపాటు వాయిదా వేసింది. ఈ అంశంపై 10టీవీ న్యూస్ మార్నింగ్ లో చర్చను చేపట్టింది. ఈ చర్చలో ఏపీ బీజేపీ అధికార ప్రతినిథి ఆర్.డి. విల్సన్, కాంగ్రెస్ మాజీ ఎంపీ, తులసిరెడ్డి, టీఆర్ఎస్ నేత రాకేశ్ , టీడీపీ నేత లాల్ వజీర్ పాల్గొన్నారు. 

21:11 - August 30, 2018

తెలంగాణలో కొత్త జోన్లకు కేంద్రం ఆమోదం తెలిపింది. ఈ మేరకు కేంద్ర ప్రభుత్వం గెజిట్‌ నోటిఫికేషన్‌ జారీ చేసింది. దీంతో ఏడు జోన్లు, రెండు మల్లీజోన్లకు కేంద్రం అంగీకారం తెలిపింది. దీనితో కేంద్రం గెజిట్ నోటిఫికేషన్ జారీ చేసింది. ఏడు జోన్లు, రెండు మల్టీ జోన్లకు అంగీకారం తెలిపింది. ఉపాధి విషయాల్లో స్థానికులకే అవకాశం వచ్చే విధంగా కల్పిస్తూ తెలంగాణ రాష్ట్ర ప్రభుత్వం నిర్ణయం తీసుకుంది. దీనివల్ల నిరుద్యోగులు లబ్ధి పొందే అవకాశం ఉందని ప్రస్తుతం పనిచేస్తున్న ఉద్యోగస్తులకు కూడా లాభం కలుగుతుందని పలువురు పేర్కొంటున్నారు.అంశంపై 10టీవీ విశ్లేషణ..

 

Pages

Don't Miss

Subscribe to RSS - కేంద్రం