కాంగ్రెస్

11:11 - November 16, 2018

ఢిల్లీ : కాంగ్రెస్ సీనియర్ నేత, పీసీసీ మాజీ అధ్యక్షుడు పొన్నాల లక్ష్మయ్య, ఎమ్మెల్సీ పొంగులేటి సుధాకర్‌రెడ్డిలకు ఆశా భంగం కల్గింది. పొన్నాల, పొంగులేటికి కాంగ్రెస్ అధిష్టానం మొండిచెయ్యి చూపింది. ఇద్దరికీ టికెట్లు ఇవ్వలేమని స్పష్టం చేసింది. జనగామ నుంచి పొన్నాల లక్ష్మయ్య, ఖమ్మం నుంచి పొంగులేటి సుధాకర్ రెడ్డి పోటీ చేయాలని భావించారు. అయితే కూటమి పొత్తుల్లో భాగంగా జనగామ, ఖమ్మం స్థానాలను మిత్రులకు కేటాయించామని ఏఐసీసీ అధ్యక్షుడు రాహుల్‌గాంధీ తేల్చి చెప్పారు. జనగామ, ఖమ్మం సీట్లపై పొన్నాల, పొంగులేటికి రాహుల్‌ గాంధీ స్పష్టీకరించారు. దీంతో పొన్నాల లక్ష్మయ్య, పొంగులేటి సుధాకర్ రెడ్డిల ఆశలపై నీళ్లు చల్లినట్లైంది. 
జనగాం, ఖమ్మం  సీట్లను మిత్రులకు కేటాయించాం : రాహుల్ 
‘‘మనం కూటమిగా ముందుకు వెళుతున్నాం మీ స్థానాలు (జనగాం, ఖమ్మం) పొత్తుల్లో భాగంగా మిత్రులకు కేటాయించాం’’అని ఏఐసీసీ అధ్యక్షుడు రాహుల్‌గాంధీ.. పొన్నాల లక్ష్మయ్య, ఎమ్మెల్సీ పొంగులేటి సుధాకర్‌రెడ్డిలకు స్పష్టం చేశారు. ఢిల్లీలో ఓ ప్రైవేటు కార్యక్రమంలో రాహుల్‌ను పొన్నాల, పొంగులేటి కలిసి ఆయనతో భేటీకి అపాయింట్‌మెంట్‌ కావాలని కోరారు. వెంటనే రాహుల్‌ ‘మీ సమస్యేంటో ఇక్కడే చెప్పండి’ అని సూచించారు. పొంగులేటి, పొన్నాల నుంచి మాట రాక ముందే జనగాం సీటు టీజేఎస్‌కు కేటాయించామని తెలిపారు. మూడున్నర దశాబ్దాలుగా పార్టీకి సేవలు అందిస్తున్నానని, ఈ సమయంలో టికెట్‌ రాలేదంటే ఇబ్బందిగా ఉంటుందని పొన్నాల ఆయనకు వివరించారు. ఇందుకు రాహుల్‌ స్పందిస్తూ దీనిపై మీరే కోదండరాంతో మాట్లాడితే బాగుంటుందని వారిద్దరికీ సూచించారు.
న్యాయం చేస్తామని పొంగులేటికి రాహుల్‌ హామీ
’ఖమ్మం స్థానాన్ని టీడీపీకి కేటాయించామని, మీకు తగిన విధంగా న్యాయం చేస్తాము’ అని పొంగులేటికి రాహుల్‌ హామీ ఇచ్చారు. గత ఎన్నికల్లో తాను లోక్‌సభకు పోటీ చేయాలనుకుంటే పొత్తులో సీపీఐకి కేటాయించారని, ఇప్పుడు టీడీపీకి ఇచ్చారని పొంగులేటి వాపోయారు.
కోదండరామ్‌తో పొంగులేటి మంతనాలు
జనగామ టికెట్‌ విషయంపై పొంగులేటి సుధాకర్ రెడ్డి వెంటనే కోదండరాంతో ఫోన్‌లో మాట్లాడారు. ఇప్పటికే బీసీల్లో వ్యతిరేకత ఉందని, పీసీసీ అధ్యక్షునిగా చేసిన వ్యక్తికి టికెట్‌ ఇవ్వలేదంటే బాగుండదని, అందువల్ల పొన్నాల పరిస్థితిని పరిగణనలోకి తీసుకోవాలని కోరారు. అందుకు స్పందించిన కోదండరాం ఇది తానుగా తీసుకున్న నిర్ణయం కాదని, రెండు పార్టీల మధ్య కుదిరిన ఒప్పందమని తెలిపారు. అయినప్పటికీ ఈ అంశంపై మరోసారి పునరాలోచించాలని పొంగులేటి కోరగా.. పరస్పరం మాట్లాడుకుంటే సమస్య పరిష్కారమవుతుందని కోదండరాం అన్నారు. తాను ఢిల్లీ వస్తున్నానని, రాహుల్‌తో భేటీ తర్వాత సమస్యను సామరస్యపూర్వకంగా పరిష్కరించుకుందామని కోదండరాం చెప్పారు.

 

21:48 - November 15, 2018

హైదరాబాద్: టికెట్ల కేటాయింపు వ్యవహారం కాంగ్రెస్‌లో కాక రేపుతోంది. టికెట్ ఆశించి భంగపడ్డ నేతలు ఆగ్రహంతో రగిలిపోతున్నారు. రెబెల్స్‌గా మారి సొంత పార్టీకే చుక్కలు చూపిస్తున్నారు. ఇప్పటికే సబితా ఇంద్రారెడ్డి కుమారుడు కార్తీక్ రెడ్డి కాంగ్రెస్‌కు రాజీనామా చేశారు. మరోవైపు సికింద్రాబాద్ టికెట్ కోసం హైదరాబాద్ మాజీ మేయర్ బండ కార్తీకరెడ్డి ఏకంగా కాంగ్రెస్ చీఫ్ రాహుల్ గాంధీ నివాసం ముందు ధర్నాకు దిగడం గమనార్హం. ఇవన్నీ చాలవన్నట్టు ఇప్పుడు తెలంగాణ కాంగ్రెస్ వర్కింగ్ ప్రెసిడెంట్ రేవంత్‌రెడ్డి బ్యాచ్ కాంగ్రెస్‌కు గుడ్‌బై చెప్పే యోచనలో ఉందనే వార్తలు చర్చనీయాంశంగా మారింది.
రేవంత్‌రెడ్డి బ్యాచ్‌కు చెందిన నాయకులు బంజారాహిల్స్‌లో రహస్యంగా సమావేశం అయ్యారు. మాజీ మంత్రి బోడ జనార్దన్ నేతృత్వంలో భవిష్యత్ కార్యాచరణపై చర్చించారు. ఎప్పటినుంచో పార్టీని నమ్ముకున్న వారికి కాకుండా నిన్నకాక మొన్న పార్టీలో చేరి ప్యారాచూట్ నేతలకు టికెట్లు ఇవ్వడాన్ని రేవంత్ బ్యాచ్ నాయకులు తీవ్రంగా వ్యతిరేకిస్తున్నారు. సిర్పూర్, చెన్నూరు, కోరుట్ల, ధర్మపురి నియోజకవర్గాల్లో కొత్తగా కాంగ్రెస్‌లో చేరిన వారికి టికెట్లు ఇవ్వడం బాధాకరమని బోడ జనార్దన్ అన్నారు. తెలంగాణ కాంగ్ర్రెస్ పెద్దలు పార్టీ సిద్ధాంతాలను తుంగలో తొక్కారని, సీట్లు అమ్ముకున్నారని ఆరోపించారు. కాంగ్రెస్ పార్టీ నాశనానికి ఒడిగట్టారని ధ్వజమెత్తారు. ఈ నేపథ్యంలో తామంతా సమావేశమై భవిష్యత్ కార్యాచరణపై చర్చించామని బోడ జనార్దన్ తెలిపారు.

16:12 - November 15, 2018

హైదరాబాద్ : ఎన్నికలు సమయం సమీపించేకొద్ది తెలంగాణ రాజకీయాలు వేడెక్కుతున్నాయి. ఒకరిపై ఒకరు సవాళ్లు విసురుకుంటున్నారు. విమర్శలతో బాణాలు విసురుకుంటున్నారు. ఈ నేపథ్యంలో టీఆర్ఎస్ ఎంపీలు ఇద్దరు కాంగ్రెస్ పార్టీలో చేరబోతున్నారు కేసీఆర్..దమ్ముంటే ఆపుకో మంటు కాంగ్రెస్ ఫైర్ బ్రాండ్ రేవంత్ రెడ్డి సవాల్ విసిరారు. దీనిపై టీఆర్ఎస్ ఎంపీ సీతారాం నాయక్ స్పదిస్తు..ఇద్దరు టీఆర్‌ఎస్ ఎంపీలు పార్టీ మారుతున్నారని రేవంత్ చెప్పడం.. పేపర్లలో రావడం.. ఓ మైండ్‌గేమ్‌లా ఉందని ఎంపీ పేర్కొన్నారు. రేవంత్‌కు దమ్ము, ధైర్యం ఉంటే పార్టీ మారుతున్న ఆ ఇద్దరు ఎంపీలేవరో చెప్పాలని సీతారాం నాయక్ డిమాండ్ చేశారు. 

తాను పార్టీ మారుతున్నట్లు వచ్చిన వార్తలు అవాస్తవమని  సీతారాం నాయక్ స్పష్టం చేశారు. రేవంత్ రెడ్డి దుర్మార్గపు పనులు చేస్తున్నారని.. అవి ఆయన ఎదుగుదలకు మంచికాదని సూచించారు. సీఎం కేసీఆర్ ఆశీస్సులతోనే తాను మహబూబాబాద్ ఎంపీగా గెలిచానని సీతారాం నాయక్ స్పష్టం చేశారు. ఈ నాలుగున్నరేళ్లలో తన నియోజకవర్గాన్ని ఎంతో అభివృద్ధి చేశానని తెలిపారు.
 

15:08 - November 15, 2018

హైదరాబాద్ : మహాకూటమి పొత్తు..కాంగ్రెస్ పార్టీలో ప్రకంపనాలు స‌ృష్టిస్తోంది. పొత్తులో భాగంగా తమకు సీటు రాలేదని భావిస్తున్న సదరు నేతలు పార్టీకి గుడ్ బై చెబుతున్నారు. ఇప్పటికే పలువురు రాజీనామా బాట పట్టగా అందులో మాజీ మంత్రి సబిత ఇంద్రారెడ్డి తనయుడు కార్తీక రెడ్డి కూడా చేరారు. ఈయన రాజేంద్రనగర్ సీటు ఆశించిన సంగతి తెలిసిందే. మహా కూటమి పొత్తులో భాగంగా ఈ సీటు టీడీపీకి దక్కింది. మనస్థాపానికి గురైన ఆయన పార్టీకి గుడ్ బై చెబుతున్నట్లు నవంబర్ 15వ తేదీ గురువారం ప్రకటించారు. రాజీనామా లేఖను ఆయన పార్టీ చీఫ్‌కి పంపించారు. ఆయనతో పాటు ఇతర నేతలు రాజీనామా చేస్తున్నారని సమాచారం. మరి ఆయన రెబల్‌గా పోటీ చేస్తారా ? లేదా ? అనేది చూడాలి. 

14:09 - November 15, 2018

హైదరాబాద్ : తాను మంత్రి పదవి అవుతానని అనుకోలేదని..రాష్ట్రం బాగుండాలంటే..ప్రజలు అభివృద్ధి వైపు పయనించాలంటే మరో 15 సంవత్సరాలు ముఖ్యమంత్రిగా కేసీఆర్ ఉండాలని కోరుకుంటున్నట్లు మంత్రి కేటీఆర్ తెలిపారు. నవంబర్ 15వ తేదీ గురువారం మీట్ ది ప్రెస్ లో ఆయన మాట్లాడారు. ఈ సందర్భంగా విలేకరులు అడిగిన పలు ప్రశ్నలకు సమాధానం ఇచ్చారు. 
ప్రశ్న : ప్రజలు టీఆర్ఎస్ ని కోరుకుంటే..మరలా అధికారంలోకి వస్తే ముఖ్యమంత్రి పీఠంపై కేటీఆర్ కూర్చొనే అవకాశం ఉందా ? సీఎం కావాలని కోరిక ఉందా ? 
జవాబు : ‘2006లో కేసీఆర్ కు ఒక సమస్య ఎదురైంది. ఆనాడు యూపీఏ కేబినెట్ నుండి బయటకు వచ్చి కేంద్ర మంత్రి పదవికి రాజీనామా చేశారు. ఓ కాంగ్రెస్ నేత సవాల్ చేస్తే పార్లమెంట్ సభ్యత్వానికి రాజీనామా చేశారు. చేసిన అనంతరం కరీంనగర్ లోక్ సభ ఎన్నిక..అనేది జీవన్మరణ సమస్యగా మారింది. 2004-2006 నుండి హైదరాబాద్ లో ఉద్యోగం చేస్తున్నా. నెలకు రూ. 4-5 లక్షల వేతనం వచ్చేది. చక్కగా తన పని తాను చేసుకుంటున్నా. టీఆర్ఎస్..తెలంగాణ ఉద్యమ ఉనికి సమస్య. ఈ క్రమంలో ఎన్నికల్లో కేసీఆర్ ఓడిపోతే తెలంగాణ ఉద్యమం లేదు అనే స్లొగన్ వచ్చే పరిస్థితి. మూడు నెలలు లీవ్ అడిగా. ఇవ్వమని చెప్పారు. కేసీఆర్ కు ఒక్కమాట చెప్పకుండా రాజీనామా చేశా. ఒక కార్యకర్తగా పనిచేశా. తెలంగాణ వస్తే చాలు అని అనుకున్నా. కాంగ్రెస్ లో విలీనం అవ్వడానికి కేసీఆర్ గతంలో సిద్ధపడ్డారు. 2014లో అధికారంలోకి వచ్చిన అనంతరం పొరపాటున మంత్రిగా అవుతానని అనుకోలేదు. పెద్ద పదవుల ఆశ లేదు. పొరపాటున అలాంటి అజెండా లేదు. రాష్ట్ర ప్రయోజనాల కోసం 15 సంవత్సరాల పాటు కేసీఆర్ రాష్ట్రాన్ని నడపాలని మాత్రం అనుకుంటున్నాని..రాష్ట్రం సవ్యంగా అడుగులు పడాలంటే కేసీఆర్ ముఖ్యమంత్రిగా ఉండాలని కోరుకుంటున్నా’. అని కేటీఆర్ మనసులోని మాట చెప్పారు. 

13:37 - November 15, 2018

హైదరాబాద్ : ‘ఏపీ సీఎం చంద్రబాబు నాయుడు ఎవరితోనైనా పొత్తు పెట్టుకుంటాడు..ఆయన పేరే అవకాశ వాదం’ అని మంత్రి కేటీఆర్ వ్యాఖ్యానించారు. నవంబర్ 15వ తేదీ గురువారం సోమాజీగూడ ప్రెస్ క్లబ్ లో ఆయన మాట్లాడారు. ఈ సందర్భంగా విలేకరులు అడిగిన ప్రశ్నలకు సమాధానం చెప్పారు. 
ప్రశ్న : ఏపీ సీఎం బాబు..ఏఐసీసీ అధ్యక్షుడు రాహుల్ తెలంగాణ రాష్ట్రంలో ప్రచారం చేయబోతున్నారు..105 సీట్లు ప్రకటించి కేసీఆర్ తప్పు చేశారని బాబు ప్రకటించారు. వీటిపై సమాధానం.
‘రాహుల్..బాబు ఒప్పందం చేసుకుని చారిత్రక తప్పు చేశారని అనవచ్చు. బాబు ఒక్కసారి కూడా ఒంటరిగా పోటీ చేయలేదు. గతంలో అన్ని పార్టీలతో పొత్తు పెట్టుకున్నారు. కాంగ్రెస్ తో తప్ప. ఇప్పుడు ఆ పార్టీతో కూడా పొత్తు పెట్టుకున్నారు. వైసీపీతో మాత్రం ఒక్కదానితో పొత్తు పెట్టుకోలేదు. బాబు వైసీపీతో పొత్తు పెట్టుకుంటారు. ఆయన పేరే అవకాశ వాదం..ఆయనతో చెప్పించుకునే ఖర్మ మాకు లేదు. బాబు ఇచ్చే సర్టిఫికేట్లు..రాహుల్ బుజకీర్తనలు అవసరం లేదు. చివరకు ప్రజల తీర్పు శిరోధార్యం’. అని కేటీఆర్ వెల్లడించారు. 

21:40 - November 14, 2018

జనగామ : జనగామ నియోజక వర్గంలో రాజకీయా రసవత్తరంగా మారింది. మహాకూటమిలో భాగస్వాములుగా వున్న కాంగ్రెస్, టీజేఎస్ రెండు పార్టీలు జనగామ నియోజకవర్గం నుండే పోటీకి సిద్ధపడుతున్నాయి. ఈ నేపథ్యంలో జనగామలో రాజకీయం కీలక మలుపులు తిరుగుతోంది. కూటమి కూలిపోకూడదనే యోచనతో పొన్నాల కోసం కోదండరాం తన పోటీ స్థానాన్ని మార్చుకున్నారనే వార్తల నేపత్యంలో పొన్నాలలో ఆశలు మళ్లీ చిగురించాయి.

Image result for ponnala and kodandaram in janaramకానీ మరోసారి పొన్నాలకు షాక్ తగిలింది. తెలంగాణ జన సమితి పార్టీ 12 స్థానాల్లో పోటీ చేస్తున్నట్లు ప్రకటించింది. అంతేకాదు ఆ స్థానాలను కూడా ప్రకటించింది. మరో 3 స్థానాల గురించి కూడా కాంగ్రెస్ పార్టీతో చర్చలు జరుగుతున్నాయని, అవి కూడా తమకే కేటాయించే అవకాశం ఉందని టీజేఎస్ నేత విశ్వేశ్వర్ రావు మీడియాకు తెలిపారు. టీజేఎస్ ప్రకటించిన 12 స్థానాల్లో జనగామ కూడా ఉండటం మరోసారి సంచలనానికి తావిచ్చింది. ఇక్కడ నుంచి కాంగ్రెస్ తరఫున టికెట్ కోసం పీసీసీ మాజీ అధ్యక్షుడు, మాజీ మంత్రి పొన్నాల లక్ష్మయ్య పోటీ పడుతుండటంతో రాజకీయం రసవత్తరంగా మారింది. 

జనగామ, దుబ్బాక, మెదక్‌, మల్కాజ్‌గిరి, అంబర్‌పేట, సిద్దిపేట, వరంగల్‌ తూర్పు, వర్థన్నపేట, ఆసిఫాబాద్‌, స్టేషన్‌ ఘన్‌పూర్‌, మహబూబ్‌నగర్‌, మిర్యాలగూడలో టీజేఎస్ పోటీ చేయనున్నట్లు..ఈ 12 స్థానాలన్నీ అధికారికంగా తమకు కేటాయించినవని విశ్వేశ్వర్ రావు స్పష్టం చేశారు. మరికొన్ని స్థానాలను కూడా అడుగుతున్నామని తెలిపారు. టీజేఎస్ అధినేత ప్రొఫెసర్ కోదండరామ్ సూచనతో తాను వివరాలు వెల్లడిస్తున్నట్లు చెప్పారు. బుధవారం అంటే నవంబర్ 14 సాయంత్రం ఆయన మీడియాకు వివరించారు. 

Image result for ponnala and kodandaram in janaramపోటీ చేసే స్థానాలైతే ఖరారయ్యాయి గానీ.. సీట్లను ఎవరికి కేటాయించాలనే విషయం ఇంకా నిర్ణయించలేదని విశ్వేశ్వర రావు తెలిపారు. కూటమిలో అంతా సవ్యంగా జరుగుతోందని, పార్టీలు చాలా స్పష్టతతో ఉన్నాయని చెప్పారు. టీజేఎస్‌కు బలం ఉన్న స్థానాలను కచ్చితంగా కేటాయించాలని కోరినట్లు వెల్లడించారు. మహాకూటమిలో భాగస్వామ్య పక్షంగా ఉన్న తెలంగాణ జన సమితికి 8 స్థానాలు కేటాయించినట్లు టీపీసీసీ చీఫ్ ఉత్తమ్, కాంగ్రెస్ పార్టీ తెలంగాణ వ్యవహారాల ఇన్‌ఛార్జ్ కుంతియా ఇప్పటికే ప్రకటించారు. కానీ ఊహించని విధంగా టీజేఎస్ 12 స్థానాల్లో తమ అభ్యర్థులు పోటీ చేస్తారని ప్రకటించి షాక్ ఇచ్చింది. పోటీలో ఉండే స్థానాలను ప్రకటించమని తమ పార్టీ అధ్యక్షుడు కోదండరాం సూచించారని చెప్పడం గమనార్హం.

20:51 - November 14, 2018

హైదరాబాద్ : ఫైర్ బ్రాండ్ రేవంత్ రెడ్డి దూకుడు ఏమాత్రం తగ్గలేదు. సరికదా ఇనుమడించిన ఉత్సాహంతో టీఆర్ఎస్ అధినేత కేసీఆర్‌కు టీపీసీసీ వర్కింగ్‌ ప్రెసిడెంట్‌ రేవంత్‌ రెడ్డి సవాళ్లు విసిరారు. టీఆర్ఎస్‌కు చెందిన ఇద్దరు ఎంపీలు కాంగ్రెస్ పార్టీ కండువా కప్పుకునేందుకు సిద్ధంగా ఉన్నారని, కేసీఆర్‌కు చేతనైతే అసెంబ్లీ ఎన్నికల లోపు ఆ ఇద్దరు ఎంపీలను ఆపుకోమని రేవంత్ రెడ్డి సవాల్ విసిరారు. ఆయనకు దమ్ముంటే కొడంగల్ నుంచి పోటీ చేయాలన్నారు. నామినేషన్ వేసేందుకు ఇంకా సమయం ఉంది కాబట్టి త్వరగా నిర్ణయం తీసుకోవాలని కేసీఆర్‌కు సూచించారు. ఏనాడూ తాను కొండగల్ ప్రజల ఆత్మగౌరవానికి భంగం కలిగించలేదని.. ప్రజలు తనను గుండెల్లో పెట్టుకుని చూసుకుంటున్నారని..తాను గెలవడం ఖాయమని రేవంత్ ధీమా వ్యక్తం చేశారు.
తెలంగాణ, ఎన్నికలు, కాంగ్రెస్, రేవంత్ రెడ్డి, కేసీఆర్, సవాల్, టీఆర్ఎస్, ఎంపీలు, 

19:48 - November 14, 2018

హైదరాబాద్: టీఆర్ఎస్‌ పార్టీకి వ్యతిరేకంగా కాంగ్రెస్, టీడీపీ, సీపీఐ కలిసి ఏర్పడిన మహాకూటమిపై సీపీఎం రాష్ట్ర కార్యదర్శి తమ్మినేని వీరభద్రం స్పందించారు. మహాకూటమిని బేస్‌లెస్ ఆలోచనగా కొట్టిపారేశారు. మహాకూటమిలో సీపీఎం చేరే ప్రసక్తే లేదని తేల్చి చెప్పారు. ముందస్తు ఎన్నికల నేపథ్యంలో రాష్ట్రంలో చోటుచేసుకుంటున్న రాజకీయ పరిణామాలపై తమ్మినేని వీరభద్రం మాట్లాడుతు..కేసీఆర్ స్వలాభం కోసమే ముందస్తు ఎన్నికలకు వెళ్తున్నారని..ముందస్తు ఎన్నికలతో ప్రజలపై ఆర్థిక భారం పడుతుందన్నారు. ప్రజలు ప్రత్యామ్నాయం కోసం చూస్తున్న తరుణంలో మళ్లీ కాంగ్రెస్‌కు వంత పలకటం మూర్ఖత్వం అని వ్యాఖ్యానించారు. దేశంలో కార్పొరేట్ అనుకూల ఆర్థిక విధానాలను తీసుకొచ్చిందే కాంగ్రెస్‌ అని.. 60 ఏళ్లు పాలించిన కాంగ్రెస్‌తో కలవటానికి తాము సిద్ధంగా లేమన్నారు. కాంగ్రెస్, టీఆర్ఎస్, బీజేపీకి ప్రత్యామ్నాయంగా బహుజన్ లెఫ్ట్ ఫ్రంట్(బీఎల్ఎఫ్)ను ఏర్పాటు చేస్తున్నామని తెలిపారు. సామాజిక న్యాయం, చట్టసభల్లో బలహీనులకు అవకాశం కల్పించటమే తమ లక్ష్యమన్నారు. బీఎల్ఎఫ్‌తోనే బలహీనవర్గాలకు న్యాయం జరుగుతుందన్నారు. జనసేన, ఆమ్‌ ఆద్మీ పార్టీ సహా.. కలిసి వచ్చే వారితో బీఎల్ఎఫ్‌ను ఏర్పాటు చేస్తున్నామని వివరించారు. తమది మొదటిది లేదా మూడో ఫ్రంట్ అనికూడా  అనుకోవచ్చునని తమ్మినేని తెలిపారు.

19:24 - November 14, 2018

రాజస్థాన్‌ : రాష్ట్రంలో బీజేపీకి షాక్ తగిలింది. అదికూడా మామూలు షాక్ కాదు. రాజుల స్థానం రాజస్థాన్ లో మరోసారి అధికారంలోకి వచ్చేందుకు బీజేపీ పట్టుదలగా వుంది. అసెంబ్లీ ఎన్నికల్లో గెలుపే లక్ష్యంగా పావులు కదుపుతోంది బీజేపీ. బలమైన రాజకీయ వ్యూహాలతో బీజేపీకి జోరుకు కాంగ్రెస్ కళ్లెం వేసేందుకు ఎత్తుకు పై ఎత్తులు వేస్తోంది. ఈ నేపథ్యంలో కమలదళానికి ఎంపీ హరీష్ చంద్ర మీనా హ్యాండిచ్చారు. బుధవారం మాజీ సీఎం అశోఖ్ గెహ్లాట్, కాంగ్రెస్ అధ్యక్షుడు సచిన్ పైలెట్ సమక్షంలో కాంగ్రెస్ కండువా కప్పుకున్నారు. 

Related image2014లో బీజేపీలో చేరిన హరీశ్ చంద్ర మీనా మాజీ ఐపీఎస్ అధికారి అయిన మీనా 2009 నుంచి 2013 వరకు రాజస్థాన్ డీజీపీగా పనిచేశారు. మీనాల ప్రాబల్యం ఎక్కువగా ఉన్న దౌసా లోక్‌సభ నియోజకవర్గం నుంచి పోటీ చేసి ఎంపీగా గెలిచారు. ఈ క్రమంలో  తూర్పు రాజస్థాన్‌లో కూడా మీనాలు ఎక్కువమంది ఉండటంతో.. హరీశ్ చంద్ర చేరికతో తమకు కలిసి వస్తుందని కాంగ్రెస్ ధీమా వ్యక్తం చేస్తోంది. రాజస్థాన్‌లో ఎన్నికల పోలింగ్ జరగబోతోంది. ఇలాంటి సమయంలోనే సీనియర్ నేతగా ఉన్న హరీష్ మీనా పార్టీని వీడటం బీజేపీకి ఎదురు దెబ్బేనని చెప్పాలి. మరి హరీశ్ చంద్ర మీనా ఝలక్ తో బీజేపీ ఎలా స్పందిస్తుందో వేచి చూడాలి.
 

Pages

Don't Miss

Subscribe to RSS - కాంగ్రెస్