ఏపీ

18:55 - November 16, 2018

హైదరాబాద్ : అగ్రిగోల్డ్‌ కేసు కొత్త మలుపు తిరిగింది. వేలాదిమంది బాధితులకు ఇదొక సరికొత్త షాక్ గా భావించవచ్చు. కేసు విచారణ కొనసాగుతున్న నేపథ్యంలో హాయ్‌లాండ్‌ ఆస్తులపై హైకోర్టు అగ్రిగోల్డ్‌ కంపెనీ అభిప్రాయం తీసుకుంది. దీంతో హాయ్‌లాండ్‌ ఆస్తులు అగ్రిగోల్డ్‌వి కావని హాయ్‌లాండ్‌ ఎండీ ఆలూరి వెంకటేశ్వరరావు హైకోర్టులో అఫిడవిట్‌ దాఖలు చేశారు. ఈ విషయాన్ని అగ్రిగోల్డ్‌ యాజమాన్యం కోర్టు దృష్టికి తీసుకెళ్లింది. ఆస్తులు వేలం వేసినప్పటి నుంచి ఎందుకు స్పందించలేదని హైకోర్టు అగ్రిగోల్డ్ కంపెనీని నిలదీసింది. హాయ్‌లాండ్‌ ఆస్తులపై స్పెషల్‌ సిట్‌ ఏర్పాటు చేయాలని ఏపీ ప్రభుత్వానికి హైకోర్టు ఆదేశాలు జారీ చేసింది. దర్యాప్తు చేసి నివేదిక సమర్పించాలని ఏపీ సీఐడీని హైకోర్టు ఆదేశించింది. అనంతరం తదుపరి విచారణను నవంబర్  23కు వాయిదా వేసింది. 

Image result for hailand and agri gold
కాగా గతంలోనే అగ్రిగోల్డ్ ఆస్తుల్ని కొనుగోలు చేస్తామని జీఎస్సెల్ గ్రూప్ ముందుకొచ్చింది.. తర్వాత మళ్లీ వెనక్కు తగ్గింది. అయితే ఉన్నట్టుండి మళ్లీ కొనటానికి ఆసక్తి చూపించడంతో మరింత ఆసక్తిగా మారింది. అంతేకాదు గతంలో జీఎస్సెల్ గ్రూప్ దాఖలు చేసిన పిటిషన్‌ను కూడా వెనక్కు తీసుకోవడం గమనార్హం. ఇదిలా ఉంటే.. 20 వేల ఎకరాల అగ్రిగోల్డ్‌ ఆస్తులను ప్రభుత్వమే కొనుగోలు చేసి బాధితులకు న్యాయం చేయాలని అటు బాధితులు, ఇటు ప్రజాసంఘాలు, వామపక్షపార్టీలు డిమాండ్ చేస్తున్నారు.

17:51 - November 16, 2018

హైదరాబాద్ : జాతీయ కాంగ్రెస్ అధ్యక్షుడు రాహుల్ గాంధీ సైకిల్ ఎక్కనున్నారు. సైకిల్ అంటే టీడీపీ పార్టీ ఎన్నికల గుర్తు అనే విషయం తెలిసిందే. అంటే మహాకూటమితో ఒక్కటైన కాంగ్రెస్ - టీడీపీలు తెలంగాణ ఎన్నికలను ప్రతిష్టాత్మకంగా తీసుకుంటున్నాయి. ఎలాగైనా విజయం సాధించి.. రానున్న ఎన్నికల్లో కూటమి బలాన్ని చూపించాలని భావిస్తున్నాయి. ఈ నేపథ్యంలో టీడీపీ అధినేత చంద్రబాబు నాయుడు, ఏఐసీసీ అధ్యక్షుడు రాహుల్ గాంధీలు కలిసి తెలంగాణలో  ‘రోడ్ షో’లు చేయనున్నట్లుగా సమాచారం. అంతేకాదు తెలంగాణలో ఎన్నికల ప్రచారానికి సోనియా గాంధీ కూడా వస్తారనే వార్తలు వస్తున్నాయి. 

Image result for rahul gandhi and chandrababuతెలంగాణలోని 18 అసెంబ్లీ నియోజకవర్గాల్లో నవంబర్ నెలాఖరులో ఈ రోడ్ షోలు నిర్వహించాలనేది మహా కూటమి భావిస్తోంది.  2019లో జరిగే ఎన్నికల్లో బీజేపీయేతర పార్టీలన్నీ ‘మహాకూటమి’గా ఏర్పడేందుకు సిద్ధమవుతున్న నేపథ్యంలో తెలంగాణలో జరిగే ఈ ఎన్నికలను రాహుల్, బాబులు ఓ  ప్రయోగంగా భావిస్తున్నారు. కాగా ఈ ప్రచారానికి ముందుగానే చంద్రబాబు, రాహుల్ గాంధీలు ఈ నెల 22న ఢిల్లీలో జరిగే బీజేపీయేతర పార్టీల శిఖరాగ్ర సమావేశంలో పాల్గొని భవిష్యత్ కార్యక్రమాన్ని రూపొందించేందుకు ఈ వేదిక కీలకం కానుంది. 
ఇప్పటికే ఒక విడత రాహుల్ గాంధీ తెలంగాణలో ప్రచారాన్ని పూర్తి చేశారు. మరోపక్క తెలంగాణలో మహాకూటమి తరఫున ప్రచారం చేస్తానని చంద్రబాబు నాయుడు తెలిపారు. ఈ క్రమంలో 17వ తేదీ శనివారం నాడు కాంగ్రెస్ అభ్యర్థుల తుది జాబితాను కూడా ప్రకటించి వారికి  బీ-ఫారాలు అందించనున్నారు. నామినేషన్ల పర్వం ముగియగానే కాంగ్రెస్ అభ్యర్థుల ప్రచారం మొదలుకానుంది. 
 

16:32 - November 16, 2018

హైదరాబాద్ : తెలంగాణలో ఎన్నికలు రోజురోజుకు  రసవత్తరంగా మారుతున్నాయి. ఆయా పార్టీలు..నేతలు, సీట్లు, కేటాయింపులు, జంపింగ్ జిలానీలు వంటి పలు అంశాలపై వేడి వేడిగా కొనసాగుతు ఎన్నికల స్టంట్ కొనసాగుతోంది. ఈ నేపథ్యంలో ఇప్పుడు తాజాగా మరో అంశం హాట్ టాపింగ్ గా మారింది. రాజకీయ వ్యూహాలలో కేసీఆర్ దిట్ట. అతనికంటే  ఇంకో పైమెట్టుగానే వుండే ఏపీ సీఎం చంద్రబాబు చాణక్య వ్యూహాలకు కేరాఫ్ అడ్రస్ గా వుంటారు. ఈ నేపథ్యంలో తెలంగాణ ఎన్నికల్లో చంద్రబాబు రాత్రికి రాత్రే ఓ నిర్ణయం తీసుకుని రాజకీయాలలో మరింత వేడిని రాజేశారు. అదే! దివంగత నేత, చంద్రబాబు బావమరిది, టీడీపీ మాజీ ఎంపీ అయిన హరికృష్ణ కుమార్తెకు కుకట్ పల్లి సీటును కేటాయించటం. ఇదిప్పుడు హాట్ టాపిక్ గా మారిపోయింది. ఆ సీటును ఆశించిన టీడీపీ నేతలకు కూడా మారు మాట్లాడలేని పరిస్థితి. బాబు వ్యూహం అటు సెంటిమెంట్ ను ఇటు రాజకీయ లబ్ది రెండు నెరవేర్చేలా వుండటం గమనించాల్సిన విషయం. 
Image result for kcr and chandrababuఈ నేపథ్యంలో రాష్ట్ర ఎన్నికల్లో ఏర్పడిన మహాకూటమిలో భాగస్వామిగా వున్న టీడీపీపై టీఆర్ఎస్ పార్టీ ఏకధాటిగా విమర్శిస్తూ వస్తోంది.. చంద్రబాబు తెలంగాణను అస్థిర పరిచేందుకు కుట్రలు చేస్తున్నాడంటూ చెప్పుకొస్తోంది.. తెరాస  విమర్శలకు బలం చేకూరేలా కూటమిలో బాబు పావులు కదుపుతున్నాడేందుకు కూకట్ పల్లి సీటే నిదర్శనం.. అమరావతిలో కూర్చుని చర్చల మీద చర్చలు జరిపి.. నయానో - భయానో అందరినీ ఒప్పించి మరీ కూకట్ పల్లి టిక్కెట్ హరికృష్ణ కూతురు సుహాసినికి దక్కేట్టు చేసుకున్నాడు..కానీ అసలు కథ ఇక్కడే ఉంది..

Image result for harikrishna death kcr talasaniహరికృష్ణ దుర్మరణం పాలైనప్పుడు తెరాస  ప్రభుత్వం చేసిన హంగామా అంతా ఇంతా కాదు.. హరికృష్ణ మృతి నుండి అంత్యక్రియలవరకూ అంతా తానే అయి కార్యక్రమాలను దగ్గరుండి మరీ జరిపించింది టీఆర్ఎస్ ప్రభుత్వం. అంతేకాదు ఇప్పుడు అపద్ధర్మ ముఖ్యమంత్రిగా వున్న కేసీఆర్ అప్పుడు ముఖ్యమంత్రి హోదాలో హరికృష్ణ కోసం ప్రత్యేకంగా ప్రభుత్వ స్థలాన్ని కేటాయించారు. స్మారక స్థూపానికి కూడా ప్రామిస్ చేశారు..టీడీపీ అంటేనే గిట్టని టీఆర్ఎస్ ఇదంతా ఎందుకు చేసినట్లు? టీఆర్ఎస్ మంత్రులే కాదు సాక్షాత్తు సీఎం కేసీఆరే స్వయంగా వెళ్లి చంద్రబాబును, ఎన్టీఆర్, కళ్యాణ రామ్ లను పరామర్శించారు. అప్పట్లో చర్చనీయాంశం కూడా అయ్యింది. జనం మరిచిపోయింటారులే అని అంత తేలిగ్గా తీసేయటానికి కూడా లేదు. ఈ క్రమంలో తెలంగాణ ఎన్నికల్లో సరిగ్గా ఇప్పుడే చంద్రబాబు చాణక్య వ్యూహాన్ని అమలు చేశారు. అదే హరికృష్ణ కుమార్తె సుహాసినికి కుకట్ పల్లి సీటు ఖరారు చేయటం!!.ఈ అంశం టీఆర్ఎస్ ను కూడా ఇరుకున పెట్టేలా వుండటం మరో విశేషంగా చెప్పుకోకతప్పదు. అదెలాగో చూద్దాం...

హరికృష్ణకు అంత చేసిన టీఆర్ఎస్ పౌ టీడీపీ నేతలకు కాస్తో కూస్తో అభిమానం ఏర్పడకపోదు. ఒక వేళ అది కనుక జరిగి వుంటే టీడీపీ  ఓట్లు చేజారతాయనే నేపథ్యం..హరికృష్ణ గౌరవం ఇచ్చినట్లుగాను వుంటుంది..మరోపక్క అతనికి సరై గుర్తింపు ఇచ్చినట్లుగాను వుంటుంది. అలాగే వారి కుటుంబాల పరంగా చూస్తే అందరినీ ఒకతాటిపైకి తెచ్చినట్లుగా వుంటుంది. అంతేకాదు..హరికృష్ణ కుటుంబంలో పురుషులు వున్నాగానీ..అటు కుటుంబంలోను..ఇటు సమాజంలోను మహిళ సెంటిమెంట్ ను గౌరవించినట్లుగా..ఇలా చెప్పుకుంటు పోతే చంద్రబాబు ఒక దెబ్బకు అంటే ఒకే ఒక్క ఆలోచనకు...సముచిత నిర్ణయానికి ఒకే దెబ్బకు ఎన్ని ప్రయోజనాలో లెక్క వేసుకోవాలంటే ఎన్నైనా వుంటాయి..

Image result for chandrababi suhasiniహఠాత్తుగా వెలుగులోకొచ్చిన సుహాసిని..ఎమ్మెల్యే అభ్యర్థి..
నిన్నటి దాకా ఆమె ఎవరో కూడా ఎవరికీ తెలీదు.. ఇంకా చెప్పాలంటే హరికృష్ణకు కూతురున్న సంగతి కూడా చాలా మందికి తెలీదు.. ఇప్పుడామె ఎమ్మెల్యే అభ్యర్థి.. అదీ టీడీపి తరుపున.. గెలుపు కోసం ఆమె ఈ ఎన్నికల్లో ఏమని ప్రచారం చేస్తుంది.. అధికార పార్టీని విమర్శిస్తూ ప్రచారం చేయగలదా..? చేసి ఓట్లు రాబట్టగలదా? ఒక వేళ అదే చేస్తుందనుకుంటే.. మరి తెరాస  వాళ్ళ రియాక్షన్ ఎలా ఉంటుంది? హరికృష్ణ అవటానికి చంద్రబాబుకు బామ్మర్ది అయినా.. తమ సొంత బామ్మర్ది అయినంతగా స్పందించిన తెరాసను నందమూరి సుహాసిని ఘాటుగా విమర్శించగలదా? కోరి స్నేహ హస్తం చాచిన గులాబీతో తెగదెంపులకు సిద్ధ పడగలదా? ఇప్పుడు సిటీ జనాలందరినీ ఇదే ప్రశ్న తొలుస్తోంది.. నామినేషన్ ఇంకా వేయలేదు కానీ.. వేశాక ఏంటి పరిస్థితి? అనేదే హాట్ టాపిక్ గా మారింది. మొత్తానికి పెద్ద చిక్కొచ్చి పడిందే అని అటు టిడిపి క్యాడరు - ఇటు గులాబీ క్యాడరు పైకి చెప్పలేక..మనస్సులో దాచుకోలేని లోలోపలే ఆందోళన పడుతున్నట్లుగా తెలుస్తోంది.

-మైలవరపు నాగమణి

 
 
 
 
15:32 - November 16, 2018

అమరావతి : రాజకీయాలలో అపర చాణుక్యుడిగా పేరొందిని ఏపీ సీఎం చంద్రబాబు సీబీఐని ఏపీలో నిషేధిస్తున్న తీసుకున్న నిర్ణయం హాట్ టాపిక్ గా నిలిచింది. రాజకీయ విశ్లేషకుల నుండి న్యాయ విశ్లేషకుల వరకూ ఈ అంశంపైనే చర్చిస్తున్నారు. అంతేకాదు చంద్రబాబు వ్యూహం ఏమిటా? అని విశ్లేషకులు సైతం ఆలోచిస్తున్నారు. ఈ అంశంపై తెలుగు రాష్ట్రాలలోనే కాదు దేశ వ్యాప్తంగా చర్చనీయాంశంగా మారింది. మరి చంద్రబాబు వ్యూహం ఏమిటీ? 

Image result for CHANDRABABU ON CBI NO ENTRYఉప్పు, నిప్పుగా వున్న కేంద్ర ప్రభుత్వం ఏపీపై విమర్శనాస్త్రాలను సంధిస్తోంది. వేల కోట్ల అవినీతి ఏపీలో జరుగుతోందని బీజేపీ నేత జీవిఎల్ లాంటి వారు తీవ్ర విమర్శలు గుప్పిస్తున్నారు. దీనిపై సీపీబీఐ విచారణకు డిమాండ్ చేశారు. దీంతో ఇటీవల విశాఖ పట్నం ఎయిర్ పోర్టులో జగన్ పై హత్యాయత్నం కేసును సీబీఐకి అప్పగించాలని పలువురు హైకోర్టుకెక్కారు. ఈ నేపథ్యంలోనే సీబీఐ దాడులు జరగవచ్చన్న అనుమానం చంద్రబాబుకు చాలా కాలంగానే ఉందన్న ప్రచారం జరుగుతోంది. అందుకే ఇప్పుడు సీబీఐ రాష్ట్రంలో దాడులకు రాకుండా చేయాలనే ఉద్దేశంతోనే చంద్రబాబు సీబీఐని ఏపీలోకి రాకుండా నిషేధించినట్టు ప్రచారం జరుగుతోంది..

Image result for CHANDRABABU and mamata banerjeeజగన్ పై హత్యాయత్నం జరిగాక చంద్రబాబు ఏర్పాటు చేసిన సిట్ ఇంతవరకూ ఏమీ తేల్చలేదు. నిందితుడు శ్రీనివాస్ వెనుక ఎవరున్నారన్నది కనిపెట్టలేదు. అయినా సిట్ బాబు కనుసన్నల్లోనే నడిచి కేసు నీరుగారుస్తోందన్న విమర్శలు వ్యక్తమవుతున్నాయి. ఈ నేపథ్యంలోనే జగన్ పై హత్యాయత్నం కేసు హైకోర్టు కెక్కడం.. సీబీఐ విచారణ జరిపించాలని వైసీపీ నేతలు కోరుతున్న నేపథ్యంలోనే చంద్రబాబు సర్కారు సీబీఐని నిషేధిస్తూ నిర్ణయం తీసుకోవడం ఆసక్తి రేపుతోంది. కాగా సీఎం చంద్రబాబు తీసుకున్న నిర్ణయాన్ని హర్షించిన పశ్చిమ బెంగాల్ సీఎం మమతా బెనర్జీ కూడా తమ రాష్ట్రంలో సీబీఐకి ఇచ్చిన అనుమతిని ఉపసంహరించే దిశగా నిర్ణయాలు తీసుకునేందుకు యత్నిస్తున్నామని తెలపటం విశేషంగా చెప్పుకోవచ్చు. 

దీంతో జగన్ పై దాడి కేసు నుండి దృష్టి మళ్లించేందుకే చంద్రబాబు అలెర్ట్ అయ్యి సీబీఐ ఏపీలోకి రాకూడదంటూ తాజాగా ఉత్తర్వులు జారీ చేసినట్లుగా వార్తలు వస్తున్నాయి. మరోపక్క కానీ న్యాయనిపుణులు మాత్రం చంద్రబాబు వేసిన ఎత్తులు కోర్టుల ముందు నిలబడే అవకాశం లేదంటున్నారు. ఈ నేపథ్యంలో చంద్రబాబు వ్యూహం ఫలించేనా? ఏపీలో సీబీఐ దాడులు ఆగేనా? కోడి కత్తి వ్యవహారం తేలేనా? అనే విషయాలు తేలాలంటే కొంతకాలం వేచి చూడాల్సిందే.
 

14:53 - November 16, 2018

పశ్చిమబెంగాల్ : ఇటీవల కాలంలో ఏపీలో పలు ప్రాంతాలలో సీబీఐ హఠాత్తుగా దాడులకు పాల్పడిన విషయం తెలిసిందే ఈ నేపథ్యంలో రాష్ట్రంలోకి కేంద్ర దర్యాప్తు సంస్థ ప్రవేశాన్ని కట్టడి చేస్తూ ఏపీ ప్రభుత్వం నిర్ణయం తీసుకున్న సంగతి తెలిసిందే. ఈ క్రమంలో సీఎం చంద్రబాబు బాటలోనే పశ్చిమబెంగాల్ సీఎం మమతా బెనర్జీ కూడా అనుసరించబోతున్నారు. సీబీఐ చట్టాన్ని తాము కూడా పరిశీలిస్తున్నామని... తదుపరి చర్యలను త్వరలోనే తీసుకుంటామని మమతా  స్పష్టం చేశారు. రాష్ట్రాల పరిధిలో కేంద్రం తప్పుడు వైఖరిని అనుసరిస్తోందని ఆమె మండిపడ్డారు. అధికారాన్ని బీజేపీ దుర్వినియోగం చేస్తోందని.. సీబీఐ, ఈడీ, ఆర్బీఐలను తన చెప్పుచేతల్లో ఉంచుకోవాలని కేంద్రం భావిస్తోందనీ..ఈ క్రమంలోనే కేంద్రం తీసుకుంటున్న పలు నిర్ణయాలు రాష్ట్ర ప్రభుత్వాలను ఇబ్బందులకు గురిచేస్తోందని ఆమె విమర్శించారు. బీజేపీ కుతంత్రాల వల్ల దేశానికే ముప్పు వాటిల్లే అవకాశం ఉందని అన్నారు. ఈ నేపథ్యంలో, ఏపీ మాదిరే తమ రాష్ట్రంలో కూడా సీబీఐకి ఇచ్చిన అనుమతిని ఉపసంహరించుకునేందుకు యత్నిస్తున్నామని పశ్చిమ బెంగాల్ సీఎం మమతా బెనర్జీ తెలిపారు. కాగా ఏపీలో సీబీఐకి ఎంట్రీ లేదంటూ ఏపీ ప్రభుత్వం తీసుకున్న సంచలన నిర్ణయం తీసుకున్న విషయం తెలిసిందే.
 

 

10:35 - November 16, 2018

హైదరాబాద్ : తెలంగాణ రాష్ట్రంలో ఉన్న పార్టీలలో రెబెల్స్ బెడద ఎక్కువైంది. మహాకూటమి సీట్ల సర్దుబాటు అటు కాంగ్రెస్..ఇటు టీడీపీలో అసమ్మతి జ్వాల చెలరేగింది. కూటమి పొత్తులో భాగంగా కొన్ని సీట్లు టీడీపీకి..మరికొన్ని సీట్లు కాంగ్రెస్ కు వచ్చాయి. ఇదే నేతలకు..కార్యకర్తలకు తీవ్ర ఆగ్రహం కలిగించింది. తమకు టికెట్ వస్తుందని ఆశించి భంగపడిన నాయకులు అధిష్టానాలపై కన్నెర్ర చేస్తున్నారు. ఇలాంటి పరిస్థితి టీడీపీలో కూడా నెలకొంది. 
Image result for NTR Trust Bhavan TDP Leaders Protestముషీరాబాద్, ఖైరతాబాద్, జూబ్లీహిల్స్ వంటి సీట్లు కాంగ్రెస్ కు వెళ్లాయి. దీనిపై ఆయా నియోజకవర్గాల టీడీపీ నేతలు గుర్రుగా ఉన్నారు. తమ తడాఖా చూపెట్టాలని భావించిన సదరు నేతలు రెబెల్స్ గా బరిలోకి దిగాలని యోచిస్తున్నట్లు తెలుస్తోంది. అందులో భాగంగా ఓ హోటల్ లో రహస్యంగా సమావేశమయ్యారని తెలుస్తోంది. నగరంలో టీడీపీ బలంగా ఉందని..గెలిచే స్థానాలను కాంగ్రెస్ కు ఇవ్వడమేంటీ ? అని వారు వాదిస్తున్నారు. టీ.టీడీపీకి చెందిన ముఖ్యనాయకుడి తీరుపై నేతలు అసంతృప్తి వ్యక్తం చేస్తున్నట్లు సమాచారం. ఆయన వ్యవహరించిన తీరు...ఇతరత్రా అంశాలను పార్టీ జాతీయ అధ్యక్షుడు, ఏపీ సీఎం చంద్రబాబు నాయుడికి తెలియచేయాలని వారు భావిస్తున్నట్లు తెలుస్తోంది. రెబెల్స్ గా పోటీ చేయకుండా టీ.టీడీపీ నిలువరిస్తుందా ? లేదా ? అనేది రానున్న రోజుల్లో తెలుస్తోంది. 

14:41 - November 14, 2018

తూర్పుగోదావరి : యథావిధిగా జనసేనాని పవన్ కళ్యాణ్ అధికార పార్టీ నేతలపై మండిపడ్డారు. కాకినాడ బ‌హిరంగ స‌భ‌లో మాట్లాడుతూ…జనసేన ఆడపడుచులు, యువతీయువకుల పట్ల టీడీపీ నేతలు అభ్యంతరకర కామెంట్లు చేస్తున్నారనీ జనసేనా కార్యకర్తలు అలగా జనం అని పెద్దలు ఎన్టీఆర్ గారి అబ్బాయి, హిందూపురం ఎమ్మెల్యే..అయిన బాలకృష్ణ నోరు అదుపులో పెట్టుకోవాలని పవన్ హెచ్చరించారు.  తెలుగుదేశం ఎమ్మెల్యేలు, మంత్రులు ప్రజల గురించి నోటికి వచ్చినట్లు మాట్లాడుతున్నారనీ..కులం పేరుతో దూషిస్తున్నారనీ పవన్ మండిపడ్డారు. మంత్రి అచ్చెన్నాయుడు మత్స్యకారులపై కూడా నోరు పారేసుకున్నారని పవన్ గుర్తు చేశారు. వాళ్ళు నోరు అదుపులో పెట్టుకోవాలని పవన్ కళ్యాణ్ హెచ్చరించారు. తూర్పుగోదావరిలో జనసేన అధికారంలోకి వచ్చేలా జనసేన కృషి చేయాలని ఈ సందర్భంగా పవన్ కళ్యాణ్ పిలుపునిచ్చారు.

 

21:26 - November 13, 2018

తూర్పుగోదావరి : జిల్లాలోని రామచంద్రాపురంలో పర్యటిస్తున్న నేపథ్యంలో  వైసీపీ అధ్యక్షుడు జగన్ పై జనసేన అధినేత పవన్ కల్యాణ్ తీవ్ర స్థాయిలో ఘాటు  విమర్శలు చేశారు. జగన్ పై తాను  వ్యక్తిగతంగా విమర్శించడం లేదని పవన్ క్లారిటీ ఇచ్చి మరీ విమర్శలు సంధించారు. ప్రతిపక్ష నేతగా అసెంబ్లీకి వెళ్లి ప్రజాసమస్యలపై చర్చించకుండా..ప్రశ్నించకుండా తనపై విమర్శలు చేయటం సరికాదన్నారు. అసెంబ్లీకి వెళ్లి సీఎంను నిలదీయాల్సిన బాధ్యత ప్రజలు వైసీపీకి ఇచ్చారని... కానీ ప్రతిపక్ష నాయకుడు బుగ్గలు నిమరడం తప్ప ప్రశ్నించడంలేదన్నారు. బడుగు బలహీన వర్గాలు అండగా ఉంటామన్న వైసీపీ.. రెల్లికులస్థుల భూములను ఆ పార్టీ నేత దోచుకున్నా పట్టించుకున్న నాథుడు లేడన్నారు. ఒక ఎమ్మెల్యే, ఎంపీలేని తానే ఇన్ని ప్రజా సమస్యలకు పరిష్కారం కనుక్కుంటున్నానని.. వైసీపీ నేతలు ఏం చేస్తున్నారని ప్రశ్నించారు పవన్.
 

 

18:59 - November 13, 2018

విజయవాడ: అమరావతిలో టీడీపీ వ్యూహ కమిటీ ప్రతినిధులతో భేటీలో సీఎం చంద్రబాబు నాయుడు కీలక సూచనలు చేశారు. రాష్ట్రానికి బీజేపీ చేసిన నమ్మక ద్రోహాన్ని ఇంటింటికీ తిరిగి వివరించాలని చంద్రబాబు సూచించారు. కరపత్రాలు, వాల్‌పోస్టర్ల ద్వారా ప్రచారం చేయాలన్నారు. పార్టీ సంస్థాగత కార్యకలాపాలు, ఎలక్షన్-2019 మిషన్‌పైనా చంద్రబాబు సమీక్షించారు. ఇక అభ్యర్థులకు టికెట్లు విషయంపైనా చంద్రబాబు కీలక వ్యాఖ్యలు చేశారు. ఎమ్మెల్యేలపై ప్రజామోదం ఎప్పటికప్పుడు తెలుసుకుంటున్నానని చెప్పిన చంద్రబాబు ఈసారి గెలిచే వారికి, ప్రజామోదం ఉన్న వారికే టికెట్లు కేటాయిస్తామన్నారు. నిరంతరం ప్రజల్లో ఉండే వారికే పార్టీ తరపున ప్రాధాన్యత ఉంటుందని స్పష్టం చేశారు. ఎమ్మెల్సీ అభ్యర్థుల ఎంపికపై ప్రజాభిప్రాయం తీసుకోవాలని, ఐవీఆర్ఎస్ ద్వారా అభిప్రాయ సేకరణ జరపాలని సూచించారు.

ఈ నెల 20న నెల్లూరులో, 27న విజయనగరంలో ధర్మపోరాట సభలు ఉంటాయన్నారు. ఆ తర్వాత శ్రీకాకుళం, అనంతపురం జిల్లాల్లో నిర్వహిస్తామని చెప్పారు. చివరగా, కృష్ణా, గుంటూరు జిల్లాల్లో ఉమ్మడి ధర్మపోరాట సభను నిర్వహిస్తామని, ఈ సభకు జాతీయ పార్టీల నేతలు హాజరవుతారని చంద్రబాబు తెలిపారు. ఈ నెల 15, 16 తేదీల్లో నిర్వహించనున్న ‘జయహో బీసీ’ కార్యశాలను జయప్రదం చేయాలని, కార్యశాలలో వివిధ బీసీ కులాల నేతలు హాజరై చర్చించాలని చంద్రబాబు సూచించారు.

14:40 - November 13, 2018

హైదరాబాద్ : వైసీపీ అధినేత జగన్ పై విమానాశ్రయంలో దాడి జరిగిన విషయం తెలిసిందే. ప్రభుత్వ వైఫల్యం కారణంగానే తనపై దాడి జరిగిందని జగన్ గతంలో హైకోర్టును ఆశ్రయించారు. ఈ కేసు విచారణను ఏపీ ప్రభుత్వం తప్పుదోవ పట్టిస్తోందని పిటిషన్ లో ఆరోపించారు. కేంద్ర ప్రభుత్వ సంస్థలతో ఈ హత్యాయత్నంపై విచారణ జరిపించాలని పిటీషన్ లో జగన్  కోరారు. ఈ నేపథ్యంలో నేడు జగన్ పిటిషన్ పై విచారణ చేపట్టిన హైకోర్టు.. ఏపీ ముఖ్యమంత్రి చంద్రబాబు, డీజీపీ ఆర్పీ ఠాకూర్ సహా 8 మందికి నోటీసులు జారీచేసింది. రెండు వారాల్లోగా ఈ విషయమై తమ ప్రతిస్పందనను తెలియజేయాలని న్యాయస్థానం ఆదేశించింది. పోలీసులు జరిపిన విచారణ నివేదికను సీల్డ్ కవర్ లో సమర్పించాలని సూచించింది. అనంతరం తదుపరి విచారణను నవంబర్ 27కు వాయిదా వేసింది. కాగా అక్టోబర్ 25న హైదరాబాద్ కు వస్తున్న జగన్ పై విశాఖ ఎయిర్ పోర్టులో శ్రీనివాసరావు అనే యువకుడు కోడి కత్తితో దాడిచేసిన సంగతి తెలిసిందే. 
 

Pages

Don't Miss

Subscribe to RSS - ఏపీ