ఆరోపణలు

20:53 - November 13, 2018

హైదరాబాద్ : ఎన్నికల వేళ టిక్కెట్ల కోసం నేతలు పడిగాపులు కాస్తున్నారు. వారినే నమ్ముకున్న బంధుగణం టిక్కెట్స్ రాకపోవటంతో వారిపై కారాలు మిరియాలు నూరుతున్నారు. కాంగ్రెస్ సీనియర్ నేత సర్వే సత్యనారాయణకు ఇప్పడు ఏం చేయాలోపాలుపోవటంలేదు. ఇంటిపోరుతోసర్వే బుర్ర బొప్పి కడుతోంది. పిల్లనిచ్చిన పాపానికి టిక్కెట్ రాలేదని సర్వే సత్యనారాయణ అల్లుడు క్రిశాంక్ మామపై మండిపడుతున్నారు. అంతేకాదు మామ సర్వేపై క్రిశాంక్ తీవ్ర వ్యాఖ్యలు చేశారు. తొలి జాబితాలో ఆయనకు టికెట్ దక్కకపోవడంపై  హైదరాబాద్ లోని గాంధీ భవన్ వద్ద ఆయన నిరసన వ్యక్తం చేశారు. ఈ సందర్భంగా ఆయన మీడియాతో మాట్లాడుతూ, కంటోన్మెంట్ ప్రజలకు సర్వే సత్యనారాయణ అంటే ఎవరో తెలియదని..‘గర్భిణీగా వున్న నా భార్యను ఇంట్లోనే వదిలేసి కంటోన్మెంట్ లో ఉన్న మొత్తం 17 బస్తీల్లో ఐదు నెలల పాటు ‘బస్తీ నిద్ర’ చేశానని అయినా తనకు టిక్కెట్ కేటాయించలేదనీ..సీనియర్ నేత అయిన తన మామకూడా తనకు ఏమి చేయలేకపోయాడని వాపోయాడు. బాధాకరమైన విషయమేంటంటే.. నాలుగున్నరేళ్ల నుంచి కూడా ఆ నియోజకవర్గంపై ఒక్క ప్రెస్ మీట్ కూడా సర్వే సత్యనారాయణ గారు పెట్టలేదు..’ అంటూ విమర్శించారు. కొంతమంది తనకు టికెట్ రాకుండా అడ్డుకున్నారని క్రిశాంక్  ఆరోపించారు. యువత రాజకీయాలు చేయాలంటే వారికి గాడ్ ఫాదర్ కావాలన్న విషయం తనకు అర్థమైందని, గాడ్ ఫాదర్ లేని వారికి ఎటువంటి అవకాశాలు రావని ఆవేదన వ్యక్తం చేశారు.  
 

19:43 - November 12, 2018

వరంగల్ : రాష్ట్ర విమోచన ఉద్యమ సమయంలో అశువులు బాసిన ఉద్యమ కారుడు శ్రీకాంతాచారి తల్లి మరోసారి వార్తల్లో నిలిచారు. ఎన్నికల వేళ టిక్కెట్ కోసం ప్రయత్నిస్తున్న ఆమె తనకు టిక్కెట్ రాకుండా జగదీశ్ రెడ్డి అడ్డుకుంటున్నారని ఆరోపించారు. తాను బీసీ మహిళను అయినందుకే నాకు టికెట్ రాకుండా మంత్రి జగదీశ్ రెడ్డి అడ్డుకుంటున్నారని శంకరమ్మ ఆరోపించారు. తెలంగాణభవన్ కు  వెళ్లిన శంకరమ్మ నాలుగేళ్లుగా తనను జగదీశ్ రెడ్డి వేధిస్తున్నారని..ఇప్పుడు తనకు టిక్కెట్ రాకుండా అడ్డుకునేందుకు కుట్రలు చేస్తు..ఎన్ఆర్ఐ సైదిరెడ్డికి టికెట్ ఇప్పించేందుకు యత్నిస్తున్నారని తనకు కాకుండా ఆయనకు టికెటిస్తే తెలంగాణ తల్లి విగ్రహం ఎదుట ఆత్మహత్య చేసుకుంటానని హెచ్చరించారు. అంతేకాదు జగదీశ్ రెడ్డికి అమరవీరుల ఉసురు తగులుతుందని శాపనార్థాలు పెట్టారు. టీఆర్ఎస్, కేసీఆర్, కేటీఆర్ లపై తనకు ఎనలేని గౌరవం ఉందని జగదీశ్ రెడ్డి మాత్రం వందల కోట్ల రూపాయలు కూడబెట్టుకున్నారంటూ జగదీశ్ రెడ్డిపై ఆరోపణలు చేయటం గమనించాల్సిన విషయం. 
 

08:36 - October 17, 2018

ఢిల్లీ : భారత విదేశాంగ సహాయమంత్రి ఎంజే అక్బర్‌ మీ టూ ఉద్యమం సుడిలో చిక్కుకున్నారు. ఎంజే అక్బర్‌ వేధింపుల గురించి మొదట ప్రముఖు పాత్రికేయురాలు ప్రియా రమణి బయటపెట్టిన సంగతి తెలిసిందే. తాజాగా మరో మహిళ మంత్రి మీద లైంగిక వేధింపుల ఆరోపణలు చేస్తూ మీ టూ స్టోరీతో ముందుకు వచ్చారు. 

తుషితా పటేల్ అనే మహిళ ఎంజే అక్బర్‌ తనను లైంగికంగా వేధించాడని తెలిపారు. ఓ హోటల్‌లో ఆయన అర్ధ నగ్నంగా తనను కలవడమే కాకుండా ముద్దు పెట్టుకోవడానికి ప్రయత్నించాడని ఆరోపించించారు. ఆయనతో రెండు సందర్భాల్లో ఇలాంటి చేదు అనుభవాలు ఎదురయ్యాయని వెల్లడించించారు.

కాగా తన మీద మహిళా జర్నలిస్టులు చేస్తోన్న ఆరోపణలన్నీ అబద్ధాలని అక్బర్‌ అంటున్నారు. అంతేకాకుండా ప్రియా రమణి మీద పరువు నష్టం దావా కేసు కూడా వేశారు. కానీ బాధితులంతా రమణికి పూర్తి మద్దతు ప్రకటించారు. రమణికి మాత్రం మద్దతు విపరీతంగా పెరిగిపోతోంది. అలాగే క్రౌడ్ ఫండింగ్ సాయంతో ఆమెకు న్యాయపరమైన ఖర్చులు అందించి.. సహకరిస్తామని హామీ ఇచ్చారు. 

15:34 - October 3, 2018

తూర్పుగోదావరి :  స్వామివారికి నిత్యం పూజలు నిర్వహించే పూజారి..భక్తుల కోరికలను స్వామివారికి తెలుపుతు అర్చనలు చేసే అర్చకుడు ఆత్మహత్యకు పాల్పడ్డారు. ఆలయ పాలక మండలి తనను మానసికంగా వేధిస్తున్నారనీ ఓ అర్చకుడు ప్రాణాలు తీసుకున్నాడు. అర్చకత్వ బాధ్యతల నుంచి తప్పించారని ఆరోపిస్తూ పురుగుల మందు తాగాడు. దీంతో ఆయన్ని చికిత్స నిమిత్తం ఆసుపత్రికి తరలించగా..చికిత్స పొందుతూ ప్రాణాలు విడిచాడు. 
కోరుకొండ మండలం కణుపూరు శివాలయంలో మల్లికార్జున శర్మ గత 30 ఏళ్లుగా అర్చకత్వ బాధ్యతలు నిర్వహిస్తున్నారు. ఆలయ పాలక మండలి శర్మను ఇటీవల విధుల నుంచి తప్పించింది. ఈ నేపథ్యంలో నిన్న సెల్ఫీ సూసైడ్ వీడియోను శర్మ తీసుకున్నాడు. అందులో ఆలయ పాలకమండలి వేధింపుల కారణంగానే తాను చనిపోతున్నట్లు ఆరోపించాడు. పాలకమండలి  సభ్యులు పగబడ్డి తనను విధుల నుంచి తప్పించారని మల్లికార్జున శర్మ ఆవేదన వ్యక్తం చేశాడు.
తన ఆత్మహత్యకు కారకులైవారిపై కఠిన చర్యలు తీసుకోవాలని పోలీసులను కోరిన శర్మ.. వారి పేర్లను సెల్ఫీ వీడియోలో ప్రస్తావించాడు. అధికారులు సరైన చర్యలు తీసుకోకుంటే తన స్థానంలో వచ్చే ఎవరికైనా ఇదే గతి పడుతుందని హెచ్చరించాడు. గుప్త నిధుల తవ్వకాలు జరిపామని తనపై, తన కుంటుంబ సభ్యులపై నిందలు మోపిన వారిని విడిచిపెట్టొద్దని కోరాడు.

19:12 - September 12, 2018

మంచిర్యాల : తనపై నల్లాల ఓదేలు వర్గం హత్యాయత్నానికి పాల్పడిందని ఎంపీ బాల్క సుమన్ ఆరోపించారు. జిల్లాలోని చెన్నూరు నియోజకవర్గంలో ప్రచారానికి వచ్చిన తనపై హత్యాయత్నం చేశారని పేర్కొన్నారు. చెన్నూరు నియోజకవర్గ టిక్కెట్ ను కేసీఆర్ తనకు కేటాయించారని ఎవరూ అడ్డుపడినా ఇక్కడి నుంచే పోటీ చేస్తానని తెలిపారు. ఓదేలు వర్గం ఎన్నికుట్రలు పన్నినా తన నిర్ణయాన్ని మార్చుకునేది లేదని స్పష్టం చేశారు. చెన్నూరు నియోజకవర్గ అభ్యర్థిగా బాల్క సుమన్ టీఆర్ ఎస్ ఇటీవలే ప్రకటించిన విషయం విధితమే. దీన్నితాజా మాజీ ఎమ్మెల్యే నల్లాల ఓదేలు తీవ్రంగా ఖండించారు. తనకు చెన్నూరు టిక్కెట్ ఇవ్వాలని డిమాండ్ చేస్తూ నిన్న ఓదేలు స్వీయ గృహ నిర్బంధం విధించుకున్నారు. దీంతో ఓదేలు వర్గ బాల్క సుమన్ పై ఆగ్రహంతో ఉన్నారు.

ఇవాళ నియోజకవర్గంలోని ఇందారం గ్రామంలో పర్యటించేందుకు వెళ్లిన బాల్క సుమన్‌ను ఓదేలు వర్గీయులు అడ్డుకున్నారు. దీంతో ఇరువర్గాల మధ్య తోపులాట జరిగింది. ఈ క్రమంలో ఓదేలు అనుచరుడు రేగుంట గట్టయ్య కిరోసిన్‌ పోసుకుని ఆత్మాహత్యాయత్నానికి పాల్పడ్డారు. ఈ ఘటనను బాల్క సుమన్‌ తీవ్రంగా ఖండించారు. 

 

13:30 - August 23, 2018

చిత్తూరు : తిరుపతి టీటీడీకి చెందిన శ్రీనివాస మంగాపురం ఆలయ ఏఈవోపై లైంగిక వేధింపుల కేసు నమోదైంది. శ్రీనివాసులు తనను లైంగిక వేధిస్తున్నాడని ఓ మహిళ ఫిర్యాదు చేసింది. శ్రీనివాస మంగాపురం ఆలయంలో గతకొంతకాలంగా బాధితురాలి తల్లి పని చేస్తోంది. అయితే తల్లిని కలిసేందుకు వెళ్లినప్పుడు ఆ మహిళపై ఏఈవో శ్రీనివాసులు లైంగిక వేధింపులకు పాల్పడుతున్నారు. తాను చెప్పినట్లు వినాలని, చెప్పిన చోటుకు రావాలని శ్రీనివాసులు వేధిస్తున్నాడని మహిళ పేర్కొంది. టీటీడీ ఏఈవో, విజిలెన్స్ అధికారులకు యువతి ఫిర్యాదు చేసింది. చంద్రగిరి పీఎస్ లో బాధితురాలు ఫిర్యాదు చేశారు. ఈమేరకు శ్రీనివాసులపై పోలీసులు కేసు నమోదు చేసి, దర్యాప్తు చేస్తున్నారు. మరిన్ని వివరాలను వీడియోలో చూద్దాం... 

 

 

21:48 - August 5, 2018

మేడ్చల్‌ : జిల్లాలోని చర్లపల్లి జైలు సూపరింటెండెంట్‌పై వేధింపుల ఆరోపణలు వచ్చాయి. చింతల దశరథం తనను వేధిస్తున్నాడంటూ వార్డర్‌ శ్రీనివాస్‌ సూసైడ్‌ నోట్‌ రాశాడు. నిజాయితీగా ఉన్నందుకు తనను వేధిస్తున్నాడని శ్రీనివాస్‌ సెల్ఫీ వీడియో తీసి కనిపించకుండా పోయాడు. దీంతో ఆందోళన నెలకొంది. దశరథం అవినీతి, అక్రమాలకు పాల్పడుతున్నాడని శ్రీనివాస్‌ తన సూసైడ్‌ లేఖలో పేర్కొన్నాడు. 

19:29 - August 1, 2018

గుంటూరు : ఆంధ్రప్రదేశ్‌లో.. ఐదు జిల్లాలను సైబరాబాద్‌లుగా తీర్చిదిద్దాలన్న లక్ష్యంతో ముందుకు వెళుతున్నామని రాష్ట్ర ఐటీ మంత్రి నారా లోకేశ్‌ చెప్పారు. విశాఖ, ఉభయగోదావరి, చిత్తూరు, అమరావతిలతో పాటు.. అనంతపురం జిల్లాలనూ ఐటీ పరిశ్రమలను స్థాపింప చేస్తామన్నారు. 2019 నాటికి ఐటీ రంగంలో లక్ష, ఎలెక్ట్రానిక్స్‌ మానుఫ్యాక్చరింగ్‌లో రెండు లక్షలు చొప్పున ఉద్యోగాలు కల్పిస్తామని హామీ ఇచ్చారు. 
మరో పది ఐటీ కంపెనీలు ప్రారంభం 
నవ్యాంధ్రప్రదేశ్‌లో సరికొత్తగా మరో పది ఐటీ కంపెనీలు ప్రారంభమయ్యాయి. అమరావతిలోని ఏపీ ఎన్నార్టీ పార్క్‌లో.. ఒకేసారి పది ఐటీ సంస్థలను.. రాష్ట్ర ఐటీ మంత్రి నారాలోకేశ్‌ ప్రారంభించారు. వీటి ద్వారా వెయ్యిమందికి ఉద్యోగావకాశాలు కలగనున్నాయి. ఎన్నికల నాటికి రాష్ట్రంలోని నిరుద్యోగ యువతకు మూడు లక్షల ఉద్యోగాలు కల్పించే లక్ష్యంతో అహర్నిశలూ కృషిచేస్తున్నామని లోకేశ్‌ చెప్పారు. ఈ దిశగా.. ఐదు జిల్లాలను సైబరాబాద్‌లుగా తీర్చిదిద్దాలని నిర్ణయించామన్నారు.
ఎంఓయూలు వాస్తవరూపం 
ఎంఓయూలను వాస్తవరూపంలోకి తేవడంలో.. ఏపీ దేశంలోనే అగ్రభాగాన ఉందని లోకేశ్‌ వెల్లడించారు. సీఐఐ సదస్సులో ఐటీ శాఖ కుదుర్చుకున్న ఎంఓయూలు దాదాపుగా వాస్తవరూపం దాల్చాయన్నారు. జియో కంపెనీకి చెందిన ఎలెక్ట్రానిక్స్‌ ఉత్పత్తుల్లో 80శాతం ఏపీలోనే చేస్తామని రిలయన్స్‌ సంస్థతో ఒప్పందం కుదిరిందని.. తిరుపతిలో 125 ఎకరాలు దీనికోసం సిద్ధం చేస్తున్నామని లోకేశ్‌ తెలిపారు. ప్రభుత్వం రూపొందించుకున్న విధానం వల్లే.. ఇది సాధ్యపడుతోందని లోకేశ్‌ చెప్పారు. 
పవన్‌ వ్యాఖ్యలపై స్పందించిన లోకేశ్‌  
తనను అవినీతిపరుడని ఆరోపించిన పవన్‌ వ్యాఖ్యలపై లోకేశ్‌ స్పందించారు. తాను అవినీతిపరుడైతే ఇన్ని సంస్థలు రాష్ట్రానికి వచ్చేవా అని ప్రశ్నించారు. తనపై ఆరోపణలను నిరూపించాల్సిన బాధ్యత కూడా వారిపైనే ఉంటుందని అన్నారు. రాజధాని నిర్మాణంపై ఆరోపణలు చేస్తూ.. పనులను అడ్డుకుంటామనడాన్ని తప్పుబట్టిన లోకేశ్‌.. పది మంది కోసం 35వేల ఎకరాలిచ్చిన రైతులను ఇబ్బందిపెట్టలేమని అన్నారు. విపక్షాలు అడ్డుకుంటే.. పెట్టుబడులు రావని, ఇది సరైంది కాదని లోకేశ్‌ ఆవేదన వ్యక్తం చేశారు. 

 

22:06 - July 21, 2018

హైదరాబాద్ : ఎన్నికలకు ముందే.. కత్తులు దూసుకుంటున్నారు రాజకీయ నేతలు. ఆరోపణలు, ప్రత్యాపరోణలతో ఎన్నికల వేడిని రాజేస్తున్నారు.. అవిశ్వాస తీర్మానంపై ఎవరికి వారే తమదైన శైలిలో స్పందిస్తున్నారు.. తమను తాము సమర్థించుకుంటూనే... ప్రత్యర్థి పార్టీలపై విమర్శల దాడి చేస్తూ ఎలక్షన్‌ స్టంట్‌ను తలపిస్తున్నారు.

ఆరోపణలు, ప్రత్యారోపణలతో ఎన్నికల దృశ్యాన్ని కళ్ళకు కట్టిస్తున్నారు రాజకీయనేతలు. అవిశ్వాసం చర్చ నేపథ్యంలో ఒకరిపై ఒకరి దుమ్మెత్తి పోసుకుంటున్నారు. బీజేపీ, టీడీపీ, వైసీపీలు మోసకారి పార్టీలని విమర్శించారు కాంగ్రెస్‌ నేత ఎన్. రఘువీరారెడ్డి. ఆ పార్టీలను నమ్మి మోసపోవద్దని ప్రజలకు పిలుపునిచ్చారు.  ఆంధ్రప్రదేశ్‌కు ప్రత్యేక హోదా ఇచ్చే శక్తి కాంగ్రెస్‌ పార్టీకి మాత్రమే ఉందన్నారు రఘువీరారెడ్డి. 

మరో వైపు టీఆర్‌ఎస్‌పై టీ కాంగ్రెస్‌ తీవ్ర స్థాయిలో విమర్శలు గుప్పించింది. పార్లమెంట్‌ సాక్షిగా బీజేపీ-టీఆర్‌ఎస్‌ దోస్తాని బయటపడిందన్నారు టీపీసీసీ అధ్యక్షుడు ఉత్తమ్‌కుమార్‌రెడ్డి. అవిశ్వాస తీర్మాన సమయంలో టీఆర్‌ఎస్‌ సభ్యులు గైర్హాజరై..  పరోక్షంగా బీజేపీకి మద్దతిచ్చారని విమర్శించారు.  తెలంగాణాకు రావాల్సిన నిధులు, ప్రాజెక్టులపై  ఏ మాత్రం మాట్లాడలేదన్నారు. 

టీఆర్ఎస్‌, బీజేపీ పార్టీలు  చీకటి  ఒప్పందం ప్రకారం నడుకుంటున్నాయని తీవ్రంగా ఆరోపించారు డీకే అరుణ. ముస్లీం ఓటర్లకు దూరం కాకూడదన్న ఉద్దేశంతోనే ఈ చీకటి ఒప్పందం చేసుకున్నాయని ఆరోపించారు.  అందుకే.. పార్లమెంటులో ప్రధాని తెలంగాణాను అవమానించే విధంగా మాట్లాడినా టీఆర్ఎస్‌ నోరు మెదపలేదన్నారు. మొత్తానికి రాజకీయనేతల ప్రసంగాలు.. ఎన్నికల ప్రచార సభలను తలపిస్తున్నాయి. 

10:51 - June 28, 2018

రాజ్యసభ సభ్యుడు డి.శ్రీనివాస్‌పై నిజామాబాద్‌ జిల్లా టీఆర్ఎస్‌ నాయకులు అగ్గిమీద గుగ్గిలం అవుతున్నారు. డి.శ్రీనివాస్‌ సొంతపార్టీలోనే గ్రూపులను ప్రోత్సహిస్తున్నారని, పార్టీ వ్యతిరేక కార్యకలాపాలకు పాల్పడుతున్నారని మండిపడుతున్నారు. ఇదే విషయాన్ని సీఎం కేసీఆర్‌కూ ఫిర్యాదు చేశారు. తనపై జిల్లా నేతల ఫిర్యాదు నేపథ్యంలో.. వివరణ ఇచ్చేందుకు ప్రయత్నించగా.. ఆయనకు సీఎం అపాయింట్‌ లభించలేదు. ఇదే అంశంపై నిర్వహిచిన చర్చా కార్యక్రమలో విశ్లేషకులు వినయ్ కుమార్, కాంగ్రెస్ నేత గోస్ల శ్రీనివాస్, టీఆర్ ఎస్ నేత సత్యనారాయణ గుప్త పాల్గొని, మాట్లాడారు. మరిన్ని వివరాలను వీడియోలో చూద్దాం... 

 

Pages

Don't Miss

Subscribe to RSS - ఆరోపణలు