వేస్తే..అంతే : IAFకు శక్తివంతమైన స్పైస్-2000 బాంబులు వచ్చేశాయ్

Submitted on 16 September 2019
IAF receives first batch of Spice 2000 bombs used during Balakot airstrike

బిల్డింగ్ లను సైతం ఈజీగా నేలమట్టం చేయగల శక్తివంతమైన స్పైస్- 2000 బాంబులు భారత అమ్ములపొదిలో చేరాయి. నరేంద్ర మోడీ ప్రభుత్వం అత్యవసరంగా ఈ ఏడాది జూన్‌ లో బాంబుల కొనుగోలుకు ఇజ్రాయెల్‌ తో ఒప్పందం కుదుర్చుకుంది. ఇజ్రాయెల్ తో భారత్ కుదుర్చుకున్న ఒప్పందంలో భాగంగా మొదటి విడత స్పైస్- 2000 బాంబులు మధ్యప్రదేశ్ రాష్ట్రంలోని గ్వాలియర్ లోని వైమానిక కేంద్రానికి వచ్చాయి. ఒప్పందం ప్రకారం ఇజ్రాయెల్ నుంచి మరిన్ని బాంబులు రానున్నాయి. 

ఈ ఏడాది ఫిబ్రవరిలో పుల్వామా ఉగ్రదాడికి ప్రతీకారంగా సరిహద్దు దాటి పాకిస్తాన్ లోని బాలాకోట్ లో ఉన్న జైషే మహమ్మద్ ఉగ్రస్థావరాలపై భారత వాయుసేన స్పైస్ -2000 బాంబులతోనే దాడి చేసిన విషయం తెలిసిందే. మిరాజ్ యుద్ద విమానాల నుంచి స్పైస్ -2000 బాంబులను వాయుసేన ఉగ్ర శిబిరాలపై వేసి ధ్వంసం చేసింది. ఎక్కువ బరువు వల్ల ఈ బాంబులు భవనం పైకప్పును చీల్చుకుని లోపలికి చేరగలవు.

పెద్ద పెద్ద బిల్డింగ్ లను సులభంగా నేలమట్టం చేసే సత్తా ఈ బాంబులకు ఉంది. భారత్ తో యుద్ధం చేస్తాం అంటూ పాక్ కయ్యానికి కాలుదువ్వుతున్న సమయంలోఉ గ్రవాద శిబిరాలను స్పైస్ 2000 బాంబులతోనే పేల్చివేసిన వాయుసేన..మరిన్ని బాంబులను కొనుగోలు చేసి పాక్‌ కి షాకిచ్చింది.

IAF
receives
first batch
Spice 2000
Bombs
used
Balakot airstrike

మరిన్ని వార్తలు