గోదావరి జిల్లాలో లారీ-వ్యాను ఢీ : నలుగురు మృతి 

Submitted on 20 September 2019
Four killed in lorry-van road accident in West Godavari district

రోడ్డు ప్రమాదాలకు ఎన్నో ప్రాణాలు బలైపోతున్నాయి. రోడ్డు ప్రమాదాలు జరగని రోజంటూ ఉండదంటే అతిశయోక్తి కాదు. ఇంటి నుంచి బయలుదేరి తిరిగి ఇంటికి క్షేమంగా చేరుకుంటామో లేదో కూడా తెలియని పరిస్థితి. రోజు రోజుకు పెరుగుతున్న రోడ్డు ప్రమాదాలు భయాందోళనకలు గురిచేస్తున్నాయి. ఈ క్రమంలో పశ్చిమగోదావరి జిల్లా నల్లజర్లలో ఘోర రోడ్డు ప్రమాదం సంభవించింది. 

నల్లజర్లలో జరిగిన ఈ ప్రమాదంలో నలుగురు మృతి చెందారు. మరో ఏడుగురికి తీవ్రంగా గాయాలయ్యాయి. విశాఖపట్నానికి చెందిన 11మంది కుటుంబ సభ్యులు వ్యానులో ఏలూరుకు వెళ్తుండగా..ఎదురుగా వస్తున్న లారీ వ్యానును వేగంగా ఢీకొనటంతో ఈ ప్రమాదం జరిగింది. 

స్థానికులు సమాచారంతో పోలీసులు ఘటనాస్థలానికి చేరుకున్నారు. స్థానికులు సహాయంతో గాయపడినవారిని హాస్పిటల్ కు తరలిస్తుండగా..ఇద్దరు చిన్నారులు మృతి చెందారు.  
మృతుల్లో ఓ పురుషుడు,మహిళ అక్కడిక్కడే మృతి చెందారు. తీవ్రంగా గాయపడిన ఇద్దరు చిన్నారులను హాస్పిటల్ కు తరలిస్తుండగా మార్గం మధ్యలోనే ప్రాణాలు కోల్పోయారు. వ్యాను డ్రైవర్ పరిస్థితి కూడా విషమంగా ఉన్నట్లుగా తెలుస్తోంది. 
 

Four killed
lorry-van
road accident
West Godavari
Nallajarla

మరిన్ని వార్తలు