విద్యుత్ శాఖపై సీఎం కేసీఆర్ సమీక్ష..

హైదరాబాద్ : క్యాంపు కార్యాలయంలో విద్యుత్ శాఖపై సీఎం కేసీఆర్ సమీక్ష నిర్వహించారు. ట్రాన్స్ కో, జెన్ కో, డిస్కంలలోని ఔట్ సోర్సింగ్ ఉద్యోగులను రెగ్యులరైజ్ చేసే అవకాశాలను పరిశీలించాలని సీఎం ఆదేశించారు. తక్కువ జీతాలతో పనిచేస్తున్న ఔట్ సోర్సింగ్ ఉద్యోగులను మానవతా దృక్పథంతో క్రమబద్ధీకరించాలని, దీనికి సంబంధించిన విధి విధానాలను రూపొందించాలని ఆదేశించారు. విద్యుత్ ఉద్యోగుల అన్ని సమస్యలు పరిష్కరించేందుకు ప్రభుత్వం సానుకూలంగా ఉందని పేర్కొన్నారు. విద్యుత్ ఉద్యోగులు రేపు మంత్రి జగదీష్ రెడ్డితో సమావేశమై చర్చించుకుని సమస్యలు పరిష్కరించుకోవాలని సూచించారు. 

Don't Miss