వసంతపై కేసు నమోదు

10:51 - September 10, 2018

విజయవాడ:  వైఎస్సార్ కాంగ్రెస్ నాయకుడు హోమ్ శాఖ మాజీ మంత్రి వసంత నాగేశ్వర రావుపై కృష్ణా జిల్లా ఇబ్రహీంపట్నం పోలీసులు కేసు నమోదు చేశారు. గుంటుపల్లి పంచాయితీ కార్యదర్శి ఎన్ వెంకటేశ్వరరావు పోన్ లో తనను వసంత నాగేశ్వరరావు బెదిరించారని ఫిర్యాదు చేయడంతో కేసు నమోదు చేశారు. సంభాషణలను రికార్డ్ చేసి ఆయన పోలీసులకు అందజేశారు.

గ్రామంలో ఫ్లెక్సీలు తొలగిస్తుండగా తనకు వసంత నాగేశ్వరరావు ఫోన్ చేసి దూషించారని, తనను తెలుగుదేశం ఏజంటుగా పనిచేస్తున్నావని తిట్టారని వెంకటేశ్వరరావు ఫిర్యాదులో ఆరోపించారు. తన కుటుంబ సభ్యుల వివరాలు అడిగ తనను భయపెట్టారని.. తనకు ప్రాణహాని ఉందంటూ ఫిర్యాదులో పేర్కొన్నారు. ఫోన్ సంభాషణను ఫోరెన్సిక్ ల్యాబ్ పంపుతున్నట్టు పోలీసులు చెప్పారు.

Don't Miss