సభకు వస్తామన్న వైసీపీ..కండీషన్ అప్లై...

17:17 - September 5, 2018

ఏపీ అసెంబ్లీ సమావేశాలు ప్రారంభం కంటే హీట్ ను పెంచుతున్నాయి. ఈ సారి కూడా వైసీపీ సభకు హాజరవుతుందా ? లేదా ? అనే చర్చ జరుగుతోంది. సమావేశాలకు హాజరుపై వైసీపీ ఓ లేఖ రాసింది. స్పీకర్ కోడెల, సీఎం చంద్రబాబు నాయుడులకు వైసీపీ నాలుగు పేజీల లేఖ రాసింది. స్పీకర్ కోడెల విజ్ఞాపన మేరకు ఈ లేఖను రాస్తున్నామని, పార్టీ ఫిరాయించిన మంత్రులను, 22 మంది ఎమ్మెల్యేలను తక్షణం తొలగించాలని లేఖలో డిమాండ్ చేసింది. ప్రజాస్వామ్యయుతంగా వ్యవహరించాలని, ఈ విషయాన్ని 2017 అక్టోబరులో శాసనసభ సమావేశాల సందర్భంగా చెప్పామని గుర్తు చేశారు. వెంటనే వారిని తొలగిస్తే తాము సమావేశాలకు హాజరవుతామని కండీషన్ పెట్టింది. ఎన్నో రోజులుగా పెండింగ్ లో ఉన్న ఈ అంశాలను ప్రభుత్వం, స్పీకర్ పరిష్కరిస్తారా ? అనేది వేచి చూడాలి. 

Don't Miss