అత్యంత విషమంగా వాజ్ పేయి ఆరోగ్యం

15:09 - August 16, 2018

ఢిల్లీ : మాజీ ప్రధాని వాజ్‌పేయి ఆరోగ్యం అత్యంత విషమించింది. ఈమేరకు ఎయిమ్స్ వైద్యులు హెల్త్ బులిటెన్ విడుదల చేశారు. వాజ్‌పేయి ఆరోగ్యం విషమంగానే ఉందని ఎయిమ్స్‌ వైద్యులు ప్రకటించారు. బుధవారం రాత్రి మాదిరిగానే ఆరోగ్యపరిస్థితి విషమంగా ఉన్నట్లు వైద్యులు తాజాగా విడుదల చేసిన హెల్త్‌ బులెటిన్‌లో పేర్కొన్నారు. ప్రస్తుతం వాజ్‌పేయికి వెంటిలేటర్‌పై చికిత్స అందిస్తున్నట్లు తెలిపారు. వాజ్‌పేయిని ఉప రాష్ట్రపతి వెంకయ్యనాయుడు, హోంమంత్రి రాజ్‌నాథ్‌సింగ్‌ పరామర్శించారు. ఇక అమిత్‌షా, జేపీ నడ్డా ఆస్పత్రిలోనే ఉండి పరిస్థితిని పర్యవేక్షిస్తున్నారు. నిన్న వాజ్‌పేయిని పరామర్శించిన ప్రధాని మోదీ... ఇవాళ మరోసారి ఎయిమ్స్ కు వచ్చి వైద్యులను అడిగి వాజ్ పేయి ఆరోగ్య పరిస్థితిని అడిగి తెలుసుకున్నారు. మరోవైపు వాజ్‌పేయిని పరామర్శించేందుకు పలువురు ప్రముఖులు ఎయిమ్స్‌కు వస్తున్నారు. కాసేపట్లో వాజ్‌పేయిని పరామర్శించేందుకు కాంగ్రెస్‌ జాతీయ అధ్యక్షుడు రాహుల్‌గాంధీ, పశ్చిమబెంగాల్‌ ముఖ్యమంత్రి మమతా బెనర్జీ రానున్నారు. ఇక వాజ్‌పేయి ఆరోగ్య పరిస్థితి విషమంగా ఉండడంతో బీజేపీ నేతలు పలు కార్యక్రమాలను రద్దు చేసుకున్నారు. మరోవైపు బీజేపీ పాలిత ముఖ్యమంత్రులు అత్యవసరంగా ఢిల్లీ రావాలని బీజేపీ అధిష్టానం ఆదేశించినట్లు తెలుస్తోంది. ఎయిమ్స్ ఆస్పత్రి వద్ద భారీ భద్రతా ఏర్పాటు చేశారు. మరోవైపు వాజ్ పేయి ఇంటి వద్ద బారీకేడ్లు ఏర్పాటు చేశారు. మరిన్ని వివరాలను వీడియోలో సమాచారాన్ని వీడియోలో చూద్దాం.. 

 

Don't Miss