కుప్పకూలిన ఫ్లై ఓవర్...

19:09 - August 11, 2018

ఉత్తరప్రదేశ్‌ : నిర్మాణంలో ఉన్న ఓ ఫ్లై ఓవర్‌ కుప్పకూలిపోయింది. బస్తీ జిల్లాలో శనివారం తెల్లవారు జామున ఈ ఘటన చోటుచేసుకుంది. ఈ ప్రమాదంలో అక్కడే పని చేస్తున్న ఓ కార్మికుడు తీవ్రంగా గాయపడ్డాడు. క్షతగాత్రుడిని వెంటనే స్థానిక ఆస్పత్రికి తరలించారు. పై వంతెనకు ఆసరాగా ఉండే ఐరన్‌ బీమ్‌లు కుంగిపోవడం వల్లే ప్రమాదం జరిగినట్లు ప్రత్యక్ష సాక్షులు తెలిపారు. గత రెండు వారాల నుంచి ఎడతెరిపి లేకుండా కురుస్తున్న వర్షాల కారణంగానే ఈ ప్రమాదం చోటు చేసుకున్నట్లు అధికారులు పేర్కొన్నారు. ఈ వంతెన నిర్మాణం దాదాపు 60 శాతం పూర్తయ్యింది. 

Don't Miss