ట్రాక్టర్ పైనుండి వరదనీటిలో పడ్డ మంత్రులు ..

20:16 - August 21, 2018

పశ్చిమగోదావరి : గోదవరి జిల్లాలో భారీ వర్షాలకు ఎర్రకాలువ పొంగి పొర్లుతోంది. దీంతో ప్రజల సమస్యలు తెలుసుకునేందుకు, వారికి భరోసానిచ్చేందుకు మంత్రులు వరద ప్రాంతాలలో పర్యటిస్తున్నారు. ఈ నేపథ్యంలో స్థానిక నేతలు మంత్రులకు ఓ ట్రాక్టర్ ను ఏర్పాటు చేశారు. దీనిపై ప్రయాణిస్తుండగా ట్రాక్టర్ ఓ పక్కకి ఒరిగిపోయింది. దీంతో మంత్రులు పై నుండి మోకాలు లోతులో వున్న వరద నీటిలో పడ్డారు. నల్లజర్ల మండలం చోడవరం లోని ముంపు ప్రాంతాలోని వరద నీటిలోనే మంత్రులు ప్రత్తిపాటి పుల్లారావు, జవహర్ తమ పర్యటనను కొనసాగించారు. అనంతరం స్థానికుల సమస్యలను అడిగి తెలుసుకున్నారు. ఇళ్లు కోల్పోయిన వారికి ఇళ్లు కట్టిస్తామని..వరదనీటికి పాడైపోయిన పంటలకు నష్టపరిహారం ఇస్తామని మంత్రులు హామీ ఇచ్చారు.

Don't Miss