గాంధీ విగ్రహం వద్ద టి.కాంగ్రెస్ నేతల ఆందోళన..

15:03 - December 5, 2016

హైదరాబాద్ : ఫీజు రీయింబర్స్ మెంట్ లను వెంటనే విడుదల చేయాలని కోరుతూ టి.కాంగ్రెస్ నేతలు ధర్నా నిర్వహించారు. అసెంబ్లీ ఆవరణలో ఉన్న గాంధీ విగ్రహం ఎదుట టి.పిసిసి చీఫ్ ఉత్తమ్ కుమార్ రెడ్డి, సీనియర్ నేత జానారెడ్డి తదితరులు బైఠాయించారు. వెంటనే అసెంబ్లీ సమావేశాలు ఏర్పాటు చేయాలని డిమాండ్ చేశారు. అసెంబ్లీలో భద్రత మోహరింపు జానా తీవ్ర ఆగ్రహం వ్యక్తం చేశారు. ప్రభుత్వం భయోత్పాతం సృష్టిస్తే ఎలా అని ప్రశ్నించారు. అసెంబ్లీ కార్యదర్శి సదారాంతో జానా మాట్లాడారు. అనంతరం మీడియాతో జానా మాట్లాడారు. ఎమ్మెల్యేలను, ఎమ్మెల్సీలను అగౌరవ పరుస్తున్నారని, అసెంబ్లీ సమావేశాలు ఏర్పాటు చేయాలని డిమాండ్ చేశారు. అసెంబ్లీలో ప్రజా సమస్యలు చర్చకు రావాల్సి ఉందని, ప్రజాప్రతినిధులు అసెంబ్లీ ప్రాంగణంలో ఉండవద్దా అని ప్రశ్నించారు. బీఏసీ మీటింగ్ లో చెప్పినా ప్రభుత్వం పట్టించుకోవడం లేదని జానారెడ్డి పేర్కొన్నారు. డీకే అరుణ, సంపత్, పద్మావతి, ఎమ్మెల్సీలు షబ్బీర్, పొంగులేటి, కోమటిరెడ్డి రాజగోపాల్ రెడ్డి తదితరులు ఈ ఆందోళనలో పాల్గొన్నారు.

 

Don't Miss