'మహిళలను ఆలయంలోకి ప్రవేశించకుండా అడ్డుకోవడం రాజ్యాంగ విరుద్ధం'

21:49 - July 18, 2018

ఢిల్లీ : కేరళలోని శబరిమలై అయ్యప్పస్వామి ఆలయంలోకి మహిళల ప్రవేశంపై ఉన్న నిషేధంపై సుప్రీంకోర్టులో వాదనలు జరిగాయి. ఆలయం ప్రయివేట్‌ ఆస్తి కాదు...అందరికి సంబంధించినదని కోర్టు స్పష్టం చేసింది.  స్త్రీ, పురుష భేదం దేవుడికే లేనపుడు భూమిపై ఈ భేదాలు ఎందుకని  కోర్టు ప్రశ్నించింది. ఏ ఆధారంతో ఆలయంలోకి మహిళల ప్రవేశాన్ని నిషేధిస్తున్నారని చీఫ్‌ జస్టిస్ దీపక్‌ మిశ్రా ఆలయ అధికారులను ప్రశ్నించారు. ఇది రాజ్యాంగం కల్పించిన ప్రాథమిక హక్కులకు భంగకరమని పేర్కొన్నారు. ఒకసారి ఆలయాన్ని భక్తుల కోసం తెరిచాక ఆ ఆలయానికి ఎవరైనా వెళ్లవచ్చని ప్రధాన న్యాయమూర్తి అభిప్రాయపడ్డారు. ఓ పురుషుడికి ఆలయంలో పూజించే హక్కు ఎంత ఉందో మహిళకు కూడా అంతే ఉంటుందని...మహిళలను ఆలయంలోకి ప్రవేశించకుండా అడ్డుకోవడం సరికాదని జస్టిస్‌ చంద్రచూడ్‌ అన్నారు. 10 నుంచి 50 ఏళ్ల లోపు మహిళలకు ఆలయ ప్రవేశాన్ని నిరాకరించడంపై సుప్రీంకోర్టు విచారణ జరిపింది.

 

Don't Miss