బీజేపీ ఎమ్మెల్యే నాలుక కోస్తే రూ.4 లక్షలు

11:58 - September 7, 2018

ఢిల్లీ : మహారాష్ట్ర బీజేపీ ఎమ్మెల్యే రామ్‌ కదమ్‌ నాలుకపై కాంగ్రెస్‌నేత, మాజీ మంత్రి సుబోధ్‌ సావ్‌జీ ఐదు లక్షల నజరానా ప్రకటించారు. దీంతో ఈ దృశ్యాలు సామాజిక మాధ్యమాల్లో విస్తృతంగా ప్రచారమయ్యాయి. యువకులు కోరుకుంటే నచ్చిన అమ్మాయిని అపహరించి తీసుకొస్తానని రామ్‌ కదమ్‌ వ్యాఖ్యానించిన సంగతి తెలిసిందే. మహారాష్ట్రలోని బులదానాలో సుబోధ్ సావ్ జీ గురువారం ఓ సమావేశంలో మాట్లాడుతూ ఎమ్మెల్యే రామ్‌ కదమ్‌ వ్యాఖ్యలపై తీవ్ర అభ్యంతరం వ్యక్తం చేశారు. ముందుగా ఎవరైతే రామ్‌ కదమ్‌ నాలుక కోసి తెస్తారో వారికి రూ.5లక్షలు నజరానా అందజేస్తానని ఆయన బహిరంగవేదికపై ప్రకంటించారు. అయితే దీనిపై వివరణ ఇచ్చేందుకు సుబోధ్‌ నిరాకరించారు.

కాగా ఘట్కోపర్‌లో ‘దహీ హండీ’వేడుకలో మాట్లాడుతూ రామ్ కదమ్‌ చేసిన వ్యాఖ్యాలపై సొంతపార్టీతో సహా వివిధ వర్గాల నుంచి తీవ్ర విమర్శలు వెల్లువెత్తుతున్నాయి. ఈ వేడుకలో ఆయన మాట్లాడుతూ ‘యువకులు నన్ను ఏ పని మీదైనా కలవచ్చు. మీకు వందశాతం ఆ పని చేసి పెడతాను. మీ తల్లిదండ్రులను కూడా తీసుకురండి. వారు ఒప్పుకుంటే మీకు నచ్చిన అమ్మాయిని అపహరించి తీసుకొచ్చి పెళ్లి చేస్తానంటూ’వివాదాస్పద వ్యాఖ్యాలు చేశారు. ఆ సమయంలో పెద్దఎత్తున యువకులు ఆ వేడుకలో ఉండటంతో ఉత్సాహంతో ఎమ్మెల్యే ఈ వ్యాఖ్యలు చేశారు. దీంతో మహారాష్ట్ర మహిళా కమిషన్‌ ఆయనకు నోటీసులు జారీచేసింది. 

 

Don't Miss