ఓయూలో శ్రీకాంతాచారి వర్ధంతి సభ..

18:32 - December 2, 2016

హైదరాబాద్ : ఉస్మానియా యూనివర్సిటీలో తెలంగాణ అమరవీరుడు శ్రీకాంతాచారి 7వ వర్ధతి సంస్మరణ సభ నిర్వహించారు. టీజాక్‌ ఛైర్మన్‌ ప్రొ. కోదండరామ్‌, కాంగ్రెస్ నేత దాసోజు శ్రవణ్‌ కుమార్‌, విద్యార్థి సంఘాలు శ్రీకాంతాచారికి ఘన నివాళులు అర్పించారు. ఈ సందర్భంగా కోదండరామ్‌ యూనివర్సిటీ ఆవరణలో మొక్కను నాటారు. శ్రీకాంతాచారి త్యాగనిరతిని విద్యార్థులు స్వీకరించాలని కోదండరామ్‌ అన్నారు. తెలంగాణ మలిదశ ఉద్యమంలో ప్రజల ఆకాంక్షను తెలిపేందుకు శ్రీకాంతాచారి త్యాగం చేశాడన్నారు. అమరులను గుర్తించే విధంగా ప్రత్యేకంగా ప్రభుత్వం కార్యక్రమాలు చేపట్టాలన్నారు.  

Don't Miss