పసలేని పలుకు...

20:43 - August 15, 2018

ఢిల్లీలో 72వ స్వాతంత్ర్య దినోత్సవ వేడుకలు ఘనంగా జరిగాయి. ఎర్రకోటలో ప్రధాని నరేంద్రమోదీ జాతీయ పతాకాన్ని ఎగురవేశారు. దేశ ప్రజలందరికీ స్వాతంత్ర్య దినోత్సవ శుభాకాంక్షలు తెలిపారు. అణగారిన వర్గాల అభివృద్ధికి తమ ప్రభుత్వం కట్టుబడి ఉందని ప్రధాని తెలిపారు. శ్రీకాకుళం జిల్లాలో స్వాతంత్ర్య దినోత్సవ వేడుకల్లో సీఎం చంద్రబాబు పాల్గొన్నారు. జిల్లాలోని ఆర్ట్స్‌ కాలేజీ గ్రౌండ్‌లో జాతీయ జెండాను ఎగరువేసి, ప్రజలకు స్వాతంత్ర్య దినోత్సవ శుభాకాంక్షలు తెలిపారు. ఈ సందర్భంగా చంద్రబాబు మాట్లాడుతూ ఆంధ్రప్రదేశ్‌ అభివృద్ధే తన లక్ష్యమని చంద్రబాబు తెలిపారు. హైదరాబాద్ లోని గోల్కొండ కోటలో స్వాతంత్ర్య దినోత్సవ వేడుకలు ఘనంగా జరిగాయి. గోల్కొండ కోటపై తెలంగాణ ముఖ్యమంత్రి కేసీఆర్‌ జాతీయ జెండాను ఎగురవేశారు. ప్రజలందరికీ స్వాతంత్ర్య దినోత్సవ శుభాకాంక్షలు తెలిపారు. రైతాంగం ప్రయోజనాలు రక్షించేందుకు రాజీలేని వైఖరితో ముందుకు పోతామన్నారు. ఇదే అంశంపై నిర్వహించిన చర్చా కార్యక్రమంలో విశ్లేషకులు, ది హిందూ మాజీ ఎడిటర్ నగేష్, కాంగ్రెస్ అధికార ప్రతినిధి అద్దంకి దయాకర్, టీడీపీ నేత రామకృష్ణ, బీజేపీ నేత రాకేశ్ రెడ్డి పాల్గొని, మాట్లాడారు. మోడీ, కేసీఆర్, చంద్రబాబు ప్రసంగాల్లో పస లేదన్నారు. మరిన్ని వివరాలను వీడియోలో చూద్దాం...  

Don't Miss