సాహితీ వేదికల వేడుకల విశేషాలు

13:42 - July 9, 2017

ప్రముఖ నవలారచయిత ప్రభాకర్ జైని రాసిన సినీవాలీ నవల ఆవిష్కరణ సభ ఇటీవల రవీంద్రభారతిలో జరిగింది. తెలంగాణా ప్రభుత్వ సలహాదారులు కె.వి.రమణాచారి అధ్యక్షతన జరిగిన ఈ సభలో  ఆధ్యాత్మిక గురువు శ్రీరాంసార్ సినీ వాలీ నవలను ఆవిష్కరించారు. ఈ కార్యక్రమంలో తెలంగాణా సాంస్కృతికశాఖ డైరెక్టర్ మామిడి హరికృష్ణ, నవ్యవీక్లీ ఎడిటర్ జగన్నాథశర్మ, ఎ.పి.బ్రాడ్ కాస్ట్ జర్నలిస్టు అసోషియేషన్  అధ్యక్షులు టి.రాజేందర్, బిక్కి కృష్ణ, అసుర, కత్తిమహేశ్ తదితరులు పాల్గొన్నారు.ఈ సందర్భంగా పలువురిని ఘనంగా సత్కరించారు. ఇటీవల మహబూబాబాద్ లో కవయిత్రి కీర్తనారెడ్డి రాసిన జీవనవీణ కవితా సంపుటిని ప్రముఖ కవి, ప్రజాగాయుడు గోరటి వెంకన్న ఆవిష్కరించారు. బిక్కి కృష్ణ అధ్యక్షతన జరిగిన ఈ కార్యక్రమంలో ఆంధ్రప్రభ ఎడిటర్ వై.ఎస్.ఆర్ శర్మ, జాయింట్ కలెక్టర్  దామోదర్ రెడ్డి, మున్సిపల్ ఛైర్మన్ ఉమా మురళీనాయక్, ఆకెళ్లరాఘవేంద్ర తదితరులుపాల్గొన్నారు. 

Don't Miss