అత్యాచార ఘటనలను లండన్‌లో ప్రస్తావించిన ప్రధాని మోది

09:18 - April 20, 2018

లండన్ : కతువా, ఉన్నావ్‌లో జరిగిన అత్యాచార ఘటనలపై విమర్శలు వెల్లువెత్తుతుండడంత ప్రధాని మోదీ లండన్ పర్యటనలో ప్రస్తావించారు. సెంట్రల్ లండన్‌లో జరిగిన ఓ కార్యక్రమంలో భారతీయ సంతతి ప్రజలను ఉద్దేశించి ఆయన మాట్లాడారు. చిన్న పిల్లలపై అత్యాచారం జరగడం ఎంతో బాధను కలిగిస్తుందన్నారు.  అత్యాచారం లాంటి ఘటనలను ప్రభుత్వాలతో పోల్చలేమని, రేప్‌ను రేప్‌గానే పరిగణించాలని, ఇలాంటి వాటిని ఎలా ఆమోదిస్తామని ప్రశ్నించారు. దీనిపై రాజకీయాలు చేయడం తగదన్నారు. అత్యాచారాల విషయంలో ఎర్రకోట నుంచే తల్లిదండ్రులకు తాను సందేశమిచ్చానని తెలిపారు. కూతురు ఇంటికి ఆలస్యంగా వస్తే ఎక్కడికెళ్లావని ప్రశ్నించే పేరెంట్స్...అదే కుమారుడు కూడా ఆలస్యంగా వస్తే ప్రశ్నించాలన్నారు. 

Don't Miss