కొత్త డైరెక్టర్స్ కు హిట్స్...

16:22 - February 21, 2018

తెలుగు ఇండస్ట్రీలో వస్తున్న కొత్త టాలెంట్ ఇప్పుడు హిట్ ట్రాక్ లో నడుస్తుంది. చిన్న చిన్న సినిమాలతో హిట్ కొట్టి ఇప్పుడు వరుస అవకాశాలను అందుకుంటున్నారు. కొత్త డైరెక్టర్స్ హావా పెరుగుతుంది. ఇండస్ట్రీ లో కొత్త డైరెక్టర్స్ కి మంచి అవకాశాలు వస్తున్నాయి. రీసెంట్ గా చిన్న సినిమాగా వచ్చి హిట్ కొట్టిన 'చలో' సినిమా కూడా కొత్తడైరెక్టర్ వెంకీ కుడుములు నుండి వచ్చిందే. యంగ్ హీరో నాగ శౌర్య హీరోగా రష్మిక హీరోయిన్ గా వెంకీ కుడుముల డైరెక్షన్ లో ఉష మూల్పూరి నిర్మాతగా వచ్చిన ఈ లవ్ అండ్ ఎంటర్టైనర్ 'చలో' సినిమా కలక్షన్స్ బాగా రాబట్టింది.

యూత్ ఫుల్ లవ్ సబ్జక్ట్స్ కి రైటర్ గా ఉంటూ ..కొత్తదనం ఉన్న స్టోరీ లైన్స్ మీద వర్క్ చేసిన వెంకీ అట్లూరి డైరెక్షన్ లో వచ్చిన ఫ్రెష్ లవ్ స్టోరీ ఈ 'తొలిప్రేమ' సినిమా. ఫ్రెష్ లవ్ స్టోరీస్ వచ్చి చాల రోజులైంది అని వెయిట్ చేసే ఆడియన్స్ కోసం కొత్త తరహా లవ్ స్టోరీ ని ప్రెజెంట్ చేసాడు వెంకీ అట్లూరి. నటుడిగా రైటర్ గా పరిచయం ఉన్న వెంకీ అట్లూరి ఇప్పుడు డైరెక్టర్ గా మారి హిట్ కొట్టాడు.

షార్ట్ ఫిలిం డైరెక్టర్ గా కెరీర్ స్టార్ట్ చేసి ఇప్పుడు పెద్ద స్క్రీన్ కి పరిచయం అయ్యాడు ప్రశాంత్ వర్మ. కథానాయకుడిగా వరుస విజయాలతో దూసుకెళ్తున్న నాని.. నిర్మాతగా మారి ప్రశాంత్ వర్మను దర్శకుడిగా పరిచయం చేస్తూ తీసిన సినిమా 'అ!’. విభిన్నమైన.. ఆసక్తికర ప్రోమోలతో ఈ చిత్రం ప్రేక్షకుల్లో క్యూరియాసిటీ తీసుకొచ్చింది. హిట్ ట్రాక్ తో కలక్షన్స్ రాబడుతుంది ఈ సినిమా. 

Don't Miss