'నారా రోహిత్' కు సిక్స్ ప్యాక్ వచ్చేనా..

12:52 - December 7, 2016

నారా రోహిత్..టాలీవుడ్ నవతరం హీరోల్లో ఒకరు. వరసుగా సినిమాలు చేస్తున్నా సరైన సక్సెస్ రావడం లేదు. బొద్దు బొద్దుగా ఉండే ఈ హీరోకు అత్యధిక సినిమాలు చేసే హీరోగా గుర్తింపు ఉంది. పలు సినిమాలు వరుసగా బాక్సాపీస్ దగ్గర బోల్తా కొట్టాయి. సినిమాల్లో మరీ బరువెక్కిపోయి ఎబ్బెట్టుగా తయారయ్యాడనే విమర్శలు ఉన్నాయి. ఇందుకు కారణం తన శరీర బరువు అనుకున్నాడే ఏమో కానీ బరువు తగ్గించాలని అనుకున్నాడంట. అంతేగాక సిక్స్ ప్యాక్ హీరోస్ క్లబ్ లో చేరాలని అనుకున్నాడంట ఈ బొద్దు హీరో. ఇప్పటికే 'అప్పట్లో ఒకడుండేవాడు'తో పాటు, రాజకుమారి' సినిమాల్లో కూడా 'రోహిత్' లావుగా కనిపిస్తాడని టాక్. దీని తరువాత యాక్షన్..డ్రామాతో ఓ చిత్రం తెరకెక్కుతోందంట. ఈ సినిమా కోసం 'రోహిత్' న్యూ లుక్ ట్రై చేస్తున్నాడట. అతను జిమ్ లో చెమటోడుస్తున్న ఫోటోలు ప్రస్తుతం సోషల్ మీడియాలో హల్ చేస్తున్నాయి. స్పెషల్ ట్రైనర్ సమక్షంలో రోజుకు ఆరు గంటలు జిమ్ లో వర్కవుట్స్ చేస్తున్నాడు. ఫిబ్రవరిలో ఈ చిత్రం షూటింగ్ ప్రారంభమౌతుందని తెలుస్తోంది. అప్పటి వరకు సిక్స్ ప్యాక్..లేదా ఫిజిక్ మారుస్తాడా ? అనేది వేచి చూడాలి. 

Don't Miss