మోడీని శివప్రసాద్ ఏమన్నారో చూడండి...

11:35 - July 25, 2018

ఢిల్లీ : ప్రత్యేక హోదా ఇవ్వాలంటూ పార్లమెంట్ ప్రధాన ద్వారం వద్ద టిడిపి ఎంపీలు ఆందోళన చేశారు. హోదా ఇవ్వాలంటూ ప్లకార్డులు పట్టుకుని నినాదాలు చేశారు. రోజుకో వేషధారణలో వస్తూ ఆకట్టుకుంటున్న చిత్తూరు ఎంపీ శివ ప్రసాద్ మరో వేషధారణలో కనిపించారు. మరో వేషధారణలో ఎంపీ శివప్రసాద్...ఉయ్యాల వాడ నరసింహారెడ్డి వేషధారణలో వచ్చిన ఆయన ప్రత్యేక హోదా ఇవ్వాలంటూ నినాదాలు చేశారు. ఈ సందర్భంగా మీడియాతో ఆయన మాట్లాడుతూ...
 

'సమర శంఖం పూరించిన స్వతంత్ర సమరయోధుడు ఉయ్యాలవాడ. తెల్లదొరలను ఎదిరించిన ధీరుడు...ఉరికంబం ఎక్కిన గొప్ప విప్లవకారుడని తెలిపారు. ఆత్మ స్వరూపుడైన హోదా కోసం పోరాడుతున్న ప్రజలను ఆవహించాలి. మిస్టర్ మోడీ...ఆయన కన్నా గొప్పవాడివా ? ఏమయ్యా..మాట ఇచ్చి తప్పావు కదా...ఐదు కోట్ల ప్రజల ఆగ్రహానికి గురైన మోడీ..పదవిలో కొనసాగేందుకు అర్హుడివా ? ప్రజలు సమస్యల్లో ఉంటే విదేశీ పర్యటనలు అవసరమా ? నీ పతనం ఖాయమైంది..రాజ్యసభలో ఇచ్చిన అవకాశం కోల్పోయారు. ప్రజల ఆగ్రహానికి గురి కాక తప్పదు' అంటూ తనదైన శైలిలో మాట్లాడారు. 

Don't Miss