కేరళకు విరాళాల వెల్లువ..

17:53 - August 31, 2018

కేరళ : భారీ వరదలతో అతలాకుతలమైన కేరళకు దేశవ్యాప్తంగా విరాళాలు వెల్లువెత్తుతున్నాయి. ఇప్పటివరకూ కేరళ ముఖ్యమంత్రి డిస్ట్రస్ రిలీఫ్ ఫండ్‌కు 1,027 కోట్లు వచ్చినట్టు అధికారికంగా ప్రకటించారు. వరదల బారినపడిన కేరళకు 4.76 లక్షల మంది ఆన్‌లైన్‌లో విరాళాలిచ్చారు. ఎలక్ట్రానిక్ చెల్లింపుల ద్వారా 145.17 కోట్లు, యూపీఐ ద్వారా 46 కోట్లు, డైరెక్ట్ డిపాజిట్లు, చెక్కుల రూపేణా 835.86 కోట్లు వచ్చాయి. వందేళ్ల కేరళ చరిత్రలో మునుపెన్నడూ లేని విధంగా విపత్తు సంభవించింది. ఈ విపత్తు కారణంగా 20 వేల కోట్లకు పైగా నష్టం సంభవించింది. కేంద్ర ప్రభుత్వం కేరళకు 600 కోట్ల ఆర్థిక సహాయం అందించింది. ప్రపంచ వ్యాప్తంగా ఉన్న మలయాళి ప్రజలను కలుసుకుని విరాళాలు అందజేయాలని కోరనున్నట్లు కేరళ సిఎం పినరయి విజయన్‌ తెలిపారు. ఈ విపత్తులో సుమారు 483 మంది ప్రాణాలు కోల్పోగా, 14.50 లక్షల మంది 3,000కు పైగా సహాయ శిబిరాల్లో తలదాచుకుంటున్నారు.

Don't Miss