సావిత్రి పాత్రకు కీర్తి సురేష్‌ కంటే ముందు సమంతే

12:11 - December 15, 2017

విభిన్న కథా చిత్రాల్లో నటిస్తూ సమంత రాణిస్తోంది. ఇటీవల మహిళా ప్రాధాన్యత కలిగిన చిత్రాలు చేసేందుకు ఆమె ఆసక్తి చూపిస్తోన్న నేపథ్యంలో 'మహానటి' చిత్రంలో సావిత్రిగా నటించే అవకాశం మొదట సమంతనే వరించిందట. ఆ వివరాలను నిర్మాత స్వప్నా దత్‌ చెప్పారు. నాగ్‌ అశ్విన్‌ దర్శకత్వంలో అలనాటి మేటి నటి సావిత్రి జీవితం ఆధారంగా 'మహానటి' సినిమా తెరకెక్కుతోంది. ఇందులో కీర్తి సురేష్‌ సావిత్రి పాత్రను పోషిస్తుంది. సమంత మరో కీలక పాత్రధారి. ఈ చిత్రం గురించి స్వప్నా దత్‌ చెబుతూ... 'సావిత్రి పాత్రకు కీర్తి సురేష్‌ కంటే ముందు సమంతే సైన్‌ చేశారు. ఆ పాత్రలో కొత్త వారిని తీసుకుంటే బాగుంటుందని దర్శకుడు నాగ్‌ అశ్విన్‌ భావించారు. అందుకే కీర్తి సురేష్‌ని ఎంపిక చేసుకున్నాం' అని అన్నారు. 

 

Don't Miss