అది ప్రగతి నివేదన కాదు పుత్రుడి నివేదన : రేవంత్ రెడ్డి

18:08 - September 3, 2018

హైదరాబాద్ : పంచ్ డైలాగ్స్ తో ప్రత్యర్థులను ఉడికించే చిచ్చరపిడుగు రేవంత్ రెడ్డి సీఎం కేసీఆర్ పై పంచ్ డైలాగులు కురిపించారు. టీఆర్ఎస్ పార్టీ ప్రతిష్టాత్మకంగా చేపట్టిన ప్రగతి నివేదన సభపై ప్రతిపక్షాలు విమర్శలు కురిపిస్తున్నారు. ఈ నేపథ్యంలో సీఎం కేసీఆర్ అత్యంత ప్లానింగ్ తో చేపట్టిన కొంగరకలాన్ లో జరిగింది 'ప్రగతి నివేదన' సభ కాదనీ, 'పుత్రుడి నివేదిక' సభ అని రేవంత్ రెడ్డి ఎద్దేవా చేశారు. కుమారుడు కేటీఆర్ బెదిరింపులకు లొంగిపోయిన తండ్రి కేసీఆర్ ముందస్తు ఎన్నికలు అంటూ హడావుడి చేస్తున్నారని విమర్శించారు. కొడుకుకు సమాధానం చెప్పుకోని సీఎం తెలంగాణ ప్రజలకు ఏం సమాధానం చెప్పేందుకు ప్రగతి నివేదన సభ పెట్టారని ప్రశ్నించారు. ఈ సభకు వందలాది కోట్ల ప్రజాధనాన్ని దుర్వినియోగం చేసిన కేసీఆర్ ప్రజలకు సమాధానం చెప్పాలని డిమాండ్ చేశారు. తెలంగాణ స్వరాష్ట్రం కోసం ప్రాణత్యాగం చేసిన 1200 మంది సంగతేంటని? కాంగ్రెస్ నేత రేవంత్ ప్రశ్నించారు. 

Don't Miss